ماينسيني صبري وشقاي الا شوفتك

56

تركي: وش اسوي سعود اخذها
هاشم: ليه ما قلتي لي اخطبها لك قبل سعود
تركي: ما كنت واثق بتوافق علي
هاشم: والحين ؟!
تركي: احس بتفكر توافق علي
هاشم: بحاول ادبر لك الموضوع وتصير لك
تركي وهو مستانس راح حضن ابوه وقبل راسه ونطق: الله يخليك لي
هاشم ابتسم ونطق: ويخليك لي يا ولدي
هاشم: امش ندخل عندهم
تركي: تمام
دخلو وجلسو وتركي حس براحه كبيره جداً عشان ابوه

بعد ساعات اخر الليل :-
ابو سعود: نستاذنكم بنرجع البيت
سعود: مع السلامه
ودعوهم وطلعو
تركي انسدح ونطق: الحمدالله انسدح تعبت
سلطان وهو يضحك: من الصباح اشوفك تتحرك تبي تنسدح بس مستحي
تركي: يرجال ضهري تكسر وانا مصنم
اوس: اقسم بالله وانا
وافي: شرايكم نطلع الحوش ونشب نار ونطلب البنات يسوون لنا شاي نعناع
تركي: يلا نطلع نجهز برسل لوسن تسوي لنا
اوس ضحك وتحمس يذوق شاهيها نطق: يلا
طلعو وجابو جلسه وجلسو وشبو النار تركي فك جواله وارسل لوسن
المحادثه:-
تركي: وسن
وسن: عيونها
تركي: يالبى العيون
وسن: امرني
تركي: ابي شاي نعناع عادي تسوين لنا؟
وسن: بخلي هيام تسوي شاهيها لذيذ وتسوي لي لني ابي
تركي يضهر عدم الاهتمام: اي وحده ما يهم
وسن باستغراب : افا ما تبي هيام؟!
تركي: ابي شاي لي وللعيال
وسن: شكل ما تبيها تسوي عشان العيال ما يعجبونهم
تركي: قلت اي احد ما همني
وسن: زعلان؟
تركي: لا
وسن: اجل غصب عنك تسوي هيام وتذوقه
تركي: تمام
قفل جواله وكمل مع العيال جلس يفكر سبب لفعلته انه ما يبي شاهيها ما يعرف ليه سواها حوال يطنش التفكير ويسمع سوالفهم

عند وسن:-
هيام مستانسه لن اوس قاعد يرسل لها صور له وهو صغير وحاطها مع صور له وهو كبير حطهم سناب وشافتهم وكانت تبتسم نادتها وسن
وسن: هياميي
هيام: عيونهاا
وسن: عادي تسوين لنا شاهي وللعيال مايضبط معي احب شاهيه
هيام تركت جوالها على الطاوله مفتوح: من عيوني
وسن مرت من عند الجوال وشافت اوس وهو صغير ما شافت وهو كبير قالت لا شعورياً: الله من ذا البزر الكيوت
هيام وهي تضحك: اوس
رمت الجوال وسن وقالت: اوه بلغلط اسف
هيام: شدعوه كنت بوريك اساسا
وسن: احسب ولد صاحبتك
هيام: لا اوسي يجنن
وسن حاولة تغير السالفه: المهم وش سالفة خالد ذا
هيام توترت ما تدري حتى اسمه صايره تخاف منه: يمه لا تذكريني فيه امانه
وسن: تركي حاقد عليه
هيام: الله يلوم الي يلومه خطفني سبوع كامل وهو سبب جرح تركي وحسام
وسن. بصدمه: اما انو سبب جرح تركي؟!
هيام: ايي
هيام خلصت الشاي ومدته لوسن: امسكي عطيهم انتي
وسن اخذت الصحن وتنطق: بخلي تروكي يمدح شاهيك
هيام ضربتها وتنطق: اص لا يسمعك احد
ضحكت وسن وراحت ترسل لتركي يجيها عشان تعطيه الشاي
وسن: هيام تركي بيجي روحيي
هيام: تمام
راحت هيام لان المطبخ فيه باب يطل على الحوش
دق تركي وتنطق وسن: ادخل
دخل تركي ومد يده لشاي
وسن: بسم الله واضح تبي تهرب وش فيك اصبر على الاقل اكلمك
تركي: هاه شتبين
وسن: والله اعرف فيك شي انطق
تركي: مافيني شي
وسن: الا فيك عنيد بس انا اعند
تركي: غصب الا يصير فيني شي؟
وسن بغصه: تركي تراني اعرفك اشبك كنت تقول لي كل شي شصار
تركي رفع صوته شوي: طيب تبين تطلعين فيني شي وانا مافيني شي بس مالي خلق لشي غصب؟!
وسن بدت تبكي وتناضره وتنطق بزعل وبكي: انقلع خذ شاهيك واطلع يحمار محد يسال عنك افف
عطته الشاي وكانت بتروح وناداها تركي: وسن
وسن بعصبيه: شتبي؟!!
تركي حس بتانيب ضمير وراح لعندها وسحبها لحضنه وحضنها ونطق: والله متضايق بس مالي خلق لشي مابي اضايقك زياده
ضربت وسن صدره وتنطق وهي تبكي: تعرف ابي تشاركني كل شي انت اخوي يحمار
بعدها تركي وناضرها وضرب ارنبة انفها ونطق: زعوله تم من عيوني اصير اقول لك كل شي بس لا تزعلين
ابتسمت وسن تنطق: ليه احبك ونت حمار؟!
تركي : محد يحبني الا انتي
وسن ضربت راسه بشويش: لا تغلط تراك محبوب
تركي رغم انها بشويش الضربه لكنها حركت راسه واجد فا اشتد الجرح بشويش وتعور وحاول انه ما يوضح لها : يلا بروح للعيال لا تزعلين علي واذا زعلتي ارسلي لي اي شي تبينه اراضيك فيه
وسن: جويي من عيوني ارسل لك الي ابيه وبعد ترا الي من هيامك
تركي ابتسم ونطق: يلا بايي
طلع وذاق الشاهي وعجبه وادمنه كل ما يخلص كوب يصب الثاني والعيال مصدومين هما اكتفو بكوب واحد لكن تركي ما توقع انه يحب الشاهي حقها يحسب انه زي اي شاهي يذوقه
صدق كلمت وسن الي قالتها (بخلي هيام تسوي شاهيها لذيذ)
ابتسم وكمل كوبه

عند وسن:-
راحت الحمام تحاول توضح انه كانت تبكي وطلعت عندهم مبتسمه وتنط
دلال : الله الله وش ذي الطاقه والابتسامه
هيام وهي تعطيها نضرات: الله يديمها بس
شوق: تهبل وسن اجلسي كذا تنطين ومبتسمه
اريام: اشتقت لك وتو كنتي عندي
وسن راحت عند اريام وجلست جنبها وجلسو ويسولفون
بعد نص ساعه فتحت جوالها واسندت راسها على كتف اريام وارسلت لتركي
المحادثه:-
وسن: ابي هديه
تركي: وش تبين
وسن: ابي سوارا تو طلعت ترند بس ترا غاليه مالي دخل ابيها هي
تركي: ما يغلا عليك شي
وسن: يناس يلوموني بحبك بالله
تركي: عطيني حساب السواره الي منزلينها
وسن: تم ارسله لك الحين
ارسلت له وسن الحساب وتنطق: عادي مو الحين تاخذها لي
تركي: تمام
وسن: تم

واقعنا:-
اريام: ايي بنات الاسبوع الجاي ملكتي
شوق: ايي توني بقول لهم ذكرتيني
وسن: خير ما تعلمونا نتجهز
ايلاف: منجد ليه ما تعلمونا بدري
هيام: هذا هم علموكم قبلها بسبوع
امجاد: اخير تشوفوني كاشخه بدل ذي البجايم
غرام: منجد تو استوعب مقد شافونا كاشخين
ايلا: ولا حنا الله لا يفشلنا
وسن: اقسم بالله جمال حتى ونتم مو كاشخين
اريام: احمدو ربكم ما تكشخون وتمسحون وتعالجون يومياً
شوق: منجد كل يوم اكرف وجهي
ايلاف: منجد الحمدالله
دلال: دلوعين عادي سوو ميكب وبعدها امسحوه وحطو ماسكات زيي
هيام: والله يروحي ما نكرف وجيهنا زيك يومياً طن ميكب
دلال: الحين بسالك انتي وش حاشرك فيني من وقت ما جيت ونتي فوق راسي
هيام استوعبت لكن حالفه انها ترد: زي ما انتي فوق راسي
دلال: الله لا يبلانا بس افف
هيام طنشتها ولفت جوالها للبنات: بنات بطلب فستان لملكة اريامي شوفو حلو
وسن: الله يجنن خير وانا ابي
هيام: اطلبي معي من نفس الموقع
وسن : عطيني الحساب
شوق: وانا بعد عطيني
غرام: ارسليه بل قروب كلنا نبيه
بدو البنات يتسوقون ويدورون فساتين لملكة اريام

عند العيال:-
اوس : تدرون ما توقعت سعود يخطب عندنا
سلطان: ولا انا
وافي: اوس تحس بتوافق عليه؟!
اوس: احس لا اختي تبي واحد زي مواصفات الي ببالها غير عنه
سلطان: غريبه عاد ترا سعود كامل ماشاءاللهوالكامل الله
تركي كان منصت وجاه فضول بل مواصفات الي تبيها ونطق: الشاهي لذيذ اخخ بطني
اوس : ماشاءالله عليك خلصت الثلاجه
تركي: قلت لكم تشربون رفضتم عاد مالي دخل
ارسل هيام لاوس فتح جواله
المحادثه:-
هيام : مدحتك تخيل وسن
انخرش اوس وكتب: مدحتني بوش
هيام:شافت صورتك ونت صغير وما درت انه انت وعلمتها وانخرشت
اوس ضحك وكتب: وش قالت
هيام : قالت الله من ذا البزر الكيوت ملامحها تشرح قد ايش عجبتها ونت بزر
اوس ابتسم واستانس: استحيت

( اللهم لا تجعل روايتي تشغل عبادك عن ذكرك)