ماينسيني صبري وشقاي الا شوفتك

104

حسام: توني اشوف الجوال
نواف وهو يحاول يهدي من توتره وعصبيته لان حسام ما رد عليه ينطق: فينك؟؟!!
حسام: ليه شتبي
ينطق نواف بحده: حسام فينك!
حسام: هذاني بل بر الي قرب الاستراحه الي جنب البقاله
نواف: الحين كم دقيقه وانا عندك
حسام بقلة حيل: تمام
حرك نواف يمشي لحسام
.
.
بعد عدة دقائق وصل نواف ينزل عند حسام يوقف حسام عشان يسلم عليه يمسكه نواف يضرب راسه بشويش ينطق: شفيك ما تهتم ولا تعرف ان حنا نفكر فيك يحمار
ابتسم حسام ينطق: اتمنى لو شخص بعد ينضاف معكم
نواف عاقد حواجبه: ليه ما تكتفي فينا
حسام جلس وجلس نواف معه يسولفون

عند العيال المجلس:-
تركي: يعيال مو حسام على اساس بيجي؟
ايوان: ايي منجد كان بيجي وبعد نواف
اوس: مدري عنه ارسل له ما يرد علي اما نواف قال يجي بكرا موا وحده يسهر معنا
سلطان: ولا انا ادق وما يرد عليي
تركي وهو حاس بقلبه حسام فيه شي من يومين ينطق: بجرب ادق عليه
ايوان: جرب لعلى يرد عليك انت
طلع تركي للحوش يدق على حسام لف حسام يشوف الرقم وكان تركي حس حسام بشعور انه لازم يرد يحس تركي بيفهمه ليه ما يدري فتح جواله يرد ينطق: هلا تركيي
تركي: فينك يرجال
حسام: هذاني بل بر كنت لحالي وحشرني نواف الا يجي
تركي:هذانبي بحشرك بعد واجي
ما ترك تركي رد لحسام يقفل وينطق للعيال انه بيروح لشغل
كل العيال مستغربين بس ما ابدو اي اهتمام يحسون المواضيع ما فيها شك لانهم بلل احص مو دقيقن لو يدققون لاحضو

حرك تركي السياره يرسل لحسام يرسل له المكان وارسل له حسام المكان وتوجه لعندهم
نواف: والله يا ان تركي اخ وسند برغم توني اعرفه
ابتسم حسام ينطق: ومحزم بعد
نواف: انشهد
وصلت تركي ونزل عندهم بكامل هيبته ويروح يناضرهم بخبث ينطق: شكل الجلسه غير مرغوب فيني
نواف: حاشا ابد نبيك
حسام مبتسم: تونا نمزح فيك اجلس
ابتسم تركي ينطق: ايوهه حسام
حسام: وش
تركي: ترا لي ثلاث ايام ملاحظ عليك وما نطقت بشي
نواف: انطق يا حسام واختصر علينا الموضوع
حسام: طحت على وجهي ومحد سمى علي
تركي وهو عاقد حواجبه: لذي الدرجه يقلب نفسيتك وجهكك
حسام بضيق: ما تبادلني الشعور تحب احد ثانيي
تركي ونواف مصدومين يفكر تركي بداخله (احد يلومه والله لو انا اسوي اكثر من كذا) وفكر نواف يفكر(لذي الدرجه الحب يسوي كذا احسهم يزودونها كل المحبين)
حسام لف لهم من شاف هدوئهم ينطق وهو مبتسم: اكيد واحد يلومني واحد ما يلومنيي
تركي: ولله شي كبير ما توقعت كذا
نواف: طيب الي تحبه معنا هنا؟
حسام: من اولاد الرياض
نواف: مافي احسن منك والله العظيمم
حسام: بعد في شي
تركي بخوف على حسام: انطق
حسام: بروح دوره شهر ونص العسكريه ووقتها بيجي قد رجعتم الرياض واخاف يصير شي بينهم
نواف بذهول: انقبلت؟؟؟؟
حسام مبتسم بخمول: ايي تو كلمني امس
نواف: يرجال خيرهه ما تدريي يمكن ربي كاتب لك كذا واخر شي بتتيسر
تركي: وشهر ونص؟؟!!
حسام: ايي مدري ليه قللو واجد علي بس الحمدالله انا مقدر اصبر ٦ شهور
تركي: ومتى بتروح؟
حسام: بعد عرس نواف بيوم
نواف: الحمدالله وهو بعد عرسي لو قبل عرسي مالي دخل بدبر واسطه ترجع
تركي : وعرسي يحمار ترا توني افكر احط عرسي قريب
حسام: عند العيال سند وضهر بدالي
تركي: بس مافي زيكك
حسام ابتسم مايدري ليه يرتاح واجددد لتركي ينطق: الود ودي اكون اول الحاضرين لكن ربي كاتب
ترك ونواف بنبره وحده: والحين وش بتسوي
حسام: اسوي وش
تركي: بلي طيحتك
حسام بضيق وهو منزل راسه ويناضر القمر ينطق

اهوجس فيه واضرب خطوط الخيال
واسافر بالتفكير وانا محلي محلي

ابتسمو تركي ونواف بضيق على حسام يلف لهم حسام مبتسم ينطق: فزو خلونا نروح للعيال اكيد بيقولن فين حنا
نواف وصلته رساله من جمانه يفتح جواله يشوف
المحادثه:-
جمانه بخوف: نواف امانه رد لي خبر لي ساعه انتضرك ما عطيتني اي خبر

(اللهم لا تجعل روايتي تشغل عبادك عن ذكرك)