ماينسيني صبري وشقاي الا شوفتك

129

نواف: مادري وش اسمها لكن قال انها اخت وافي
جمانه مذهوله وقفت تنطق: احلف؟!
انذهل نواف منها ينطق: ايي ليه
جمانه علشان تتاكد تنطق: تعرف اسم الي تحبه؟
نواف: قال واحد اسمه يوسف ليه
فزت تنط وتصفق مستانسه تنطق: الحمدالله
نواف: الحمدالله على وشو ان ذيك ما تحب اخوك؟!
جمانه: تحبه تحبه بس هي حماره وهو حمار
نواف: حلو اجل الحين ابي ننام ترا ورانا سفر الساعه تسعه بليل لا تطير علينا الطياره
جمانه: تمام
وقفت تنضف الاكل وقف ينضف معها الاكل ورجعو وقفو قدام بعض جمانه تبي تصارح نواف ماتبيه ينام معها ونواف يبي يصارحها مايبيها تنام معه لاحظ نواف انها متوهقه وفهمها نطق: بنام على الكنبه ونتي على السرير
ارتاحت جمانه تهز راسها بل ايجاب وتروح على السرير تنسدح
وتغط بنوم وكذالك نواف

وصل تركي الرياض ووقف عند بيتهم ينزل يطلب له اكل وياكل وينام يرتاح وصل الاكل واكل ونام صحى الظهر عشان يصلي ويتوجهه للمسجد يصلي عشان يروح شغله يجهزون للمحكم الي هي بكرا حس بشعور وده كوفي شاف على طريقة ستاربكس واخذ يتوجهه له دق تركي على وسن واستغرب انها ما تد ودق مرا ثانيه وثالثه ورابعه كان جداً يبيها لانه تذكر انه نسي اوراق بغرفته ولازم كان يجيبها ويبيها تصورها ما عنده حل الا انه يدق على هيام دق على هيام،،تسلمت هيام من صلاتها تسمع جوالها يدق استغربت وقفت تروح تشوف الا هو تركي اخذت تفكر ترد او قفل ورجع دق وشافت انه مصر ردة تنطق: الو
تركي: الحمدالله حنت وحده وردت علي
هيام: شبغيت
تركي: اشبك جافه كذا ما تساليني اذا وصلت بسلامه ولا انا بخير ولا شي!؟؟
هيام: دقيت تعاتب؟
تركي: اصبري يروحي
نزل تركي وقال طلبه وكان اسبريسو
الي تاخذ الطلبات بدلع: تبي بعد شي ثاني؟
رفعت حاجبها هيام من صوت دلع ذيك البنت عرفت انه بكوفي
رد تركي: لا شكراً
البنت انفتنت بجمال تركيي بس شافته تنطق وعيونها قلوب: العفو
رفع تركي جواله لاذنه يكمل مكالمته وهيام اشتعل فيها النار من الغير صح ان تركي ما غلط ولا سوا شي ودايم تصير هل مواقف بس حست بغيره بكونها مو معه وهذيك متامله فيه
تركي: هياميي
هيام وهي تحاول عد ضهور غيرتها وعصبيتها : هلا
ابتسم تركي لانه عرف من صوتها انها معصبه وغيرانه ينطق: ايي يروح تركي دقيت على وسن ما ترد عادي تشوفينها لي
كان يبي يبين لها انه مشغول ومو فاضي يكلم احد ردة هيام: ايي هذيي وسن بصاله مع البنات اعطيها الجوال؟
تركي: لا كلميها تكلمني
هيام: تمام
تغلى تركي وقفل وهو يهمس: استودعتك الله
ما سمعته هيام ودها ما يقفل يخلي المكالمه حتى يطلع من الكوفي لان مو مرتاحه ابد خاصه انه ما عطاها وجه واجد زي العاد،،كان متعني يثير غيرتها وحاول انه يتغلى شوي عليها ابتسم من عرف انها غارت وعارف انها متضايق انه قفل

عند سلطان:-
وصل المحكمه بعد ما كلم ابو روح انه يجيب روح لانها لازم تشهد ضد ابو البنت انه يعنفها دخل سلطان مكتبه ينتضر ابو روح وروح واخذ يشوف الفيديو حق الكميرات وقت الاب ضرب بنته بنص متابعته دق الباب نطق: تفضل
ملهم: سلطان جات الشاهده
سلطان: خلها تدخل
دخل ابو روح وروح وابتسم لهم ينطق: تفضلو
دخلو وجلسو،،كانت روح متحمسه عشان تاخذ حق البنت من ابوها وبعد متحمسه ترجع عشان تعلم البنات بل سالفه
وقف ابو روح ينطق: متى تبدا المحكمه وكم يبي لها؟
سلطان: يبي لها ثلاث ساعات كذا ومتى تبدا بتبدا بعد نص ساعه ليه؟
ابو روح: اذا ما عليك امر بخلي عندك روح وبروح جاني شغل ضروري وبرجع اجي لها
انذهلت روح من كلام ابوها تعرف ابوها منفتح وعاد وواثق فيها بس ماتبي تكون لحالها من سلطان ابد لو دقيقه
هز سلطان راسه بل ايجاب رجع كمل كلامه ينطق ابو روح: انا واثق فيك وانت مثل ولدي عشان كذا مرتاح لو اخليها معك
ابتسم سلطان ينطق: ونعم بابوي الثاني
ابتسم ابو روح يطلع يترك روح بصدمتها نزلت راسها روح حيا منه قاطعها ومد ورق ونطق: عبي معلوماتك لازم
رفعت عيونها تناضر الورقه وتمد ايدها تاخذها منه وهي ساكته تبدا تعبي معلوماتها كامله واخذت وقت عشانها تفحت جوالها وتعبي منه لان نص معلوماتها بجوالها ابتسم سلطان يتاملها بدون تحس ولا تدري خلصت جمانه ورفعت عيونها ولف بنضره بسرعه يبعد نضره عنها مدت روح الورقه اخذها اخذت ترجع على جوالها تسلي نفسها تتابع مسلسلها حتى تبدا المحكمة