ماينسيني صبري وشقاي الا شوفتك

34

هيام :  هااا؟
تركي: انطقي
هيام: طيب جاوبتك ما قلت شي خلني اعالجك ولا طلعت
سكت وترك يدها وكملت تعالج جرحهه وهو يناضر عيونها لن ما يشوف ولا شي من النغاب الا عيونها سرح فيهم
هيام: خلصت يلا نام بطلع يكفي سرقت غرفتي وسريري
ونا توني رجعت من جحيم
تركي بفرح انه سريرها وغرفتها: تمام

المطبخ:-
كاانت عطشانه وتبي تاكل لها شي راحت المطبخ من لقت وهي مصدومه اريام وسن باقي صاحين ونطقت: ما نمتو انتو
وسن بضحك: قلتي ساعتين جلستي ثلاث ليه؟!
هيام ضربتها ونطقت: معليك مانب حاجة اخوك بس جلس اعالجه بشويش عشان ما يتالم لن ما في بنج
هو راح الحمام وطلع وسمع كلمة( ماني بحاجه اخوك) وحزت بخاطره كمل للغرفه يرجع على السرير مقهور من كلمتها اخذ المخده يحضنها ويشد عليها واخذه النوم
وسن: اخوي رجال كفو كل بنت تتمناه
اريام من وصلتها رساله خلتها ما تتحرك وتفتح فمها بشكل كبير يرتخي جسمها كلهم ناضروها وهيام راحت عندها بسرعه تشوف وش فيه
هيام بخوف: بسم الله عليك اريام فيك شي جاك شد عضلي شي؟!!
وسن من الخوف بدت ترجف : اريام هي وش فيك
اريام: اسمعو هيام شوي لك اكله ونتي وسن سوي لنا عصير وتعالو الغرف حقي نسهر فيها تمام بسبقكم واقول لكم السالفه وقتها
طلعت اريام الغرف جري وكانت الرساله من وافي كاتب(انا وافي مادري اذا تعرفيني او لا بس صاحب تركي انا ابيك على سنة الله ورسوله وبكرا جاي اخطبك انا واهلي بل بدايه اعجبت فيك وبشخصيتك ولكن شفت اهلي معجبين اكثر فيك فا حسيت انك الزوجه المناسبه لي فا حبيت اعطيك خبر ويارب ما انكسر)
بدلت هيام ملابسها ولبست لها سورال بيج وتيشرت قصير بني و خلصت وسن العصير وهيام الاكل وسوت هيام لهم معها اخذوهم وطلعو لها وبدت تقول لهم
رتبو الاكل وصورو وبعدها جلسو بعد الاكل وبدو يسولفون من انسدحت وسن على فخذ اريام ونطقت
وسن: يلاا اريامي انطقي السالفه الي كانت روحك بتطلع منها
اريام: وافي ارسل لي
فزت وسنتجلس وتناضرها : احلفي
هيتم ماسكه على منطوقها: وش يبي
اريام: بيخطبني بكرا
ناضرو بعض وسن وهيام مصدومين ونطقو مع بعض: ورينا الرساله
اخذت اريام جوالها وفتحته وعطتهم قرو الرساله وابستمو وقالو وهو يضحكون : طاح على وجهه الرجال
اريام بتوتر وخوف: خايف
دخلت امنه الغرف تفتحها وتشوفهم لسى صاحين ونطقت بعصبيه: مو قلت لكم تنامون عندنا بكرا مناسبه؟!!!
هيام بصدمه : اي مناسبه؟
ضربو روسهم اريام ووسن ونطقو مع بعض: نسينا نعلم
ناضرتهم هيام ونطقت: وش تعلموني
وسن: ابوك مسوي مناسبه عشان سلامتك
هيام: لسى نفسيتي ما تدعم
امنه راحت تحضن بنتها وتنطق: احبك ونتي بحضني وتحت انضاري لا تختفين عني مرا ثانيه
هيام  بادلتها الحضن بغصه: اعشقك يا مامي والله
امنه نادت اريام بعد تحضنها معهم وناضرت وسن ونطقت امنه: تعالي وسونتي بعد انتي بنتي
وسن وتبادلها الحضن بغصه: احسك اميي
قبلة روسهم كلهم ونطقت: الحين تنامون فاهمين ونتي هيامي نامي معهم هنا بحكم ان تركي ماخذ غرفته وسن بعد معكم
هزو راسهم بل ايجاب وطلعت من نطقت وسن : بقول انا سالفه وننام
هيام: انطقي سريع سريع
وسن انسدحت على فخذ اريام ونطقت: اول شي بقول الصراحه وما اخبي عليك وخاصه انتي يا هياميي تركي يحبك ودايم يسالني عنك اول مرا تتغير نفسيته من اربعسنوات ولا مرا روق ابد ولا مرا وقبل فتره جانا مروق وفرحان ويعم البيت كله ويتبخر ويبوسني ويسولف ويطقطق من عرفت انك السبب بس عشانك وضحتي له انه اهم من عبدالله بدرجه لكن انقلب حاله ميه وثامنين درجه وقت انخطفتي وابوي وامي عرفو انه يحبك لنه من انخطفتي ما ياكل ولا ينام ولا يطلع من غرفته الا لدوامه ويوج ولا يكلم احد
كان انسان ثاني جداً وكان يحاول ويتمتم ويدعي ربه ان يحفضك

هيام انصدمت منه وانه يحبها وانه منجده يبيها على سنة الله ورسوله وكملت تسمع وسن
وسن: كلمه ابوي يخطبك اول ما ترجعين قال تركي لا يا ابوي خل حتى تتحسن علاقتنا لني واثق انها بترفضني
امي صارت تحبك اكثر واكثر لنك اسعدتي ولدها ولنك غيرتي فيه اطباع الحب امي من البدايه وهي تقول هيام غير عن الكل حتى شافت ولدها بعد هو يشوفك غير وادركت لك موقع بحياتنا
المهم انا ما اقول بك كذا يا هيام عشان شي بس هيامي اذا كنتي تبادليه نفس الشعور بيجي يخطبك وافقي عليه واذا كنتي ما تبادليه فهاذي حريتك ولا احد بيزعل عليك ابد راحتك اهم لكن لا تحسسيه ان رجال افضل منه لني ما اضمن لك عصبية تركي وبس والله هيامي انا استغربت من تغييره وقلت اقول لكم عشان نشوف التطورات مع بعض قامت وسن باست خد اريام وهيام وحضنتهم ونطقت: ربي ما رزقني اخوات لكن ربي رزقني ياكم وهذا اجمل شي بحياتي
هيام بغصه من كلامها: احبك وسونتي
اريام: انا بعد احبها
وسن ضربتهم بخفيف : اعشقكم راح اليوم وحنا نعطي بعض مشاعر يلا ننام

اليوم الثاني:-
هيام تضرب برجلها اريام وهي نايمه وتنطق: ارياااااممم قومي فكي الباب شوفي من يدق
وسن تتحرك وهي متضايقه من صوت الباب وتنطق: هااااه؟
اريام تضرب وسن : قومي وسن امانه
قامت وسن وشعرها على وجها ومبعثر وعيونها غصب تفتحها فتحت الباب وتحاول تشوف من ما كان واضح ونطقت: وش ابي انام
اوس مصدوم من شكلها وفيه ضحكه وانصدم انها جت هي رغم انه نادا اريام او هيام بس جت وسن وسن ونوم بعيونها: من انت ما اشوفك انطق
اوس بضحكه: ابي هيام
فزت من سمعت صوته وفتحت عيونها لاخر شي وشافت اوس سكرت الباب ب اقوى ما عندها من فزو هيام واريام منخرشين
هيام غصب تفتح عيونها: بسم الله الرحمن الرحين وش صار
اريام وهي ماسكه يد هيام مو قادره توقف زين وتناضر وسن وسن من الخرشه صحصحت ونطقت بتسليك : الضيوف قالو بيجونا بنات ما عندي فستان ولا يمدي اروح ونتي يا هيام يبيك اوس
هيام : عندي فستان حلو بعطيك ياه بتطلعين بطله
اريام: روحي روحي عند اوس يبيك وانا بهتم ب وسن

راحت هيام عند اوس ووسن واريام يجهزون
اريام: شوفي هذا الفستان يجنن عليك
عطتها فستان سماوي اللون الحلق مربع وقصير الاكمام
وقصير تحت الركبه وعطتها كعب ابيض ونص من اكسسواراتها
لبست وسن الفستان برز خصرها الصغير جدا ونوعومة شكلها مع الاكسسوارات والميكب الخفيق كانت ايام تسوي شعر وسن ويفي وخلصت
وسن: اريامي احبكككككككك
اريام: اعشقكككككك
وسن قامت تحضنها وتبوسها وتنطق: يلا دورك

( اللهم لا تجعل روايتي تشغل عبادك عن ذكرك)