ماينسيني صبري وشقاي الا شوفتك

96

وقوله سبحانه: يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعْ اللَّهَ وَرَسُولَهُ فَقَدْ فَازَ فَوْزًا عَظِيمًا) (الأحزاب)
الشيخ : امسكوا ايادي بعض وكرروا بعدي
مد ابو جمانه يده لنواف ينطق الشيخ : زوجتك ابنتي
ابو جمانه: زوجتك ابنتي
نواف : قبلت هذا الزواج
الشيخ : ألف مبروك والله يتمم لكم
وقفوا يسلمون على نواف ويباركون له جلس يوقع الكتاب ووقعوا الشهود حسام و اوس، اخذ ابو جمانه وحسام الكتاب واتصل على ام جمانه طلعوا له جمانه وكانت جمانه ميته خوف و توتر ابتسم حسام لها مد لها الكتاب والقلم مسكت القلم وهي ترجف ومو قادره توقف وقعت وطلعوا من عندها رسميا وشرعا صارت زوجته من هلحظه باركوا لها والبنات دخلت الصاله وجلست واعتلت زغازيط ان نواف وهي
تتقدم تضمها وتبارك لها ايلاف
جلست بتوتر وابتسامه متصنعه انتبهت لصوت اشعار من جوالها وصلتها رساله (تبارك لكم وزاره العدل زواجكم ونتمنى لكم حياه سعيده )اخذت نفس بتوتر من رساله صارت زوجته خلاص وهي ما تعرفه ولا شي
رفعت عيونها تشوف ايلاف وامها مبسوطين ومستانسين فيها كزوجه لولدهم تبدا الحفله ويرقصون

بعد ساعه:-
دخلت ايلاف تنطق: جوجو يلا ادخلي مكان تقطيع الكيك
جمانه: يلا
دخلت هي وايلاف وام ايلاف وام جمانه تتقدم جمانه لمكانها بجانب العريس رفع عيونه مذهول من شدة جمالها ما توقع انها جميله لدرجه انها كفيله تطيحه على وجهه ، توترت تشد علي يدينهاا تتقدم وهي منزله عيونها للرض توقف على جنبه ، داهمت نواف ريحة عطرها المغريه تنحنح ويعدل وقفته
ام نواف مدت هديتها منها ومن ايلاف تنطق: حبينا نهديك طقم الماس انا وايلاف ان شاءالله يعجبك ترا اختارته ايلاف
ابتسمت جمانه ترفع عيونها للعقد والحلق والاسوار والخواتم تبتسم بحب لهم تنطق: ما قصرتم وهذا زود عليكم
ام نواف: ابد
الكل: ملبوس العافيه
ايلاف: نوافيي يلا لبسها العقد والحلق والاسواره اما الخاتم لبسها حق الزواج
نواف توتر لن ما توقع ينطلب منه هل طلب لف لجمانه يشوف توترها الواضح الي رغم انها تحاول توقف بشموخ ولا تبين شي لكن عرف من مجرد ما ناضرها ابتسم واخذ العقد ينتضرها تبعد عقدها الي كان عليها بعد ما خلصت ينطق: ارفعي شعرك
شمعت صوته المهيب والكبير والخشن لفت له كردة فعل واحاولة عدم توضيح ذالك اخذت جمانه تمسك بيدينها الثنتين تجمع شعرها وهو يناضرها حس هل لحظه ببطء كيف وهي تلم شعرها وكيف جميله لذي الدرجه ونحرها الفاتن وثغرها المغري يناضر ثغرها ويلف نضرها من خلصت رفع شعرها دليل على انه يحط العد قرب العقد لعنقها حست بانماله على عنقها تتحرك لخلف عنها الخشنه والجافه نواف حس بنعومة بشرتها البيضاء المائله للاحمرار يشم عطرها المنحط على عنقها رغم بعده الا انها وصلته تنحنح يقفل العقد ويرجع للخلف تركت جمانه شعرها الحرير ينتشر بحريته و ياخذ الاسواره ويركبها بقى الحلق نطق: عليك ذي
جمانه رفعت حاجبه وسكتت تخبي ردة فعلها تمسك الحلق وتلبسه وتبتسم
جمانه: خلصنا
ايلاف: يلا جوجو لبسي نواف الخاتم ونواف يلبسك خاتمك
اخذت جمانه الخاتم تلبسه وتشد عليه بدون تدري من التوتر ،عقدة حواجبه من شدت الخاتم عليه واخذ خاتمها ولبسها بطريقه حنونه عكسها مطنش حركتها يصفقون كلهم وبقطعون الكيكه وايلاف تصورهم وتنطق: امسكو يدين بعض يلا بصور
اخذ نواف يرفع يده ببتسامه شويه فيه خبث يبي يوترها اكثر يمسك يدها ويدخل انمالها بانماله ويرفع راسه مبتسم من شكل جمانه القامط والمصدوم صورتهم ايلاف وتنطق: الف مبروك
نواف وجمانه بنفس الوقت: الله يبارك فيك
طلعو وخلوهم لحالهم راحو جلسو
ينطق نواف: تعرفيني؟
جمانه: ايي زوجيي
نواف حس هل كلمه بشعور غريب اول مرا يجيه ما يدري حلو ما حلو نطق: لا اقصد تعرفيني من قبل
جمانه: لا فقط اعرف اسمك نواف واخو ايلاف وعسكري ما غير
نواف بابتسامه: اجل ليه توافقين وما تعرفيني ولا شي
جمانه: انت ليه خاطبني
نواف: ما تخافين لو يكون عندي ماضي سيء؟!
جمانه متوتره وتحاول ما تبين: ما اخاف من شي
نواف ابتسم: ولو اكون انسان مو صالح
جمانه توترت اكثر تنطق: الحين صاير زوجي وخلاص كنت كذا ولا مو كذا قبل شعلي اهم شي الحين
نواف: مدري اول مرا اشوف بنت توافق على احد ما تعرفه
جمانه بتوتر ولاكنها مو موضحه له ورافعه ضهره بشموخ تنطق: ونت كيف خطبتني وما تعرفني
نواف: امي خطبتك لي وقدر الله وصرنا على ذا الحال
جمانه وهي رافعه حاجبها ومتوتره: الحين مو عاجبك
نواف مستغرب: شدعوه ؟!
جمانه عدلت جلستها تنطق: بروح داخل
نواف: اصبري بكلمك بموضوع العرس
جمانه متوتره: وش
نواف: شوفي انا ابي العرس قريب وابوس بعد يبيه لن عنده سفره برا الدوله وبيطول هناك فا ابي اسويها وهو هنا
جمانه بتوتر تشد على يدينها وتحكها بنىالها : متى تبي ؟!!
نواف:مو عرس بنت خالتي بعد بكرا
جمانه بتوتر: ايي
نواف: ابيه بعده بيومين
جمانه بذهول وتوتر: بعد اربع ايام؟!!!
نواف ببرود: ايي
جمانه ما عند حل الا انها تتقبل نزلت راسها تنطق بهدوء : نواف متى يمديني اجهز
انخرش نواف وفز قلبه يدق بسرعه كبير من نطقت بحزن ورقه وانوثه ودلع مو اول مرا يسمع اسمه من احد لكن هاذي المرا كانت مختلفه واجد نطق وهو متوتر : تم بعدها ب ٦ ايام يومين زياده
ابتسمت جمانه تصفق بفرحه: ايوه كذااا يمديي
شاف وناستها وحس بشعور لطيف تجاها طنش الشعور ومايدري ليه يحس ان زواجهم هي عشان سبب وهو عشان سبب يحس بطاقه ايجابيه تنطق جمانه: بروح
نواف: تم
طلعت جمانه وراها نواف طلع عند الرجاجيل

مجلس الحريم:-
دخلت جمانه وراحت عند البنات تجلس
شوق: بسم الله عليك اخخ موت تهبلين نواف قضيتي عليه اكيد
جمانه ابتسمت: ما اكون جمانه لو ما اقضي عليه
ايلاف: وجهه قلب اول ما شافها ههههههه
ايلا بضحك : اما هههه اتخايله
هيام بابتسامه: خلاص الرجال طاح على وجهه
روح: شكله ما كان متوقع
امجاد: منجد شكل يحسب ذوق امه شي ثاني
غرام: لكن ام ايلافي ذويقه
جمانه حمرو خدودها تنطق: بنات لا تحرجوني
وسن: يالبى المنحرج
مها: ايي جوجو فينهم ذوليك الخرا
جمانه لفت وشافتهم بعيد ابتسمت بخبث تنطق: هذوليك قومو نسلم عليهم ونجلس جنبهم عندي خطه
ايلاف: انا عندي خطه قومو يلا
فزو البنات يروحون يسلمون على ذلوليكالبنات ويقهرونهم بجمالهم
البنات الي بل جامعه:-
البنت ١ : شوفو شوفو جمانه والي معها جاينن يسلمون
البنت ٢: شوفي مسويه هيبه مشيتها يععع
البنت ٣: اقول الصدق الي لابسه زيتي تجننن واو ماتوقعت عندهم بنات يجننون كذا بهلها""تقصد هيام""
اريام وصلت لهم تمد يدها اول وحده: سلام
سلمت عليهم وحده وحده وقعد بجانبهم بس شوي بعيد
وسلمو البنات حتى صار دور جمانه
تروح تسلم وتنطق بدلع: جيتو احسب ما بتجون
البنت ١ بخبث: ابد ليه ما نجي جوجو اكيد عزيزه علينا
جمانه: يروحيي محد عزيز غيركم
البنت ٢ بدون استيعاب: ما توقعت تتزوجين
دفتها بنت من البنات وتنطق جمانه: وليه يعني
البنت ٢ استوعبت تنطق: ابد احس ما تبين تتزوجين الحين اقصد
جمانه: جا نصيبي وقدر ربي وتزوجت يلا بروح استاذكم
راحت وجلست وبدت ايلاف تسولف متعنيه يسمعونها الشله تنطق ايلاف: تخيلو نواف يحب جمانه وخق عليهاا
جمانه تدري انها تكذب بس عشان ينقهرون
ايلاف: تخيلو اول ما شافها مسك يدها وحضنها وباس راسها
شوق: منجد احس يحبها اخخ الله يخليهم لبعض
وسن: عاد جا جوجو رجال ماشاءالله مززز يجنن ماشاءالله
جمانه: الله يحفضه حبيبي
ضحكو البنات وغيرو السوالف يكملون السوالف
عند بنات الجماعه:-
البنت ١: شكله حليل الرجال
البنت ٢: احس ما تستاهله
البنت ٣: تحمست اشوفه كيف كيوت كذا يع ما يليق اكيد على جمانه
نادو للعشى ودخلو المعازيم يتعشون

(اللهم لا تجعل روايتي تشغل عبادك عن ذكرك)