ماينسيني صبري وشقاي الا شوفتك

137

دخلت المطبخ وفيها صيحه من الغيره الي تحس فيها تحس ودها تقطع البنت قطع من الغيره ما تدري ليه بعد تحس ان مالها حق تتكلم لان علاقتها مع نواف مو حلوه كبت المويه الحاله على الشاي واخذته وطلعت وحطته قبال نواف ونواف يبي يبرر لها يفهمها الموضوع على الاقل ما تزعل منه بس يحس شي غريب ما يعرف يراضي احد ابداً تركت جمانه الشاي لنواف واستغرب نواف يشوفها ما سوت لها اخذت تروح ترمي نفسها تنسدح على السرير وتغطي نفسها تبكيي حس نواف بشعور غريب اول مرا جمانه تاخذ عنه فكر مو حلوه انه يلعب مع بنات ويدخل معهم ويبسط معهم اخذ يطلع من اللعبه ويطفي التلفزيون ويروح يجلس على الكنبه الي قبال السرير ينسدح يناضرها وهو يحاول يفكر كيف يبرر لها

اليوم الثاني
عند تركي:-
توه قايم من النوم ابتسم يحس بروقان واجد لانه راح يرجع الديره عند اهله الي بس هي يومين ووحشوه واجد راح صلى الفجر ورجع يفكر الحين كيف حسام قادر يعيش وهو مفارق اهله حس انه مشتاق له وابتسم يفتح جواله يرسل له يكتب: حسام يحمار
حسام ما كان عند الجوال كان يكرف ترك تركي جواله يروح يصحي سلطان دخل غرفة سلطان وقومه ينطق: سلطان قم وراك محكمه اليوم لازم نحرك
سلطان والنوم بعيونه: كم الساعه
تركي: قم قم
سلطان وهو مسكر عيونه ومنسدح: انطق
تركي: ٥:٢٠
سلطان: اذا صارت سته صحني ابنام
تركي: يحمار الصلاه بتروح عليك
سلطان: طيب خلاص انقلع
ابتسم تركي يطلع،،،فز سلطان يقوم يصلي ويركبون ويحركون لديره

دور ابو هيام:-
مروان: اوس ولدي
اوس: سم يبه
مروان: فينه ايوان
اوس: قايل لي بيروح لحرمه
مروان: زين الحين ابيك تودينا عند جدك نزوره ونجلس معه اليوم
اوس: ابشر ما طلب شي
مروان: تبشر بلجنه
اوس فز يطلع يدخل الصاله يشوف هيام وترف يلعبون
اوس يفتح يدينه يمطق بصوت شبه عالي: توتو
ترف لفت له مستانسه تركض تنطق: عموو اوسيييي
حضنته مبتسمه وهو مبتسم وقف وهو شايلها ينطق وهو يناضر هيام: ماشاءالله تتقهوين وما تعزميني
هيام:المعذره والسموحه
تقدم اوس يجلس بجانبها ويحط ترف تكمل تلعب ينطق: كلمتي تركي !؟
هيام: لا ليه
اوس: توه حرك قبل شوي هو وسلطان
هيام: حلو
همست"استودعتك يالله تركي"
اوس: ايي سمعت في وحده جالسه مع روح صاحبتك مين
تربعت هيام تنطق له السافه كلها ويتقهوون

دور ابو تركي:-
هاشم رد على اتصال لصديقه ينطق: ارحب
الرجال: البقى
رجع كمل الرجال: عسى طيب؟
هاشم: الحمدالله انت طيب؟
الرجال: ايي نعم الحمدالله بفضل الله
هاشم: حق الحمدالله
الرجال: حبيت يا هاشم نعطيك خبر بنجي نزوركم اليوم باذن الله انا والاهل
هاشم مبتسم ينطق: حياكم الله والله شور زين سمعنا نقابلك لنا زمانن عنك
الرجال: ايي والله يلا استاذنك
قفل ونادى هاشم وسن وام وسن  ويدخلون يجلسون معه وينطق: اليوم جايينا ضيوف
ام وسن: من فجاءه؟
هاشم: صديق قديم لي قال بيجي هو واهله
وسن: حياهم يجون
ام وسن: حياهم بس وسن قومي ساعديني نظبط البيت منا مناك 
وسن: من عيوني
فزو ينظفون البيت ويجهزون لضيوف

عند نواف وجمانه:-
صحى يناضر قباله يشوف جمانه مو بسرير فز يصلي ويدورها شافها جالسه عند المسبح تغطس رجولها بل مويه ابتسم يتاملها راح جلس بجانبها لفت لها وقفت تروح مطنشته تبعد عنه كانت غيرانه عليه وكانت ماخذه فكره سيئه عنه وكانت تحس انها اهانه بنسبه لها صح انه ما كلمها لكن هي ما تدري اذا القيم الي قبل كانت فيه بنت او لا لانه كان متفاعل واجد وبعد تحس بشعور شبيه للغدره تحس ما ودها تشوفه بس مجبوره عليه تنهد نواف ما يدري وش يسوي كيف يحاول يبرر لها يحاول يسوي شي بس مو قادر لانه ولا مرا زعل منه احد هو دايم يزعلوه ويضايقوه ما حس بشعور الوهقه انه يراضي احد توهق وقف يدخل الغرفه ينطق: تبين اكل؟
دق باب الجرس وقفت جمانه من عرفت انه طلبها ورحت بتفتح وتاخذ الطلب،،،عرف نواف ان جمانه طالبه اكل وفكر لو يكون هذاك الموظف الي جايب الاكل ما يبي يشوف يدين جمانه يكفي الي شافه تقدم نواف يمنعها لفت له رافعه حاجبها تنطق: خير؟!
طنش نواف كلامها ينطق: انا باخذه لك ابعدي
جمانه وهي ماسكه الغصه من صباح اليوم كل ما تتذكر تجيها ضيقه:ما طلبتك ابعد
نواف: جمانه بدون عناد
جمانه: بكيفي
نواف بحده: جمانه ابعدي رجال تراا
سكتت جمانه ومنجد استوعبت وخافت يكون هذاك الرجال تبعد فك نواف الباب ولف يمين يسار ما شاف احد نزل نظره يشوف الاكل متروك اخذ يشيلهم