ماينسيني صبري وشقاي الا شوفتك

142

عند تركي:-
بعد ما رجعو من الوقت الي ونسو فيها اوس يحس وده يقابل هيام مشتاق لها واجد وواحشته ومو قاعدين يكلمون بعض حس انه وده لو يشوفها من بعيد عادي فتح جواله يرسل رساله لها لكن عقد حواجبه من يشوف ما عندها شبكه مايبي يتصل يبي يشوفها اخذ يطلع دوره يروح غرفة وسن يدق بابها: وسونيي
وسن وهي باقي تهوجس وتفكر با اوس تنطق: هاا
تركي ضحك: ههه باقي تفكرين ما يحتاج اعرف من تبين
اندهلت وسن من كلام تركي تفز تفتح الباب
وتنطق: وشو!
تركي: بتدخليني يابو دميعه ولا
وسن ابتعدت من قدامه يدخل تركي تنطق: يحمار مو شي سهل اختار ترا
تركي:واضح ترا لي تبين احد منهم
وسن: كيف واضح
تركي ارفع يده يعد بل اصابع ينطق: نضراتك له فزتك وقت ينطقون اسمه فضولك تجاهه تفاعلك وقت يصير يشغل بسياره اشياء واجد
وسن خبت وجها بل مخده تنطق: انقلع خلاص
تركي: هههه تضحكين والله عادي تراني احب بعد يعني
وسن: ما تغار علي؟
تركي: اغار بس الحب مو بيدك وبعد بغار لو اشوف يصير بينكم تفاعل ونتم ما بينكم صله بس انتم محترمين الدين والحب الحلال فا انا مستانس لكم وله
وسن فزت تنطق: وله!؟
تركي: ايي له بعد
وسن: ليه!
تركي: اقول لك بس بشرط
وسن: وش
تركي: ابيك تسوين معي خطه بهيام
وسن: تمام تمام الحين قولي لي وش
تركي: وعد!؟؟
وسن وهي تمسح دموعها: ياليل ايي وعد
تركي: اليوم رحنا نونس اوس لانه متضايق من حاتم وحاز بخاطره انه سبقه وخايف توافقين على حاتم وتسحبين عليه
وسن: ايوه
تركي: شوفي ما وسيته وعطيته امل ابد ابيك تصدمينه
وسن: ابي البارت المهم خلنا من ذول
تركي: انه بعد واضح يحبك
وسن ابتسمت ودها تحضن تركي مستانسه بس حاولت تبين انها مو خفيفه تنطق وكان ما همها: ايي وش الخطه
ضحك تركي بقوه يدري انها تمثل الثقل وتخفي وناستها: هههههه بطني المهم ابيك تكذبين عليها تقولين لها اني تعبانه مو راضي اتعالج ابيها تجي
وسن: وليه حرام عليك تخرشها
تركي: مو صدق معليك بس ما ترد علي وابيك تنزلين او تدقين عليها وبعد يلا باي انتضرك تنفذين بروح غرفتي
وسن: بنزل اجلس مع مهاوي وشوشو واناديها
تركي: تصرفي مالي دخل

عند وافي واريام:-
مسكت يده اريام تنطق: وش قالت لك!
وافي: ولا شي سالتني عن الطريق
اريام وهي رافعه حاجبها: كل ذا بس تسال عن الطريق لا تستغبيني
وافي توهق ينطق: ايوه سالتني عن الطريق ومن فين انا
اريام وقف تلف له: وعسى قلت لها من فين انت؟!!
ابتسم وافي من غيرتها ينطق: قلت لها من فين انا واسمي بعد ليه
اريام: ليه اجل!!
تركت يده تمشي وتتركه توهقت ما تدري فين تروح وخايفه تضيع تمشي بشويش وهو وراها ابتسم وافي يتاملها ويلف يشوف عربة ايسكريم يروح بسرعه يسحبها له من يدها ويمشي فيها للايسكريم ينطق: Is there chocolate ice cream?
(هل يوجد آيس كريم شوكولاتة؟)
الرجال: Yes
(نعم)
وافي: So I want one
(اريد واحد)
لف وافي لاريام ينطق: وش تبين
اريام: مابي شي
وافي: ارياميي اخلصي الرجال ينتضر
اريام: بكيفي مابي
وافي لف له يشير له انه يبي اثنين مو واحد وجلسو بمقاعد ينتضرون قدام البحر واريام صاده عنه لف وافي يناضرها نزل نضره ليدها ومد يده لها يخلخل انماله بين انمالها ويسكر يده على يدها يبتسم براحه حاولت اريام تفك يده لكنها كان شادها وبقوه ابتسم ينطق: امزح يروحيي والله ما قلت لها اسمي بس سالتني من فين انا وقلت لها مابي اكذب عليك
اريام: وليه تقول لها بعد من فين انت؟!
وافي: ارياميي ما قلت لها فين بيتي فقط من فين انا
اريام: تمام

عند نواف وجمانه:-
تقدمت من شافته نايم تغير الكماده على راسه وتقيس له الحراره وشافت حرارته مرتفعه اكثر من قبل خافت ونطقت تصحي نواف بعد ما بعدت البطانيه منه: نواف نوافف
نواف كان تعبان لدرجه مو قادر يفتح عيونه واجد صحى ينطق: هلا
جمانه: قم بعد تيشرتك
كانت تبي يبعد تيشرت عشان يبرد شوي لعلى تساعده يبعد الحراره منه شوي نطق نواف: مالي حيل
جمانه: نواف امانه عشاني قم
حاول يقوم من سمع كلمتها وساعدته جمانه انه يبعد تيشرته بعدها وهي تحاول تشيل تيشرته حس نواف بيدها على ضهره بارده وجداً ابتسم وانسدح لفت له جمانه مستغربه ابتسامته وخافت من كثر الحراره صار يبتسم او يسوي حركات
بعد نص ساعه:-
تقدمت ترجع تقيس له الحراره وخف بس درجه ارتاحت شوي على امل انها راح تقل اكثر تلف تناضر وجه نواف التعبان وذبلتن وجرح منطوقه الي مرا كبير اثر ضربت الرجال ذيك الي ما تعرف سر خصامه هو ونواف تتثاوب تلف لاكنبه كانت بتنام فيها لكن رجعت تلف لنواف تناضره تركت الكنبه تروح تنسدح بجانب نواف وتتقدم بجراءه تحتضنه وتحشر راسها بصدره الحار حس نواف بشي بارد يحاوطه فتح عيونه وانذهل من فعلت جمانه وقربها منه ما كان يبي يعديها نطق: جمانه
جمانه: همم
نواف: مابي اعديك
جمانه: لا تفكر ماني قايمه
شدت تحضنه اكثر وابستم نواف رغم تعبه يحس بحب تجاها واجد ما يعرف كيف دخلت هل انسانه حياته وغيرته من شخص متمرد ومجازف وما يهمه اي احد وما يهمه شي الى شخص يهتم لاحد ويصير يفكر بتصرافته قبل يسويها عشان ما يذي شخص الاحب له يمد يده بصعوبه مبتسم يتحضنها وينامون