خاطفي هو منقذي

البارت الثاني

هلو قلبوشاتي....
خاطفي هو منقذي ✍️
كاتبة:جوليا
وإني لهوى النوم في غير حينه.. لعل لقاء في المنام يكون.. تحدثني الأحلام أني أراكم.. فيا ليت أحلام المنام يقين.
....................

يامان: جنت كاعد اجت اختي كالت اخوية الحلو الهيبة حزام ضهر انت قاطعتهه كلت كولي من اخير شنو رايدة بلا هل كلام.
بشرة: اي عيني نسيت انت مو مال غزل كوم طلع بنتي للحديقة تلعب بين ما انضف البيت.
يامان: اني شعلية وين رجلج؟
بشرة: بارحة رجع من شغل متأخر و تعبان اليوم انت استلم مهمة.
يامان:مو اشتغل عدكم اني امشي ماطلع ولا بطيخ ما حسيت غير وحدة تصيحلي خالو خالو و تركض.
زينة: خالووو خالووو.
يامان: فتحت ايدي و شبكتني قوي ها ياروح خالج.
زينة:خالو خلينا نطلع سوية لا تكول لا فدوة.
يامان:تدلل زينة قلبي اني كم زنونة عندي امشي لبسي حذائج ركض.
بشرة: اي عيني اني صارلي ساعة اتوسل بيك ما تسمع مني بس منهه تسمع.
زينة:هههه رايحة باي.
يامان:شفتها راحت ركض تلبس بحذائهه و شعرها نازل على وجهه كلت زينة كلبي هاي تدلل على خالهه.
بشرة:والله وكت جنت اني المدللة عندك هسة خلص زماني.
يامان:شفتها لزمت ايدي كالت يلا خالو خلي نروح بسرعة اريد العب كومة كلتلهه حاضر يا روح خالج امشي خلينا نروح خلي ينغثون ذولاك ناس احجي و اباوع على بشرة ههههه.
بشرة: اي اي روحو اصلن ماغار.
يامان: ههههه مبين يلا اودعناكم.
بشرة: الله وياك اخوية.
يامان:جنا نتمشى وصلنا للحديقة بيها العاب زينة ركضت تلعب و اني كعدت اباوعلهه جنت ملتهي بل تلفون ما ادري رفعت راسي ماشفت زينة خفت عليهه كاعد التفت يمين و يسار شفتها اجتني تركض.
زينة:خالو خالو اريد عيوني يكون زرق مثل هذيج بنية.
يامان:كلتلهه يا بنية وين جنتي دورت عليج.زينة:شفت بزونة و ركضت وراها انفتح حذائي هاي بنية ساعدتني.
يامان:أشرت على بنية جان ضهرها علينا و شعرها ذهبي طويل ماكدرت اشوف وجهه ردت اروح اشكرهه بس شفتها راحت مستعجلة يلا خالو خلي نرجع للبيت امج راح يضل بالهه علينا.
زينة: ماشي خالو بس هم تجيبني مرة ثانية.
يامان:اي خالو اجيبج اني كم زينة عندي شلتها و اعض بخدودهه و هي تضحك.
....
تاليا:فتح باب و دخل واني كل جسمي يرجف قويت نفسي و كلت انت شسوي هنا محتاج شي.
خالد: لا عمو ما محتاج شي اجيت اشوفج ما شاء الله كبرانة جايج خطابة و راح تزوجين مو.
تاليا: جان يتقدم و اني ارجع ورة ها اي آرون تعرفة هو الي متقدملي.
خالد: بيها خير عمو الف مبروك ياريت لو ترجعين زغيرة.
تاليا:شكرا الله يبارك بيك ردت احجي سمعت ماما أمنة تصيحلي.
أمنة: تالياااا تالونة حبيبتي وينج تعاي تغدي ماما.
تاليا: اتقدمت شوية و كلت عمو اذا ما محتاج شي اريد امشي.
خالد: لا عمو تفضلي.تاليا: جان حاصرني بين ميز و الباب سوالي مجال زغير بحيث من عبرتة طخ جسمي بي نزلت بسرعة و اني جسمي عركان شفت ماما أمنة كالت تالين شبيج حبيبتي ليش وجهج اصفر و عركانة مريضة؟
تاليا: لا ماما أمنة ماكو شي ردت أغير موضوع علمود ما تنتبه اي ماماتي شنو طابخة اليوم مبقيتلي اكل لو لا أدري هسه هود ماكل اخضر واليابس ابو كرش.
أمنة:ههههه لا يروحي مبقيتلج شلون ما بقيلج غير تدللين امشي تلكين اكلج عل ميز لأن اهلج تغدو و راحو ينامون.
تاليا: تمام يا احلى ام بل دنيا كلهه اني و جاي احجي دخلت امي للمطبخ سمعتني شنو حجيت كالت..
مارلين: لعد اني بشنو مقصرة وياج ما اسمع منج هل كلام؟
تاليا: التهيت بل اكل و اتصفح تلفون ما جاوبتهه ابد حسيت من راحت اجتي ماما أمنة كعدت يمي و كالت
أمنة: حبيبتي ليش هل معاملة قاسية وية امج ليش ما تطيبين خاطرهه ترة هي تحبج.
تاليا: ماما أمنة ماريد تدخلين و تدوخين راسج مهم الاكل طيب عاشت ايدج الحمدالله شبعت.
أمنة: عوافي بس ما اكلتي شي.
تاليا:لا ماماتي اكلت بسكت بل دوام ماشتهي اكثر.
أمنة:تمام حبيبتي براحتج.
تاليا: صعدت فوك كبل ذبيت نفسي عل فراشي تعبانة و نعسانة نمت.
........سيف: حبيبتي وينها زينة؟
بشرة: هلا حبيبي كعدت صح نوم والله زينة حبت تطلع تلعب شوية و يمان اخذهه.
سيف: تمام ياعمري انتي شنو طابخة؟
بشرة: طابخة تمن و بامية تاكلون اصابعكم من وراهه.
سيف: على كيفج ست محاسن رايد اصابعي تقربت منهه رجعت شعرها ورة اذانها حسيتها خجلت وخدودها صارن حمر.
بشرة: احم سيف حبيبي هسه يمان يرجع شكاعد تسوي خلي اكمل شغلي.
سيف: اي كملي شغلج منو لازمج تفضلي.
بشرة: جان قريب كولش مني و ضهري على كاونتر ماكدرت اتحرك باوعت بعيونة و خجلت كلت بس شوية مجال.
سيف: ضحكت على خجلها و بستها بخدها انطيتها مجال تروح.
بشرة: باسني بخدي و وخر جسمي كزبر رجعت اغسل مواعين زايدة و هوة بقة يباوعلي.
سيف: شفتها تغسل مواعين رحت حضنتها من ورة و خليت راسي يم اذنهه كلت ترة اني زوجج و ابو بنتج بعدج تخجلين مني يا نبض سيف.
بشرة: من حضني و جان يهمس بهل كلام حسيت حرارة بوجهي من مستحى كلت سيف حبيبي جاوبني بصوت هايم.
سيف: ها يا روحهه لسيف كولي.
بشرة: انداريت و صار وجهي مقابيل وجهه كلت احبك و من خجل كبل حضنته ضحك على تصرفي و شالني فرني كلتلة
بشرة: لااا عليك الله سيف ادوخ والله اخاف عاااا ولك كافييي.

سيف: اضحك على كلامهه و نزلتها باوعت بعيونهه و كلت اني  اعشقج مو بس احبج.
بشرة: جنا رايحين لجونا و ماحس غير على دكة باب كبل فزيت وخرت منا كلت يمكن هذا يمان راح اروح افتح باب.
سيف: ضلي عمري انتي اني اروح رحت فتحت باب ركضت زينة لحضني تصيح بابا.
زينة:بابااااا.
سيف: ياروح ابوج انتي اوووه اوووه شكد حلو حضناتج شلتها ادخلها جوة واني اردد يمة بنات يمة بنات.
يمان:من شفت معاملت سيف لأختي و بنتة حسيت بأن أمنت على اختي و هسه صار لازم ارجع لمهمتي الي عفتها.......

يتبع........

لاتنسون التصويت والتعليق بين الفقرات

احبكم 🫶🫂

تابعو حسابي الانستا