خاطفي هو منقذي

البارت الخامس

هلو قلبوشاتي🦋
..............
لا تحزن إذا جاءك سهم قاتل من أقرب الناس إلى قلبك.. فسوف تجد من ينزع السهم، ويعيد لك الحياة والابتسامة.
............
يامان: جنا نتريك شفتها صافنة ما تاكل كأن وحدة مصدومة الي حيرني ليش ما تحاول تهرب منا بصوت ناصي كلتلهه اكلي ترة ورانة طريق طويل ماكو اكل.
تاليا: جنت سرحانة بأفكاري شلون ابوية ماهمة مشاعري لو امي الي ماوكفت وياي لو عمي الي كل تعاستي منة نوب اجة ضيم آرون كملهه جنت افكر و سمعت هذا طويل يكول اكلي ورانة طريق طويل كلتلة شكرا ما جوعانه بل عافية عليكم راح ارجع لمكاني ممكن تفتحون باب.
يامان: انصدمت من ردهه يعني هي تريد ترجع لمكانهه شنو قصتها؟ كلت جواد كوم افتح باب و اربط ايدها و حلكهه.
تاليا: لا تربط ايدي و حلكي ماصيح.
يامان: مالج دخل يلا جواد كوم.
جواد: ليش ما انت تكوم مو شايفني اكل.
يامان: اوف منك اوف كمت اني و دفعتهه فتحت باب ربطت ايدها جانت باردة ثلج و ربطت حلكهه كلت صعدي صعدت بدون اي كلام او دفاع عن نفسها.
تاليا:احس بفراغ بداخلي ماريد اعيش حسيت من اتحركت سيارة بعدها غفيت ما انتبهت لأي شي.
يامان: حركت سيارة و مشيت.
جواد: يمان وين متجهين شنو راح تسوي انت شايف هاي شلون تتصرف يمهه عادي ولا كأن مخطوفة.
يامان: باوعت بعيونهه بيها هواي كلام و حزن كمت من يمهه كلت اكو حمام هنا اذا ردتي تغسلين اذا جعتي صيحي جواد.
تاليا: ابو عيون دكم بس سوال التفت علية مستغرب.
يامان: قصدج علية.
تاليا: اي ماعرف اسمك اسفة.
يامان: كولي شنو تريدين.
تاليا:ممكن اعرف اني وين يمتى تكتلوني اذا كتلتوني أمانة لا تعذبوني لو تضربوني كبل موتوني.
يامان: انصدمت بسوألهه و كلامهه لا هاي وراهه قصة كلتلهه ما تموتين هذا بيد ربج ثاني شي مادخلج احنا وين.
تاليا: شكرا كبل طلع بدون ما يحجي كمت اطلع علمود اغسل وجهي ما اندل حمام وين شفت هذا ولد اتذكرت كال اسمه جواد صحتلة جواد عفوا جواد...
جواد: سمعت هاي ام صماخ تصيحلي كلت ابد ما اقبلهه منج فوك ما صماخج جبير نوب تكوليلي جواد.
تاليا: لعد مو اسمك جواد شلون اصيحك؟
جواد: كوني رقيقة كولي جوجو جوجايتي اضل اعلم بيكم.
تاليا: جوجو ممكن تدليني حمام وين؟
جواد: هسه عجبتيني امشي يسار بعدين عدل و كبل.
تاليا: شكرا تعبتك جواد قصدي جوجو،رجال غريب مو على بعضة مخبل رحت للحمام و غسلت وجهي كملت اريد ارجع حسيت دنيا تفتر بية ردت اوكع لزمني هذا ابو عيون دكم.
يامان: جواد وين جنت؟
جواد: جنت يم هاي ام صماخ كالت دليني على حمام خبلتهه و رجعتلك.
يامان: لا تعوفهه وحدهه هدوئهه مو عادي كوم شوفهه.
جواد: حبيبي تعرف اني هسه حملي بشهر ٨ يعني اتعب هواي لهذا روح انت بمكاني مواح.
يامان: طاح حضك اي والله امك من جابتك هم فرحت بيك.
جواد: اي والله كل مرة تسولفلي تكول جانو يذبون جكليت على راسك.
يامان: اي لعد هنا مشكلة شوف يا منعول والدين ضاربك بجكليتة على راسك و هيج صاير بيك.
كمت من يمة اروح اشوفها انتظرتها دقايق و طلعت من طلعت شفتها مو طبيعية تجي منا ومنا رادت توكع لزمتها كلت امشي للغرفة اكيد هبط ضغطج
وديتها للغرفة كلتلهه هسه اجيب اكل بس ثواني.
تاليا: وصلني لمكان الي جنت بي و كلي راح اجيبلج اكل ماردت شي بس نوم جنت اهرب من واقعي و تفكيري بل نوم نمت ماعرف ورة شكد جان واحد يكعدني.
يامان: طلبت اكل ماكو ربع ساعة و وصل رحت انطيهه اكلهه شفتها نايمة و ماخذه وضعيت جنين كأنها ملاك صحتلهه مرة و مرتين ما كعدت دغيتهه و كلت كومي تاليا.
تاليا: كعدت و عدلت نفسي من شفتة كال هذا اكلج من تكملين كوليلي.
تاليا: ماشتهي شكرا الك عذبت نفسك.
يامان: اكلي مابية حيلج تتمرضين.
تاليا: كلت ماشتهي لا تلح علية.
يامان: منو يلح ولج اشو انتي ماتعرفين تحجين ردت اضربهه تذكرت كلامهه من كالت لا تعذبوني و تضربوني بسرعة موتوني شفتها حاطة ايدها على راسهه تحمي نفسها و صوت شهكاتها عالية طلعت من غرفة ركعت باب بقوة.
تاليا: والله حجيت من دون قصدي و كبل عصب راد يضربني بس اتراجع و طلع كرهت نفسي كرهت وجودي بهل حياة طلعت من غرفة ادور على شي اموت نفسي و اخلص دورت هواي و لكيت مقص جان محطوط على ميز زغير شلتة كصيت وريدي بس مو هواي ردت اكررهه ثاني مرة اجة جواد كام يهدي بية
جواد: باعي خوية انتي ترة هذا شيطان كاعد يتحكم بيج بس ركزي وياي كولي أعوذ بالله من الشيطان الرجيم كرري يلا خوية كرري كولي أعوذ بالله من الشيطان الرجيم.
تاليا: ما جنت اسمع شي ولا مهتمة بس ابجي و ايدي تجري دم بس مو هواي ردت اكص ايدي مرة ثانية دخل.
يامان: من طلعت منهه رحت ادخن ثواني و اسمع جواد يصيحلي ركض بسرعة و شفتها بيدهه مقص و تريد تنتحر حرفيا تخبلت ردت اتقرب كالت.
تاليا: راد يتقرب كلت والله اموت نفسي بس تتقرب لا تتقرب.
جواد: ما يتقرب خوية والله اني يمج بس ركزي ويا كولي مثل ما اكول كولي أعوذ بالله من الشيطان الرجيم.
تاليا: ركزت بكلامة و عدتة أكثر من مرة و جان يكول عفية عفية.
جواد: تاليا هسه راح يأذن ضهر تمام راح تتركين هذا من ايدج و نروح نصلي شتكولين ربج يحل كل شي تمام اختي تريدين نصلي سوية ها هاي أذن.
تاليا: من سمعت كلامة هدئت سمعت صوت اذان كبل وكع مقص من ايدي و كعدت بل كاع اجة هذا ابو عيون دكم كال.
يامان: وكع مقص من ايدها و كعدت رحت ركض دفعت مقص و كلت مخبلة اني لأن صيحت عليج هيج تسوين اسف بوية والله اسف ردت احضنها بس صحيت على نفسي اني شكاعد اسوي شنو هل تصرفات.
جواد: خوية تالونة كومي توضي خلينا نصلي يلا خوية.
تاليا: سمعت جواد يكول تالونة مثل هود اخوية كمت ابجي من كل كلبي.
جواد: شبيج خوية ليش تبجين.
تاليا: اخوية هود يكولي تالونة مثلك.
جواد: اني هم اخوج.
تاليا: كمت رحت للحمامات توضيت و ردت اصلي بس ماكو مصلاية ولا شال طويل.
جواد: ها ليش ما تصلين؟
تاليا: ماكو مصلاية ولا شال طويل ماحس غير واحد وراية يتحمحم انداريت شفتة هوة.
يامان: هاج بوية هذا يفيدج.
تاليا: أخذته بدون كلام رحت اصلي صليت و رفعت ايدي ادعي ياربي شنو ذنبي اتعذب ليش محد يحبني و يخاف علية من أقرب ناسي انطعنت و اتعذبت ياربي اخذني عندك تعبانة اني ابجي و اشهك.
يامان و جواد: جنا واكفين و نسمع صوت بجيهه و شهكاتهه نسمع شنو تدعي.
جواد: يامان بعمري ما طلبت منك شي بس هل مرة اطلب و لا ترفضني.
يامان: كول خوية ماردك اني.
جواد: خلي تزور عباس عليه سلام صدكني محتاجتة اتمنى تقبل.
يامان: باوعت عليهه و هزيت راسي تمام رايح اشتري ملابس دير بالك عليهه واذا تكدر خليها تاكل.
جواد: تمام يخوي مشكور.
يامان: تدلل اخوية طلعت من يمهم رحت اجيب ملابس و اسوق و افكر شنو الي موصلهه لهذا حال تشبه حال بشرة قبل كم سنة اني جاي افكر ما حسيت غير سيارة اجت بوجهيي وصار..............

ترقبوا بارت قادم🥲

لاتنسون التصويت والتعليق بين الفقرات

تابعو حسابي الانستا