خاطفي هو منقذي

p29

هلو قلبوشاتي🦋

كلّما تذكرت ظلم الحياة والدنيا والناس غرقت في دوامات الحزن التي التهمتني دون رحمة، فأشعر في قرارة نفسي أنّ الموت أكثر رحمة مما أشعر به.
..................
تاليا: فزيت من نوم على هل كابوس مرعب باوعت ماما أمنة بصفي نايمة اخذت تلفون و طلعت للصالة راسلت يامان.
يامان: ماكدرت انام ضليت افكر بموضوع اسد و اشتغل عل لابتوب ساعة ب ٢ و نص اجتني رسالة من تاليا فتحتها بسرعة اخاف صاير شي.
-نايم؟
يامان: جابتهه لا بعدني كاعد صاير شي بوية ليش ما نايمة؟
-أكدر اتصل؟
يامان: بسرعة اتصلت عليهه
ها بوية انتي.
تاليا: يامان انت بخير؟
يامان: اي ياروحي ليش هل سوأل؟
تاليا: مو هو جنت نايمة و حلمت كمت اشهك من خوفي ماكدر احجي بجيت.
يامان: تاليا ماكو شي والله اني بخير سمعيني حبيبي كافي بجي تريدين اجيج والله هسه اجي.
تاليا: يامان خايفة يصيرلك شي بسببي.
يامان: لا يا عمري والله ماكو شي هسه جايج راح البس جاكيتي و دقايق يمج.
تاليا: لا لاتجي بس لا تسد خط.
يامان: ماشي رجعي لفراشج وتغطي اني ضال يمج للصبح لا تبجين يا لجمة كلبي.
تاليا: رجعت للغرفة و تمددت كلتلة احجي لا تسكت.
يامان: صار خلي اسولفلج اني جواد من جنا زغار.
تاليا: ضل يحجي و يسولف مرات اضحك مرات اغفة بعدين ماعرف شلون نمت.
يامان: ما بقة صوتها عرفتها نامت ضليت فاتح خط للصبح ما نمت اخاف تفز و اني نايم صارت ب ٧ صبح سمعت صوت وحدة يمهه اكيد هاي الي تعتبرها امها جانت تكعدهه.
أمنة: يمة تالو كومي حبيبتي اليوم يجون يخطبوج.
تاليا: ماريد ازوج نعسانة.
أمنة: هاي سوالف احجيهه لزوجج مو هنا كومي لا اكومج بطريقتي.
يامان: اسمعهم و اضحك.
تاليا:ماما بس شوية حبابة.
أمنة: يامان ينتظرج بل باب ما تكومين تشوفينا.
تاليا: هي كالت هيج كعدت وكفت فوك جرباية ويننن وينة ماما ليش اجة يبووو حتى وجهي ما غلسلتة.
أمنة: ولكم شوف شوف شلون كامت من سمعت بأسمة اني صارلي ساعة اكعدج ريجي نشف.
يامان: خالة غيرررر تحبنييي.
تاليا: سمعت صوت من تلفون و اتذكرت بعدة ما سادة خط عزااا انفضحنا.
أمنة: اييي عيننييي اييي اخذت بنتنا منا و اتخبلت.
يامان: ملكي هي بس الي.
تاليا: احم يامان انت ما سمعت شي مو.
يامان: ابددد ولا كلمة.
تاليا: اكيد اكيد.
يامان: هههه اي ما سمعت.
تاليا: شفت ماما أمنة بعدها واكفة ابتعدت شوية كلت بعدك ما نايم.
يامان: شلون انام الليل وانت على بالي وانت على بالي.
تاليا: خجلت كلتلة يلا باي اروح اجهز نفسي.
يامان:هههه فديت خجول روحي بوية اخذي راحتج.
تاليا: قبل لا اسد اخذت صورة للمكالمة جانت ٥ ساعات.
أمنة: اممم طلع عاشكج هل يامان.
تاليا: اي كولش فديتة.
أمنة: ادبسزز كدامي و تتغزلين بي بنات آخر وكت.
تاليا: ههههه اوييي أمونة غير راح يصير زوجي.
أمنة: امشي لج لزمت نعالي و ركضت للحمام.
تاليا: سبحت و سويت عناية لنفسي طلعت من حمام طلعت فستان جوة ركبة لونة سمائي لبستة و نشفت شعري و سوتة ويفي و خليت مكياج بسيط و سبحت بل عطر سبح اجهز بنفسي و ابتسم فتحت اغنية اليسا و اردد ورا بصوت عالي
حب كل حياتي لئيتو قلبي خلاص اختار واخيرا فرحت عمري بعيشها انا ليل و نهار
دخل هود للغرفة.
هود: امورج رايئة يا حلوة خير شو صاير.
تاليا: احم هو الموضوع هود هيج عجبني اعتني بنفسي شنو حرام.
هود: ههههه يا جذابة امشي وصلو خطار اخت يامان هنا.
تاليا: صدككك تحجي شبسرعة.
هود: هااا يعني جنتي تحضرين نفسج.
تاليا: لا اصلن ماعرف يجون وخر خلي اروح اسلم عيب.
هود: هههه اي اي جذبي.
تاليا: طلعت للصالة شفت سمر و بشرة و ام جواد و مرة ما اعرفة كاعدات وية ماما أمنة اتقدت و سلمت عليهم.
خالة يامان: اللهم صلي على محمد وآل محمد ما شاء الله شنو هل جمال.
تاليا: تسلمين خالة جمال عيونج كعدت بصف سمر خجلانة.
سمر: هههه شنو هل جمال بيبي الله يساعد يامان اذا شافج.
تاليا: كرصتها علمود تسكت اني من كاعي متوترة هي تزيدهه علية.
سمر: طاح حضج.
خالة يامان: عيني ام تاليا اليوم اجينا نطلب بنتج تاليا لوليدنا يامان هو شايفهه و عاجبتة و دلانة بيتكم و طبينا نطلبها من باب واذا تريدون اسألو عن ابنا خوش ولد و عندة شغلة و بيت وحدة.
أمنة: كلل هلا بيكم و جيتكم على عين و على راس صراحة اني مربية تاليا يعني بمثابة امهه اني ماعندي اي مشكلة بس اسأل اخوهه و ابوهه عود اردلكم خبر.
خالة يامان: ان شاءالله خية لعد ام جواد خلي احنا نترخص.
أمنة: بعد وكت كاعدين.
خالة يامان: لا والله خيتي اتأخرنا ان شاء الله على غير مرة و منتظرن جواب منكم.
أمنة: كلل هلا بيكم.
تاليا: قبل لا يطلعون اجت بشرة حضنتني و اعتذرت مني لأن ضمت علية سالفة موت يامان حضنتها و كلت مسامحتج ياروحي.
بشرة: احم يامان بل باب كال اريد اشوفهه حتى لو بس نظرة.
سمر: ما ينتظر الأخ محترك حرك.
تاليا: شكد سخيفات امشن اوصلجن للباب.
سمر: هههه باع هاية هم عاجبها تشوفة.
تاليا: لا مو علمود اشوفة بس اوصلجن عيب انت خطار.
بشرة: لا خية ضلي هنا مو عيب احنا نروح.
تاليا: لا لا اوصلجن امشششننن.
سمر: ههههه يمة حب يمة.
تاليا: وصلنا للباب شفتة واكف يحجي وية هود باوعت علي و نزلت راسي خجلانة.
يامان: من وصلت بشرة و خالتي و سمر و ام جواد كلت لبشرة اريد اشوفهه من تطلعون مشتاقلهه ورا مرور ساعة و نص راسلتني احنا كملنا تعال أخذنا رحت على بيتهم شفت هود يرجع للبيت وكفت سلمت علي و كلتلة باجر اجيب خوالي و عشيرة علمود اطلب ايد اختك بس اجي هنا لو على بيتكم اطلبها من ابوك.
هود: انت منو كلك راح أوافق حتى تجي باجر.
يامان: هود لا تلعب بأعصابي.
هود: ههههه العاشك باجر جيب مشية و روحو على بيتنا اني احجي وية ابوية.
يامان: مشكور ياخوية جنا نحجي و طلعو نسوان و شفتها واكفة بل باب الرجلين ثلج و ايديهه و زنودها شعرها طويل نزلت راسهه خجلانة سلمت على مربية مالتهه و كلت شلونج بوية شخبارج.
تاليا: بخير الحمد لله انت شلونك.
يامان: بنص خير بعد ما شفتج.
هود: اييي تاليا امشي جوة يلا ماعدنة نسوان تطلع.
يامان: اخلص من جواد و يطلعلي هود .
هود: ههههه هذا موجود.
يامان: يلا اودعناكم.
هود و أمنة: الله وياك.
تاليا: راحو كلهم و دخلنا جوة اجة هود و حضني.
هود: كبرتي و و صار يجون يطلبوج مني.
تاليا: بس ابوية.
هود: هسه رايح احجي ويا باجر مشية راح تصير ببيتنا ماريد يعرفون ماعندج احد.
تاليا: بس امي ماريدهه ماما أمنة موجودة.
هود: بس ابوية و عمامي ثنين راح اخبرهم.
تاليا: تمام راح هود و ضلينا اني و ماما أمنة ضلت تنصحني و تكولي شنو زواج و شلون اتعامل وية زوجي و اتحمل مسؤلية جنا نحجي و اتصل يامان.
أمنة: وين رايحة حفظتي كلامي لولا.
تاليا: اي اي حفظتة كلة والله رحت لغرفتي و سمعتها تصيح وراية.
أمنة: اي اكيد حفظتي لأن حبيب كلبج اتصل.
تاليا: ضحكت و رديت على اتصال الووو.
يامان: يا بعد الوو هلا برويحتي.
تاليا: هلا بيك شلونك.
يامان: مو بخير مشتاقلج مشتاق اضمج.
تاليا: احم ماضل شي نزوج.
يامان: ليش هيج تسوين اكيد متقصدة.
تاليا: شسويت اني؟
يامان: لابسة قصير و زنود و الرجلين طالعة نوب فستان سمائي من لون عيونج و الشعر فاتحتة بطولج شفايف لون كرز شليتي حالي ارحميني.
تاليا: هو يحجي و اني متت خجل كلت ياماني.
يامان: روحة ليامانج.
تاليا: احبك.
يامان: اني عاشكج بوية.
تاليا: اي شنو كاعد تسوي.
يامان: قبل شوية خابرت خوالي علمود باجر يحضرون نفسهم والعشيرة امشي عليج.
تاليا: اممم واذا ما وافقو.
يامان: اي عادي لا يوافقون اخطفج مرة ثانية و هل مرة ازوجج.
تاليا: ههههه مخبل تسويها.
يامان: فدوة و نذر اروح لضحكتج بوية.
تاليا: يلا راح اروح انام انت هم نام لا تضل سهران.
يامان: ماشي بوية تصبحين على خير تغطي زين مع سلامة.
تاليا: وانت من اهل خير باي ممح دزيتلة بوسة و سديتة بسرعة ضليت اضحك شفتة راسل.
-هاي بوسة مردودة وداعت عيونج.
تاليا: دزيتلة ضحكة و طفيت جهاز و نمت.
...............
سمر: لثاني يوم صبح البيت كلة مخبوص لأن اليوم يامان يمشي على تاليا زلم هواي رحت على بيت بشرة اساعدها كالو الزلم يتغدون عود يرحون ردنا اني و بشرة نطبخ بس جواد ما قبل.
جواد: اني اجيب اكل من برة ولكممممم اخوي يتزوج اني الي اصرف هذا ضلعي.
يامان: يا بعد اخوك لا تكلف نفسك.
جواد: عد عيناك.
سمر: راح جواد و سيف يجيبون اكل من برة دخلت وية بشرة للغرفة صاحتلي ها بشرة شكو.
بشرة: خية بارحة يامان وصة من بيج هاي بركع مكتوب اسمة و اسم تاليا  و اشترة هذا فستان ابيض يكول اليوم ورة موافقة أهلها روحي انطيهه و اخذهه نعقد بكربلاء.
سمر: اي خية شكو بيها بس اذا يوافقون اهلهه.
بشرة: يامان كال اني احجي وية اخوهه و اقنعة.
سمر: اي زين لعد هسه راح اتصل على تاليا  و افهمهه موضوع.
بشرة: اي اني هم اروح اشوف باقي شغل.
سمر: اتصلت على تاليا بنفس وقت جاوتني.
تاليا: هلا سوسي شلونج.
سمر: هلاوات حبيبتي بخير وانتي شلونج.
تاليا: متوترة كولش.
سمر: لا يمعودة ضمي توترج للعرس.
تاليا: سمرررر طاح حضج بدال ما تهديني توتريني زايد.
سمر: ههههه اسمعي ام صماخ.
تاليا: كولي كاعد اسمعج جنت اعدل بشعري و اسمعهه.
سمر: ورة مشية يامان يريدج تحضرين نفسج تعقدون بكربلاء بمرقد الإمام عباس عليه سلام.
تاليا: الله صدك تحجين.
سمر: اي حبيبتي كلت اخبرج.
تاليا: بس شنو البس سمر؟
سمر: ولا يهمج يامان مرتب كل شي بس نجي انطيج ملابس.
تاليا: تمام من توصلون اتصلي اريد اصور.
سمر: ههههه اني اصوركم ولا يهمج.
تاليا: هههه تسلمين ياروحي يلا باي هسه ماما أمنة تصيحلي.
سمر: ماشي حبيبتي بايات سلميلنا.
تاليا: يوصل ان شاء الله سديت اتصال و طلعت اشوف ماما شنو تريد.
أمنة: يلا يمة امشي نروح على بيتكم ابوج و عمامج ينتظرون.
تاليا: ولو ما طايقة اشوفهم بس مجبورة.
أمنة: عادي يمة هو يضل ابوج و مسامح كريم الله سبحانة و تعالى بعظمتة يرحمنا و يسامحنة تريدين انتي عبدة ما تسامحين امشي ماما خلي كلبج جبير لا تنسين ابوج متندم.
تاليا: الله كريم يمة طلعنا من بيت و رحنا على بيتنا شفت ابوية و عمامي ونسواهن هناك جانو يباوعولي من ورة خشمهم طبيت جوة سلمت عليهم و رحت لغرفتي ورة دقايق سمعت ماما أمنة تصيحلي اتغدة مارحت ضليت بغرفتي كاعدة اتذكر كل شي صار وياية و شلون الله عوضني بواحد يحبني.
......................
سمر: كملنا غدا و شلنا مواعين كلها سفري ذبيناهن ودينا جايات و يامان طلع من استقبال راح يبدل و جواد يمشي ورا و يهز ركبة و يغني.
جواد:والعبلك لعب واني ادري تستاهل..
وازفك بيدي و افرحلك.
يامان: بعد اخوك خلي نعقد عود هوسلي مو هسه لأن تأخرنا.
جواد:تدلل عد عيناك اني بعد روحي روحك.
سمر: بدل يامان و جواد و سيف اني و بشرة هم تجهزنا رحنا على بيت أبو تاليا قبل مانوصل ردت اتصل على تاليا جواد ما خلاني كال يامان مسويلهه مفاجئة هو يخابرهه.
سمر: صفو سيارات شوي بعيد عن بيت أبو تاليا و نزل يامان و جواد و سيف و اكو ضباط و شباب كومة و شيوخ يمشون بصف يامان.
يامان: اتصلت عليهه جاوبتني من اول دكة.
تاليا: ها حبيبي وصلتو.
يامان: تعاي على بلكونة و شوفي شلون سديت شارع مثل ما وعدتج بدال عشيرة جبت ٣ عشيرات و بدال ورود فرشتلج شارع ورد اطلعي و شوفيني طولج حلو يا لجمة كلبي وفيت بوعدي.
تاليا: شفت من بلكونة شارع متروس من راس لراس كلها شيوخ و جواد و سيف و اكو ضباط يرشون ورد بل شارع و يامان لابس بدلة و بيدة باقة ورد جبيرة نزلت دمعتي و سديت اتصال ضليت اصور و اضحك وصلو للباب نزلت جوة شفت هود و ابوية و عمامي فتحو باب و يرحبون بيهم كلبي يدك بسرعة فرحانة رحت للمطبخ ورة ثواني دخلو سمر و بشرة.
بشرة: هلا حبيبتي شلونج شهل جمال.
تاليا: جمال عيونج ياروحي.
سمر: شلونها معنويات هههه.
تاليا: فرحانة كولش بس متوترة.
سمر: فرشلج كاعد ورد.
تاليا: يمةةةة فديتة شكد احبة.
بشرة: هههه من بارحه كاعد يخطط.
تاليا: سمعتهم ورة باب يحجون.
شيخ عشيرة: ابو هود احنا اليوم دخلنا بساطكم نيتنا نجمع راسين بل حلال احجيهه من اخير ابنا هاوي بنكم و دخل من باب جاي نطلب بنتك على سنة الله ورسوله انت شنو رأيك موافق ولا لا.
عمار: جيتكم على عيني و على راسي و كلل هلا بيكم من باب بيتكم لحد باب بيتنا اني هاي بنتي وحيدة و مدللة بل نسبة الي سألت على ابنكم خوش ولد ونعم منة من ناحيتي اني موافق و اخوهه موافق بس اسأل البنية و اردلكم خبر.
تاليا: نزلت دمعتي من سمعت ابوية شلون يكول مدللة و اني موافق شلون يحجي بعمرة ما جان هيج متواضع.
يامان: عمي إذا ممكن هسه تسألهه لأن إذا موافقة اريد اخذهه من بعد اذنك لكربلاء ونعقد هناك.
عمار: صار وليدي كمت من مكاني و فتحت باب استقبال طلعت شفت تاليا واكفة من جهه باب و عيونها كلهه دموع كلتلهه احم بابا تاليا يمكن سمعتي كولشي اجو ناس طالبينج و الولد سمعت من هود عاجبج و خوش ولد اذا موافقة علمود اردلهم جواب و ياخذج تعقدون.
تاليا: عفت كل كلامة و حضنتة كل قوتي و ابجي اني احبك بابا.
عمار: ما استاهل تحبيني اني هواي غلطط بحقكم سامحيني.
تاليا: مسامحتك ياروحي انت.
سمر: شفت شلون حاضنة ابوهه و تبجي و يتعاتبون اخر شي ابوهه كللهه.
عمار: بوية ما راح تلكين احسن من هذا ولد و قرار يرجع الج موافقة لو لا.
تاليا: نزلت راسي بخجل كلت الي تشوفه بابا.
عمار: هههه كولي موافقة من اخير.
تاليا: ضحكت و حضنتة باس راسي و رجع للأستقبال سمعت كاللهم البنية موافقة.
شيخ عشيرة: لعد خلي نقرة فاتحة.
يامان: قرينة فاتحة واني فرحان كمت بست ايد ابوهه و خوالي و شيوخ اخر شي وصلت يم هود و اتصافحت ويا.
هود: اعرفك تحبها و ما تأذيهه بس هاي مو بس اختي هاي بنتي احبها اكثر من نفسي اذا بيوم عرفت مزعلها تشوف وجهي ثاني.
يامان: اختك بعيوني اخليهه ولا يهمك.
هود: حضنتة و بستة الف مبروك خوية شايف خير.
يامان: الله يبارك بيك.
جواد: الف مبروك يا روح اخوك.
يامان: الله يبارك بيك ضلعي.
سيف: مبروك و شايف كل خير.
يامان: بعد روحي سيوفي يبارك بيك.
بشرة: الف مبروك مرت اخوية حلوة.
تاليا: الله يبارك بيج حبيبتي.
سمر: لجججج مبروووك يا عمرييي.
تاليا: الله يبارك بيج يا كلبي.
بشرة: بعد ساعة انتظار راحو شيوخ و يامان اتصل كال
يامان: خوية تعالي اخذي ملابس خلي تاليا تحضر نفسها نروح لكربلاء.
بشرة: ماشي حبيبي جاية هسه بس اتأكد ماكو زلم لأن سيف ما يقبل.
يامان: ثواني اني اجيبهن بس تعاي اخذيهن من باب مطبخ.
بشرة: تمام، ورة دقايق اجة يامان بيدة ملابس و باقة ورد.
يامان: خوية ساعديها بل حجاب ما تعرفلة ماريد شعرة طالعة.
بشرة: هههه تدلل من عيوني هو راح اني دخلت جوة تاليا كومي حبيبتي بدلي يامان يكول تأخرنا.
تاليا: رحت بدلت جان فستان ابيض طويل و بركع مكتوب اسمي و اسمة و جوة مكتوب اخذت حب طفولتي ابتسمت و لبست فستان و بل حجاب بشرة ساعدتني ما خليت مكياج بس مرطب و نزلت وية بشرة اتصلت علي و كال انتظركم بل باب اطلعو طلعت اني و وياهه جان بابا و هود واكفين شافني و ابتسم ضل صافن علية.
يامان: كأن ملاك و نازل بل كاع ياربي ماصدك صارت حلالي بوية تعاي صعدي هنا و هود و عمي يجون ورانة.
تاليا: باوعت على بابا هز راسة يعني اروح صعدت ويا بس كعدت ورة سمر بصفي و جواد كاعد كدام وية يامان سيف و بشرة يجون بسيارتهم.
جواد: مبروك ام صماخ راح تصيرين مرت اخوية.
تاليا: الله يبارك بيك و انت راح تصير حماي.
جواد: ولكممممم فرحان اخوي راح يزوج ثواني خل افضحكم.
يامان: اكعد يمعود شبيك بس تكمز بيك دودة.
جواد:غير فرحاااان ولكم راح اخلص منكم و ازوجكم.
تاليا: ابشرك باقية على كلبك.
جواد: شحدج ام صماخ.
يامان:لا تضوجهه ولك.
جواد: اوووي اوييي صارت مرتة بعد منو يكدر يفك حلكة.
تاليا: جان يباوعلي من مراية خجلت و نزلت راسي بعد طريق طويل وصلنا لكربلاء نزلنا و لزم ايدي رحنا عقدنا يم سيد و ابوية و هود وياية.
-هل تقبلين بيامان زوج لك إذا موافقة قولي نعم و انت وكيلي.
تاليا: بشرة و سمر يمي ايدي على قرأن كلت نعم وانت وكيلي رددها ٣ مرات و وافقت بعدين رجع على يامان.
-هل تقبل تاليا عمار زوجة لك.
يامان: جان ايدي بأيد ابوهه و كلت
انا قبلت بها و رضيت بها واخترتها من بعد الله ملجأ دائما و ملاذآ ثابتآ و حضنا يحتويني بعد المكدة والتعب و ركنا أمنا انزوي اليه من صخب حياة و من شغف.
تاليا: نزلت دموعي من شيخ كال اعلنكم زوج و زوجة الف مبروك.
يامان: بست راسهه و شلت بركع بست خدهه جانت تبجي الف مبروك يا احلى بنية شافتها عيني.
تاليا: الله يبارك بيك ياروحي.
سمر: ضليت اصورهم شكد حلوين.
يامان: عمي من بعد اذنك عادي اخذ مرتي و نروح نزور.
عمار: هي مرتك أخذها ابني.
تاليا: لزم ايدي و رحنا وكفنا كدام إمام عباس عليه سلام رفع ايدي و كال.
يامان: اتذكر طلبتها منك قبل سنوات و صارت الي ما قصرت مولاي.
تاليا: رحنا زرنا و صلينا بعدة لازم ايدي رفع ايدي و ايدة صورها و كتب عليهه:
تفألت بالخير فوجتكِ.... فزت بيج يا عوض ربي🤍
تاليا: خلة قلب ابيض و نشرها ستوري باوعتلة ابتسمت.
يامان: احبج.
تاليا: احبك ياماني.
يامان: يلا نمشي.
تاليا: خل نمشي جنا نريد نطلع و جواد جاب كومة اجياس جكليت يذبة فوكانة و يصيح مااااقصرتتت مولاااي ماقصرررت جمعتهم بل حلال.
يامان: حضنتة مشكور يا روح اخوك انت.
جواد: شما اسوي احس مقصر وياك.
تاليا: دمعت عيوني من اجة جواد و باس راسي.
جواد: الف مبروك يا خيتي ان شاء الله شايفين كل خير اني مثل اخوج هود اي وقت احتاجيتيني بل خدمة.
تاليا: ما تقصر يا خوية فدوة لكلبك طيب.
هود: تاليا يلا حبيبتي خلي نرجع تأخر وقت اليوم سارة هم ترجع ب ٨.
جواد: يبوووو هم ترجع هاي مغثة.
هود: ولكك منو مغثة هاي مرتي.
جواد: حبيبي انت صاحي ما لكيت وحدة تتزوجها.
تاليا: ضلينا نضحك عليهم بعيدن سلمت عليهم و رجعت وية ابوية و هود للبيت رحت لغرفتي سبحت و بدلت كعدت اشوف ستوريات شفت ستوري يامان و ستوري جواد جان ناشر صورة يامان و كاتب الف مبروك خوية مخلي اغنية حبها و أخذها و ماجذب طب مفتخر بولايتة بعدين شفت ستوري سيف جان ناشر صورة هو و يامان كاتب الف مبروك عقد قرأن اخوية غالي يامان و ستوري هود جان ناشر صورة ورد بيدية اني و يامان كاتب الف مبروك لأحلى عشاق و ستوري سارة جانت ناشرة صورة مثل هود اكيد هوة دزلهه كاتبة الف مبروك شايفين كل خير جنت اتصفح بل منشورات و سمعت صوت سارة رجعت نزلت جوة اركض.
سارة: لجج هلا بأحلى عروس.
تاليا: ياروحييي سروش الحمدالله على سلامتج.
سارة: الله يسلمج يا عمري الف مبروك.
تاليا: الله يبارك بيج و يوم الج.
سارة: آميييين.
تاليا: ههههه وينها امج.
سارة: تلكيهه بل استقبال.
تاليا: رحت للأستقبال شفت كاعدة مرة محجبة و حلوة سلمت عليهه و بوستهه شلونج خالة الحمدلله على سلامتج.
ام سمر: الله يسلمج حبيبتي شلونج شخبارج سمعت اليوم عقدتي الف مبروك.
تاليا: بخير الحمد لله اي والله اليوم جان عقدي الله يبارك بيج.
سارة: رحت للمطبخ اشرب مي اجة هود.
هود: يا حلوة بليل اريدج وحدج عندي حجي وياج.
سارة: احم تمام ان شاء الله.
هود: فديت خجول اني لج شكد مشتاقلج.
سارة: هودي مو وقتهه خلي ارجع يم ماما.
هود: اي امشي امشي بليل اني اعلمج.
سارة: التفتت طلعت لساني و ركضت للأستقبال.
تاليا: خالة اكيد تعبانين كومي ارتاحي حضرنالج غرفة انتي و سارة.
ام سارة: تسلمين حبيبتي من رخصتك ابو هود.
عمار: اخذي راحتج اختي.
سارة: طلعت اني و تاليا و ماما رحنا للغرفة الي محضرينة انتضرت امي تنام و اروح على هود جان ساعة ب ١٢ امي نامت و اني طلعت على كيفي جنت امشي على اصابيعي ماحس غير احد جرني ولزم حلكي ردت ادفرة بس شفت هذا هود.
هود: اششش هذا اني حبيبي.
سارة: بعد ايدة وكلت هو هيجي وكعت كلبي هود.
هود: اسم الله على كلبج شو اشوف وين وكع شوفيني.
سارة: راد يجر تيشيرت لزمت ايدة لك عفتك اسبوع صرت مستهتر.
هود: هههه غير ارجع كلبج لمكانة اشوفة وين وكع.
سارة: ادبسز حبيبي ادبسز.
هود: اريد بوسة.
سارة: هود خلي امشي لا يجي احد.
هود: سروش بس بوسة.
سارة: ماا مااا.
هود: اشو دتعاي ما تجين عين و اغاتي جريتهه و بستها من شفتهه و من اختنكت ابتعد.
سارة: يا خبيث.
هود: هههه عسل عسل.
سارة: وخر اشوف يلا.
هود: سارة باجر اطلبج من امج اشتريت بيت و كملت فلوس مهر. 
سارة: باوعت بعيونة و لمعت عيوني بدموع حضنتة كلت واخيرا الأمير راح يتزوج أميرة.
هود: اكيد ياروحي غير وعدتج.
سارة: بستة من خدة بعدها رجعت على غرفتي.
تاليا: يامان قرر خطوبة بعد اسبوع و حنة وراهه بيوم لهذا ثاني يوم صبح رحنا اني و بشرة و سمر و سارة للسوك نحضر للخطوبة و الحنة سوة اشتريت أغراض الي محتاجتهه و رجعنا للبيت متكسرات اتغديت و نمت و بليل اجة يامان يشوفني رحت جان كاعد بل استقبال سلمت علي و حضنتة.
يامان: اوف شكد مشتاك لعطرج يا بوية.
تاليا: شلونك ياروح تاليا.
يامان: بخير حبيبتي اجيت اكولج باجر نروح نعقد محكمة من صبح و بعدها نمر على محل ذهب.
تاليا: ان شاء الله حبيبي كعدنا شوية و سولفنا بتحضيرات بعدها راح اني هم رحت على غرفتي طلعت ملابس علمود باجر و طفيت ضوة و نمت.
يامان: كعدت صبح شفت تاليا دازتلي صورة لبسها ابيض بحبري كاتبة البس شي هيجي علمود نطلع تنسيق ضحكت و طلعت بنطرون لونة حبري و قميص ابيض كويتهن و بدلت مشطت شعري واخذت صورة دزيتلهه اني جاهز انتي جاهزة.
تاليا: جنت اعدل بل حجاب كمت تعلمة من يوتوب شفت اجت رسالة من يامان دازلي صورتة كشخة حبيبي كشخة كتبتلة بس بقة حجاب و اكمل.
يامان: شفت رسالتها و طلعت من بيت اتوجهت عل بيت ابوها من وصلت دكيت باب طلعلي هود صباح خير خوية.
هود: صباح نور بعد اخوك جاي علمود تاليا.
يامان: اي والله نروح نعقد محكمة.
هود: اي تفضل ليش واكف بل باب.
يامان: لا والله متأخر جماعة منتضريني بل محكمة بس شوف تاليا كملت.
هود: ردت ادخل اصيحهه شفتها طلعت ها هاي اجت مرتك.
تاليا: يامان ليش واكف بل باب فوت.
يامان: لا بوية تأخرنا.
تاليا: ماشي اني حاضرة.
هود: دير بالك عليهه ولك هاي اختي.
يامان: امشي ادخل هاي مرتي.
تاليا: ههههه باي هودايتي.
هود: بايات ياروحي.
تاليا: صعدت بل سيارة حسيتة مطنكر كلتلة شبيك يامان.
يامان: مابية شي.
تاليا: لعد شبيك مو على بعضك.
يامان: ليش تكوليلة هودايتي احنا من كلنة ياء تملك بي الي.
تاليا: هههه تغار من هود ترة هو اخوية.
يامان: حتى لو ابوج ياء تملك بس الي بس الي تكولين ياماني ممنوع تكولين لغيري.
تاليا: صار ياماني.
يامان: اي هيج اريدج.
تاليا: هههه ياغيور.
يامان: هذا طبعي.
تاليا: اموت على طبعك.
يامان: اني اموت عليج يلا نزلي خلي ندخل للمحكمة جماعتي هناك يمشونة بسرعة.
تاليا: نزلت و لزم ايدي بأيدة و دخنا للمحكمة بواسطة معارفة و اصدقائة عقدنا بسرعة و اخذو بصماتنة من بصمت اني جر ايدي و باسهه طلعنا كلت ياماني.
يامان: ياروحه كولي حبيبي.
تاليا: جيب ايدك ناخذ صور قدم ايدة و اخذت صورة هو هم اخذهه و نشرتة ستوري.
يامان: اخذتهه على محل ذهب لصديقي و كلت اخذي الي تريدينة.
تاليا: اني ماحب ذهب هواي بس اختاريت سلاسل بسيطات و اصوار على شكل نجمة و حلقة زغيرة كلت اخذ بس هذني عجبني.
يامان: اخذي بوية مرت نقيب يامان بس تلبس هلكد ذهب شيحجون علية.
تاليا: اي شكو بيها.
يامان: انتي عنودية ما تاخذين اني اختارلج اختاريتلهه طخم ذهب و كلادة و ١٢ سوارات ذهب و ٤ محابس للخطوبة و تراجي كلت حضرلنا هذني راح ناخذهن.
تاليا: يامان هذني هواي.
يامان: اشش معليج.
تاليا: لعد اني هم اختارلك حلقة.
يامان: اي والله علوا.
تاليا: بارحة شفت حلقة يكتبون اسماء داخلهه اريد تكتب اسمي.
يامان: اني كاتب اسمج و حافرة داخل كلبي بقت عل حلقة غالية و طلب رخيص بوية.
تاليا: وصينا الذهب غلفة النا و أخذنا و طلعنا رحنا على مطعم طلبنا اكل.
يامان: شنو تحبين تاكلين حبيبي.
تاليا: اريد شاورما.
يامان: خوية اريد واحد شاورما و بيتزا و بركرات ثنين نزل ويا فينكر.
تاليا: ليش كل هل اكل منو ياكلة
يامان: انتي تاكلينة.
تاليا: ماكدر.
يامان: اي اني اوكلج غصب اريد تسمنين يصير عندج دم.
تاليا: ههههه والله عليك سوالف.
يامان: فدفد للضحكة.
تاليا: جابو اكل صار يوكني كوة حسيت بطني راح طك كلت يامان اذا انفجرت ما اسامحك.
يامان: ههههه ما شفتي شي طلبت بعد لفتين لازم تاكليهن.
تاليا: تشااااقة والله ما اكل بعد.
يامان: ههههه لا حبيبي اشاقة روحي غسلي و اني اروح أحاسب.
تاليا: رحت للحمامات عدلت شالي و رتبت مكياجي و طلعت رحت علي كلت اني كملت.
يامان: تمام حبيبي امشي خلي نرجع.
تاليا: صعدنا بل سيارة و نرجع للبيت شغل اغنية حجيك مطر صيف يردد وراهه و اني خليت راسي على كتوفة اسمع صوتة كولش حلو من يغني.
-حجيك مطر صيف و حجيك مطر صيف ما بلل اليمشون حجيك مطر صيف و ردتك تمر ضيف ردتك تمر ضيف و تسكت اليحجون حجيك مطر صيف....
تاليا: وصلني للبيت و هوة راح دخلت للبيت بدلت و نزلت عل عشى كلت انتو تعشو اني ماشتهي اكلت برة.
هود: ورة عشى تجمعنا كلنا و فتحت موضوع احم بابا عندي موضوع اريد احجي بي.
سارة: كلبي كام يدك سريع اكيد راح يحجي.
عمار: كول بوية شنو موضوعك؟
هود: اني عاجبتني بنية من زمان و اريد اخطبها و اتزوجها هاي فترة اشتغلت و جمعت فلوس اشتري بيت والحمدالله اشتريتة و مجمع فلوس مهرها بس الي باقي تخطبلياهه.
عمار: منو هي كولي و بيك خير و دلل.
هود: بوية رايد بنت عمي سارة على سنة الله ورسوله اذا خالتي توافق.
عمار: سارة ونعم منها خوش بنية و معدلة بس قرار يمج ام سارة.
ام سارة: اني سارة حجتلي عن موضوع و كلتلي من ناحيتي ماعندي اعتراض بس خليها بعيونك ترة هاي وحيدتي.
هود: تدللين خالة بعيوني اخليهه.
عمار: عل خير بوية الف مبروك.
سارة: بست امي و بست عمي الله يبارك بيكم.
هود: تسلم يابة الله يبارك بيك.
تاليا: الف مبروك يا حلوين.
سارة و هود: الله يبارك بيج.
..................
بعد مرور يومين...
تاليا: اليوم خطوبتي و دنيا ما سايعتني من كد فرح كعدت من صبح أخذنا هود للصالون اني و سارة و مناك اجني بشرة و سمر وية جواد سلمنا و على بعض و ام صالون بلشت بينا اختاريت مكياج بسيط و تسريحة تكون بسيطة لأن فستاني جان عدل مخصر و بي فتحة زغيرة من يم رجلي و سارة اختارت تسريحة سندريلا رفعت شعرها و فستان وردي للركبة اما سمر اختارت فستان محجبات كلة كرستال يخبل لونة جوزي و بشرة اختارت فستان لون حبري مستور كملنا و بدلنا كمنا ناخذ صور و ترندات شفت اجت رسالة من يامان كاتب اطلعي برة منتظرج كلت لبشرة يامان برة يريدني هسه راسلني خل اشوف شيريد ليش اجة هسه خلي جهازي يمج.
بشرة: تمام حبيبتي لبسي جبة و حجاب و طلعي.
تاليا: لبست جبة و شال فوك راسي طلعت ماكو احد برة تقدمت شوية وكفت باب صالون ماحس غير سيارة وكفت و جرت ايدي جانو ملثمين صيحت كل صوتي عوفووونيييي............

ترقبوا بارت قادم🥹

كل عام وانتو بالاف خير وصحة وسلامه يارب

حسابي الانستا