خاطفي هو منقذي

p13

هلو قلبوشاتي🦋
...................
لن أنسى من كان بجانبي عندما احتجته.. ولن أنسى مَن تخلّى عنّي وخذلني.. فَفي الحالتين هناك بصمة لن تُنسى أبداً.
....................
تاليا: ليش نروح لهذاك بيت لعد هذا بيت شبي؟
جواد: خوية باجر يجون اصدقائنة يعني صحاب هذا بيت كل عطلة يجون يقضون عطلة هنا و وجودج بين هل شباب ما يناسب.
يامان: تاليا روحي بدلي اني افهمج.
تاليا: ترة مبدلة بس اجيب غراضي و اجي.
يامان: عباتج.
تاليا: ما احتاجه قبل لا يحجي مشيت الم غراضي.
يامان: جواد تتوقع اذا كلتلهه راح تسامحني و تتقبلني.
جواد: متأكد لأن شايف حب بعيونهه و بعيونك روح خوية اعترفلهه.
يامان:اليوم ينهدم خالد بي بنفس يوم اعترفلهه.
جواد: ما بقة شي و تاخذ ثارك.
يامان: جنا نحجي و طلعت تاليا يلا بوية نمشي.
تاليا:جواد تجي ويانة؟
جواد: خوية اني باجر بس اشوف شباب و ارجع للبيت امي مريضة بس اوعدج ارجع بأسرع وقت.
تاليا:نزلت دموعي لأن اني احب جواد مثل اخوية هود.
يامان: ليش تبجين ترة راح يرجع.
تاليا: عادي اضمك خوية.
جواد: لج يا بعد اخوج تعاي ام صماخ راح اشتاقلج. 
تاليا: شكرا لوكفتك وياي بكل لحضة صدك اثبتت انت اخوي.
جواد: تدلل اختي حلوة ديربالج على نفسج ان شاء الله اسبوع و ارجع.
تاليا: ان شاء الله.
يامان: اني اعرف جواد بس من حضنتة اشتعل نار غيرة بية لزمت نفسي كوة من كملت كلامهه اخذت منها جنطة و طلعنا بل سيارة طول طريق صافنة.
تاليا: جنت افكر ليش الي احبهم يرحون بسرعة حتى جواد راح يروح منو بقالي جنت افكر و يامان سألني.
يامان: تحبين جبال؟
تاليا: اي احبهن و احب بيتك لأن مكانة كلش حلو.
يامان: تحبين نصعد عل جبال؟
تاليا: يعني نصعد برجلينة؟
يامان: اي تحبين؟
تاليا: الله شكد حلو اي احب.
يامان: تمام.
تاليا: راح نروح؟
يامان: لا ما اضن عندي مجال.
تاليا: احم تمام راح انام من نوصل كعدني.
يامان: شفتها زعلت لأن كلت مانروح طول طريق نايمة من وصلت قريب من بيت عفت سيارة يم بيت عمو ابراهيم لأن ماتصعد بعد رحت عليهه كعدتهه ما تكعد شلتها بأيدية و سديت باب سيارة برجلي خلت راسهه يم ركبتي و حضنتني حسيت بأنفاسهه على ركبتي تخربط احوالي بس صعدت للبيت فتحت باب و خليتها على جرباية غطيتها و طلعت اجيب غراضهه من سيارة و اجيب اغراض للبيت شفت عمو ابراهيم و سلمت علي
-هلو عمو ابراهيم شلونك.
-هلا ابني شلونك حبيبي فرخة شلون صارت.
-بخير عمو جبتهه نايمة بل بيت بس اروح اتسوك للبيت و ارجع دير بالك عليهه.
-بعيوني عمو روح اني هنا.
-تسلم عمو مع سلامة.
......................
خالد: منووووو الي مسرب معلومات شركة اعترفوووو.
عمار: وين ادري اني وين حالي حالك مصدوم شلون بفترة قصيرة خسرنا ٩٠مليون.
مارلين: اخاف واحد عدوكم من شركاء.
خالد: عمار انت تعرف اخر شريك الي عقدنا ويا شنوو جان اسمة.
عمار: جان اسمة يامان.
خالد: اي هذا هو من وين اريد معلومات كاملة بخصوصة.
مارلين: منو هذا يمتة صرتو شركاء ويا؟
عمار: جنا على وشك إفلاس محد قبل يصير شريك و ننقذ شركة بأخر لحضة اجة ولد شاب و كال اريد أعقد وياكم و اصير شريك كلنالة عن وضع شركة بس عجيب هو قبل.
خالد: مشكلة اذا هو ساعدنة و حط فلوسة بشركتنا شلون ممكن يكون هو مسرب معلومات لأن إذا هو مسرب فلوسه هم تروح.
عمار: راسي راح ينفجر من تفكير.
مارلين: زين ماكو اخبار عن تاليا؟
عمار: بنتج هاي نزلت روسنا حتى ابو آرون ما راد يدخل بشراكة ويانة بسبب بنتج.
خالد: اني خليت مراقبة على جهازهه بس تفتحة يصير موقعهه يمنا.
.........................
تاليا: جنت نايمة كعدت شفت نفسي عل جرباية عرفت هو الي صعدني باوعت على بيت زغير بي  هو غرفتين وحدة بيهه جرباية ام نفر واحد و غرفة ثانية مسويهه مطبخ زغير جان موجود ثلاجة زغيرة و طباخ زغير جان اكو ميز مرتب علي جدريتين و و خواشيك و كم ماعون صدك حبيت البيت امنيتي هيج بيوت رجعت للغرفة الي جنت نايمة بيهه شفت مغطي لوحة الي مخلي صور اهلي عليهه وخرت جرجف و شفت صورة ماما أمنة و هود اخذتهن احضن بيهن كمت ابجي مشتاقتلكم هواي ياريت لو أكدر احجي وياكم.
يامان: رحت للدكان زغير يمنا اشتريت الي نحتاجة للبيت من رجعت للبيت فتحت باب على كيفي خفت لا بعدها نايمة واكعدهه شفتها كاعدة بل كاع و تبجي سمعت كلامهه و تحمحمت.
تاليا: فزيت من احد تحمحم وراية.
يامان: اسم الله عليج بوية مو قصدي افززج.
تاليا: مسحت دموعي لا ماكو شي رجعت صور مكانها و رجعت غطة على لوحة.
يامان: لازم تاكلين عندج علاج.
تاليا: تمام بس اني ماعرف اطبخ.
يامان: جنت اعرف لهذا جبت أغراض راح نفتح يوتوب و نتعلم سوة.
تاليا: هههه خوش فكرة.
يامان: يلا لعد خلي نبلش.
تاليا: لميت شعري ماجان عندي قراصة ثبتة كباية بل خاشوكة يامان ضل فاتح عيونة مصدوم هههه سد حلكك عندي حل لكل شي.
يامان: انتو نسوان ينخاف منجن.
تاليا: ههههه
يامان: جعل محد غيرج يضحك نور جنتي.
تاليا: احم شنو؟
يامان: احم قصدي شنو نطبخ شنو عاجبج.
تاليا: نطبخ مخلمة دجاج و تمن.
يامان:يلا اني شسوي؟
تاليا: انت كشر بتيتة و كطعهه.
يامان: تمام جنت اكشر بتيتة انداريت شفتها تبجي كلتلهه شبيج بوية منو مضوجج.
تاليا:هههه ما ابجي بس كاعد اثرم بصل لهذا ينزلن دموعي.
يامان: انطيني اني اثرم بصل و انتي كطعي بتيتة.
تاليا: لا ما يحتاج هسه اكمل.
يامان: اسمعي كلام يلا بوية وخري.
تاليا: وخرت اكطع بتيتة و اشوف دموعة هو و يثرم بصل كلت ليش هيج تعاند جنت هسه اكملة.
يامان: وعدت نفسي ماتنزلج دمعة.
تاليا: صفنت افكر ليش هيجي صاير حباب وياية كلامة حلو معقولة كام يخاف علية جنت افكر و كصيت اصبعي بس مو هواية كلت اخخ.
يامان: هاا بوية شو اشوف ليش ما تنتبهين ثواني اجيب لاصق.
تاليا: شفت خوف و قلق بعيونة على جرح بسيط اجة لزم اصبعي عقمها و خلالها لاصق جنت صافنة و ابتسم على اهتمامة.
يامان: انتي بس فتحي يوتوب اريد اعرف شلون يسوهه معليج بل باقي.
تاليا: فتحت يوتوب كتبت مخلمة دجاج و تمن.
يامان: كملت ثرم بصل و تقطيع بصل و قطعت دجاج مربعات.
تاليا: يماني اول شي خلي طاوة.
يامان: شنو كلتي؟
تاليا: خلي طاوة.
يامان: لا الي قبلها.
تاليا: احم هو شنو نسيت.
يامان: انسي اي اخلي طاوة بعدين.
تاليا: ضيف شوية زيت و خلي اول مكونات بصل احمسة زين.
يامان: هي كاعدة على ميز تلعب برجليهه تاكل جزر و بيدها تلفون تكولي شسوي اي و بعدين.
تاليا: من انحمس بصل ضيف دجاج بعدها بتيتة خلي ينحمسون زين.
يامان: اي بعدها شسوي؟
تاليا: اكل بل جزر و ردت اجاوبة كبل لزمتني كحه اضرب على صدري هو اجة يضرب على ضهري و جابلي مي.
يامان: اسم الله بوية ادري شجاج تاكلين و تجاوبين اشربي مي.
تاليا: شربت مي و جاوبته نفس دنية لازم اكل و احجي ههههه.
يامان: باع هاي اني ميت من خوفي لا صار بيهه شي هي تضحك و تحشش.
تاليا: هههههه وراهه ضيف بهارات الي محضرتهن وية كلاص مي شيف يامان.
يامان: اي ضحكي ضحكي اني اعلمج.
تاليا: ههه من ضفتهن قبق طاوة.
يامان: تمام خلصنا خليها تستوي.
تاليا: اي هل مرة نجي عل تمن.
يامان: اي شنو مقاديرة.
تاليا: ههههه احس نفسي ببرنامج.
يامان:هههه احلى برنامج و انتي مقدمة.
تاليا: شيف يامان نحتاج الي كوب رز مع كوب ماء مع ملح و زيت.
يامان: نعم انستي اول شي شسوي.
تاليا: جيب جدر ضيف زيت بعدها ضيف تمن كلبة شوي.
يامان: تمام و بعدين.
تاليا: ضيف كوب مي و رشة ملح.
يامان: اي سويتهن اقبقة.
تاليا: لا خلي اضوك مي اشوف مالح لو فاهي.
يامان: اي هاج خاشوكة اشوفها شلون تضوك و تطلع لسانها ضحكت على تصرفاتهه كلت ها بوية اشو عجبج وضع ملحة زين لو لا.
تاليا: شيفي اشو هذا مابي طعم.
يامان: اخذت نفس خاشوكة و ضكت مي جان يرادلة ملح ضفتة و انطيتهه بيدي ها شلونة هسه.
تاليا: اي هسه زين قبقة لحد ما ينشف مية.
يامان: تمام رادت تصعد تكعد عل ميز قصيرة ما تلوح شلتها من خصرها و كعدتها باوعت بعيوني طالت نضر ذبت بنضرة عيونها زرق لو شفايفها كرز و ترجف من قربي قربت طبعت بوسه على عيونها وخرت و حجت.
تاليا: ردت اصعد على ميز ماكدر عالي مالوحة حسيت ايد انمدت على خصري رفعني عل ميز و تقرب طبع بوسة على عيوني جنت مصدومة بشي الي سوا بس مرتاحتلة كلت
-ليش بست عيوني يكولون بوست عيون فراق.
-تخافين على فراقي؟
-احم هو ماعرف.
-بعدج تكرهيني؟
-لا.
-تحبيني؟
-ماعرف انت مرات حباب و مرات تعصب و تصيح.
-ماشي.
تاليا: بعد عني كلتلة احس وياك بأمان.
يامان: ان شاء الله ماقصر وياج اييي خل اشوف تمن.
تاليا: انت كمل اني اروح اسبح و ابدل صار بية ريحة اكل.
يامان: تمام اخذي راحتج.
تاليا: اخذت تراك سمائي و سبحت جان مي بارد ما حسيت غير يامان دك باب كلت ها يامان.
يامان: بوية مي بارد هاج هاي جدر مي حميتلج مي اسبحي.
تاليا: خليها يم باب هسه أخذه.
يامان:خليتها يم باب و طلعت حضرت فرشة بل طرمة و صبيت الاكل و خضراوات جبت مي و ببسي ربع ساعة و طلعت هي ياريتها ما طلعت جنها ملاك مو بشر.
تاليا: الله راح ناكل هنا على هذا منضر حلو.
يامان: احم اي كلت نغير جو.
تاليا: شفتة متوتر و يعرك هواية كلتلة بيك شي.
يامان: لا مابية بس لفي شعرج لا تتمرضين.
تاليا: ماشي لفيت شعري بل منشفة و كعدت هو طب جوة كال ثواني و اجي راح ورة شوية اجة خلى غطة على كتوفي.
يامان: لا تتمرضين بوية تلفلفي زين.
تاليا: شكرا.
يامان: يلا كولي بسم الله و بلشي اكل انطيني رأيج.
تاليا: اكلت و جان طعم كولش طيب كلتلة عاشت ايدك شيفي.
يامان: بل عافية بوية.
تاليا: ضليت اكل و اباوع للجبال.
يامان: اذا تكملين اكلج و خضراوات و تاخذين علاجج باجر نروح على هذا جبل.
تاليا: عفت خاشوكة و كمزت كلت صدك والله كول والله اخذج.
يامان: هههه والله اخذج بس اذا تسوين الي كلتلج علي.
تاليا: صار والله راح اكمل كل شي حتى انت ما خليك تاكل.
يامان: هههه هيج تحبين جبال؟
تاليا: اعشقهن.
.....................
جواد: قبل لا ارجع ردت اشوف سمر راسلتهه علمود تصعد فوك.
سمر: شفت رسالة من جواد طلعت من غرفة تأكدت كل نايمين عود صعدت فوك شفتة منتظرني
سمر:بس بسس اني اجيت بدون مقدمات كبل حضني كل قوتة اني هم رديتلة حضنة و بدون ما احس بنفسي بست ركبتة.
جواد:حضنتها كل قوتي لأن راح اشتاقلهه باست ركبتي لو سوت جريمة خلتني اذوب بل بوسة الي طبعتها قربت باوعت بعيونهه كلت سمر وعيونج ماكدر سامحيني بس هل مرة اخذت شفايفها بين شفايفي و استلذ بطعمهن.
سمر: جان يبوسني بهيام و شوك صح تأذيت بس حسيت بأحساسة صرت ادفع بصدرة من حسيت انكطع نفسي ابتعد هو و خلى جبينا على جبيني ثنينة نتنفس بصعوبة.
جواد: شسويتي بحالي لج اني مجنون بيج و بتفاصيلج احبج للموت احبج.
سمر: اسمع كلامة و كلت اني هم احبك جرني لحضنة يمسد على شعري.
جواد: بنيتي باجر اني راجع للبيت امي تعبانة شوي يمكن بعد اسبوع ارجع ديري بالج على نفسج.
سمر: من سمعت راح يروح كمت ابجي حضنتة حيل كلتلة لاتروح ماتحمل فراكك لا تروح حباب.
جواد: راجعلج و عيونج راجع بس اروح اطمن عليهه و ارجع بعدين تاليا و يامان موجودين هنا بس راحو على بيت يامان يمكن باجر يجون شلة لهذا بيت يبقون يومين و يرحون يامان و تاليا يرجعون هنا ضلي وياهه بين ما ارجع والله شغلة اسبوع وارجع.
سمر: باوعت بعيونة مدمعات تقربت بستة بخدة بعدها خدة ثانية و بعدها طرف شفتة هو وية كل بوسة يغمض و بل اخير نزلت دمعتة بست دمعة و كلتلة راح انتظرك للموت بنيتك راح تنتظرك.
جواد: ياروحي انتي حضنتها و بست راسهه يلا بنيتي امشي لا يجي احد و يشوفنا ما تحمل احد يأذيج ديري بالج على نفسج.
سمر: انت هم دير بالك على نفسك طمني على خالة دعاء مو تنسة.
جواد: صار حبيبي.
سمر: مع سلامة.
جواد: الله وياج بوية ديربالج على نفسج ماوصيج.
سمر: صار محح شمرتلة بوسة بل هوا.
جواد: احبج يم شامة.
سمر: خجلت و نزلت بسرعة.
.........................
تاليا: كملنا الاكل كلتلة اريد اغسل مواعين وين اغسلهن؟
يامان: لازم نطلع مي من بير بهل ليل عوفيهن باجر نغسلهن.
تاليا: تمام شلت مواعين و طببت الفرشة هو جان يشغل صوبة جان دنيا ربيع مو باردة لهل درجة بس بليل يبرد جو.
يامان: تاليا تعاي نشفي شعرج و ضفري.
تاليا: اخذت منشفة و جان اكو مشط خشب اخذتة كعدت يم صوبة و هو يلعب بجهازة جنت انشف شعري و امشطة طولان كلش تعبت ماكدر امشط بعد حسيتة من رجع شعري ورة و اخذ مشط من ايدي ضل يمشط شعري بهدوء ضفر شعري و باس راسي.
يامان:اي شي يتعبج ذبي تعب بية بوية.
تاليا: شلون تعرف تضفر شعر؟
يامان: جنت امشط و اضفر لأختي من امي توفت.
تاليا: وينهه اختك؟
يامان: متزوجة و عدها بنية.
تاليا: تحبها؟
يامان: اكيد احبها هي اختي و صديقتي و امي و بنتي.
تاليا:نزلت راسي تذكرت هود من جان يشاقيني.
يامان: حسيتها انقهرت كلتلهه تاليا تحبين نشاهد فلم؟
تاليا: ماشي بس شنو من فلم.
يامان: عاجبني فلم راح افتحة بل تلفون انتي روحي جيبي علاكة بيهه حلويات و جبس تلكيهه بل مطبخ.
تاليا: صدككك جايب حلويات و جبس ركضت اجيبهن رجعت اشوفة سد باب و شبابيك و ماجان اكو كهرباء شغل كم شمعة رتب فراش جرباية.
يامان: تعاي تمددي هنا و اني اكعد بل كاع الزم تلفون.
تاليا: رحت على فراشي لفلفتي بل بطانية و كال دفي ايدج اني افتحلج جبس و حلويات.
يامان: كعدت بل كاع و فتحت فلم رومانسي متقصد سويت نفسي مو مرتاح بل كعدة علمود اروح اكعد بصفهه.
تاليا: بلش فلم شفتة ما مرتاح بكعدتة كلتلة يامان تعال اكو مجال هنا الكاع بارد.
يامان: لا أخاف ازعجج.
تاليا: لا ماكو ازعاج تعال سويتلة مكان و انطيتة غطة كعدنة سوية نباوع للفلم و ناكل جبس.
يامان: شفتها مندمجة وية فلم و تاكل جبس مثل أطفال تاكل و تمد ايدها توكلني اجة مشهد بيهه بطل يبوس بطلة ارتكبت عرفتها خجلت.
تاليا: فلم حلو بس كولش رومانسي استحيت من اجة موقف بطل يبوس حبيبتة مشة ساعة و حسيت نفسي نعست خليت راسي على كتفة.
يامان: تاليا.
تاليا: هممم.
يامان: نعسانة بوية؟
تاليا:اممم
يامان: خلي اكوم نامي براحتج.
تاليا: لزمت ياخة تشيرتة حضنتة مثل ما احضن مخدة اممم لا تروح ضل هنا.
يامان: بس بوية ردت اكمل كلامي لكيتهه غافية على صدري و لازمة ياخت تشيرت حضنتها و اشتميت شعرها لو تعرفين شكد عشكانج و هايم بيج بس خايف اعترف و ترفضيني ماتحمل رفض منج بوية شسويتي بحالي كدام كل ثكيل و قوي اوصل لنظرت عيونج أضعف شليتي حالي شل.
تاليا: سمعت كلمة احبج جنت بين غافية و صاحية عبالي احلم نمت ما حسيت بشي كعدت صبح شفت نايمة بحضن يامان اول مرة اركز بس و صفنت على ملامحة عيون دكم و رموش طوال مديت ايدي على لحيتة اتلمسة فزيت من فتح عيونة.
يامان: لج بوية ليل كلة لازم نفسي عليج ليش تتحارشين.
تاليا: خجلت و كمت من فراش فتحت باب و رحت للطرمة شفت ٣ دجاجات و ديج واحد فد فرحت كمت اكمز اكول يماااا دجاجاتي.
يامان: طلعت للطرمة و شفتها تكمز من فرح طكيت ركبتي كلت يلا بوية تعاي تريكي وراج علاج.
تاليا: انت اشتريتهن الي.
يامان:اي تعاي تريكي علمود اشوفج غنم و خروف.
تاليا: هم اشتريتهن.
يامان: لا مال عمو ابراهيم تكدرين تروحين تشوفيهن بأي وقت.
تاليا: بدون تفكير ركضت حضنتة كلتلة شكراااا.
يامان:تدللين نور جنتي.
تاليا: كعدت اتريك و هو يسويلي لفات زغار زغار.
يامان: اكلي وراج علاج و وراج طلعة للجبل.
تاليا: فتحت عيوني بوسعها و صيحت صدككككك نروح اليوم.
يامان: اي بوية نروح بس كملي بسرعة اني اروح احضر أغراض.
تاليا: كملت اكل و اخذت علاج بسرعة و بدلت لبست بنطرون و بلوز طويل للركبة لميت شعري سويتة ذيل حصان طلعت برة شفت اكو جنطة بيد يامان كلتلة يامان اني كملت.
يامان: التفتت شفتها لبسهه مستور بس شعرها اخخ هدني هد اي اني هم كملت بس ابدل و نروح.
تاليا: دخل يامان جوة يبدل ضليت اركض ورة دجاجات شفت عمو ابراهيم و جواد من بعيد يجون علينا صيحت...
-جواااااد جوووووجوووو.
جواد: ترة اسمعج مو صحراء.
تاليا: جنت اعرف ما تعوف اختك.
جواد: لا والله اجيت اسلم عليكم و عندي حجي ويا يامان و اروح.
تاليا: جنت شكد فرحانة من راحت فرحة من جواد كال اروح.
جواد: لج راجع ونبي شبيج انتي و سمر كضيتوهه تلطمون.
يامان: هلا جواد نورت خوية تفضل.
جواد: هلا يامان اني رايح ردت احجي وياك قبل ما اروح.
تاليا: شفتهم يباوعون علية عرفت يردون اروح عفت مكان و رحت يم عمو ابراهيم جان يوكل غنم عموو أكدر اوكلهن اني؟
- اي بنيتي تعاي هيجي شوفي تعلمي.
تاليا: اول مرة جنت اخاف بعدين تعودت كمت اوكلهن صرت اغنيلهن يا غنماتي يلا ردو وراية ماع ماااع  انتو حياتي كولو ماع ولجن لا تفشلوني.
جواد: طاح حضج اي والله يامان هم فرحان بيج.
تاليا: ليش عيني شبية اخبل.
جواد: عقلج هم يخبل تحجين وية غنم و تريديهن يجاوبوج الحمدالله على نعمة عقل.
تاليا: ياااامانييي تعالي على جواد.
يامان: شنو كلتي؟
تاليا: كلت تعال على جواد.
يامان: لا قبلها.
تاليا: ماتذكر.
جواد: كالت يامانييي ام صماخ صايرة تجذب يلا خوية اودعناكم.
تاليا و يامان: الله وياك.
تاليا:درت وجهي خجلانة اباوع علي احم نمشي.
يامان: بأبتسامة نمشي ياروح يامانج. 
تاليا: خجلت مشيت قبلة و ............
ترقبوا بارت قادم😂
أحداث تشل شل

حسابي الانستا