خاطفي هو منقذي

p11

هلو قلبوشاتي🦋🥺
.......................
بسام: خوية جواد منو هاي بنية الي طلعت هسه؟
جواد: تذكر قصة اخت يامان.
بسام: اي خوية اتذكر.
جواد: اي عم هاي بنية ورة شغلة هسه يامان خاطفهه.
بسام: شلون خاطفهه وهي لا تصيح و لاشي شنو مهددهه.
جواد: والله خوية حتى اني و يمان مصدومين مثلك لحد هسه ما طلبت اهلهه ولا جابت طاريهم.
بسام:عجيب يمكن وراهه سالفة.
جواد: لا تخاف يامان اخذهه علمود يفتهم موضوع.
بسام: ان شاء الله خير انت يمتى ترجع للبيت امي تريدك.
جواد: ان شاء الله هل اسبوع اجي ابات يومين و لازم ارجع ليامان.
بسام: يصير خير اني باجر راجع لأن أمي وحدهه.
جواد: ان شاء الله خوية خلي اكوم انام فوك سطح.
بسام: تنام لو تحجي وية سميرة.
جواد: انجب لك هاي مرت اخوك.
بسام: ههههه ان شاء الله تكون من نصيبك تبهذلت وراهه.
جواد: صح بس والله تستاهل هاي بنت روحي.
بسام: الله يجمعكم يا خوية اني هم راح اتمدد تصبح على خير.
جواد: انت من اهل خير.
..............
تاليا: شفت لوحة جبيرة عل حايط عليهه صورة عمو خالد و ابوية و هود و امي و ماما أمنة و باقي عمامي و بل اخير صورتي بس صورت عمي خالد اكبر كل جان راسم عليهه علامة شطب بقلم احمر من شفت صورتة رجفت ماريد اشوفة اتقزز.
يامان: تاليا انتي زينة شبيج أشرت بيدهه على صورة و اني ناسي اغطيهه رحت غطيتها كلت احمم ماكو شي تفضلي طبي جوة.
تاليا: طبيت جوة و اني ارجف.
يامان: شفتها وضعهه تخربط و ترجف كلت ثواني اشغل صوبة و اسوي جاي تعاي قربي كعدي يم نار.
تاليا: قربت يم نار و اني تفكيري اخذني لطفولتي الي ضاعت حسيت خلا جرجف على كتافي.
يامان: تلفلفي زين هنا باردة لا تتمرضين.
تاليا: شكرا.
يامان: شغلت صوبة و جبت جاي كعدت بصفهه بس انطيت مجال بينة.
تاليا: شفتة صافن عل نار سألتة
انت ليش مخلي صورت عائلتي كلهه هنا؟
يامان: ماحب هيج نوع من أسألة.
تاليا: ليش شاطب على صورت عمي خالد؟
يامان: تاليا بلشت اعصب لا تسألين.
تاليا: شنو عداوتك وية اهلي؟
يامان: ضربت كلاص جاي بل كاع معللللليج لا تسألللين لا تدخلين بشي ما يخصججج.
تاليا: عصب علية و كام يصيح و هو وعدني ما يصيح علية كمت ابجي و خايفة لأن تعابير وجهه كامت تخوف.
يامان: اسكتييي ماررريد اسمعج تبجييين.
تاليا: لا تصيححح وعدتني لا تصيحححح.
يامان: تمام تمام كافي سكتي.
تاليا: فقدت بس ابجي و اشهك ماكدر اسيطر على شهكاتي.
يامان: كلتلج كافي ماصيح بعد سكتي.
تاليا: اريد اعرف ليش خطفتني جاوبني ليش اني هنا عائلتي شنو مسوية وياككك عمي شبيي؟
يامان: لا تحجين بسيرتةةةةة لجججج لا تحجين بييييي.
تاليا: كسر كل غراض اي موجودة كدامة ردت اهدي اتقربت منا دفع ايدي و وكع كلاص جاي على ايدي صرخت.
يامان: شبيج شو ايدج خل اشوفهه.
تاليا: دفعت ايدة وخر لا تحجي وياي عوفنيييي مادام ما تجاوب عوففففنيييي اكرررررهك كلكم نفس شي طلعت من بيت جان اكو طرمة كدام بيت مثل حوش رحت اتنفس هوا و ابجي.
يامان: رحت وراهه شفتها تبجي عفتها وحدهه كعدت جوة و هي برة بس اسمع صوت شهكاتهه.
تاليا: ضليت وحدي ابجي و اشكي لربي على كل واحد اذاني ماكدرت اسيطر على شهكاتي و رجفة جسمي واكفة اباوع على جبال مقابيلي دنيا ضلمة احس نفس ماكو رجفتي كثرت بزيادة حسيت بأيد تحاوط خصري حضني بكل قوتة يهمس بأذني.
يامان: اششش كافي بنيتي كافي لا ترجفين يا رجفة كلبي.
تاليا: كلكم ماتحبوني بس تأذوني ولا واحد سألني شبيج ليش ضايجة ليش تعبانة كلكم تطلعون حركتكم بية وين اروووح فهمني وييين يعني معقولة مالي مكان بهل دنيا ربي اخذ امانتك تعبت.
يامان: اشش اني اضمج بكلبي بيتج هنا بنيتي لا تدعين على نفسج يومي قبل يومج كافي تعاي دخلي جوة لا تتمرضين يلا بوية.
تاليا:اريد اتحرك رجلي ما تشيليني كلتلة يامان ماكدر امشي رجلي ماحس بيهن.
يامان:شلتها حضنتني من ركبتي ضلت تشهك مثل طفلة كافي بوية انتي اسف والله ماصيح بعد.
تاليا:اخذني يم صوبة كعدني اول مرة جر ايدية يدفيهن بعدين كلي مدي رجليج خلي يدفن جنت صافنة بي مرة يصير حباب و مرة مثل وحش ماكدرت افتهم على هذا شخص.
يامان:تريدين اجيبلج مي عطشانة.
تاليا: هزيت راسي بمعنى اي اريد مي جابلي مي و صافن بية شلون اشرب.
يامان: عوافي اذا تكدرن تمشين خل نرجع.
تاليا: مارجع لحد ما تكلي ليش خطفتني شنو موضوعك وية عائلتي؟
يامان: تاليا امشي نرجع للبيت يلا تأخر وقت.
تاليا: احجيلي و ارجع ليش ما تحجيلي شنو مشكلتك وية عمي خالددددد.
يامان: تريدين تعرفين موو لعددد سمعي عمج شريف الي خابصتني بي اعتدةةةةة على بنيةةةةةعمرهاااااا ١٠ سنواتتتتت سمعتييييي هاي بنية جانتتت اختتيييي ولجججج اختيييي.
تاليا: انصدمت من الكلام الي سمعتة من جاب طاري اختة نزلت دموعة طلع برة ماعرف وين راح جانت اكو جرباية زغيرة تمددت عليهه ضليت افكر و ابجي تذكرت طفولتي.
يامان: طلعت من يمهه لأن ماريد أأذيهه اعرف هي مالها ذنب جان اكو بير مي قريب على بيت رحت كعدت هناك بين ما يهدة اعصابي تذكرت اختي و شلون عبرت مرحلة صدمة تذكرت شلون جانت خايفة من زواج لو ما سيف جانت هسه ميتة.
..................
جواد: صعدت فوك انتضر سمر تجي علمود احجي وياهه راسلتهه علمود تصعد.
سمر: شفت رسالة من جوجو رحت للحمام راسلتة كلت بعدهم كاعدين خلي ينامون اصعد فوك.
جواد: شفت رسالتها ضليت فوك متمدد بهل برد بس ما يهمني مهم اشوف عيونها.
سمر: جانت ساعة ١ بليل الكل راح نام اخذت جرجف و صعدت فوك سطحنا بصف سطح شفتة متمدد بهل برد كلت
سمر: بسس بسس تسمعني.
جواد: سمعت صوت انداريت شفت سمر كلتلها شبيج تصيحيلي لو تصيحين بزون.
سمر: انت بزوني الكيوت شلونك حبيبي.
جواد: اخخخ كلبي راح اموع عيدي كلمة حبيبي.
سمر: بخجل كلت حبيبي جوجايتي.
جواد: يمااا يا بعد جوجايتج عشيرتج تروحلي فدوة.
سمر: فتحت عيوني بصدمة باوعتلة.
جواد: قصدي عشيرتج تروحلي فدوة و عشيرتي تروحلج فدوة.
سمر: مشتاقتلك هواي ليش طولت علية.
جواد: يا روحي انتي والله بل شغل تعرفين شغلي ما يسمح بل عطل هواية و منا اخوي و امي ماكدر اعوفهم.
سمر: خالتي شلونها اخر مرة خابرتك كلتلي مريضة.
جواد: بخير الحمد لله جانت تسلم عليج عرفتني راح اجي اشوفج.
سمر: الله يسلمهه.
جواد: انتي شلونج خوما يضوجوج اهلج.
سمر: نزلت راسي و كلت بخير على الله لا تهتم.
جواد: عرفتها تجذب كلتلهه سمري رفعي راسج ابد لا تحسين بنقص من تحجين وياي انتي بنيتي اني وياج من جان عمرج ١٧ هسة عمرج ٢١ يعني كبرتي على ايدي اعرف طبعج من تجذبين.
سمر: نزلت دموعي و باوعت علي كلتلة اهلي تعبوني هواي لا همه يريدوني ولا يقبلون نتزوج اني و وياك نوب هل مرة يردون يزوجوني ابن عمي اكبر مني ب ١٠ سنوات عندة نسوان ثنين جواد تعبانة هواي ماتحمل كل هل ضغط و ما ينطيني كلبي احجيلك من تتصل.
جواد: شفتها هيج تحجي فاررر دمي بس لزمت نفسي لا تخاف مني سمري باوعي بعيوني انتي قوية اني ما علمتج تضعفين اوكفي بوجه كل شخص يريد ياكل حقج خليج ذيبة لا تخافين من شي واذا عرفتي محتاجتني بس اتصلي علية.
سمر: ان شاء الله احم راح انزل تأخر وقت اخاف يكعد احد.
جواد: سمري بس حضنة بروح عزاز كلبج.
سمر: تقربت و حضنتة حضني قوي حسيتة محتاجني و تعبان هواي ادري بي ما يكول كدامي علمود ماضوج.
جواد: ااخخ لو ينطوني دنيا هسه ماريدهه يا روح روحيي يلا امشي لا اسوي شي.
سمر: خجلت و كلتلة باي بزونتي.
جواد: بايات روحي انتي دير بالج على نفسج بوية.
......................
يامان: ضليت وحدي شوية و بعدها رجعت للبيت شفتها متمددة و منطية ضهرها الي كلتلهه يلا تاليا خل نرجع وقت تأخر احجي و ما تجاوب عبالي نايمة تقدمت عليهه شفت دم بل كاع كلبتهه بسرعة نيمتهه بحضني باوعت ايدها بي دم و عيونها رايحات من بجي صيحت عليهه لججججج شسويتيييي بنفسجج يا غبيةةةة ليشششش ليششششش.
تاليا: شفتة كص من عباية قطعة قماش شد ايدي ضليت صافنة بفراغ و هوة ملتهي بيدي ماكدرت اتحمل بعد حجيت
-مو بس اختك الي جانت ضحية هذا رجال ما رحم بنت اخو تريد يرحم اختك.
يامان: جنت أشد بأيدهه انصدمت من الي كاعد تحجي باوعت عليهه شفت دموعها تنزل سألتها شنو قصدج؟
تاليا: جان عمري ٥ سنوات طفلة ماعرف اي شي كل مرة يجي يجيب ويا حلويات تذكرت من يكولي يا حلوتي تعاي جبتلج حلويات بجيت بكل صوتي صيحت جان ياخذني للحمام و يلزم حلكي يكول اششش اشش لا تبجين انتي بنية مطيعة و عاقلة جان يلزمني بكل مكان جان يبوسني بتقزز من يكمل يكول هذا لعبة اذا تحجيهه تخسرين.
يامان: جانت تحجي و فاقدة حسيتها رجعت لذكرياتهه لأن كل كلمة تحجيها توضحليا بحركات ضلت تبجي.
تاليا: ٣ سنوات و هوة كل مرة يجي يسوي الي يريدة و اني طفلة محد معلمني على شي ابوية و امي يثقون بي حتى لو احجيلهم يكولون طفلة ما تعرف تحجي بس اني ما ضيعت امل بيوم رحت على أمي كلتلهه على تصرفات عمي وياي.
يامان: ماكدرت تكمل صوت بجيها هز الجبال جريتها و حضنتها بكل قوتي لا تكملين كافي اششش كافي.
تاليا: يامان.
يامان: ها يا نور جنتي.
تاليا: امي ما صدكتني كالت اشش لا تحجين لأحد هذا عمج عادي ولكككك كالتلي عاديييي أقرب شخص للبنية أم ماسمعتني عافت عمي براحتة ماكدرت احجي لأبوية و اخوية لأن خفت ما يصدكوني من صار عمري ٨ سنوات بعد بطلت اروح اسلم على عمي لو اخذ منة شي من اعرف هو يجي علينا اقفل باب اني تعبانة والله تعبانة ضليت ابجي ماحسيت غير غوشت عيوني استسلمت للضلام.
يامان: كل كلمة و كل شهكة منهه تلجم كلبي لجم حسيت نفسها ثكل و دغيتهه ما ترد شلتها و طلعت برة شفت عمو ابراهيم و كلتلة عمو راح اخذ بيكب مالتك ما طول شوي و ارجعها.
-ها عمو شصاير وية فرخة؟
يامان: ماكو شي عمو اغمى عليهه راح اخذهه للمستشفى.
-روح وليدي اخذ سيارة يمتة ترجعهه براحتك.
يامان: اخذت مفتاح سيارة ركضت خليتها ليكدام و ربطتت حزام امان سديت باب و اني هم صعدت وديتها لأقرب مستشفى و اتصلت على جواد بل طريق كلتلة رايح للمستشفى باوعت عليهه بعدها فاقدة وصلت للمستشفى صيحت وين دكتور وينة اجو ممرضات ثنين كالو تعال حطهه على سدية و اطلع.
جواد: اتصل يامان علية كلي رايح على مستشفى عرفت كايللهه الحقيقة لبست بسرعة و بسام كعد كال.
بسام: ها شكو وين رايح هيج مستعجل.
جواد: يامان و تاليا بل مستشفى اكيد يامان كللهه عن كل شي و هي ما تحملت رايح اشوفهم.
بسام: ثواني اني هم اجي.
جواد: يلا بسرعة.
يامان: انتظرتهم ١٠ دقايق و طلع دكتور كال
-روح سوي هل فحوصات علمود نحدد مرضهه.
يامان: ركضت اسوي فحوصات و ارجع جان باقي فحص واحد و اتصل جواد هااا جواد وينك؟
جواد: وصلت وينك انت؟
يامان: كالولي على فحوصات اريد اكملهن هسة جايك انتظرني.
جواد: تمام خوية.
يامان: ها خوية ما كمل فحص مستعجل.
-بس ثواني و يخلص.
يامان: تمام، ضليت اتذكر كلامهه و شهكاتهه لو دموع عيونها لزمت راسي اريد انسى كلامهه ماكدر سمعت واحد يحجي وياي.
-خوية خلص فحص تسمعني اخوية.
يامان: احم اسف مانتبهت تسلم خوية ما قصرت.
-العفو يخوي شفاء عاجل.
يامان: شكرا، رحت ركض للممر شفت جواد و بسام واكفين هناك جواد من شافني افتهم علية بس ماحجة شي.
جواد: كملت فحوصات؟
يامان: اي كملت هسه رايح اخذهن.
جواد: تمام انتظرك هنا تردلي جواب جنا نحجي و اجة دكتور.
يامان: دكتور دكتور هذا فحوصات مريضة الي اجت هسه شوفهن و طمني.
-تفضلو وياي للغرفة.
جواد: مشينة لغرفة دكتور و ضل يباوع بل فحوصات و هز راسة.
يامان: ها دكتور بشر.
-المريضة عدها انسداد شريان بل قلب هذا الي خلاها تختنك و عدها فقر دم حاد راح يتكرر هاي حالة كل ما تتعرض للصدمة لو قهر.
جواد: شفت يامان انصدم من كلام دكتور و كوة لازم نفسة عرفتة يحبها والله عرفتة.
يامان: زين دكتور شنو علاجها؟
-تستمر على علاج و اذا ما صارت زينة لازم عملية.
جواد: تسلم دكتور تعبناك ويانة زين يمتى نكدر نطلعهه؟
-خلوها الليلة تبات و باجر اكتبلها خروج.
جواد و يامان: شكرا دكتور تعبناك.
-اهلا و سهلا.
جواد: طلعنا من غرفة دكتور شفت يامان راح عليهه ماردت اضوجة كلت خلي براحتة ضليت انتظر اني و بسام برة.
يامان: انصدمت من كلام دكتور لحد الان ما كاعد استوعب شلون بنية بعمر وردة بعدها ٢٢ سنة وعدها انسداد ماكدرت ما روحلهه رجلية اخذتني عليهه
-شفتها نايمة و بيدهه كانونة وجهه الحلو صاير اصفر مخليلهه جهاز تنفس تقربت منهه و بست راسهه و خليت راسي يم ركبتهه حضنتها كل قوتي اهمس يم اذنها بنيتي كون مرض بية ولا بيج نور جنتي اسف هذا كلة بسببي اني قسيت عليج سامحيني ماعرفت متأذية لهل درجة ماعرفت اكو بكلبج كل هذا كلام بس وحق من خلقني و خلقج الا اشوفهم نجوم ليل بعز نهار وعد مني بس كعدي اريد اشوف ضحكتج احجي وياهه ما تجاوب كمت من يمهه و طلعت برة شفت جواد.
جواد: طلع يامان من غرفتها و باوعلي افتهمت نضراتة بسرعة رحت حضنتة الله كريم خوية الله كريم اعرفك تحبها والله كاشفك.
يامان: حضنت جواد كل قوتي و ابجي بنيتي هاي بنيتي ولك مأذيهه متأذية أكثر مني شلون راح تسامحني شلون اني الي خليتها توصل لهل مرحلة.
جواد: استهدي بل رحمان روح ادعيلهه ان شاء الله تكوم بل سلامة أريدك قوي وين يامان الي اعرفة.
يامان: مسحت دموعي و كلت جواد خلال هل اسبوع اريد معلومات جديدة عن خالد حقير.
جواد: تدلل من عيوني.
تاليا:فتحت عيوني بليل و شفت خيال واكف عل شباك بس ماكدرت افتح عيوني من تعب رجعت نمت.......

بارت قادم ترقبوا🥺

حسابي الانستا