خاطفي هو منقذي

البارت الثالث

لا تيأس إذا تعثرت أقدامك وسقطت في حفرة واسعة.. فسوف تخرج منها وأنت أكثر تماسكاً وقوة.. والله مع الصابرين.
...............

تاليا: لا لا والله زغيرة ماما ساعديني ماما لاااااا عمو فدوة اني بنتك عمووو لاااا ماريد ماااريدددد.
هود: شبيج هيو ولج كعدي تاليا تالووو.
تاليا: فزيت من نومي واني ارجف جسمي عركان و شفت هود يمي.
هود: شبيج تصيحين حلم ياروحي ماكو شي هاج شربي مي.
تاليا:اخذت المي من ايدة شربتة دفعة وحدة بعدهه رجفة بية تذكرت الشي الي حلمت بي لزمت راسي اريد انسا سمعت هود كال كومي حبيبتي دنيا مغرب موزين تنامين.
تاليا: تمام هسه اكوم راد يروح لزمت ايدة كلتلة هود شكرا لوجودك وياي.هود: باوعت عليهه شفتها وضعها موزين كلتلهه ماكو شي اني يمج يروحي كومي غسلي و تعاي تعشي ويانة.
تاليا: تمام حبيبي كايمة شفتة طلع برا كمت طبيت للحمام سبحت و طلعت انشف شعري فكرت بل كابوس الي شفتة اخذت قراري بأن لازم اكول كولشي لآرون لازم يعرف كولشي اذا هو راح يصير شريك حياتي من حقة يعرف نزلت جوة شفتهم كلهم ملتمين تقدمت و كلت مساء خير.
عمار: هلا بابا مساء نور شلونج حبيبتي.
تاليا: بخير الحمد لله انت شلونك بابا؟
عمار: بخير بس اذا اربح بل انتخابات ارتاح.
مارلين: مساء النور بنتي شلونج.
تاليا: ما جاوبتهه بس هزيت براسي.
هود:هلا ام صماخ طولتي يلا كعدي جوعااان.
تاليا: من يوم يومك جوعان تعال اكلني جنا نحجي دخلو عمامي ٣ خالد و مؤمن و حامد.
خالد.مؤمن.حامد: مساء الخير عليكم شلونكم.
تاليا: كلهم جاوبو الا اني ضليت اكل و ما مهتمة.
خالد: شلونج تالونة شخبارج؟تاليا: بخير شكرا ردت اكوم و هو كام يحجي وية بابا عن موضوع زواجي.
خالد: عمار اني اضن ما نستعجل بزواج تاليا بعدهه زغيرة.
تاليا: محد الة حق بزواجي اني اخذت قراري راح ازوج و باجر ارد جواب لآرون بس قبلها اريد احجي ويا بموضوع يخصني حجيت هيجي و باوعت على خالد تخربط احوالة.
عمار: اي بابا ردت اكولج مستقبلج وية آرون ناجح لأن تعرفين اذا أنجح بهل انتخابات هذا بفضل ابو آرون زواجكم راح يكون ورقة رابحة لعائلتنة.
تاليا: انصدمت من تفكير ابوية يعني ما يهمه حياتي كل الي يهمه مصالحه وية ابو آرون كمت من اكل كلتلهم الحمدالله اني كملت تصبحون على خير ماريد احد يزعجني.
عمار: تالونة باباتي هل اسبوع لا تطلعين من بيت.
تاليا: ليش و دوامي شلون؟
عمار: اني اخذلج اجازة بس لا تطلعين لأن هل ايام خطرة علينا من قبل منتخبين ضلو بل بيت.
تاليا: بس بابا اني ردت اكمل كلامي ما خلاني.
عمار: ماريد اعتراض سمعتي طلعة ماكو منا لأسبوع ورة انتخابات طلعي.
تاليا: بابا اني ما دخلني بشغلك و حياتك لا تدخل بحياتي و دوامي تعرف ماحب اسلوب تحكم لأن تخنكني اني دوامي ماعوفة اني حجيت هيج ما احس غير راشدي فر وجهي.
مارلين: ماريد امد ايدي بس هاي علمود تتعلمين شلون تحجين ويا ابوج.
تاليا:  باوعتلها بحقد وعفت كل و صعدت لغرفتي قفلتها كعدت بل كاع ابجي ليش هيج ياربي ليش ماعيش براحة لا هسه ولا بطفولتي شنو ذنبي تمددت على الكاع و سمعت أذن العشاء كمت من كاع توضيت و فرشت سجادتي و صليت حسيت براحة نفسية ماكو مثلها كمت ادعي ياربي حياتي و مستقبلي بيدك دليني على طريق صحيح انقذني من هل هموم مالي غيرك يا الله
كملت و تذكرت آرون كلت لازم اتصل علي اتصلت علي و كلت الو..
آرون: هلا تاليا شلونج شخبارج.
تاليا: بخير الحمد لله انت شلونك.
آرون: بخير الحمد لله شلونها دراسة وياج.
تاليا: الحمدالله زينة بس ماراح اداوم اسبوع بسبب انتخابات بابا.آرون: زين شلون اضل اسبوع بدونج شنو فكرتي بخصوص موضوعنا.
تاليا: هو اني خابرتك علمود هذا موضوع اني موافقة باجر جيب اهلك علمود تطلبوني من بابا.
آرون: صدك فرحتيني باجر اني  ب ٥ يمكم.
تاليا: تمام اني لازم اروح لأن نعسانه.
آرون: تمام نوم العوافي تصبحين على خير.
تاليا: سديت اتصال و سمعت باب يندك ما طلعت صوت علمود يعرفون نمت شوية و راح صوت
اني هم ذبيت نفسي و نمت.
............
في مكان آخر
جواد: يمذبل جفونك خجل يلشفتك مرطوبة خايف عليك من اللعب لا تنكسر بلطوبة.
يامان: ها خير شجابك مو كلت باجر تعال شكو جاي اليوم.
جواد: حبيبي انت اشتاقيتلك شلون تعوفني اني و ابنك وحدي.
يامان: شوف لك امشي من يمي لا امرعدك.
جواد: اووي حبيبي القاسي بس رغم قساوتك هم احبك ممواح.
بشرة:جنت كاعدة الكط خضرة و دخل علينا جواد، جواد هو صديق يامان من هو زغير فد شقايجي يحب دوم يشاقة من دخل ضل يحجي مثل بنات وية يامان اخر شي ختمها بهيج كلام و شفت يامان يركض ورا ههههههه متت ضحك على شكلهم جواد هو يركض و يصيح
جواد: يامان ولك ابنا راح يوكع ولك حامل حبيبي خل نتفاهم.
يامان: عار حامل من منو يل صكط.
جواد: حامل منك زلم اخر زمن يتبرة من ابنا و مرتة عابت عابت اي والله
.يامان: احجي عدل لا اخرب معالم وجهك اني جاي احجي اشوف اختي بشرة ميتة ضحك فرحت على ضحكتها.
بشرة:متت ضحك واني اسمع جواد شلون يحجي و يقلد صوت بنية.
جواد: وييي شبيج بشيرة كافي ضحك.
بشرة: هههههه هو انت تخلي واحد يضحك شلونك جواد.
جواد:عاااااااا.
بشرة: فزيت كلت ها يا ستار شكو.
جواد: ما اسمحلج تكوليلي جواد كولي جوجو.
بشرة: هو حجة هيج و اجا راشدي من يامان متت ضحك.
يامان: اثكل يول انت زلمة شكبرك اضل اعلم بيك.
جواد: اي ابوية هذاك يوم جان يصيحلي جوجايتي.
بشرة: خلص لزمت بطني و متت ضحك على ضحكنا رجع سيف.
سيف: سلام عليكم.
يامان و بشرة: وعليكم السلام و رحمة.
جواد: هلا يا عمري نورت.
بشرة: شفت جواد كام يفتر على سيف و يلعب بلحيتة يكول وين جنت ليش عفتني علمود هاي بشيرة مو اني حبك اول.
بشرة: خربت ضحك اني مرتة ماسوي حركاتة و ماحجي هيجي بذوبان ههههههه.
سيف: وخرت ايدة و كلت عمي ماريد تغتصبني امشي ولي رايد روحي يااامان ساعدني بداعت اختك.
بشرة: كام يامان و عاف جاي لزم جواد من ياخت قميصة و يمشي بي طلعو ثنينهم ماعرف وين أخذه و اني ضليت بس اضحك مادري بروحي بعدين حسيت سيف صافن علية تحمحمت كلت هلا حياتي هسه يجهز الغدا اكيد تعبان و جوعان.
حضني و باس راسي كال ماريد شي بعد هاي ضحكة حلوة شفتج تضحكين من كل كلبج بعد غياب سنوات ياربي دوم ضحكة.
بشرة: حضنتة و كلت اني اتأقلم لأن انت وياي و ساندني و تفرحني بس اني اريد يامان هم يشوف حياتة و يتخطة ماضي.
سيف: ان شاء الله حبيبتي بس يرادلهه شوية وقت لا تفكرين هواي يلا جوعان شنو غدا.
بشرة: تدلل حبيبي هسه يكمل غدا عدنا دولمة اني حجيت هيج و سمعت صياح.
جواد: عااااااا عدكم دولمة و تريدون تطردوني يا ضلام.
بشرة: وخرت من حضن سيف خجلت هواي كلت اي عدنا دولمة ومانطيك.
جواد: امشي لج هو قبل ما تجين هذا جان بيتي و رجلج جان رجلي بس انتي اجيتي و سحرتيلة.
بشرة: لا عيني هو يحبني اني ما يحبج سوة صوتة مثل بنية و كال.
جواد: سيوفي تحبني لو تحبها.   
  سيف: احبها هي بنيتي و ام بيتي و روحي و عمري و كل حياتي بشرة كلبي.
بشرة: خجلت من هيجي كال شفت جواد سوة حركة مال واحد مصدوم و انكسر كلبة.
جواد: يلا ولي انت و وياهه اهم شي الدولمة.
بشرة: ضحكت كلت روحو غسلو هسه احضر السفرة
بشرة: حضرت سفرة و سيف راح يسبح و يامان و جواد جانو واكفين بل حديقة فتحت شباك غرفة ردت اصيحهم علمود يجون يتغدون سمعت يامان يكول ان شاء الله اسبوع جاي نبلش بشغلنا ماريد احد يدري سديت شباك ضليت افكر شنو هاي شغلة؟
سيف: ها حبيبي اكل جاهز.
بشرة: اي جاهز حبيبي صيحلهم.
سيف: تمام يروحي؛ يلا شباب امشو تغدو.
بشرة: كعدنا نتغدة و اني افكر بعدين كلت يامان ما يضم علية شي اكيد راح يحجيلي بليل.
جواد: يبووووووية مو دولمة ضيم حامضة يروحلج فدوة يامان.
يامان: اكل انت و ساكت لا اوكلك بطريقتي شكد تلغي ما تتعب ما تبزع.
بشرة: عوافي اخوية.
جواد: اني شنو كلتلج مو كلت صيحيلي جوجو لو جوجاية ليش تكبروني و اني بعدني شابة.
بشرة: اسفة جوجو عوافي.
جواد: والله بس انتي كفو فديتج مرت زوجي سابق.
سيف: شلون راح يخرب بيتي.
بشرة: كمت اضحك و كملنا اليوم كلة ضحك ويا جواد هو من زغرة هيج من يجي علينا يفرحنا و يضحكنا.
................
تاليا: ضليت يوم كامل بغرفتي ماطلعت ابد من اجوع اكل حلويات ماريد اشوف احد بس للعصر سمعت صوت هود يدك باب كال تاليا بيت اهل آرون هنا حضري نفسج و انزلي.
تاليا: تمام شوي و اجي كمت غسلت و لبست فستان وردي فاتح للركبة فتحت شعري و خليت مكياج خفيف فتحت باب اريد انزل شفتة
يتبع.......

لاتنسون التصويت والتعليق بين الفقرات

تابعو حسابي الانستا