خاطفي هو منقذي

p21

هلو قلبوشاتي🦋🤍
عندما يحين الفراق يتمنى القلب لو أن اللحظة تتجمد كي لا يودّع من يحب، فالفراق قطعة من الجحيم يُشعر الروح بالغربة والضياع.
....................
بشرة: طول طريق كضيناهه اغاني و ركص أصدقاء جواد ما قصرو بل هوسات جان يوم كولش حلو بس ياريت لو يامان و تاليا جايين ويانة مكانهم خالي
بعد ٥ ساعات وصلنا لبغداد زفيناهم لفندق رحت اني و ام جواد على سمر شفتها متوترة.
سمر: بشرة هم زين اجيتي ولج توتر يقرة الف ماعرف شسوي.
بشرة: لا يروحي ترة جواد صار زوجج و تعرفينة و تحبي ابد لا تخافين لو تتوترين.
ام جواد: انتي صرتي بنتي يروحي الف مبروك أن شاء الله اشوف جهالكم اي شي تحتاجين اني مثل امج كوليلي.
سمر: ما تقصرين يا عمة انتي امي و أكثر.
بشرة: سمعنا راح يزفون عريس بوست سمر و طلعت.
سمر: شفت جواد دخل للغرفة كلبي كام يرجف سد باب و قفلة ماحجيلكم توتر الف تقرب باس راسي.
جواد: الف مبروك ياروحي صرتي الي و حلالي راح اجيب عشة و اجي.
سمر: هو راح يجيب عشة اني هم نزعت بدلة بصعوبة مسحت مكياج و فتحت تسريحة غسلت وجهي و خليت مرطب و شوية تنت انتضرتة من رجع ضل صافن علية بعدين لزم ايدي و كعدنا ناكل.
جواد: رجعت للغرفة جبت عشة شفت ملاك كاعد منتظرني الحمدالله ربي صارت حلالي كملنا عشة و كلتلهه سمر يلا بنيتي لبسي حجابج خلي نصلي.
سمر: مسحت تنت و لبست حجابي هو راح يتوضى فرشت مصلايات اجة بدينا نصلي هو قبلي و اني ورا من كملنا باس راسي شلت مصلايات و الحجاب جنت ارتب بل أغراض حضني من ورة.
جواد: بعد تعب و انتضار هل سنين صرتي ام بيتي اشكر ربي لأن رزقني بيج.
سمر: هو يحجي و يباوع علية بل مراية التفتت علي خجلانة باس شفتي و شالني وداني للجرباية بليلتها صرنا روح واحد عرفت جواد شكد يحبني و يخاف علية ابد ما حسسني اني جنت مطلقة بل عكس حسسني اني اميرتة و بنيتة بكل لمسة يخاف و يرجف.
جواد: الف مبروك ياروحي ان شاء الله راح اسعدج.
سمر: بخجل الله يبارك بيك حبيبي.
جواد: فديت خجلان يبووو اشو دتعاي.
سمر: خلاني بحضنة و جانت احلى نومة كلها حب و حنان و لهفة.
................
تاليا: وصلنا لبيتنا يامان فتح باب دخلت جوة من تعب رحت للغرفة ذبيت نفسي على جرباية.
يامان: بوية تاليا كومي بدلي بين ما اسوي عشة وراج علاج.
تاليا:جنت ضايجة كلت طفي ضوة اريد انام من اكعد اكل.
يامان: ما ردت اضغط عليهه طفيت ضوة و طلعت.
تاليا: هو طلع اني هم من قهر غطيت راسي و نمت.
يامان: عرفتها ضايجة لأن ماكدرنا نروح وياهم و هسه ضلت وحدهه بشرة و سمر راحن جبت حبل من سيارة جان اكو شجرتين يم البيت سويتلهه مرجوحة من كملتها خليتلها مخدة تكعد عليهه من تتمرجح وكلت دجاجات و كتاكيتهن كلت بس تكعد تتخبل عليهن دخلت للبيت فتحت ثلاجة طلعت طماطة و بتيتة حمست الطماطة و كليت بتيتة حميت خبز و طلعت ببسي جنت جايبة وياي من طريق رحت دكيت باب عليهه تاليا.
تاليا:جنت نايمة سمعت دكة باب ها يامان ادخل.
يامان: فتحت باب شفتها بعدها بملابسهه و مكياجهه شعرها مكنفش كومي بوية اتعشي وراج علاج.
تاليا:ماشتهي انت تعشى.
يامان:ما يصير بوية كومي.
تاليا:حسيت اريد ابجي باوعت علي و عيوني وحدتهن صارت شلال.
يامان:شفتها تبجي عفت صينية و رحت عليهه شبيج ياروحي على شنو هل بجي.
تاليا: ليش راحو جنت فرحانة وياهم هسه رجعت وحيدة.
يامان: وحيدة و اني موجود.
تاليا: مو قصدي هيج بس تعودت عليهم و على لمتنا سوة و سوالفنا و ضحكنا.
يامان: وعد اخذج عليهم بس خلي ارتب بعض أمور والخطر ينزاح.
تاليا: شنو الي خطر؟
يامان: تاليا ابوج بعدة بل حزب يعني يكدر يسوي كل شي اني ما خايف على نفسي لا وحق دموعج بس خايف لا ياخذوج مني و ماكدر اسوي شي لأن اني بعدني ما متزوجج ماكدر اكول هاي مرتي ماتكدرون تاخذوهه بل عكس القانون يصير وياهم.
تاليا: لعد شوكت نزوج؟
يامان: هو هذا الي كاعد اسوي بوية كاعد اطلعلج جنسية و اوراق جديدة لأن حتى لو طلبتها من اهلج ما راح ينطونة.
تاليا: احجي وية هود اخوية هو يجيبلك أوراقي و جنسيتي.
يامان: هود طالع من بيت.
تاليا: شنو طالع وين طالع؟
يامان: حسب ما اضن متعارك وية اهلج و طالع من بيت.
تاليا:يامان فدوة اروحلك خليني اتصل علي والله ماطول بس اسمع صوتة حباب.
يامان: احم ماشي بس ثواني.
تاليا: شفتة جاب شريحة جديدة و تلفون خلة الشريحة للجهاز و سجل رقم هود واتصل علي.
يامان: انتي احجي ويا اني اطلع برة.
تاليا: راد يروح لزمت ايدة لاتروح انت مو غريب رحت كعدت يمة و فتحت سبيكر لازمة ايدة ارجف من فرح.
يامان: على كيفج بوية لا يصير بيج شي.
تاليا: هسه غير يجاوبني.
...............
هود: صارلي فوك شهر ونص ادور على اختي الي ماعرف وين اراضيها ماكدرت الكاهه اهلي مخبوصين بديونهم و خساراتهم اني ضليت يم خالة أمنة ماقصرت وياي فتحتلي بيتهه و استقبلتني اني هم عفت شغل وية اهلي بل شركة ضليت اشتغل بكافتريا قريب على بيت خالة أمنة ردت ابني مستقبلي بنفسي ضليت اشتغل بليل لصبح ارجع الصبح انام ساعتين بعدين اطلع ادور على اختي بيوم رجعت للبيت من وكت لأن تعبان دكيت باب فتحتلي خالة أمنة
هلو خالة شلونج.
أمنة: هلا ياروح خالتك بخير انت شلونك الله يساعدك.
هود: بخير خالة بس شوي تعبان رجعت من وكت.
أمنة: سودة علية خالة روح ارتاح خالة واذا جوعان محضرة الأكل على ميز بل مطبخ.
هود: لا ماجوعان حبيبتي اروح انام شوية تصبحين على خير.
أمنة: وانت بخير وليدي.
هود: رحت لغرفتي نزعت ملابس شغل و طبيت للحمام اغسل جنت اغسل شعري سمعت صوت تلفوني كلت اكمل و ارجع اتصل.
تاليا:يامان اتصلت ٣ مرات ما يرد يمكن مو مهمة يمة.
يامان: حبيبي يمكن مشغول.
تاليا: رجعتلة تلفون و رحت لفراشي مدنكة راسي من فشلة حتى اخوية ما يرد علية غطيت راسي سمعت صوت تلفون كمزت باوعت ليامان.
يامان: هود يتصل اركضي.
تاليا: ذبيت الغطة و كمزت يمة اخذت تلفون فتحت سبيكر سمعت كال ألوو منو لزمت ايد يامان ارجف و دموعي تنزل.
يامان: بهمس كلتلهه احجي.
تاليا:الو و و هود.
هود: سمعت صوت تاليا لو فقدت ما مصدك هاي اختي تالياااا هاي انتي ولج احجي وينج؟
تاليا: هودييي حبيبي شلونك احجي و ابجي.
هود: اني موزين بدونج ياروحي وينج فدوة احجي.
تاليا: اني بخير ياروحي ماكدر اكول اني وين بس وداعت عيونك بخير لا مخطوفة ولا شي اني جنت مخنوكة و طلعت من بيت.
هود: ماشي حبيبتي بس كوليلي وين انتي ميت على شوفتج ولج ام صماخ من رحتي مافكرتي بية شيصير بحالي ببعدج.
تاليا: اعرف يا روح اختك بس والله جنت تعبانة و مجبورة اطلع أهلنا ما خلوني اي خيار ثاني.
هود: زين كوليلي وينج اني هم اجيج.
تاليا: باوعت بعيون يامان شفتهن خايفات من فقداني كلت هود ان شاء الله عن قريب اني ارجع و اتواصل وياك.
هود: ماراح اضغط عليج بس أمانة احجي وية خالة أمنة من يوم رحتي لحد هذا يوم مانشفن دموعها.
تاليا: باوعت على يامان بمعنى أكدر احجي وياهه هز راسة يبتسم و يمسد على شعري كلت هود انطيني ماما أمنة.
هود: نزلت اركض للصالة شفتها كاعدة تقرة قرأن كلتلهه خالة راح انطيج احلى مفاجئة بس باجر لازم تطبخيلي دولمة.
أمنة: يااا غير تدلل وليدي انت.
تاليا: سمعت صوتها كمت اشهك كلت لعد اني ماما اشو نسيتيني.
أمنة: سمعت صوت عافيتي يمةةة تالونة يمةةة بنيتي هاي انتي يروحي ولج وين رحتي يا أمي وين.
تاليا: لا تبجين ماما أمنة والله اني بخير و فرحانة و مرتاحة اشتاقيتلج ماماتي.
أمنة: ياعمري اني هم اشتاقيتلج بنيتي وين رحتي كوليلي وين انتي اجيج يمة والله مأكول لأهلج بس اني اجيج احجي يمة كلبي طاك عليج.
تاليا: ياروحي ماكدر اكول هسه بس وعد عن قريب التقي بيكم حبيت اطمنكم اني بخير و هسه لازم اسد خط.
هود: تاليا فدوة دير بالج على نفسج و رجعي بسرعة.
تاليا: ان شاء الله حبيبي دير بالك على نفسك و على ماما أمنة.
هود: ان شاء الله يروحي لا تكطعين بينا.
تاليا: ماشي ياعمري مع سلامة.
هود: الله وياج حبيبتي.
تاليا: سديت اتصال حضنت يامان كل قوتي شكراااا شكرااا.
يامان: ياروحي انتي تدللين علية بنيتي يلا اخذي علاجج كافي تبجين.
تاليا: اخذت علاج و هو فرش بل كاع و اني على جرباية لزمت ايدة و هوة لازم ايدي غمضت عيوني و نمت.
يامان: شفتها نامت غطيتها و بست راسهه راح ابنيلج احلى حياة راح أحقق كل شي جان بخاطرج رجعت لمكاني و نمت.
................
خالد: عماااااار عمااااار وينك.
عمار: شبيك تصيح بهل ليل شصاير.
مارلين: شنو هل صياح بنص ليل وين كاعدين بل شارع.
خالد: بنتج يا خاتون لكيناهه.
عمار: وييييننن لكيتهه كولي.
خالد: اني مخلي مراقبة على أجهزة كل قبل شوية خبروني اكو رقم غريب اتواصل وية هود و جان اتصال بنية.
عمار: كولي مكان خلي اروح انضف شرفي نزلت راسي هاي جلبة.
مارلين: عمار اهدة مو هيج تنحل ترة انتو خسرانين هواي تريد تسوي جريمة و تنسجن اني وين اروح.
خالد: اوكفو ما كملت الخبر الي خلاني اصيح هو الشخص الي اشترة كل املاكنة و اشترة شركة مسجل كل شي بأسم تاليا يعني اذا تموت تاليا احنا نخسر لازم باجر نروح على موقع اتصال.
عمار: ليش خلاها بأسم تاليا منو ورة هاي لعبة شنو غايتة.
خالد: ماكو غير بنتك لعبت وية ولد ناس و قنعتهم يكتبون أملاك بأسمها.
مارلين: خالددد ديربالك على كلامك.
عمار: مارلين اريدج تحضرين ملابسي باجر طالع من صبح اجيب بنتج ك*** دايحة وية زلم.
خالد: باجر اكشف منو ورة هاي لعبة لازم ارجع شركتي.
عمار: اني يمكن راح انسحب من برلمان لأن محد يشتغلي بدون فلوس تشوف وضعنا.
خالد: بنتككك كله بنتك.
عمار: اني اعلمهه.
مارلين: عمار راح للغرفة و اني تقربت على خالد شوف خالد لا تخليني اطلع مضموم و الي مدفون من كم سنة.
خالد: احم اني رايح تصبحين على خير.
مارلين: شفت وضعة تخربط و راح.
...............
تاليا: كعدت صبح شفت يامان مو بمكانة كمت من مكاني ادور علي بل بيت ماكو شفت ملاحظة على مغسلة مكتوب صباح الخير يا حبيبتي غسلي وجهج و ابتسمي بعدها اتوجهي للمطبخ، ههه غسلت وجهي و باوعت للمراية ابتسمت بعدها رحت للمطبخ شفت محضر اكل كاتب ملاحظة ثانية على كاونتر عفية ببنيتي فديت ابتسامتج اكلي اكلج و اخذي علاجج بعدها اتوجهي للكنتور شلت لفة اكل بيهه و رحت للكنتور كاتب ملاحظة ثالثة حبيبتي اكو فستان ابيض بل كنتور لبسي و اتوجهي للصالة، فتحت كنتور شفت فستان ابيض يجنن بي ورود احمر لبستة و مشطت شعري طلعت للصالة جان كاتب ملاحظة رابعة و لازكهه على فانوس جريتهه متأكد طالعة تخبلين ياروحي فتحي باب و تلكين شي بل كاع فتحي، رحت فتحت باب بيت و شفت هدية مغلفة شلتها و كمت افتح بيهه انصدمت من شفت نفس كامرة الي عجبتني جايبلياهه جان اكو ملاحظة بل هدية فتحتهه مكتوب، اعرف كولشي من نظراتج ان شاء الله عجبتج بوية اذا تريدين تلكيني اتوجهي ورة بيت، لبست حذائي و مشيت بسرعة ورة بيت شفت مرجوحه كلهه ورود و هو واكف بصف مرجوحة ايدة بجيبة ركضت علمود احضنة وهو فتحلي ايدة.
يامان: اجتي ركض لحضني هاي البنية الي دورت عليهه من عمرها ٥ سنين لهسة مامصدك هي بحضني هسه حضنتها كل قوتي.
تاليا: شكرا لوجودك بحياتي اني احبك يامان.
يامان: اني اعشقج بوية لا تبعدين عني ضلي يمي طول عمر ترة تاريخ ولادتي بلش بشوفتج و تاريخ موتي يكون من تبعدين.
تاليا: ابد ماعوفك يا روح تاليا.
يامان: ترة كلبي رجيج ماتحمل كلامج حلو هسه اكلج.
تاليا: هههه يلا يلا اريد اصعد بل مرجوحة.
يامان: تعاي بوية صعدي اني امرجحج.
تاليا: على كيفك ترة اخاف.
يامان: تدلل بنيتي.
تاليا: صعدت بل مرجوحه صار يدفعني على كيفة كل ما ارجع ليورة يبوس راسي كمت اضحك الهوا يلعب بشعري واحس نفسي طايرة اجة مقابيلي يصورني بل كامرة.
يامان: فديت ضحكتج ياروحي يلا خلي اخذلج بعد صورة.
تاليا: ههههه يامان كاعد اطير.
يامان: هههههه اضحك على ضحكتها رنانة.
تاليا: تعبت كلت ياماني وكفني اريد انزل تعبت جرني من خصري و وكف مرجوحة جان راسة قريب مني انفاسة تضرب ركبتي وخر شعري بهدوء و باسني كلتلة ياماني.
يامان:أنفاس يامانج.
تاليا: خلي ناخذ صور سوية للذكرة.
يامان: تعاي اخذج مكان تحبي و نتصور هناك.
تاليا: لزم ايدي و كال.
يامان: تحبين تركضين.
تاليا: اييي.
يامان: اخذت ايدهه بإيدي و ركضنا هي تضحك و اني اضحك على صوت ضحكتها.
تاليا: وصلت لمكان كأن جنة بس مي و بيهه غنم و طليان لو خروفات زغار يجنن باوعت علي كلت أكدر الزمهن.
يامان: كلهن الج بوية.
تاليا: ركضت على خروف و ضليت اركض وراهن اريد الزمهن ماكو.
يامان: تركض ورة خروف و تضحك فستانها و شعرها يطاير كأنها ملائكه و انخلقت على الأرض كمت اخذلهه صور بدون ما تدري.
تاليا: بعد تعب لزمت خروف عنوني يامانن لزمتها تعال ناخذ صورة وياهه.
يامان: ههههه واخيرا لزمت كامرة فريتهه اتقربت منهه و خروف بيدهه أخذنا صورة طلعت من جهه ثانية انتضرتة حتى نشوفها.
تاليا: الله تجنن يامان.
يامان: انتي الي محلية صورة.
تاليا: لزمت ايدة و جريتة كلت يامان خلي نكعد و نخلي رجلنة بل مي.
يامان: هههه بارد بوية.
تاليا:رفعت شوية من فستاني و نزلت رجلي جان مي ثلج كمزت كلت شششششااا باردة.
يامان: ههههه شنو كلتلج.
تاليا: ردت أخبث شلت شوية مي بإيدي و ذبيتة على يامان هههههه.
يامان: ولججج لااا تاليا تندمين لا ترشين بنتي وكحة ولج اوكفي ههههههه.
تاليا: اخذ حلو المي ههههه ما اوكف تعال الزمني ههههه كمت اركض و هو يركض وراية ههههه يامان ما تكدر تلزمني.
يامان: اي تشوفين هسه الزمج اشو تعاي وين تروحين مني هههه.
تاليا: لزمني و وكعنا سوة هو وكع علية كمنا نلهث من ركض.
يامان: لزمتج منو يخلصج مني بعد.
تاليا: ما تكدر تأذيني لأن اني روحك و محد يأذي روحة.
يامان: صح كلامج لهذا اعاقبج بطريقتي.
تاليا: ردت احجي اتقرب باس عيوني و بعدها عيوني ثانية لزم خصري و نزل باس طرف شفتي بعدين خلة راسة بركبتي و وزع بوساته متفرقة ماعرف شنو احساسي بس بعمري ما حسيت بهل كمية من فرح و سعادة حضنتة و خلة راسة على صدري.
يامان: صعبة اعيش بدونج تاليا صرتي هوا الي اشتمة.
تاليا: اني هم ماعيش بدونك صرتلي كل شي اهل و ام و اب و صديق و حبيبي صرت فرحي و راحتي يامان انت منقذي مو خاطفي احبك لأخر نفس بية.
يامان:ياروحي انتي ان شاء الله تصيرين مرتي عن قريب.
تاليا: ان شاء الله اخذت منة كامرة رفعت ايدينا سوة وأخذت صور لأيدينا و سما كلها غيوم بعدها شبك ايدي بين ايدة و أخذنا صورة رجع خلة راسة على صدري رفعت كامرة و اخذت صورة هو بحضني كل صورة تطلع اخليهه بصفي من ارجع للبيت اعلكهن وية صوري الي يامان معلكهن بل بيت.
يامان: حبيبي صار وقت علاجج اروح اجيبة و اجي انتي ابقي هنا.
تاليا: ماشي حبيبي انتظرك.
يامان: ما اتأخر هسه اجي.
تاليا: تمام ياعمري يامان راح واني ضليت اتمشى حسيت جو صار بي هوا شعري بدة يطير و اباوع بل صور.
..................
يامان: رجعت اجيب علاج من بيت شفت جماعة ملثمين بيدهم أسلحة يتقربون شوي شوي كلتلهم خير شرايدين.
خالد: همه ما رايدين شي احنا الي رايدين يا استاذ يامان هااا لا لا نقيب يامان.
يامان: ههه هلا نورتني استاذ خالد تؤ تؤ لا لا المفلس خالد.
خالد: انجب لككك كلها جانت لعبة منك موووو منو انت شنو غايتك بكل الي سويتة شنو يقربلك صاحب شركة TY؟
يامان: فكرتك أذكى من هيج خلودي عيب عليك ما حليتها لحد الان.
عمار: وينها بنتي؟
يامان: منو بنتك ماكو هنا احد غيري.
عمار: بدون جذب بارحه خابرت بنية من هذا موقع على هود كولي وينهه بنتي تاليا.
يامان: كلتلك ماكو احد هنا غيري.
خالد: منو انت يامان؟
يامان: اني ملك موت اجيت عليك ما أخذت روحك بسرعة لأن موحلو شغل هيج اخذت احلى شي بحياتك هي فلوسك و شركتك و املاكك وهسه انت تموت بعذاب اخخخ هيج يعجبني شغل.
خالد: شنو عداوتك وياي منو دزك علية احجيييي؟
يامان: تقربت شوية منة و كلتلة اني اخو البنية الي اعتديت عليهه بعمر ٨ سنوات اني الي حلفت ما ارتاح اذا ما أخذ حق اختي من عيونك و اخذتة بفضل الله و بل نسبة خل ازيدك معلومة شركةTY شركتي اني.
خالد: عرفت تلعبها صح يا ملعون بس صار دوري العبهه.
يامان: ههههه سوي الي تكدر علي محد راح يصير شريكك ولا واحد راح يساعد مفلس تؤ تؤ تؤ شكد خطية.
خالد: ياااا حقييييرررر.
يامان: يلا امشو منا مالي وقت للزبايل.
عمار: بنتي وينهاااااا؟
خالد: شباب انهو بعدين ذبو.
يامان: ههههه جاهز.

تاليا:كاعد اتمشى و سمعت صوت إطلاق نار ركضت كل قوتي علمود اوصل بيت بس مكان عالي و هوا قوي ركضت بكل مابية قوة شفتة كدام بيتنا و عصابة ملتمة علي و موجهين أسلحة بوجهه لزموني ثنين من ورة هذا ابوي اي ابوي اني التفتت افهم ابوي سمعت صوت طلقة انداريت شفتة اتصاوب بكتفة صيحت كلت لا بابا هذا ما الة ذنب اني برضاتي هناا سمعت طلقة ثانية شفت اتصاوب بصدرة باوعلي بكل حب نزلت دمعة منة و ابتسم واحد منهم دفعة رجع ليورة و وكع من فوك جبل صرختتتتت كلت لاااااااااا ما الة ذنبببببب عوفوني اريد اروحلة عوفونييييييي .
عمار:انجبييي امشي كدامي يا جلبة نزلتي روسنا صارلنة شهر ندور عليج طلعتي وية حبيب روح هنا امشي.
تاليا:حسيت نفسي ضاق ماكدرت اسيطر على اي شي الصور بيدي لزمتهن بدي قوي حسيت ايدي انعوجت التفتت على ابوي نزلت دمعتي وضلمت دنيا بعيوني.
عمار: تالللياااا بنتي تالياااا شصار كومي جاوبيني.
خالد: ماكو شي عيارة شباب شيلوها.
عمار: ناخذها للمستشفى بنتي ماعوفهه.
خالد: تمام خلي شباب يشيلوهه اكو مستشفى هنا.
عمار: نزلنا من جبل و اتوجهنا للمستشفى وينكممم دكتور بنتي اذا صارلهه شي اموتكم شوفوها بسرعة.
-ماشي انتظرونا هنا.
عمار: ضلينا برة ننتضر فوك ساعة طلع دكتور هاااا دكتور بشر.
-مع اسف صار عدها سكتة قلبية و جلطة قوية ايدها انعوجت يمكن ما تكدر تحركهه.
عمار: شنوووو جلطة شنو اني بنتي مابيهه شي.
-بنتك عدها انسداد بل شراين يمكن اتعرضت لصدمة و انجلطت على كل حال الحمدلله على السلامة عن اذنكم.
خالد: شلون ورطة هاي ماراح نكدر نرجع املاك لحد ما تصحة.
عمار: ولك بنتيييي بين حياة و الموت انت شنو تحجي.
خالد: ترة بنتك الي نزلت راسنة وصلتنا لهل يوم.
عمار: بس يامان كال غير هذا حجي منو اختة و شنو قصة اعتداء............
ترقبوا بارت قادم شنو تتوقعون🥺

حسابي الانستا