هل للوداع مكان ام أنه سفينه بلا شراع يا ليت الزمان يعود واللقاء يبقى للأبد ولكن مهما مضينا من سنين سيبقى الموت هو الأنين وستبقى الذكريات قاموس تتردد عليه لمسات الوداع والفراق.. والموت هو البقاء.
هلو قلبوشاتي🤍🦋 من قال أنّ الحب في لحظة يضيع، من قال أنّ الورد يذبل في الربيع، دام الامل باقي برغبه واقتناع ما جفّت اوراقي ولا اهتز الشراع. ................. هود: اني طول عمري جنت اكول ليش تاليا تكرهك انت عمها ليش ما تطيقك بس ماعرفت تطلع وصخ لهل درجة بس عتب مو عليك عتب على اهلي ابوي الي ما انتبه على ناس الي بل بيت لو الي ما تتسمة أم تسكت على تحرش بنتها مبروك ابشركم تاليا الي شفتها قبل ثواني صدكوني مو نفس تاليا الي تعرفوهه انسان من يموت شخص يحبة و يعرف سبب موتة اعدائة راح ينتقم منهم حتى لو هذولة أشخاص اهلة بلش عد تنازلي لسقوطكم يا اغنياء تاليا راح تشمركم بل شارع خلصت كلامي و رحت لغرفتي الم اغراضي نزلت جوة على خالة أمنة -خالة ممكن ابقة يمج راح انطيج إيجار شهريا. أمنة: ما حبيت هذا كلام منك ولك وليدي البيت بيتك و انت ابني راح تبقى يمي و اخليك بعيوني. -تسلمين خالة لعد حضري نفسج نطلع سوة. أمنة: ان شاء الله وليدي. هود: انتظرت خالة أمنة تجيب جنطتها علمود نروح سمعت صوت صياح ابوية من كام يصيح على عمي و بل اخير سمعت طلك امي طلعت ماريد اسمع شي بعد ما يهمني وجودهم و عدم وجودهم رحنا على بيت خالة أمنة ذبيت اغراضي و جنطي كبل طلعت للشغل شفت صديقي عمر مبلش تنضيف قبلي طبيت للكافتريا بدلت ملابسي ها عمر اشو اليوم انت تنضف ما ذبيتهه براسي. عمر: ولك مو من محبتي الك كاعد انضف بس هاي بنية الي اجتي بارحة من صباحيات الله دخلت للكافتريا تريد كهوة الله وكيلك سويتلها ٥ فناجين كهوة ما عجبها بل اخير كالت اريد كهوة مثل بارحة كلتلهه الولد ما موجود بعد شوي يجي كالتلي من يجي خلي يسويلي كهوة مثل بارحة اني من صبح انتظرك تجي تخلصني من هاي ونبي فد مخبلة ولك تخيل تكرط بل قلم انت شايف وحدة تاكل قلم. هود: ضليت اضحك شلون مخبلتة طبطبت على ضهرة و كلت اني راح اسويلهه كهوة انت ارتاح طبيت جوة شفتها كاعدة بزاوية من ميز فاتحة لابتوب و تكرط بل قلم ضحكت على شكلها و رحت سويت كهوة و اخذتة -مرحبا انستي. سارة: هلا شكرا على كهوة. -العفو صحة وعافية. سارة: ممكن تكولي سر كهوة الي تسويهه لأن كولش طيبة. سيف:كهوة عادية بس اني اخليلهه هيل تطلع طيبة. سارة: شكرا كولش عاشت ايدك طيبة. هود: بل عافية على اذنج. ............... يامان: اني هنا اخواني.. جواد و سيف: يااااماااان. يامان: اجو حضنوني كل قوتهم كمت اضحك ولكم على كيفكم ترة ما ميت يمعودين ليش تبجون. جواد: ولكككك ياماااان الحمدالله طلعت عايش جنت اعرف ما تعوفني رجعت حضنتة. يامان: هيج طلعت محبوب و ما ادري بروحي. سيف: يامان الحمدالله على السلامه ياخوي بس ليش سويت هيجي؟ يامان: كفو منك سيف طلعت ذكي محد كدر يشك بل موضوع غيرك. جواد: تعال اكعد احجيلنا شنو الي صار ليش سويت هيجي؟ يامان:اول شي ما لازم يعرف اني عايش ابد راح تبقون تمثلون اني ميت. سيف: غير تفهمنا شصاير؟ يامان: قبل فترة القينا قبض على واحد من بيت حجي سليمان تعرفوهم هاي عائلة مخدرات و تتاجر بأعضاء بشرية بسرية اجاني مهمه إلقاء قبض على واحد من ابنائة. جواد: صح اني جنت اعرف بل موضوع. يامان: قبل ما اخطف تاليا بأسبوع اجاني اتصال من شخص مجهول بلغني على مكان و اسم ازغر أبناء حجي سليمان الي هو نمر خبروني راح يوصلة وجبة مخدرات و يستلمها من فلان مكان ذكرولي مكان و اسماء كم شخص ردت اعرف منو الي اتصل بس سد خط سويت اجتماع وية رؤساء مكافحة كلتلهم على اتصال و على خبر الي وصلي اول مرة فكرناهه فخ النا استخدمنا طريقنا بل كشف سلموني اني اروح على بيت حجي سليمان و اتنكر بأن اني اريد اشتري مخدرات فعلا تنكرت و رحت -حجي اكو شاب واكف بل باب. حجي سليمان: منو هو خلي يدخل. يامان: دخلت جوة شفت قصرهم تقدمت سلمت على حجي سلام عليكم حجي سليمان. حجي سليمان: وعليكم السلام ورحمة تفضل. يامان: زاد فضلك حجي كعدت و جابو كهوة شربتها بعدها شفت اجو ثنين من ولدة نمر و اسد. حجي سليمان: كول ابني أأمرني شنو طلبك. يامان: ما يأمر عليك ظالم حجي اني اجيت اشتري وجبة مخدرات هواي سألت بل سوك بضاعتهم ما عجبتني دلوني عليك كالو بضاعتك درجة اولة على عراق. حجي سليمان: احمم شكد تريد؟ يامان: انتو شلون تبيعوهه غرامات لو بل كيلو لو أكياس؟ نمر: حسب فلوسك حبيبي تريد. يامان: عندي فلوس خير من الله ما يهمني شكد ادفع الي يهمني بضاعة تكول توب و درجة اولة. نمر:اذا تريد بضاعة مفعولها قوي و يعجبك لازم تدفع هواي. يامان: صار احسب فلوس يمك باجر بس يمتة توصل بضاعتي. نمر: بعد يومين عندي بضاعة توصلني من تركيا ان شاء الله نبقى على تواصل. يامان: منتظر خبر منكم بس حجي اني دست بساطك ماريد احد يعرف جنت هنا. حجي سليمان: اعتبر محد شافك. يامان: كمت اريد اروح كلت اودعناكم ان شاء الله النا لقاء قريب. حجي سليمان:انت شنو اسمك؟ يامان: ابو طبر. جواد: كفووو من ابو طبر كمل بعدين شصار؟ يامان: خططنا شلون نقبض عليهم ورة يومين اتصل نمر علية و كال نلتقي على ساعة ٢بليل اني هم حضرت نفسي و اخذت فلوس الي خلاني انصدم جانت وياهم بنية ملثمة تقربت سلمت عليهم -سلام عليكم.. نمر: هلا جبت الفلوس؟ يامان: شوفهن ضل يباوع بل جنطة يتأكد البنية ما نزلت عينهه مني عيونها جانت تحجي و تجدح نار. نمر: طلعت كفو. يامان: شفت فتح صندوق سيارة جان متروس مخدرات طلع كيلوات ثنين حسب طلبي و مد ايدة اخذهن اني هم مديت ايدي اخذ طلع سلاحة و وجهه علية -هههه ابو طبر يكره الغدر. نمر: هذا اسلوب شغلي ماكدر اغيرة. -تقربت منة و حجيت لعد شوف اسلوب شغلي كسرت ايدة و اخذت سلاح منة و وجهتة علي شبااااب ادخلووو اني كلت هيج دخلو جنود. نمر: يااااا حقيييير غدرتنا و ماتعرف احنا منو. يامان: اعرف امثالك منو و شنو كلبجو ايدة و اخذو للمكافحة اليوم ابن حجي سليمان بأستضافتنا. ضابط: ههههه نضيفة ولا يهمك امشييي كدامنا. يامان: باوعت على بنية بوجهه ابتسامة كلتلهه انتي منو؟ -اني بنت عراق؟ يامان: شنو شغلج وية هذولة؟ -الي قبضتو على يكون اخوي. يامان: هههه نفس شي لعد يا جندي تعال اخذ هاي هم. -هههه مايحتاج اني امشي وياكم و متأكدة خلال ثواني انت بأيدك تطلعني. يامان: نشوف شلون تطلعين. رجعنا للمكافحة و اجتمعنا حسب كلام الي دار بين رؤساء الحاكم راح يحكم مؤبد لو إعدام كملنا اجتماع و طلعنا. ضابط: سيدي البنية الي جبناهه تطلب تشوفك. يامان: تمام جيبهه لمكتبي. ضابط: حاضر سيدي. يامان: جنت اراجع ملفات كم جريمة و دخلت نفس بنية بس بعدها ملثمة. ضابط: سيدي هاي بنية. يامان؛ تمام تكدر تروح شكرا. ضابط: احترامي سيدي. يامان: اي بنت عراق تفضلي شنو عندج احجي. -اكو بنات محجوزات ب**** مكان باجر بليل راح يبيعوهن علمود يشتغلن بل ملاهي اربيل. يامان: امممم اذا تفكرين بسبب كم معلومة تنطيهه راح تطلعين منا انتي غلطانة غصبن عليج تعترفين و تنطيني معلومات. -استاذ يامان عندك اخت وحدة اسمها بشرة و زوجها صديقك سيف و بنتهم زينة عندك صديق طفولة اسمة جواد و تحب وحدة اسمها تاليا ابوها عمار امها مارلين عمها خالد و اخوهه هود مربيتهم أمنة كاعد تخطت انت و جواد تخطفوها بعد كم يوم. يامان: انتي منين تعرفين هل معلومات منوو انتي؟ -اذا تكعد أكدر افهمك اني منو و شنو شغلي بس لازم تساعدني اطلع البنات من هذا مخزن. يامان: راح احاول اجتمع وياهم و احجي بهذا موضوع بس شنو يأكدلي انتي ما تجذبين. -اني الي خابرتك علمود بضاعة الي قبضت عليهه اليوم. يامان: هههههه بوية ضحكتيني على أقل جذبي جذبة بيهه خير الي اتصل اليوم ولد مو بنية. -اريد جنطة الي جانت وياي و اأكدلك. يامان: اكولج ماعندي وقت اضيعة. -بغلات تاليا خلي يجيبولي جنطة ما تندم. يامان: لا تجيبين اسمها على لسانج هاي تاج راسج. -ماشي بس كوللهم يجيبون جنطة. يامان: اتصلت على واحد من ولد يجيب جنطة ثواني و جاب جنطة اول شي فتشتها اخاف بيهه شي شفت لابتوب و أقلام و دفاتر و تلفونات و شريحات كومة. -ممكن تخليني أأكدلك و تنطيني جنطة؟ يامان: انطيتهه جنطة و طلعت لابتوب و تلفون زغير و شريحة جان مكتوب عليهه رقم 10 خلت شريحة و ماعرف شنو سوت بل لابتوب دكت على تلفوني انصدمت من شفت الرقم نفس رقم الي خبرني عن بضاعة مخدرات. -خليها على اذنك و اسمع. يامان: خليتها على اذني و هي بلشت تحجي بتلفونهه بصوتها بس يمي يجي صوت ولد فتحت عيوني على هاي شغلة سديت خط كلتلهه انتي منو شنو غايتج ليش تساعدين مكافحة. سارة: نزعت لثامي و كلت اني سارة اكبر هكر بل عراق تخرجت من جامعه بأمريكا قسم برمجيات اشتغلت مدة ٣ سنوات و صرت هكر مهمتي اخلي ناس ترتاح. يامان: لحد الان ماعرفت ليش كاعد تساعديني اني بذات ليش ما اختاريتي واحد من رؤساء ليش تشتغلين وياي؟ سارة: لأن تحب تاليا. يامان: شنوووو دخل تاليا بل موضوع. سارة: اني بنت عم تاليا اي اني سارة خالد اكون بنت خالد الي ناوي تنتقم منة لأن اعتدى على اختك. يامان: بنت خالد و تساعديني ليش؟ سارة: لأن ابوية انسان وصخ سفرني من جان عمري ١٠ سنوات علمود اكمل دراستي بأمريكا ولا بيوم سأل عني و امي ضلت وياي جنا بغربة طول هل سنين ما حن كلبة و سأل علينة بيوم رجعنا للعراق زيارة عمي عمار كال نروح سفرة لأربيل حجزنا بفندق جنت العب وية تاليا شفت ابوي يمشي هو و بنية زغيرة عمرها يجي ٨ سنوات بعيوني شفتة أخذها للغرفة و اعتدى عليهه وقتها ماعرفت هاي منو و شنو اسمها بس شهدت ابوية هو الي اعتدى من هذاك يوم وعدت نفسي اخذ حقي و حق هاي بنية من ابوية درست برمجيات جان هدفي هكر بعد دراسة سنين رجعت للعراق ٣ سنوات اني عايشة وية بيت حجي سليمان اكبر تجار مخدرات و أعضاء و يتاجرون بل بنات يوزعوهن على ملاهي خلال هل ٣ سنوات عرفت معلومات عن البنية الي ابوي اعتدى عليهه و عرفت اخوها و زوجها بل مكافحة قررت اشتغل لصالحك. يامان: مصدوم اني هسه بحالة صدمة زين شلون رحتي على بيت حجي سليمان شلون خلوج تشتغلين وياهم؟ سارة: ضليت انطيهم معلومات عن كل شي بس بنفس وقت اشتغل ضدهم هنا انطوني ثقتهم من يومها اني وياهم. يامان: زين هسه بنات الي محجوزات يمتة يودوهن لأربيل؟ سارة: اليوم على ساعة ١٢ بليل. يامان: شكرا لأن ساعدينا و ساعدتي هاي بنات. سارة: ما سويت شي بس اريد خدمة منك. يامان: تفضلي. سارة:محد يعرف اني راجعة للعراق و ماريد كان من يكون يعرف شخصيتي عندي مهمه من اجة وقتها اريد تقنع مكافحة يساعدوني بيهه. يامان: راح احاول حسب مهمه. سارة: اني صار لازم اروح اكيد حجي سليمان منتظر انهزم منكم لأن يعرفني اذا اجتك اي مخابرة اعرف هاي اني حتى لو ما جان صوتي. يامان: ورة يومين يتحاكم نمر يمكن إعدام. سارة: تؤ تؤ ما يموت إعدام لأن الحاكم ماخذ فلوسة من حجي. يامان: شلون يعني؟ سارة: كمت الم بأغراضي و احجي حاكمكم جان بأستضافة حجي قبل كم يوم و اختارولة ازغر بنية يتونس بيهه. يامان: شنووو؟ سارة: لا تنصدم هذا عراق مهم اني رايحة قبل لا اروح اخذ هذا جهاز بس تدوس علي تجيني إشارة بأن تحتاج اتصال. يامان: جان جهاز مثل دكمة زغيرة اخذتهه و كلت شكرا بنت عراق. سارة: تدلل خوية مع سلامة. يامان: الله وياج. جواد: موووو بشر هاي طركاعة ونبي. سيف: زين هسه هي بعدها بيت حجي سليمان؟ يامان: لا هي... سارة: اني هنا وياكم. جواد و سيف و يامان: التفتنا عليهه. يامان: شباب وياكم ضابطة استخبارات جديدة و بنفس وقت هكر سارة. جواد: كولل طركاعة الله مو هكر. سارة: انت جواد صح؟ جواد: اي والله جواد عرفتيني. سارة: اتشرفت بيكم . سيف: النا شرف خوية. سارة: يامان تاليا رجعت لهنا. يامان: شنوووو شلون رجعت؟ سارة: تلكاهه يم قبر نمر حرامات عبالهه انت و تبجيلة. جواد: لاااا بشرفك يامان لا تكول الي دفنا نمر لااا انتحر والله. يامان: اي نمر بذات هو. جواد: يبووووو دكيت ولطمت على زبايل. سيف: جواد اسكت خل افتهم شلون مات نمر هو مو مسجون؟ يامان: ورة ما خطفت تاليا جنت على تواصل وية مكافحة لحد يوم محاكمتة طلع كلام سارة صح الحاكم ما حكمة مؤبد ولا إعدام إنما حكمة ١٠ سنوات وهذا يعتبر كفر بل قانون. سارة: بيوم الي رجع يامان لبغداد رادو يهزمونة من سجن واسطات و يكولون انهزم حجي جان محظرلة جنسية جديدة و اسم جديد راد يسفرة لفلندا بس خطية ماعرف من ينهزم يامان منتظرة برة. يامان: لزمتة و خليتة بهذا مخزن مدة شهر و نص محد يعرف شي عنة بس بيوم حنة شفت كم شخص ملثمين بل باب ماعرفتهم منو اتواصلت وية سارة و ساعدتني. سارة: بيوم حجي سليمان جان كاعد و دخل واحد من ضباط مكافحة اسمة عمر وصللهم خبر بأن ابنك يم يامان محجوز انطا عنوان بيت جبل و بيت الي ساكنين بي و هنا حجي بدة يهدد يامان بس مو هو شخصيآ اما يهدد يامان بتاليا. سيف: شلون عرف نمر موجود يم يامان؟ يامان: عمر هو الي ساعد نمر ينهزم من سجن جان يراقبه حتى يعبر سجن شافني اني انتظرة. سارة: هنا كشفنا خاين بل موضوع بس بعد شنو حجي عرف كل شي. يامان: اكثر من مرة شفت ضوة قناص موجه على تاليا ماكدرت اخاطر بيهه اتواصلت وية سارة و خطتنا لهاي خطة. سيف: زين ليش ما كلتلنا؟ سارة: لو كايللكم جنتو تلتهون ويا و تنسون عرس و هنا يعرفون انتو كاعد تخططون كولشي يبين جذب. جواد: شلون مات نمر؟ يامان: هو جان مدمن مخدرات و طول هاي فترة يمي ما جان يشمشم صارت بي حالة يحك جسمة لو يعض ايدة سألت دكتور عن هاي حالات كال لازم يطلع يتمشى لو يسبح مي بارد اذا جسمة احتاج مخدرات طلعتة يتمشى شوية سألتة كم سؤال علمود يعترف على ابو شفتة ركض و ذب نفسة من جبل. جواد: وانت استخدمت جثتة علمود تمشي خطتك و تدفنة دفنة مرتبة. يامان: هو ما جان الة ذنب جان ضحية اهلة مخلينا يتعاطة مخدرات من عمرة ١٦ سنة. سيف: ليش خليت تاليا ترجع لأهلها؟ يامان: اول شي جان خطر عليهه ثاني شي.. سارة: ثاني شي احنا شاكين خالد متعاون وية حجي سليمان. جواد: زين ليش رجعتها اذا خالد خطر؟ يامان: ماردتهم يعرفون اني جنت اريد اتزوجها لأن ورة خبر موتي جان يموتوهه خليتهم يعرفون هي جانت مخطوفة اني لا احبهه ولا شي علمود احميها. سيف: هي رجعت هنا شسوي؟ يامان: راح تخبلني هاي مصكوعة. جواد: لو تشوفهه شسوت بنفسها محملة ذنب موتك حالتها موزينة. يامان: ماكدر اكشفلهه حقيقة هسه اخاف عليهه من خطر فهموني. سيف: موضوع تاليا يمي اذا سألو شسوي هنا اكول بعنا بيت الهه خلي تضل هناك. يامان: تسلم ياخوي ماتقصرون ماريد اي احد يشك اني عايش لحد ما نكشف خالد و حجي سليمان. جواد: فديتك اني يامانيييي احبك. يامان: لا تكول ياماني هاي كلمة بس من حق تاليا. جواد: طاح حضك لعد هل لطم و بجي ماغزر صدك انت قاسي. سيف: هههه عوفة خوية وراك شغل اني راح أأمن مكان احسن من هنا علمود نشتغل بي و محد يعرف. سارة: انتو راح تشتغلون ويانة بس انتبهو على طلعاتكم لأن بيتكم مراقب. جواد: ولا يهمج خية احنا ما نخاف احنا ينخاف من عدنا. يامان: شباب تاليا أمانة عدكم فدوة. جواد: بعيوني اخليهه. ................ تاليا: كملت طريقي للبيت من وصلت كدام باب تذكرت لحضة موتة شلون اتصاوب شلون دفعو من فوك نزلت دموعي فتحت باب بيت طبيت جوة شفت صوري نفسهن سديت باب و قفلتة مشيت للغرفة باوعت للجرباية تذكرت شلون نمت و ايدي بأيدة باوعت على كرسي الي جان كاعد علي و اعترفلي بحبة شلون خلاني بحضنة و نيمني رحت للكنتور فتحتة و شفت قمصانة و تراكات بيت جريت قميصة حضنتة كل قوتي ضليت اشم بي وابجي مشتاقتلك مشتاقة لحضنك و لحنيتك مشتاقة تكولي شبيج بوية يوجعج شي اخذتي علاجج مشتاقة تسويلي اكل بيدك و توكلني منو راح يسويهن الي شلون عفت بنتك تمددت بل كاع حاضنة قميصة مادري بروحي غفيت. ........... سمر: بشرة هذولة طلعو ما رجعو اتصلي عليهم جواد ما يجاوب. بشرة: سيف هم ما يجاوب بس لا صاير شي. سمر: يمةة اسم الله لا تكولين هيج ادعي هسه يرجعون. بشرة: ضلينا ننتضرهم و سمر كل دقيقة تخابر على جواد اخر شي جاوبنا. سمر: الووو جواد وينكم حبيبي كلبي وكف ليش ما تردون؟ جواد: ماكو شي حبيبي تمشينا شوية و نسينا جهاز بسيارة هسه بطريق راجعين لا يضل بالكم. سمر: الحمدالله يارب دير بالكم على نفسكم. جواد: ماشي بوية انتي مع سلامة. سمر: الله وياك حبيبي. سيف: خلي نرجع للبيت باجر نروح على تاليا هسه اخاف يشكون بينة احنا سوة. جواد: اني اروح هسه اخاف مسوية بنفسها شي. سيف: تمام. جواد: اجاني اتصال من رقم غريب جاوبت -الوو - جواد بوجهك على بيت يلا ترة مراقبيكم. -جان صوت ولد كلت منووو انت لك عبالك ما الزمك ابن كلب. -هيوووو اني بنت عراق . -شنو بس لا مغيرة صوت. -ياربيييي انت شلون خلوك تشتغل بل مكافحة امشي خوية لبيتكم. -شلون تخليني الوف سيارة و ارجع اشوفهه شغل مكافحة شلونها. سيف: سد خط يمعود كافي خلي نرجع للبيت. جواد: خلي اشوفهه هاي ام شبر و نص الا اكص لسانها. يامان: سارة اني رايح للبيت دير بالج اذا عرفتي شي. سارة: بس خطر اذا احد شافك. يامان: ولا يهمج اني كل حياتي عشتها بهذا مكان اعرف شلون ادخل للبيت بدون ما يشوفوني. سارة: تمام راح اراقب مكان ارجع بسرعة. يامان: تمام، تلثمت و طلعت من مخزن توجهت على بيتي بدراجة ما صعدت للبيت من طريق رئيسي صعدت من فوك جبل من ورة بيت جان اكو باب وراني محد يعرف بي فتحتة على كيفي و دخلت على مطبخ شفت اضوية مطفية عدلت لثامي و دخلت للغرفة فتحت باب شغلت فلاش تلفون شفتها نايمة بل كاع و حاضنة قميصي تقربت منها تلمست عيونها رموشها رطبة بست راسهه و عيونها و خدهه شفت ايدهه الي معوجة حسيت خنجر و ضربو بكلبي بست ايدهه نزلت دموعي شصاير بحالج بنيتي هيج بعدي مأثر عليج كون كلشي صار وياج يصير بية ولا اشوفج تعبانة يا لجمة كلبي شلتها من كاع و خليتها على جرباية عدلتلهه مخدة شفت صور الي اخذناها قبل كم يوم ضليت امسد على راسهه و غطيتها قبل ما اطلع تقربت ابوس شفايفها شواربي جككهه و طلعت لسانها ماعرف شلون بس ضحكت على عفويتهه بست شفتها و غطيتها زين طلعت من مكان الي دخلت منة. بشرة: سمر خابريهم مرة ثانية كوليلهم وين وصلتو. سمر: ردت اخابر و سمعت دكة باب طلعت فتحت باب شفتهم رجعو جواد و سيف بيدهم أغراض الله يساعدكم. جواد: و يساعدج حبيبي. سيف: يساعدج خوية. بشرة: دخلو جواد و سيف للبيت و زينة ركضت عليهم. زينة: بابا بابا وين جنت؟ سيف: يا روح أبوج رحت اشتري أغراض للبيت. زينة: لعد وينة خالو يامان ليش ما رجع وياكم؟ بشرة: نزلت دموعي من زينة سألت عن يامان شنو راح يصير بيهه من تدري مات عفت مكان و رحت للغرفة. جواد: زينووو مشتاقلج تعاي انطيني بوسة. سمر: زينة طفلة و متعلقة بيامان تدمر نفسيتها اذا تعرف مات و بعد ما يرجع جواد ضل يلعب وياهه و يضحكهه علمود تنسة سوال و سيف راح ورة بشرة للغرفة. سيف: رحت للغرفة لكيت بشرة تبجي كافي ياروحي راح تموتين اذا تضلين هيج. بشرة: جنت خايفة من هذا شي والله خايفة من سوال زينة الية هسه سألت شلون راح اجاوبهه اكول خالج مات. سيف: ما ميت اخوج مابي شي. بشرة: فتحت عيوني على وسعهه شنو تكول سيف احجي شنو قصدك. سيف: بشرة مانريد احد يدري يامان عايش مهمتنا كلش خطرة حياة يامان بخطر اذا يعرفونة عايش احنا مراقبين. بشرة: كول والله عايش سيف احلف. سيف: والله عايش وداعت عيونج بس هذا حجي كلة كأن ما سمعتي تمثلين موت يامان بل اخص تاليا ماريدهه تعرف. بشرة: من فرحي كمت ماعرف شسوي و شحجي حضنت سيف كل قوتي اخوية عايش يامان عايش الف الحمدالله والله ماحجي ولا اكول لأحد. سيف: امشي غسلي وجهج تعالي اكلي شي. بشرة: طلعت و ابتسامة على وجهي شفت سمر تضحك و تبجي عرفت جواد كايللهه هي هم رحت حضنتها ولجج عايش اخوية عايش سمر. سمر: الف الحمدالله. بشرة: كعدنا كلنا بل صالة و جواد و سيف بلشو يحجولنة كل شي من الف لحد ياء و احنة مصدومين. سمر: الله يساعد تاليا. بشرة: مالازم تعرف لأن حياتهه بخطر. جواد: إياكم تغلطون لأن غلطة وحدة يروح كل شي من ايدينا. سيف: ان شاء الله راح نكشفهم و نربح هاي مهمه. سمر و بشرة: امين. جواد: جنا كاعدين نسولف ما حسينة غير صوت زينة هز بيت هز طلعنا للحوش شفناها........... ترقبوا بارت قادم🥲
