خاطفي هو منقذي

p19

هلو قلبوشاتي🦋🤍
عشقك كسكرات الموت، يدبّ في أوصالي فتختنقُ أنفاسي، وتتمزّق روحي، ويتركُني ما بين الموت والحياة فاقدة لإحساسِي.
........................
تاليا: سمعنا صوت صياح و رمي رحنا اني و بشرة للمطبخ نريد نفتهم شكو سمعنا نسوان يكولن ماكو شي صارت عركة و رمو علمود يسكتون مارتاح كلبي رحت على سمر اخذت منهه تلفون و اتصلت على يامان ما يرد كلبي نغزني اخاف صاير بي شي.
سمر: تاليا سمعت قاسم و جواد متعاركين بالي على جواد اتصل ما يرد.
تاليا: اني هم اتصل على يامان ما يرد شفت سمر كامت تبجي.
سمر: ليش هيج اريد اعرف يمتة ارتاح و افرح خطوبتي و هيج خربوها حسبي الله عليك يا قاسم.
تاليا: كافي ياعمري انتي اني هسه اروح للبيت اشوف شكو و ارجع.
سمر: أمانة خلي جواد يرد علية.
تاليا: صار يا روحي طلعت للسطح بل كوة عبرت سياج بهذا فستان نزلت جوة للبيت اشوف هوسه عدلت حجابي و دخلت للغرفة شفت جواد و يامان و اكو شاب هناك ماعرفتة وية كم زلم من دخلت انصدمت بمنظر يامان و جواد و هذا شاب وجهم كلة دم جان اكو مزهرية على ميز يم باب بدون ما اعرف وكعت التفتو علية الزلم و يامان رفع عيونة باوعلي بصدمة باوعتلة و عيوني تدمع بغصة كلت يااامااان.
يامان: شباب ماكو شي انتو اخذو راحتكم.
تاليا: طلعو شباب و ضلو بس جواد و هذا شاب رحت يمة اتلمس وجهه يامان شبيك ليش خشمك ينزف شصار فهمنييي.
يامان: شفتها ترجف من خوف حضنتها ماكو شي بوية لا تخافين اني بخير.
تاليا: شلون بخير قميصك كلة دم خشمك بعدة ينزف كوم نروح للمستشفى حباب.
يامان: ليش جيتي بوية مو منا زلم شلون طلعتي من بيت اني شنو وصيتج.
تاليا: اجيت من سطح.
جواد: الحمدالله علمتكم على سطوح.
تاليا: انت اسكت لو تشوف مرتك شسوت بنفسها لأن ما ترد.
جواد: سودة علية خلي اروح اخابرهه.
تاليا: طلع جواد و بقة هذا شاب دغيت يامان أشرت على شاب كلتلة هذا منو.
يامان: هذا زوج بشرة اسمة سيف.
سيف: اتشرفت مرت اخوي.
تاليا: خجلت لأن يامان حاضني من كتوفي ابتعدت و جاوبتة الي شرف خوية.
يامان: احم سيف روح على بشرة اخاف محتاجتك.
سيف: هههه افتهم اي رايح خوية.
تاليا: طلع سيف و باوعت بعيونة كلت ليش تتعاركون شنو صار.
يامان: جنا ندبج و اجة هذا قاسم حقير و يكول سمر الي ما خليكم تفرحون حجاية من جواد و حجاية من قاسم صارت عركة جايب ولد عمامة و اصدقائة يضربون جواد احنا هم ما سكتنة صار الي صار و وكفنا ابو قاسم اخذ ابنة و راح.
تاليا: اني اعلمة هذا عجوز شر كون الزمة و امسح بي كاع.
يامان: ههههه ذيبة يامان انتي ينخاف منج.
تاليا: وخرت شاش من خشمة اريد اشوف بعدة ينزف لزم خصري.
يامان: هيجي تخافين علية؟
تاليا: اي و أكثر.
يامان: لعد اني شكد محضوض.
تاليا: باوعت على خشمة وكف نزف كمت من مكاني طلعت معقم و كطن علمود اعقم جرح الي بوجهه ذبيت حجاب و تقربت كلتلة راح يوجعك شوية تحمل.
يامان: ذبت حجابهه شفت شعرها طويل الي هد حيلي لو بياض ركبتها جنة مرمر هي تعقم و اني صافن بعيونهه زرق.
تاليا: ياماني.
يامان: مممم.
تاليا: تعرف حبيت اختك كولش حبابة و لطيفة.
يامان: هي هم حبتج.
تاليا: خلي يباتون الليلة نتجمع كلنا سوة.
يامان: غالية و طلب رخيص تدللين بوية.
تاليا: كملت تعقيم رجعت أغراض بل كنتور التفتت اريد ارجع مكاني شفتا واكف وراية.
يامان: بوية بهداي على كلبي بهداي.
تاليا: حطيت ايدي على صدرة و بدلع كلتلة ليش اني شنو مسوية.
يامان:حسنج كاتلني يا نور جنتي.
تاليا:باوعت بعيونة ذبلانه صافن على شفتي ردت اروح حط ايدة على كنتور ردت اروح من جهه ثانية حط ايدة ثانية على كنتور كلتلة يامان خلي اروح عيب من سمر و من بشرة عفتهم.
يامان: ناس كلهه شبعت من حسنج و جمالج صار دوري لا تصيرين بخيلة.
تاليا: خجلت من نظراتة و كلامة تقرب باس خدي و بعدها تقرب باس طرف شفتي وخر طرف عباية و باس ركبتي كلت يامان كافي خليني اروح.
يامان: حجابج و عباتج دير بالج عليهن ماريد احد يلمح اي شي بيج.
تاليا:ماشي من يروحون زلم اتصل علمود اجي انضف بيت اليوم بشرة تبات يمنة.
يامان: حاضر.
تاليا: ردت اروح بس ماعرف احساسي خلاني ارجع احضنة دير بالك على نفسك بستة بخدة و طلعت.
يامان: جنت صافن على تصرفهه و اضحك دخل سيف يغمز و يضحك.
سيف: امورك ماشية يا خوي.
يامان: هههه ماشية بفضل الله.
سيف: خير ان شاء الله مبين تحبك من خوفهه عليك.
يامان: بنت روحي هاي جنا نحجي و جواد فتح باب يصيح.
جواد: لججج سمرررر خنكوني ردت اموت اي اي اخذوني للمستشفى بطلين دم و هسه كالو لازم عملية ضروري اتصلت عليج علمود تبريلي ذمة لا تبجين حياتي إذا تحبيني لا تزوجين بعدي اي يلا باي رايح للعمليات.
يامان: ولك يا عار ليش تخوف بنية.
جواد: شوف اكوللكم تكملون جذبة وياي.
سيف: شو انجب راح اتصل على بشرة اكوللهه ماكو شي.
جواد: ياااا عمي خلوني أخبث.
يامان: عقل ماعندك ماعرف شلون خطبت.
جواد: اييي حسدونييي حسدونييي غيرانين.
سيف: الله يكمل عقلك امشي خلي نسلم على الوادم تريد تروح.
يامان: طلعنا كلنا سلمنا على ضيوف و اصدقائنة بل شغل صار دنيا ليل طبينا للبيت كل واحد تمدد بجهه من تعب صحت جواااد.
جواد: هااا شكوو ولكم رجلية ماحس بيهن.
يامان: اتصل على سمر كول خلي يرجعن بشرة و تاليا.
سمر: جنا كاعدين نسولف و نضحك ناس كلهه راحت ضلينا وحدنا شكد حبيت بشرة و تاليا صارن الي خوات ولا لحضة عافوني بدينا نحجي على زواج و كذا اتصل جواد رديت علي هااا جوجي.
جواد: هلا حبيبتي.
سمر: ليش صوتك هيجي.
جواد: بوية كولي لتاليا و بشرة يرجعن للبيت راحو الوادم ماكدر احجي هواي حلكي يوجعني كدر ما بست ناس.
سمر: هههههه والله يا جواد عليك سوالف هسه راح ادزهن.
جواد: اذا كدرتي قفلي غرفتج و تعاي وياهن ماشبعت منج.
سمر: احاول باي هسه.
تاليا: هذا جواد.
سمر: اي يكول خلي يرجعن للبيت زلم راحت و كلي اذا تكدرين انتي هم تعاي.
تاليا: اي والله قفلي باب عبالهم نايمة و تعاي ويانة اليلة نسهر.
سمر: لعد خلي اجيب بقلاوة و كيك و ببسي الي بقة علمود نسهر.
بشرة: ههههه لازم يسمونه ثلاثي مرح.
تاليا: بشرة ابقي بعد يومين حنتهم لا ترجعين.
بشرة: خية مو بيدي اقنعي سيف.
تاليا و سمر: احنا نقنعة.
بشرة: يلا امشن نروح.
تاليا: هههه خية احنا حاذفين باب نروح من سطح صايرين بزونات.
بشرة: هههه كلة صوج جواد هاي سوالفة اعرف.
سمر: ماسمحلكم تحجون على زوجي.
بشرة: امشي لا اركعج بل حايط.
تاليا:صعدنا فوك سطح و عبرنة لبيتنا بقت سمر كالت تعالو اخذو من ايدي ولجن اريد اعبر ههههه بشرة اخذت من ايدها بقلاوة واني اخذت كيك و ببسي هي بل كوة عبرت ضلينا نضحك على نفسنا نزلنا من درج واني اكل بكريم مال كيك و اضحك على شكل سمر شلون عبرت لأن قصيرة شفنا شباب كلهم طايحين بل كاع لو لزمتنا ضحكة كمنا نضحك بصوت عالي هههههه.
بشرة: ههههه يمة ولجن راحو من ايدينا ازواجنا.
سمر: ههههه بربجن شوفو جواد شلون رافع رجلة هههه يمة متت بطني.
تاليا: بعدني اكل بل كيك و كلت بنات اخاف اجينة على عنوان غلط امشن نرجع نسهر وحدنا جنت شايلة كريم بأيدي اريد اكلة حسيت واحد جر ايدي التفتت شفتة يامان اكل كريم و مسح حلكي كال.
يامان:لا ما غلطانين بل عنوان تفضلو جعل محد غيرج يضحك حتى ميت يصحى بضحكتج حلوة.
تاليا: خجلت و هذولة يباوعولي تقربت من يامان همست حسابك بعدين على هذا موقف.
يامان: ههههه حتى تهديدج يخبل.
جواد: ولجن جوعانين ماكو شي ناكلة.
سمر: جبت كيك و بقلاوة و ببسي تعالو ناكلهن سوة.
جواد: خلي اروح اجيب لفات من هذا مطعم اكللهه جوعان تكول ناكل كيك.
سمر: مو صوجك صوجي اني انطيك.
جواد: ياروحي فديت الي تنطيني كيك.
بشرة: سيف وين زينة؟
سيف: نايمة حبيبتي اليوم لعبت هواي داخت و نامت.
تاليا: اني ما شفتها.
بشرة: باجر تشوفين ضرتج لأن تعشق يامان و هو يحبها.
تاليا: عادي شكو بيها اني ما اغار.
بشرة: هههه ما انصحج تتسرعين بكلامج.
تاليا: باوعت على يامان يضحك و يعدل لحيتة.
يامان: هههه نظراتج بوية والله احبج انتي بنيتي.
بشرة: ههههه ابد ما تغار ابد.
سيف: اي حبيبتي باجر حضري نفسج نرجع الضهر.
سمر و تاليا: كمزنا سوية صيحنا لاااااااا.
جواد: وجعا ولجن على كيفجن شكو.
تاليا: خوية حباب لا ترجعون بعد يومين الحنة ضلو هنا. 
سمر: اي والله خوية خليكم هل اسبوع هنا شكو راجعين.
سيف: اني بودي اضل بس عندي شغل.
تاليا:باوعت على يامان بعيون حزينة يعني اقنعة.
يامان: احم سيف ضلو الشغل اجلة غير وقت.
سيف: بس تعرف مهم.
يامان: لا مو اهم من اختي و سعادتهه.
بشرة: شوف شوف جذب اختك لو تاليا عليمن هل كلاوات.
سيف: ههههههه بوممم انكشفت.
يامان: هو هم مو صوجج صوجي اني اكول لزوجج يضل.
بشرة: من يوم جاي اذا ردت شي اروح على تاليا.
تاليا: هههه بل خدمة بنظرة وحدة يتنفذ.
يامان: جريتهه لحضني والله صدكتي بكلامج بنظرة وحدة تخليني ابوية ما اعرفة.
تاليا: احم هو يامان احم اروح اجيب كلاصات نشرب ببسي.
يامان: ههههه روحي بوية روحي.
بشرة: اشو جواد و سمر راحو ما رجعو.
سيف: هسه تلكينا يتغزل.
بشرة: جواااااااااد جوعااااانين يول.
جواد: ادري اني مطعم غير وصيت هسه يجي.
بشرة: وينها سمر ترة هاي أمانة صيحهه خلي تجي يمي.
جواد: بشيرةةةة مرتي هاي عوفيهه.
بشرة: ههههه سمر سمورة.
سمر: طلعنا شوي للحوش و جواد كام يتغزل سمعنا صوت بشرة تصيحلنة ها حبيبتي كولي.
بشرة: تعاي هنا اكو ناس مو أمان.
سمر: رحت يمهه كعدت و كوة لازمة ضحكتي من خجل.
جواد: ربيييي تشوف حتى من خطبت ما مرتاح.
يامان: ههههه تعال تعال لا تبجي ورة كم يوم و تزوج.
تاليا: حضرنا سفرة و رتبنا كيك و بقلاوة و ببسي و جواد طلب لفات كص و مشويات من برة وصلن و رتبناهن جواد و سمر كعدو يختارون فستان عرس و بشرة و سيف جانو يشاهدون فلم وحدهم و اني رحت يم يامان جان فاتح انستا سوالي مكان يمة و حضني كعدت اباوع ويا على منشورات و اي شي يعجبني ادوس لايك هوة بس يبتسم شفت منشور بنية و ولد يسون مقارنة بين حجم ايدهم عفت جهاز و جريت ايد يامان خليت ايدي على ايدة و اسوي مقارنة مثلهم كمت اضحك هو يباوعلي.
يامان: تعاي تعاي جيبي ايدج.
تاليا: اخذ ايدي بين ايدة و اخذ صورة كتب عليهه.
سعادة سرمدية تدخل فؤادي عن عقد يدي بيديكِ يا أميرة قلبي.
نشرهه بل ستوري باوعت بعيونة كلتلة احبك.
يامان: اموت عليج بوية.
تاليا:رجعنا نباوع على منشورات شفت كاميرا سريعة هاي الي ناخذ صور بيهه و بسرعة تطلع ردت اكولة اريدهه بس خجلت ضليت اباوع على تعليقات اشوف سعرهه بعدين وخرتة كلت نعست راح اسبح و انام.
يامان: ماشي بوية روحي.
تاليا: رحت للحمام سبحت و طلعت ابدل شفت بشرة بل غرفة كلتلها وين سمر.
بشرة: رجعت لبيتهم باجر لازم نطلع نحضر للحنة.
تاليا: ان شاء الله وين بنتج.
بشرة: كعدت راحت على ابوهه انتي بدلي اني اروح افرش ليامان و سيف و جواد ينامون بل صالة.
تاليا: تمام طلعت هية اني هم بدلت دشداشة نشفت شعري وضفرتة خليت حجاب لأن استحي من سيف طلعت من غرفة للصالة شفت بنية زغيرة جان جواد يلعبها ضهرها علية.
جواد: هلاااا اجتي خالتج تاليا روحي ضوجيهه.
تاليا: التفتت علية شفتها نفس بنية الي التقيت بيهه بل حديقة شفتها و ضحكت.
زينة: أم عيون زركة اني اعرفج.
تاليا: اجتي ركض تحضني اني هم حضنتها كلهم متعجبين كلتلهه شلونج ام عيون حلوة.
زينة:اني زينة انتي شلونج.
تاليا: تحجي و تأشر على عيوني تكول.
زينة: انطيني عيونج.
تاليا: اني هم اريد عيونج انطينياهن.
زينة: شلون؟
بشرة: لحضة انتن شلون تعرفن بعض.
زينة: ماما هاي بنية ساعدتني بربط حذائي بل حديقة.
بشرة: سبحان الله شلون صدفة.
تاليا: رجعت حضنتني و اني ابوس بيهه شفت يامان ضايج.
يامان: اشوفهه شلون تحضن زينة و تبوسها من كل كلبهه صراحة غرت كلت يلا زينة روحي نامي نريد ننام.
بشرة: سيف اني عبالي تاليا تغار بس طلع شخص ثاني يغار.
سيف: هههههه همزين بنية مو ولد جان هسه يطردنة.
جواد: طفو ضوةةةة نعسان.
تاليا:فرشنالهم و طفينا ضوة رحنا ننام زينة ضلت يم ابوهه تلعب بل جهاز اني و بشرة رحنا للغرفة ضلينا كاعدين نسولف عن طفولتنا و ثنينا وصلنا لنقطة الي دمرت طفولتنا هو عمي هي حجتلي شنو صار وياهه واني ابجي ضميتها لحضني كمت اعتذر منهه اسفة بشرة والله اسفة اعرف كولشي صار بسبب عمي ولو اني ما اعتبرة عمي بس كل الي صار بسببة اني اعتذر نيابة عن اهلي.
بشرة: لا يروحي انتي هذا مو ذنبج الحمدالله اني هسه عايشة و حياتي حلوة وية زوجي و بنتي الي احبهم و يحبوني.
تاليا: ربي يحفظهم الج يروحي.
بشرة:خلي ننام ورانة كعدة.
تاليا: تمام تصبحين على خير.
بشرة: انتي بخير حبيبتي.
تاليا: شفت بشرة نامت بس اني شلون أكدر انام و افكار براسي اتقززت لأن اني من هيج عائلة جنت اباوع من شباك للجبال و تنزل دموعي حسيت بخنكة كلت اطلع اشم هوا بل حوش رحت على كيفي ماريد اكعدهم لأن نايمين بل صالة طلعت للحوش اشتم هوا وية كل نفس تنزل عشر دموع تفكيري بأن اهلي همه الي منزلين راسي يكتلني مفروض بنية ترفع راسهه بأهلها كمت ارجف و ابجي حسيت احد اجة من ورة لزم ايدي و حضني.
يامان:ماكدرت انام ردت اروح على تاليا سمعت حجيهه هي و بشرة و صوت بجيهم رجعت لمكاني ورة دقايق شفت تاليا طلعت للحوش رحت وراهه ترجف و تبجي حضنتها و لزمت ايديهه اششش بوية كافي لا ترجفين يا بعد رجفة كلبي.
تاليا: يامان كلة بسبب عائلتي اني شلون أكدر اباوع بوجهك و بوجه اختك اصلن شلون اقبلها اعيش وياكم.
يامان: مو انتي يروحي لا تحملين نفسج ذنب اني كلتلج عائلتج هي اني خلص بوية انتي راح تتخربطين شوي جسمج يرجف وين بخاخج.
تاليا: بل كاونتر هو راح يجيب بخاخ واني افكر بطيبت قلبة و حنيتة.
يامان: هاج بوية يلا كافي بجي ترة ازعل عليج.
تاليا:اخذت نفس من بخاخ ارتاحيت هزيت راسي يعني ما راح ابجي بعد.
يامان: روحي نامي و لاتفكرين حبيبتي.
تاليا: ماشي تصبح على خير.
يامان: بست طرف شفتها و كلت العشاك هيجي يكولون تصبحين على خير.
تاليا: خجلت و ركضت لغرفتي طبيت بل فراش و لازمة مكان بوسة تغطيت و نمت.
..................
سمر: كعدنا صبح رحنا لسوك اختارينة فساتين حنة و حجزنا صالون كل هذا بس تاليا و بشرة وياي ولا واحد من عائلتي اجة للضهر عزمنة جواد و اهلة للبيت هاي اول عزيمة لخطيبي طبخت كل الأكل اجونة الضهر رحت سلمت عليهم عزمنا وياهم تاليا و يامان و بشرة و سيف كلنا التمينا اجني بشرة و تاليا يساعدني بل مطبخ نشتغل و نضحك لو نخطط شنو نسوي للحنا فرشنا السفرة و رتبنا الأكل صحتلهم و كلت تفضلو الغدا جاهز.
ابو سمر: تفضلو عيوني انتو.
دعاء: زاد فضلك ابو سمر.
جواد: يامان اني ليش احس ابو سمر حاط عينة على أمي.
يامان: هههه تفكيرك وصخ ولك هذا عمك.
جواد: اممم شحدة يريد امي.
يامان: امشي امشي ناكل الله يهديك.
تاليا: كلهم كعدو عل اكل رحت اجيب مي رجعت ماعرفت وين اكعد يامان اشرلي بصفة رحت كعدت هناك.
يامان: شلونج اليوم بوية.
تاليا: بخير الحمد لله.
يامان: دوم ياروحي يلا اكلي وراج علاج.
تاليا: بديت اكل و هوة يفلسلي دجاج يخلي بماعوني جواد كام يحمحم رفعت راسي اباوع سيف كوة لازم ضحكتة بشرة ترفع حواجبها سمر تغمز غصيت بل اكل كمت اكح.
يامان: اسم الله بوية اشربي مي.
تاليا: كام يفرك و يدك على ضهري علمود تروح كحة شربت مي كلت اني زينة ماكو شي.
يامان: كل واحد بيكم عينة بماعونة.
تاليا: محد حجة شي و كلها لازمة ضحكتها من كام ابو سمر يغسل عرفو راح كامو يضحكون يبووو خجلت خجل ما صاير.
جواد: اييي عيييني ايييي تطورات بس باقي توكلهه.
يامان: انجب لا تدخل اكلي بوية.
تاليا: وكلني بيدة.
سمر و بشرة: اووووو شكد كيوت.
جواد: شبي حضي عمي ما كام من اول علمود اخذ راحتي وية خطيبتي.
سيف: ههههه اسكت لا يسمعك و يكول ماعندك مرة عندي.
جواد: ليش هيه لعبة غير عاقدين.
سمر: جانت احلى سفرة اكل بعمري كلها ضحك و ونسة كملنا غدا و غسلنا مواعين سوة.
تاليا: بنات باجر لازم نروح من وكت للصالون لأن ما نلحك.
بشرة: اكول سيف يوصلنا لأن جواد و يامان مشغولين.
سمر: تمام بس بشرة لا تنسين كعب أمانة.
بشرة: لا يروحي ما انسا.
تاليا: كملنا شغل و رجعنا للبيت نرتب بل كراسي و نضفنا البيت سوينة مكان بل طرمة للدبجة لأن راح يدبجون الولد اخذت اغراض الي اريدهه و بشرة هم اخذت اغراضهه نبات يم سمر لأن الصبح بيت ينترس زلم ردت اطلع يامان صاحلي كلت بشرة انتي روحي هسه اجي وراج.
بشرة: ماشي يروحي.
تاليا: ها ياماني.
يامان: ساعديني بأختيار بدلة رسمية حاير بين نيلي لو اسود نسقيلي قميص.
تاليا: اني راح البس نيلي نسق وياي مو تلبس اسود.
يامان: هههه بوية نسقيلي.
تاليا: اكول يامان انت تحب تلبس دشداشة.
يامان: عادي ماعندي مشكلة.
تاليا: لعد امشي حبيبي اشتريلك دشداشة نيلي و وياهه غترة بيضة ننسق سوة.
يامان: هيج تشوفين احلى البس دشداشة.
تاليا: اي والله.
يامان: صار بوية هسه رايح وية جواد و سيف.
تاليا: اي ماشي اني هم رايحة يم سمر باجر سيف ياخذنة للصالون.
يامان: احم تاليا.
تاليا: اعرف مكياجج بسيط
حجابج، عبايتج، ماريد يبين شي دير بالج، علاجج لا تنسي حافضتهن حبيبي.
يامان: عفية بل شطورة تعاي انطيني بوسة.
تاليا:قبل لا يلزمني ركضت كلت اسفة بس والله متأخرة باي دزيتلة بوسة بل هوا.
يامان:اني اعلمج.
تاليا: طلعت من بيت اضحك رحت على بيت سمر ضلينا ليل كلة ماسكات و ننتف بنفسنا نشتغل على نفسنا و نضحك اتصل جواد اني رديت
-هاااا جوجو.
جواد: رجعي تلفون لصاحبة.
-صاحبة تلفون مشغولة اسفين.
جواد:يابة شكد مغثة انتي و يامان.
-هيووو ما اسمحلك تحجي على ريلي مستقبلي.
جواد: عابتلج انتي و ريلج.
يامان: هاي تاليا على خط؟
جواد: اي انت هم تعال اخذ تلفوني نضل اني و سمر عل حديد شنو رأيك.
يامان: اشوو دجيب شكد تلغي.
تاليا: فاتحة سبيكر و ميتين ضحك عليهم سمعت يامان من كال.
يامان: اي ضحكي ضحكي ما انسالج بوسة اردهه وحق عيونج.
تاليا: رجعت السماعة داخلية و كلت ولك جان سبيكر يااااماااان.
يامان: ههههه حيل.
تاليا: هاي عليمن.
يامان: على جواد عار.
جواد: انيييي شعليةةةة.
تاليا: يلا عيني يلا احنا مشغولين ماعدنا وقت مع سلامة.
يامان: ماشي باجر نتشاوف وين رايحه وراج وراج.
تاليا: هههه باي.
يامان: بايات يروحي.
بشرة: صراحة اني ماعندي خوات بس سمر و تاليا صارن مثل خواتي هواي فرحت بيهن هل كم يوم كملنا كل شي بليل و الصبح كعدت على صوت اتصال شفتة سيف كاعد يدك كلت ها حبيبي.
سيف: ها يروحي جاهزين اني بل باب.
بشرة: كعدت مفزوعة كلت ليش ساعة بشكد؟
سيف: ١١ صبح حياتي.
بشرة: يماااا سدة حبيبي هسه شوي و نازلين رحت ركض اكعد بنات ولجن كومن تأخرنا اريدهن يكعدن ماكو اخر شي جان دولكة مي موجودة ذبيتهه عليهن ولجن ساعة بل ١١ كومن سيف منتظرنة كل وحدة جبتها و حجابهه.
تاليا: كعدنا صبح على مي من كالت ب ١١ ماعرفت شلون كعدت لبست جبة بل مكلوب.
سمر:ولجننن خل اغسل وجهي شلون اطلع هيج.
تاليا: غسلي بل صالون.
بشرة: طلعنا بسرعة سيف منتظرنا بل باب من شافنة كام يضحك على شكلنا.
سيف:هههه ولجن صحصحن بالله غسلتو وجوهكم.
سمر: لا والله خوية بل صالون نغسل.
تاليا: نعسانة.
سيف: ههههههه تاليا جبتج مكلوبي.
بشرة: يااا هههههه ولج تاليا صحصحي حبيبتي.
تاليا: عدلت جبة و وصلنا للصالون كالت ب ١ يجي دورجن.
سمر: اذا بل ١ دورنا يعني لل ٣ نكمل زين اذا هيج لأن الحفلة بليل.
بشرة: اي احسن مكياج ما يروح.
تاليا: لعد خلوني ارجع انام نعسانه.
بشرة: نامي اذا ما كعدتج براشدي ما يكون اسمي بشرة.
سمر: هههه حتى اني نعسانة.
بشرة: كومن غسلن هسه تصحصحن.
تاليا: رحنا غسلنا وجهنا ضلينا ننتضر لحد ما صارت ب ١ اجة دورنا كعدنا ثلاثتنا كل وحدة طلبت مكياج و تسريحة تناسب فستانها لو فستاني جان نيلي من فوك مستور بس قصير لحد فخاذ ثوب بشرة جان طويل بس من فوك تك كتف لون خوخي فستان سمر جان احمر كولش حلو على شكل سمجة كملنا رحنا نبدل من طلعنا من غرفت تبديل اكو مرة جبيرة بل عمر سلمت علية و خطبتني كلتلهه خالة اني مخطوبة اعتذرت و راحت ضلينا ناخذ صور على مراية نسوي فيديوهات ترند اتصل سيف كال اني باب صالون استعجلو وراية شغل لبسنا حجاباتنة و كل وحدة عبايتها طلعنا صعدنا بل سيارة اني احجي وية زينة سمعت سيف يتغزل ب بشرة بهمس فرحت لأن يحبها و عوضها عن كل شي وصلنا للبيت ابو سمر طبينا جوة سمر شافت امها و خواتهه.
سمر: ما حنيتو ما كلتو هاي اختنا يمة انتي ما كلتي هاي بنتي شلون اعوفهه.
ام سمر: اني ماعندي بنية اسمها سمر بسببج ابوج راح يطلكني ورا زواجج.
سمر: مو بسببي بسبب انانيتج بعمري ما حبيت اشوفج مقهورة ولا دعيت عليج بس هسه اكول تستاهلين كولشي يصير وياج كلت هاي كلام و صعدت لغرفتي.
تاليا: تقدمت على امها و خواتها كلت عيب عليكم استحو شوية بطلو حقد بنية ضحت علمودكم عفتهم و مشيت على غرفت سمر لكيتهه تبجي لججج سمررر مكياجج كافي يروحي اني و بشرة وياج ولا يهمج احنا خواتج.
بشرة: صح كلامهه احنا خواتج لا تبجين يا عمري.
سمر: ربي لا يحرمني منكم ما انسة وكفتجن وياي.
تاليا: يلا كافي هسه مكياجج يخرب و جواد يخترع.
سمر: هههههه ما ابجي خلص.
بشرة: يلا خلي ننزل نركص شوية.
تاليا: نزلنا جوة شغلنا دي جي كمنا نركص ونرد ورة اغاني
اليوم حنة غالي اليوم نلعب جولة
وفاية الة لتالي اليوم نلعب جولة
والفرح عدنا الليلة
اليوم نلعب جولة
تاليا: اجتي ام جواد كالت راح يدخل عريس يحني عروستة فتحو طريق.
سمر: بطني عصافير من سمعت راح يدخل أمة فتحت طريق و تاليا و بشرة يهلهلن و يهوسن دخل لابس دشداشة و غترة طالع يخبل اجة باس راسي و خدي بعدها حنة ايدية و تاليا تهوس وية بشرة. 
تاليا:هاي رادها و هاي تمناها
بنت شيخ لأبن شيخ جبناها.
بشرة: سمر بس كولي بلي بيج خير و دللي.
تاليا: جواد اخذ رايتة و عاف بنات ولايتة.
بشرة: عروستنا جكليتة حامض حلو باكيتة.
جواد: هوسولي يمعودين تاليااا غير اني اخوج.
تاليا:لا تكول لوحدك كل احنا خوتك.
بشرة: يهل قوط ذبو قوط جواد لبس قاطة.
جواد: لابس دشداشة يول اشو ضعف نضرج.
تاليا: اخونا خوش اخو يستاهل هوسة.
جواد: لج كفو خيتي كفوو.
تاليا: كومناهم يركصون بل نص و نصفك اخذتلهم كومة صور و فيديوهات شفت قاسم يباوع من شباك مطبخ نصيت دي جي و صيحت بعالي صوتي بشرة.
-جان صاحبها و خذاها.
بشرة: جان عاشكها و خذاها.
تاليا: شفتة عصب و راح اخخ مي بارد نزل على كلبي كملنا حفلة بعدها اجت مصورة تاخذ صور الهم عفناهم وحدهم يحجون دورت على تلفون بشرة اتصل على يامان ناخذ صور بشرة ماكو مهم ضليت انتضر شوية و طلع جواد و سمر ضحكت من منظرهم اححممم سمر حمرتج خربانة.
جواد: اي مو أصلية.
سمر: اي ابد.
تاليا: انجبو ثنينكم مو علية هل سوالف يلا جوجو روح صيحلي يامان اريد اخذ صور.
جواد: اي تدللين خيتي على هل هوسات الا ادللج.
تاليا:راح جواد كلهه دقايق و اجت زينة كالت خالو بل حوش ينتضرج طلعت برة شفتة بل دشداشة رفع راسة باوعلي ابتسمت.
يامان: ها بوية صحتيلي.
تاليا: اي ادخل للأستقبال ناخذ صور سوية.
يامان: اي بوية فتحي هذا باب منا نسوان ماطب.
تاليا: ماشي رحت فتحت باب و كلت للمصورة تجي للأستقبال أخذنا ٥ صور كلها لقطات عادية بس وحدة منهن جانت عفوية اباوع على يامان و اضحك و هوة لازم وجناتي مبتسم عجبني الصور.
يامان: بوية راح اروح لأن شباب راح يروحون لازم اوصلهم للكراج انتو رجعو للبيت بعد شوية.
تاليا: تمام هسه اكول لبشرة باس راسي و راح سلمت على سمر و على ام جواد شفت بشرة تبدل لزينة كالت. محتاجة بجامة لزينة من بيت كلت اني اروح اجيب الزلم راحو.
بشرة: ياروحي راح اتعبج.
تاليا: لا يروحي هسه اروح و ارجع بسرعة رحت للبيت جان هوسة و ضلمة دخلت للغرفة اطلع ملابس لزينة حسيت واحد سد باب كلت منووو هناا شميت ريحة نفط و سمعت صوت قاسم من كال علمود تتعلمين شلون تغثيني لججج اني قاسسمم صيحت بعالي صوتيي بشرةةةة سمرررر يااااامااااان جووووواددد ماحس غير نار بل غرفة ضليت اصيححح سااااااعدووووووني صار دخان هواية و نفسي بدة يضيق وكعت بل كاع و اكول ياااامااان ماكدرت اتنفس و لا احجي بخاخ مالي بل مطبخ و هذا قفل باب حسيت خلص راح اموت صرت اغمض عين و افتحهه و اتشاهدت أشهد أن لا إله إلا الله و اشهد ان محمد رسول الله.............
ترقبوا بارت قادم🥺
حسابي الانستا