خاطفي هو منقذي

p16

هلو قلبوشاتي🦋🤭

رسمتِ عينيكِ على أوراقي بقلم الرّصاص، رسمتهما بكلّ أشواقي وبكلّ إخلاص، عيناك الّلتان تخترقان صدري كالرّصاص.
.......................
تاليا: جنا ننزل على درج و شافني ابو سمر
-هلو عمو اسفة اجيت بهل طريقة بس بيتنا متروس شباب و يامان كلي اضل يم سمر اذا ما ازعجكم.
-لا بنيتي البيت بيتج اخذي راحتج.
-شكرا عمو مشيت وية سمر للمطبخ نحضر.
تاليا: شبيج يول ايدج ترجف.
سمر: لج احساسي خوف على فرح على توتر خالطتهن كلهن سوة.
تاليا: لا تتوترين ان شاء الله خير.
سمر: ان شاء الله ادعيلي فدوة.
تاليا:سمر جوعانة ماتريكت.
سمر: اي حبيبي تعاي احضرلج ريوك من ايدي.
تاليا: اريد بس لفة جبن و جاي لا تعبين نفسج.
سمر: لا حبيبتي هسه احضرلج احسن ريوك.
تاليا: لا يمعودة ورانة مكياج و تبديل.
سمر: سويتلهه لفة و انطيتها كوب جاي و صعدنا لغرفتي.
تاليا: شنو راح تلبسين؟
سمر: نزلت راسي كلت ماعندي شي البسة يناسب هذا يوم.
تاليا:وين تلفونج.
سمر: ثواني اقفل باب و اطلعة سديت باب و طلعت تلفون من جوة فراش هاج حبيبي بس شسوين؟
تاليا: معليج اني ارتب موضوع اتصلت على جواد رد علية عبالة اني سمر.
جواد: هلا برويحتي هلا بأم جهالي مستقبلية اخخ شكد مشتاقلج.
تاليا: اكول كافي انطيني يامان محتاجتة.
جواد: تاليا هاي انتي لج تلفون سمر شيسوي يمج؟
تاليا:لو ما انت هاجم هل هجوم من صبح و جايب عراق كلة بل بيت جان اني كملت نومتي و ما طالعة يم بيت سمر.
جواد: امشي لج ام صماخ ما شبعتي نوم باوعي مادامج يم سمر بوسيهه بدالي.
تاليا: اكو استاذ روميو انطيني يامان عدنا شغل عروسة مو فاضية.
جواد: اخخخ بس لو الزمج الا اكص لسانج.
تاليا: هو يحجي و سمر كاعدة بصفي تسمع وياي سمعت صوت يامان اجة على جواد يحجي ويا صيحت ياماااااانييييي.
جواد: وسسسسم سمممم اذني راحتتت.
تاليا: ضحكنا اني و سمر كلت انطيني يامان لك شكد عنيد سمعت صوت يامان.
يامان: هاي تاليا عل خط.
جواد: اي تريدك بس مانطيك تلفون.
يامان: ضربتة و اخذت تلفون.
تاليا: نضحك على عركتهم اني و سمر جاوبني يامان و كال.
يامان: ها ياروح يامانج كولي بوية محتاجة شي.
تاليا: سمر تغمز و تطك اصبع يمي خجلت كلتلة اي محتاجة كم شغلة من بيت بس شلون اجيبهن.
يامان: راح اروح للغرفة و كوليلي الي تحتاجي اني اجيبهن للسطح.
تاليا: تمام؛ شوف اكو ثوب احمر و ثوب ابيض و اكو علاكة مرسوم عليهه مكياج اريدك تجيبهن الية.
يامان: صار بوية هسه اجيبهن محتاجة شي ثاني.
تاليا: ها اكو حلويات الي جبتهن بارحه جيبهن وياك.
يامان: تمام تعاي اخذيهن راح اصعد عل سطح.
تاليا: سديت خط و كلت لسمر اذا عندج كعب طلعي راح اجيب اغراض و اجي.
سمر: تمام هسه اشوف.
تاليا: صعدت فوك شفتة منتظرني كلتلة جبت كل الأغراض؟
يامان: اي حبيبي شوفي اذا اكو نقص اجيبهن.
تاليا: باوعت بل أغراض كلهن تمام ابتسمت كلت شكرا ياماني ردت اروح مستعجلة لزم ايدي.
يامان: بوية اكلتي شي؟
تاليا: اي اتريكت سمر سوتلي لفة جبن و جاي.
يامان: خليت علاجج بل علاكة جنتي ناسيتة اخذي بوقتة لا تهملينة تغدي زين.
تاليا: ابتسمت على خوفة و اهتمامة علية بست خدة بوسة سريعة و مشيت بسرعة التفتت كلت لا تخاف علية.
يامان: اردهه البوسة اضعاف صايرة تبوسين و تفلتين مني.
تاليا: ضحكت و نزلت.
سمر: ها خية جبتي اغراض؟
تاليا: اي جبتهن تعاي ارتبج كعدنا بغرفتها خليتها تلبس ثوب ابيض و كويت شعرها طويل و خليتلهه مكياج يخفي اثار طلعت تخبل اللهم صلي على محمد وآل محمد طلعتي كيكة.
سمر: باوعت على نفسي بل مراية صرت افتر بل فستان دمعت عيوني حضنت تاليا و كلتلهه شكرا لوكفتج وياي صرتيلي اخت و صديقة ياعمري الله لا يحرمني منج.
تاليا: صح اني ماعندي خوات بس والله احبج مثل اختي و ان شاء الله ربج يتممها على خير و اشوفج احلى عروسة.
سمر: امين و اشوفج انتي و يامان احلى عرسان.
تاليا: خجلت كلتلهه يلا اني راح اجهز نفسي لبست فستان احمر و اخذت كعب من سمر صح قديم بس مو هواي خليت مكياج بسيط و طوخت الكحل سرحت شعري بس شلتة كباية و شمرت شال على شعري ماريد يامان يزعل.
سمر: لجج بوية اليوم يامان يتخبل شهل عيون نوب طوختي كحلة يبووو.
تاليا: هههه لا تخجليني ولج.
سمر: جنا نحجي و سمعنا صوت باب يندك و صوت زلم كمت اطك بأصابيعي من توتر والخوف.
تاليا: اهدي حبيبتي ان شاء الله خير و الله يهدي اهلج و يوافقون.
سمر: خايفة لا ابن عمي يسوي شي مخبل هذا.
تاليا: ماكو شي تعاي ننزل جوة نحضر ضيافة.
سمر: نزلتة جوة اشوف امي و مرت اخواني ثنينهن صافنات علية حجت مرت اخوية زغيرة.
-شوفي عمة شلون محضرة نفسها بنتج جانت تعرف راح يجي عشيقها و يخطبها.
سمر: احترمي نفسج لا تخليني احجي و البنية غريبة عنة عيب كدامهه نتجادل.
-بس الله يعلم شكد لاعب عليج فوك سطوحة.  
تاليا: ما كدرت اسكت رديت اي يحبها و يعشقها جاي يخطبها على سنة الله ورسوله شنو الي غاثج لو جواد نيتة يلعب على سمر مثل ما تفضلتي حضرتج جان من زمان شرد بيهه و اخذهه بس هو محترم اهلهه و يريد ياخذهه برفعت راس.
-هيييو منو انتي علمود تحجين و تصيحين.
تاليا: ما يخصج لا تخلين خشمج بكل موضوع عيب.
سمر: تاليا بكلامهه سكتتهن و راحن كعدن على صفحة دخلت للمطبخ احضر جاي و ضيافة اني و تاليا.
تاليا: لج شلون متحملة هل مسمومات.
سمر: خية ماعندي احد يوكف وياي بس اردهن اخواني يشوفوني الويل لا ونوب ابوي و امي يكملوها علية.
تاليا: الله يساعدج.
سمر: كملنا ضيافة اجة قاسم و اخوية اخذوهن تقرب قاسم و كال بأحلامج اخليج تروحين لهذا حقير.
تاليا: عمو اخذ جاي راح يبرد.
قاسم: اني مو عمج لا تكولين عمو.
تاليا: بمثابة عمي تذكرني بعمي خالد نفس طبيعة.
قاسم: انتي حجايتي ما خلصت وياج يجي يوم واعرف منو انتي و ليش لسانج هل طولة.
تاليا:يلا عمو مو وكت هل حجي جواد مستعجل يشوف مرتة مستقبلية.
قاسم: سممممر منوو هاي شعدها هنااااا.
سمر: هاي جيرانة و خطيبت يامان اجتي تساعدني.
قاسم: خلي تلزم لسانها لا اكصة.
تاليا: اني مرت يامان فنك تلزم شعرة مني يلا عمو جاي برد و كاعد يصيحوك.
سمر: طلع قاسم فاير من عصبية ضليت اضحك علي و اكول لتاليا لج انتي شنو تلعبين بأعصاب اكبر واحد هههههه يمة بطني والله انتي لبوة ما تخافين من احد.
تاليا: لبوة نقيب يامان اني.
سمر: هاا عيني هاا مرت يامان مووو اني اعلمج اذا ما احجيلة كل شي.
تاليا: خجلت ضربتهه انجبي تعاي نسمع شيحجون.
سمر:وكفنا يم باب و نسمع شيحجون.
خال جواد: احم ابو سمر احنا اجينا من طريق طويل و هاي مو اول مرة ندخل بساطك و بيتك هل مرة جايين و عدنا طلب ان شاء الله ما تردنا.
ابو سمر: جيتكم على عين و على راس والبيت بيتكم الي أكدر علي بعيوني اخليكم.
خال جواد: احنا جيتنا معروفة و غايتنا نجمع ثنين بل حلال جاين نطلب ايد بنتك محروسة سمر لأبنا جواد على سنة الله ورسوله.
ابو سمر: كلل هلا بجيتكم اشربوا جاياتكم و ان شاء الله خير.
خال جواد: ينشرب جاياتنة من توافق على طلبنا ابو سمر.
ابو سمر: مادام كلكم مجتمعين و اخوية موجود راح اكوللكم طلبكم على عيني و على راسي بس اني عندي بنية وحدة و ابن عمها رايدهه.
خال جواد: خوية كلنا نعرف ابنا يهوى بنيتكم صارلة سنين و على ما اعتقد بنيتكم مارايدة ابن عمها احنا هاي ٣ مرة جايين نطلبها منك وان شاء الله هل مرة ماتردنة و تسأل بنية خلي نسمع جواب منهه.
قاسم: من بعد اذن عمي و ابوية اني بنت عمي ماخليهه تروح للغريب طلبكم مرفوض.
جواد: احنا كلنا اسألو البنية نريد نسمع جوابها.
قاسم: ماعدنة حرمة تنسأل بين زلم.
جواد: لعد شلون اصدك كلامك هي رافضة زواج مني.
قاسم: شنو قصدك اني اجذب.
جواد: كلشي يجوز.
قاسم: كمت لزمت ياخة قميصة اشوووووو انت ما تحترممممم.
جواد: نزل ايدك لا اكسرهه.
قاسم: تكسر ايد منو لكككك بنت عمي اني رايدهه و زواجنا قريب ماعدناااا بنات للزواج.
جواد: بنت عمك اعترف بس تصير مرتك هاي على جثتي سمر بس الي افتهمت.
سمر: صارت أصواتهم عالية و سمعت صوت ضرب تكسير كلت ماعوف جواد وحدة ماعوفة لبست حجاب و دخلت للديوان شفت الزلم نزلت عيونها و كلت يابة ابن عمي اني ما رايدتة ليش تغصبوني.
ابو سمر: امشي دخلي جوة حسابج بعدين.
جواد: شنو حسابهه بعدين هم تضربهه هم تمد ايدك عليهه قسما عظما اذا بس اعرف لامسين شعرة منها بيوتكم اهجمها.
ابو سمر: خوية تقبلها ننهان ببيتنا و ابنكم يهدد.
خال جواد: لا يخوي بس الي كاعد تتصرفونة غلط و ابنا ما يسكت عن غلط.
قاسم: لجججج امششششي دخلي جووووة.
سمر: رحت على عمي ابو قاسم عمو ابوس ايدك انت لا تظلمني عمو بروح ابوك لا تظلموني.
ابو قاسم: صار بوية انتي دخلي واني اتصرف امشي بوية عيب من زلم.
سمر: طلعت من ديوان ابجي و تاليا حضنتني تهدي بية بس اني نار مشتعلة بية رفعت راسي باوعت امي واكفة تباوع على حالي و متوترة كلتلهه
ياريت لو ميتة ولا انتي تكونين امي لج شنو كلبج من حجر ما يحن ما كلتي هاي بنتي بسببي كاعد تتعذب بس صدكيني اليوم ما ضم ولا شي احجي كولشي واكشفج و اخليهم يعرفون حقيقة.
تاليا: شفت سمر وضعها ابد مو طبيعي جبتلها كلاص مي بعدهم يصيحون سمعت جواد يحجي.
جواد: هاي ثالث مرة مشيت عليهه و مستعد امشي عليهه طول عمري بس ماخليهه تصير لغيري على جثتي تصير سمر لغيري.
قاسم: تشوف شلون اتزوجها.
جواد: ازين شاربي اذا خليتك تتزوجها و تصير مرتك.
قاسم: لعد اسمع طول ما سمر بنت عمي ما تكدر تاخذها و تتزوجها.
جواد: والله لغزي عربكم و أخذها غصبن عليك و على اكبر واحد احترمت هواي صار لازم اتصرف بطريقتي.
ابو قاسم: ولدي اكعدو البنية اني مسؤل عنها اجيتو طلبتوها على عين و على راس باجر نردلكم خبر ان شاء الله.
قاسم: بوية شكاعد تكول؟
ابو قاسم: من احجي اني تكعد و تسكت.
جواد: ماشي عمي منتظرين خبر منك و بس اسمع مادين ايدكم عليهه اعرف شسوي مو تهديد تحذير.
خال جواد: يلا خوية احنا نترخص صار لازم نروح اودعناكم.
ابو قاسم: كلل هلا بيكم و اعذرونا من قصور.
خال جواد: معذورين خوية.
.........
تاليا: راحو زلم و بقيت يم سمر اخاف لا يأذوهه يستحون مني إذا يمهم ما يضربوهه ولا يأذوهه دخل قاسم هجم عليهه راد يضربهه خليتها ورة ضهري و كلت
-ها ها ها سالمين وين رجولتك تريد تضرب بنية لا حول ولا قوه.
قاسم: شوفي لج توخرين من كدامي لا احرك اهلج وياهه.
تاليا: اذا انت رجال و كد كلمتك مد ايدك على وحدة منا شايف الزلم الي دخلو مثل نمل اخليهم يلعبون بيك جولة امشي منا يلااا.
قاسم: لججج انتي شنو تهدديني كلج على بعضج زعطوطة.
تاليا: هاي اختك مو اني راد يمد ايدة دخل ابو جرة و ضربة راشدي فزينة من صوت راشدي حضنت سمر اهدي بيهه.
ابو قاسم: ايدك ما تنمد على نسوان افتهمت اكسرهه اذا مديتها.
تاليا: دخل ابو سمر و كال لأخو.
ابو سمر: خوية شلون تكوللهم نردلكم خبر.
ابو قاسم: شوف لا تنسة من اطلكت سمر شهرين انتو متبرين منها واني بل كوة قنعتكم ترجعوها لبيتكم لأن بنية جانت زغيرة و تريدكم هسه صار الكم حق تختارون حياتهه جان فكرتو بيهه من زوجتوها هي بعدها قاصر.
ام سمر: محد كللهه تطلك.
سمر: وخرت من حضن تاليا و مشيت وكفت كدام امي كلتلهه انتي الي قنعتيني ازوج ليش اني اكولج ليش لأن جنتي مخططة وية اختج ترجعون ابنها على طريق صحيح كلتو خلي نزوجة بس ما عرفتو كام يشرب و يدخن  كدامي لا ياريت لو بس هيج كام يجيب مخدرات للبيت وية اصدقائة يشمشمون و يخدرون لصبح لجججج جنت اقفل باب علمود لا يعتدون علية شفتتتتت ويل ولججج الي تحجين علي رجلج رجلج رجلي جان يكول لأصدقائة روحو جربو جسم مرتي كل هذا و انتييي ما خليتيني احجي لأبوي تسكتيني تكولين يتحسن يصير زيننن طلبت طلاك لأن زوجي ماجان عندة غيرة يريدني اركص لأصدقائة التفتت على ابوية كلتلة تقبلها انت اصير رقاصة لأصدقائة تقبل اصدقائة يتمتعون بجسمييييي تقبلهاااا هاي كلة امي ما خلتني احجي لأن تخاف تطلك بس طفح كيل بعد ما تحمل ردت امشي من مكان بس رجعت رفعت اصبعي بتحذير كلت هااا نسيت شي اسمعو زين
لو جواد لو ما ازوج واذا ما خليتوني اعيش حياتي بشكوى مني كلكم لسجن لا يرفلي جفن و لا كلبي يحن جنت محترمتكم لأن اهلي ربيتوني و تعبتو علية بس ضاهر انتو تريدون هيج عفتهم و صعدت فوك.
تاليا: بيت صار هدوء كلهم منزلين راسهم شفت ابو سمر يبجي و امها خايفة من ردت فعل زوجها
اني ضاق نفسي لأن انقهرت على سمر اريد اتنفس ماكو لزمت حايط و طلعت برة بل شارع اريد اصيح يامان ماكدر نفسي ماكو شفت زلم بل باب اشرتلهم اجوي.
-ها خوية ها شبيج.
-بصعوبة كلت ياا ماا ن حسيت خلص اوكسجيني.
-ياااامان خوية يااااامااان تعال.
يامان: طلعت على صياح اشوف تاليا واكعة بل شارع ما تكدر تتنفس رحتلهه ركض.
-تاليااااا تاليااا بوية تنفسي تنفسي شغللللوو سيارة اخذهه للمستشفى.
-ياا  مااا نن يي.
-روحة ليامانج لا تحجين هواي بوية جابو سيارة جواد طلع كلتلة بسررررعة للمستشفى اجة شخط سيارة و كبل للمستشفى.
تاليا:ياا  ماا  ن راا  حح  اا. موو  تتت.
يامان: لااا تكولين هيججج لا تحجييين كمت افرك صدرها بلكي تتنفس ولك جوااااد اسرع فدوة راح تروححح مني.
جواد: والله خوية سريييع تاليا بس اخذي شهيق و زفير خوية حاولي بين ما نوصل.
تاليا: ردت اسوي مثل ما جواد يكول اغوشت عيوني شفت يامان مغوش لزمت وجهه و دنيا صارت ضلمة.
يامان: لااااا تغمضينننن وصلنا يارووووحي لاااا تغمضينننن شفتها فقدت لو فقدت عقلي وصلنا فتحت باب سيارة شلتها و عفت سيارة اركض بيهه دكتوووور دكتووور بسرعة اوكسجين بسررررعة ترة فقدت.
-ممرضة جهاز اوكسجين و ابرة** و مغذي.
يامان: دكتور شبيها فدوة جاوبني.
- خوية انتظر برة ان شاء الله مابيهه شي هسه اجيك.
يامان: اجه جواد طلعني برة ضليت انتظر يطلع دكتور.
جواد: مابيهه شي ان شاء الله لا تخاف.
يامان: ولك ما جانت تتنفس فقدت بين ايدي.
جواد: ان شاء الله ماكو شي اهدة كول يا الله.
يامان: يا الله جواد اخاف سمعت شي لو صار شي بيت اهل سمر والله اذا بسببهم الا اشوفهم نجوم ليل بعز النهار كلشي ولا بنيتي.
جواد: هسه تكعد و نفتهم منهه لا تتهور.
يامان: طلع دكتور ها دكتور بشر.
-ماكو شي نخاف منه بس صاير عدها ربو بل جديد ديربالكم عليهه لازم تستخدم بخاخ من تحس يضيق نفسها اني كتبت العلاج و بخاخ تلكونة يم ممرضة من يخلص مغذي تكدر تطلهه الحمدلله على السلامتهه.
يامان: مشكور دكتور أكدر اشوفهه؟
-اي بس خليها لا تتعب بل حجي.
يامان: صار، دخلنا اني و جواد عليهه.
جواد: يامان اني رايح اجيب علاج و ارجع.
يامان:هزيت براسي بأي.
تقدمت بست راسهه و طولت بوسة رجعت كعدت يمهه فتحت عيونها جان اضوية تأذي عيونها خليت ايدي امنع ضوة يضرب بعيونهه كلتلهه فتحي عيونج بوية خلي اشوفهن لو تدرين شصار بية من غمضتيهن.
تاليا:باوعت على عيونة شفت  رموشة رطبات معقولة باجي علمودي اشرتلة يتقرب.
يامان: ها بنيتي محتاجة شي وخرت جهاز تنفس من حلكهه و تحجي على كيفهه.
تاليا: للليش تبجيي اني بخيرر.
يامان: بعد أنفاسها مو منتضم رجعت جهاز على حلكهه كلت ماكو شي بوية لا تعبين نفسج بل حجي هسه بس يخلص مغذي نطلع.
تاليا: شفت خوفة و ايدة جانت ترجف لزمت ايدة وحضنتهه على كلبي اريد يطمن اني بخير ابتسمتلة ردلي ابتسامة شوية و دخل جواد.
جواد: ها ام صماخ شلون صرتي خوفتينا عليج.
تاليا: اشرتلة لايك يعني بخير.
جواد: ههههه صرتي تحجين لايكات اويلي اليوم يومي راح استغل سكوتج.
تاليا: دغيت يامان و اشرت على جواد يعني سكتة.
يامان: جواد لا تخليني اكوم اكسر عضامك عوفهه تعبانة.
جواد: اوووي يامانييي شكد قاسي اذكرك جنت حبيبي اني قبل هاي ام صماخ.
تاليا: شلت جهاز من حلكي و كلت جواد خلي اطلع اني اعلمك.
جواد: هاي حقيقة يامان مالي و احبة.
يامان: اشووو دطلع حاط عقلك وياهه.
تاليا: ورة ربع ساعة خلص مغذي حسيت صرت احسن بس بعدني دايخة ردت البس حذائي تذكرت اني جاية بكعب هسه شلون اطلع صحتلة يامان.
يامان: ها حبيبي.
جواد: ما شاء الله تطورات صاير حبيبي حبتك حية ام سبع روس اني شكد جنت ادللك و اكولك حبيبي ما ردتني.
يامان: جواددد راح اركع راسك بل حايط.
جواد: حسبي الله ونعم الوكيل يا قاسي يا شرير.
تاليا: يامان اجيت بكعب شلون امشي اني دايخة.
يامان: اشيلج بوية.
تاليا: لا ماريد تشيلني.
يامان: ثواني حبيبتي.
تاليا: شفت راح على جواد دفعة يكعد على قنفة جر رجلة و هذاك يدافع.
يامان: رجلك ولك هيييو.
جواد: عمي اكل تبن خوب انطيهه حذائك هذا حذاء زواجيييييييي.
يامان: اشو دولي جريت حذاء منة و خليتة كدامهه يلا بنيتي لبسي و خلي نمشي.
جواد: خ*** عليك يا قاسي على أقل انطوني كعب البسة.
تاليا: لبست حذاء جواد كمت اضحك ههههه يامان حذاء جواد كولش زغير.
يامان: اي لأن هو رقيق ما يلبس غير رقم ٤٤.
جواد: اني اعلمكم خلي نوصل للبيت.
تاليا: كمت امشي و اطكطك بل حذاء ميتة ضحك ههههه.
يامان: ضحكي بوية ضحكي جعل محد غيرج يضحك.
جواد: الله يطيح حض زمايل مثل قاسم لو ما هوة هسه جنت وية سمر اتغزل مو اباوع عليكم و اتحسر.
تاليا: شفتة لبس كعب بس نص رجلة لأن كعب زغير كام يمشي و يطكطك بي ممرضات يباوعن و يضحكن و هو يكول موديل موديل ما شايفات هههههه متت ضحك.
صعدنا بل سيارة يامان طول طريق لازم ايدي يكول شلون صرتي لو يتفحص نفسي بل اخير كلتلة اني زينة حبيبي.
يامان: عيديها.
تاليا: شنو؟
يامان: حبيبي عيديها.
تاليا: باوعت بعيونة كلتلة اني زينة حبيبي يامان.
يامان: اخخ بوية والله بيج بوسة من حلكج هل كلام.
تاليا: لزمت حلكة لا يحجي اشرتلة اسكت.
جواد: ترة سمعت اخخخ الله ياخذك قاسم حسبي الله عليك.
تاليا: هههه.
يامان: دباع ضحكة اكرطج هسه.
تاليا: لاااع.
جواد: يامان وصلنا بس تاليا وين تروح اكو شباب يمنة بقة و خوالي و عمامي راحو للفندق.
يامان: لا خليها يمي اخاف تتخربط.
تاليا: يماني اروح على سمر خطية اليوم جانت تبجي.
يامان: ماكو روحة نزلي و طبي للغرفة.
تاليا: بس يامان ردت اكمل حجي ما قبل عدل حجابي و شالني من خجل ضميت راسي بصدرة سمعت جواد يكول خطيبتة تخربطت و مريضة ماكو شي.
يامان: خليتها عل فراش كلتلهه راح اطلع عيب من ولد اذا احتاجيتي شي صيحيلي.
تاليا: اريد احجي وية سمر حباب.
يامان: عود من ينامون الولد نجي اني و جواد نحجي وياهه تمام اخذي علاجج و نامي شوية صحتج موزينة بوية.
تاليا: اخذت علاجي و شربت مي تمددت غطاني و باس راسي طفى ضوة و طلع ضليت افكر بسمر خطية شلون جانت تبجي و تشهك و تصيح من ألم شلون انطاهم كلبهم هيج يسون بيهه تعبت من تفكير و نمت.
......................
جواد: يامان خوية تعال شوي محتاجك.
يامان: ها جواد شكو؟
جواد: احم خابر هل عار خالد يريد يحجي وياك.
يامان: راح اخابرة من رقم شغل هسه بس انت ضل جوة اذا صاحتلي تاليا جاوبهه خاف تحتاج شي.
جواد: صار خوية.
يامان: اتصلت على سكرتيرة
الو مرحبا وياج يامان ممكن توصلين اتصال لأستاذ خالد.
-حاضر.
يامان: سمعت سكرتيرة تكول استاذ خالد عندك اتصال مهم من استاذ يامان تمام هسه احولة لمكتبك.
-استاذ يامان حولت اتصالك.
يامان: تمام شكرا.
خالد: مرحبا استاذ يامان شلونك شنو هل غيبة.
يامان: اهلا استاذ خالد تعرف شغل و سفر اعذرنا.
خالد: الله يساعدك ردت اتواصل وياك لأن الشركة راح تفلس شنو الحل؟
يامان: اني اكول خلي نبيعها و بفلوسهه نسدد ديون.
خالد: بس هذا تعب سنيني شلون ابيعه.
يامان: اعرف استاذ بس اني هم خسرت فلوسي ماكدر اداين بعد احسن حل نبيع شركة انت فكر بل موضوع و ردلي جواب اني خلال هل يومين راجع من سفر.
خالد: تمام افكر و اردلك جواب.
يامان: سديت اتصال ضحكت بخبث ماتعرف شنو منتظرك استاذ خالد.
سمر: راسلني جواد بليل علمود يتصل بس ماردت يسمع صوتي تعبان من بجي دزلي رسالة كال اذا ما تردين هسه اجي لبيتكم كبل اتصلت علي.
جواد: هلا برويحتي هلا بمرتي حلوة ثواني خلي اروح يم هاي ام صماخ.
سمر: سمعت هوسة ولد شباب يمة بعدها كلت جواد تعبانة اريد انام.
جواد: اسكتي لا تعبانة ولا شي انتي تردين رجل وحق هذا الله تردين رجل.
سمر: ضحكت من تقليدة هههه اي اريدك انت.
جواد: اوووي اني طلعت محبوب جماهير لج سمر تدرين ردت ارشح نفسي لملك جمال بس كلت لا سمر تغار.
سمر: هههه اكول توم كروز على كيفك ويانة.
جواد: ثواني اكعد هاي ام صماخ لجججج تالياااا كومييي نومج شكد ثكيل.
تاليا: شكووو يمعود حاسدني على نومتي غير مريضة.
جواد: مو ردتي تحجين وية سمييييرة كومي هياتهه منتضرتج عل خط.
تاليا: من سمعت اسم سمر كعدت على حيلي اخذت تلفون سويتة سبيكر صيحت
تاليا:لججج سمرييييي.
سمر:لججج تالووونتيييي.
جواد: لججج اذنييي.
تاليا: لجج سمر اسفة حبيبي عفتج وحدج بس والله تخربطت بسبب الي صار.
سمر: ياروحي انتي اني الي اسفة لأن خليتج بهيج حالة بسببي.
تاليا: لا مو بسببج بسبب هذا حقير قاسم.
جواد: شنو سوة قاسم؟
سمر: لج ليش حجيتي.
تاليا: اني حجيت و يامان دخل.
يامان: شسوة قاسم احجي تاليا.
تاليا: ماسوة شي بس لأن ماخليت يمد ايدة على سمر و طولت لساني راد يضربني بس ابو ضربة راشدي اخ لو تشوفو برد كلبي.
يامان: اني اعلمة هذا نذل يرفع ايدة عليج.
تاليا: راد يطلع لزمت ايدة يامان فدوة لخاطري عوفة مانريد مشاكل خليهم باجر يردولنة جواب.
يامان: راح اسكت علمود جواد لحد ما يردولة خبر بس ما اعديها الة.
جواد: اني اربي هذا جلب سمر خوما اذوج.
سمر: لا عمو ابو قاسم ما خلاهم.
تاليا: سمر اذا تكدرين تعاي نصعد فوك نجتمع.
سمر: هسه راح اجيب شال و اجي.
جواد: هيييو مرتييي بكتيها يا ضالمة.
تاليا: انت اسكت ابو خشم على فكرة يامان جنت اني نايمة و جواد كعدني.
يامان: ليش تكعدهه وجة صخل.
جواد: كلت خلي تحجي وية سمر.
تاليا: يماني بعدين ضربة هسه خلي نصعد فوك حباب.
جواد: باوع باوع شلون تخربة علية.
يامان: كومي بوية لبسي حجابج و نصعد.
تاليا: شمرت شال شلون ما جان سمعت يامان يكول.
يامان: لا تشمرة شلون ما جان الحجاب.
جواد:مو كرايب عدكم و كلهه شباب.
يامان:مثل اخوتي اتكلي احسهم و انه اموت.
جواد:كون اكضهم اله دمهم للرجاب.
يامان:بيتنا اتفلش ولك اكسر من اغار.
جواد: انه يومية الصبح كاسري باب.
تاليا: خجلت هواي لأن جواد هم موجود عدلت حجابي و صعدت قبلهم شفت سمر منتضرتني و تغمز.
سمر: لا تشمرة شلون ماجان حجاب مووو ههههه.
تاليا: انجبي حوبي خلصت منهم نوب انتي.
جواد: يمةةةةة مرتييي مشتاقلج.
سمر: اجة جواد و درت وجهي لا يشوف اثار ضرب.
جواد: سمر شبيج زعلانة مني.
سمر: لا بس بس عندي شغل لازم انزل.
تاليا: سمر احجيلة حبيبتي لا تضمين علي.
جواد: وحدة تفهمني شكووو شو باوعيلي سمرررر.
سمر: التفتت على كيفي و شفت جواد انصدم و عيونة صارت حمر تجدح نار.
جواد: منو ورة هاي اثار احجي.
سمر: جواد فدوة بس اسمعني ترة هاي مو اليوم من اجه قاسم طلبني اعترضت و اهلي عصبو.
تاليا: شفنا جواد نزل بسرعة و عصبية تطاير ياااامان فدوة روح ورا لا تخلي يسوي شي.
يامان: ضلي هنا يم سمر هسه اجي.
جواد: اني اعلمكم ابهاتكم احركها اليومممم...........

ترقبوا بارت قادم🙈

حسابي الانستا