خاطفي هو منقذي

البارت العاشر

هلو قلبوشاتي🤍🦋...
......................
تاليا: جنا واكفين بل باب و اجة جواد يفر بسبحة الي بيدة يباوع لسمر و يغني.
جواد: يخرب بيتك حبيتك انا مش عالفاضي نئيتك.
تاليا:حسيت سمر خجلت سلمت بسرعة راحت.
جواد:بوووية اموت عل يخجلون.
تاليا: خليت ايدي على كتف جواد و جريت سبحة منو كمت افر بيهه كلت جوادووو طلعت تحب و اني اخر من يعلم.
جواد:لج ياحب اني عاشكهه لهاي ام راس مربع.
تاليا:لكككك هلا خوية طلع يحب لعد تعال اكل دولمة مرت اخوية.
جواد: بربج جايبة دولمة.
تاليا: اي والله شلون دولمة ريحتها تكتل امشي ناكل.
جواد: شو ولي هاي بس الية فنج توصلين الهه.
تاليا: مو حلوة منك ابد اني خيتك هيج تتعامل وياي وسفة بس.
جواد: يلا امشي لا تبجين انطيج بصلاية وحدة.
تاليا: كعدنة بل صالة يلا جوجو شيل خبز من ماعون اريد اكل يمعود.
جواد: ولج ما ينطيني كلبي اخخ بوية راح اذوب.
تاليا: هو اني ما أكل هواي بس اريد بصل وحدة و باذنجان وحدة و سلق ثنين.
جواد: اي اني اكل ماعون مو شبقيتي يحضي.
تاليا:شكد بخييييل.
يامان: جنت أصلح بشاحنة اني و جواد كلتلة جواد ارجع للبيت اخاف تكعد و ما تلكانة تخاف.
جواد:اي بلكي اشوف سمرتي.
يامان:بعدك تحبها؟
جواد: ليش اني يمتة نسيتها.
يامان: الله يساعد كلبك.
جواد: امين.
يامان: راح جواد اني ضليت اكمل بل تصليح من كملت رجعت للبيت شفتهم يتعاركون على اكل كلت شبيكم ليش تتعاركون.
جواد: ولك تعال اخذ هاي سعلوة من يمي جنا نكول خطية ما تاكل طلعت مو هيج.
تاليا: منو سعلوة ولك هاي اني لو انت تريد تنطيني بصل وحدة شنو شايف عصفورة.
جواد: هذا موجود تريدين تفضلي ما تريدين ولي منا.
يامان: تاليا تحبين دولمة؟
تاليا: سويت نفسي حزينة كلت اي اريد دولمة احبها ما شوف غير طلع وين راح ماعرف.
جواد: شكو كاعدة كومي جيبلي مي.
تاليا: والله ماجيبلك خليك تختنك.
جواد: ضالمة.
تاليا: جوجووو انت تحبها لهاي بنية.
جواد: عفت اكل كلت اي احبها.
تاليا: احجيلي عنكم شلون حبيتها و يمتى.
جواد: جنا بعطلة ويا أصدقائي كلنا حتى يامان ويانة.
تاليا: منو يامان؟
جواد: هذا ابو عيون دكم اسمة يامان.
تاليا: واااييي صدك.
جواد: اي خلي اكمل.
تاليا: تمام اي كمل.
جواد: جنا جاين سياحة و هذا بيت لصديقنا كال تعالو نروح سياحة و نغير جو صدك اجينا و بقينا اسبوعين بهل اسبوعين اتعرفت عليهه بنية حلوة و حبابة و محجبة حبيتها ورة فترة من سفرتنا اخذت امي و اخوية و خوالي لأن ابوية ميت و ماعندي عمام رحت طلبتها من اهلهه بس رفضوني.
تاليا: زين شنو سبب.
جواد: اهلهه ضالمين جانو مزوجيهه من هي عمرها ١٣ سنة زوجها جان بس يشرب و سكير يضل يضربهه طلبت طلاك منة اهلهه بل كوة طلكوهه من يوم طلكت لهسه اهلهه ما طايقيهه ما يردوهه بس من عيب ناس مخليها.
تاليا: زين اذا ما يردوهه ليش ما يخلونك تتزوجها؟
جواد: على اساس خايفين على بنتهم و ما ينطوهه بعيد اني من بغداد تاليا خيتي اني ماعندي اعتراض اتزوجها و ابقى هنا بس امي و اخوية شلون ماعندي غيرهم ماكدر اصير اناني.
تاليا: صح كلامك زين هي تحبك؟
جواد: يبوووو تموت علية غير اني اخبل صاك اصك صك ابن صاك.
تاليا: جنا نحجي و اضحك على سوالف جواد دخل يامان علينا بيدة صينية بيدة مغطيهه.
جواد: وين رحت شنو هذا جايبة؟
يامان: معليك انت لا تتقرب ابدا هذا بس لتاليا.
تاليا: حط صينية بل كاع شال علاكة من فوكهه جانت دولمة كمت اصفك بأيدي هييي هيييي.
يامان: شفتها تصفك مثل جهال و فرح الي اشوفه بعيونهه لو ضحكتها حلوة خلتني ابتسم و اني من صعب اضحك.
جواد: شفت ابتسامة على وجه يامان اتعجبت لا صدك هذا واكع و محد مسمي علي.
تاليا: شكرا يامان صدك طلعت حباب.
يامان: اتعجبت من كالت اسمي باوعت على جواد.
جواد: ترة هو اسم ما كايللهه شي.
تاليا: اسمك حلو شنو معناتة اكل و احجي ويا هو بس صافن علية.
جواد: شفتة صافن ما يجاوب على بنية ضربتة راشدي.
يامان: شبيككك ليش تضرب.
جواد: اي بنية كاعد تسألك شنو معنى اسمك.
يامان: احم معنى اسمي يعني قوي و ذكي.
تاليا: حلووو كولش.
جواد: زين تاليا شنو معنى اسمج لأن احسة غريب.
تاليا: معنى اسم تاليا يعني نور الجنة.
يامان: جنت اهمس بيني و بين نفسي نور جنتي.
جواد: شنو كلت ماسمعنا.
يامان: انجب مالك شغل.
تاليا: يامان ما تاكل ويانة؟
يامان: اول مرة احس بأسمي حلو من تكول اسمي اروح بغير عالم كلت هسه بس اجيب مي و اجي.
تاليا: اي جوادووو راح تشوف سمر اليوم.
جواد: والله اذا انتي توكفين وياي و تساعديني اريد اشوفها.
تاليا: شنو أكدر اسوي.
جواد: انطيهه هذا جهاز علمود اخابرهه.
تاليا: زين بس شلون اشوفها.
جواد: متأكد راح تجي المغرب و تجيب خبز وياهه.
تاليا: واو حافضهه.
يامان: جبت مي و رجعت لكيتهم يسولفون بقصة سمر.
تاليا: يامان تعال اكعد هنا اكل اني كملت.
يامان: مادام كملتي ما اكل.
جواد: لا ما كملت بس تخجل منك هههه.
تاليا: ردت احجي و جواد جرني شاورني بأذني.
جواد: اكلي ويا ترة صارله يومين بدون اكل.
تاليا: اي يلا يامان اكل اني هم اكل.
يامان: ضليت اكل و اشوفها مامرتاحة حسيتها شبعانة ماردت اضغط عليهه تاليا اذا كملتي سويلي جاي.
تاليا: من كلي هيج كأن انفتحلي باب جنة لأن بطني راح تنفجر من اكل تمام رايحة اسوي جاي.
.......................
بشرة: خابرت يامان أكثر من مرة اليوم بس مارد علية ضل بالي علي.
سيف: رجعت من شغل شفت بشرة مو على بعضها كلت شبيج حبيبتي صاير شي؟
بشرة: ادك على يامان ما يجاوبني ضل بالي علي ليش هيج يسوي بية.
سيف: ياروحي مو كلج اني بمهمة و عندي شغل عوفي لا تحرجي كدام اصدقائة.
بشرة: بس اريد اطمن علي ما رايدة شي.
سيف: تمام خابري العصر هسه عوفي.
بشرة: ان شاء الله انت شلونك وية شغل؟
سيف: اني بخير الحمد لله كاعد تمشي بس قضاية هواي بلد مستهتر هسه من صعب تلكين ناس شريفة صارو قليلين بهل زمن لو تشوفين شكاوي الي تجينة توكف شعر راسج.
بشرة: الله يهديهم.
زينة: ماما يمتة يرجع بابا.
بشرة: نزلت زينة جانت نايمة تفرك بعيونهه و تحجي ضحكت عليهه كلتلهه اليوم ما يرجع ابوج.
زينة: ليششش.
سيف: لأن زعلان من زينة ما اجت استقبلتة من باب اليوم.
زينة: باااابااااا.
سيف: من حجيت هيج اجت ضمتني يمة يمة فديت بنيتي حلوة.
زينة: بابا مو صوجي هاي ماما خلتني انام و ما كعدتني علمود هي تحضنك اول.
سيف: الله وكيلج بنيتي لا حصلتها منج و لا منهه ضال هيجي فقير.
بشرة: سمعت كلامة خجلت اي عادي هسه نضمك مو زينة.
زينة: اي صح.
سيف: حضنوني ثنينهن اخخ بس يمكم راحة فديت بناتي.
زينة: بس اني بنتك.
بشرة: لا اني بنتك.
زينة: لااااا اني بنتك و تحبني صح بابا.
بشرة: سيف اني بنتك قبل ما تجي زينة صح لو لا.
سيف: شلون موقف وين انطي وجهي شلون أفلت ههههه ثنينجن بناتي و احبجن.
بشرة: كمنا نضحك دعيت بكلبي ربي احفضلي عائلتي و اخوية ماعندي غيرهم.
........................
تاليا: سويت جاي صبيتة بل كوابة وديتة للصالة التميتة داير مداير صوبة ضلينا نحجي و اندك باب ردت اروح يامان ما قبل.
يامان: وين رايحة كعدي اني افتح فتحت باب طلعت سمر جايبة خبز كلتلهه ثواني خوية اصيح تاليا تاخذة منج عدهه كلام وياج.
تاليا: دخل يامان كال سمر بل باب جايبة خبز كومي شوفيها.
جواد: خوية تاليا انطيهه هذا جهاز كوليلهه جواد راح ينام فوك سطح.
تاليا: رحت على سمر واكفة بل باب انطيتهه جهاز كلتلهه ديربالج احد يشوفه هذا جواد جابة يريد يحاجيج راح ينتظرج فوك سطح اخذت خبز منهه و حضنتني.
سمر: شكرا ياعمري ماعرف شلون اجازيج.
تاليا: ولو حبيبتي تدللين هو هم اخوية.
سمر: الله يحفظج اني رايحة هسه مع السلامة.
تاليا: الله وياج ديري بالج على نفسج هي راحت ردت أسد باب اجة شاب كلي جواد موجود كلت ثواني.
تاليا: جواد اكو ولد يريدك بل باب.
يامان: هي كالت ولد فار دمي شلون تحجي ويا، انتي شكو طولتي برة امشي طبي جوة.
جواد: شبيك يمعود يمكن هذا بسام اجه.
يامان: كملت بس جان ناقصها بسام اخخ ااخ.
تاليا: ضلت بخاطري ليش يصيح علية دخلت للغرفة و كعدت وحدي مثل مخابيل اباوع للحيطان.
بسام:جواد خابرني كلي تعال بات بيت الي بسليمانية كلت تمام من وصلت للبيت شفت بنية سبحان من خلقهه تجنن واكفة بل باب بس سألت عن جواد و هي دخلت.
جواد: لك هلااا اخوية شلونك تفضل تفضل.
بسام: هلا حبيبي شنو هل غيبة صايرين ما نشوفك انت و يامان.
يامان: هلا بسام سلمت علي من ورة خشمي ما طايقة.
بسام: هلا بيك ضلعي.
يامان: جنا كاعدين نحجي و افكر هم شاف عيونها لو ركبتهه لو شعرها تفكير اكلني اكل استأذنت منهم رحت عليهه للغرفة شفتها كاعدة تباوع للحيطان و تبجي تحمحمت و مشيت كعدت يمهه كلت
يامان: ليش تبجين؟
تاليا: ماحب واحد يصيح علية احب واحد ينصحني مو يصيح علية.
يامان: اني اسف صيحت بس انتي طلعتي بلا حجاب.
تاليا: اول شي اني طلعت بلا حجاب لأن سمر جانت بل باب بعدين اجه هذا ولد يعني مو متقصدة ثاني شي اني مو محجبة.
يامان: لا طلعين بدون حجاب.
تاليا: يامان لا تعيدها و تصيح علية ترة ابطل اسمع كلامك.
يامان: وعد ما اصيح بعد بس شلون اني وعدتج ماصيح انتي هم اوعديني تلبسين شال من تشوفين اي ولد مو شرط تغطين شعرج بس ركبتج و ايدج ولو اكلج حتى شعرج.
تاليا: تمام ان شاء الله اريد انام ممكن تطفي ضوة.
يامان: راح تنامين هسه؟
تاليا: لعد شسوي اضل مكابلة حيطان اتخبل.
يامان: زين شنو رأيج اخذج لمكان قريب منا راح يعجبج.
تاليا: وين هذا مكان؟
يامان: كومي بدلي و لبسي حجابج حتى نروح.
تاليا: ماشي ثواني و اتجهز طلعت حجابي و فستان الي اشتريتة لميت شعري و ماعرف اضبط لفة حجاب استحيت اصيحلة لأن جواد و هذا ولد موجودين لحد ما هو اجة لأن تأخرت.
يامان: شفتها ضايجة كلت أخذها لمكاني خاص الي من اضوج اروحلة طلعت من غرفة علمود تبدل اشو هاي تأخرت دكيت باب كلت
يامان: ممكن ادخل تاليا؟
تاليا: اي تفضل.
يامان: فتحت باب شفت ملاك كدامي لابسة فستان ازرق فاتح وية لون عيونها و رجليهه مبينات شوية صحيت على نفسي من صاحتلي.
تاليا: يامان فدوة ساعدني بل حجاب ماعرف الفة حباب.
يامان: تمام تعالي تقربت مني شلت شعرها و سويتة كباية وراهه جبت شال و لفيتة بطريقة ما تخنكهه و طببت كذلتهه ماخليت تبين شعراية.
تاليا: هو يعدل بل حجاب و يعرك كلت شنو حارتلك؟
يامان: هااا لا يلا نمشي.
تاليا: نمشي بس جيب عباية لأن رجلي مبينات عيب عيب.
يامان: ضحكت على كلمتها كلت مو توج تكولين اني مو محجبة.
تاليا: هو مو صوجك صوجي اني انفذ كلامك لأن وعدتني.
يامان: قربت منهه كلت هسه اجيبلج عباية ثواني لا تتحركين.
تاليا: راح يجيب عباية من سيارة رشيت شوية عطر جنت مشتريتة وية ملابس جانت طيبة كولش رجع يامان بيدة عباية كلي يلا خلي نمشي.
تاليا: لبست عباية و طلعنا للصالة.
جواد: ها وين خوية.
يامان: ما نبعد اروح لبيتي و ارجع تريد تغير جو.
جواد: هااا تمام افتهمت افتهمت.
تاليا: جواد يحجي و يغمز كلت مرحبا خوية سلمت على هذا ولد.
بسام: هلا اختي مراحب.
يامان: فار دمي من سلمت علي شكو تسلم لزمت ايدها و سلمت عليهم و طلعت.
تاليا: شبيك تجر بأيدي على كيفك.
يامان: ردت اصيح بس لزمت نفسي كلت مايحتاج تسلمين على كل شخص.
تاليا: كلت عيب لهذا سلمت بعد ماعيدهه.
يامان: تمام امشي نروح بل دراجة مو شاحنة لأن ماتوصل هناك.
تاليا: اي كملت اصعد اني و عباتي بل دراجة و انت تمشي يطير عباتي و اصير باتمان الله كولش حلو.
يامان: هههههه ضحكت من كل كلبي تدرين كاعد اتخيلج بهل شكل هههههه.
تاليا: ضحكت على ضحكتة كلت انت حلو من تكون حباب و تضحك بس مو حلو من تعصب.
يامان: احم نمشي؟
تاليا: اي نمشي صعد بل دراجة و رجع ليورة شوية سوة مكان الي و كعدني كدامة مو ورا.
يامان: ماريد تكعدين ورا لفي عبايتج زين و خلي ايدج على يدة دراجة تمام.
تاليا: اي تمام صعدت و حرك دراجة من خوفي لزمت ايدة الي يسوق بيهه.
يامان: لزمت ايدي حسيتها خافت قللت سرعة باوعت بوجها مغمضة عيونها و تبتسم يمكن عجبها هوا بارد.
تاليا: يامان وين رايحين؟
يامان: رايحين على مكان حلو راح يعجبج خليها مفاجئة.
تاليا: ايدي صارت ثلج من برد جان دنيا توهه تصير ربيع بعدهه برودة جبال باقية اباوع على منضر جبال و الثلج لو أشجار الهوا النقي صراحة اتمنيت لو عندي بيت هنا شفت بيت من بعيد و رجال جبير بل عمر واكف هناك كلت يامان ياريت لو هذا بيتي.
يامان: صدك عجبج؟
تاليا: اي هواي عجبتي.
يامان: تعاي لعد راح نروحلة.
تاليا: شلون هذا بيت مو النا اني احجي هوة صعدنا بل دراجة لحد ما وصلنا يم شجرة كال.
يامان: يلا انزلي.
تاليا: بس هذا بيت مو النا.
يامان: هذا بيتي.
تاليا: انصدمت صدك هذا بيتك؟
يامان: اي جنا نحجي و سلمت على عمو ابراهيم هو الي يهتم بهذا بيت اذا ماكو موجود هلو عمو شلونك شخبارك.
ابراهيم: هلا ابني شنو هل غيبة تعال ابوسك حبيبي.
تاليا: سلم على هذا رجال و حضنة بعدين دار وجهه علية.
ابراهيم: شلونج بنيتي.
تاليا: بخير عمو انت شلونك.
ابراهيم: عايشين على الله يلا وليدي يامان اني رايح هسه اي شي تحتاجة بس. اتصل علية.
يامان: تسلم عمو ما قصرت.
تاليا: بعدني صافنة على جمال البيت و شلون مبني يل حجارة و طين صاحلي يامان.
يامان: يلا تاليا نفوت.
تاليا: اي خلي نفوت لزم ايدي و اخذني ويا.
يامان: فتحت باب كلتلهه تفضلي.
تاليا: دخلت للبيت و شفت صورة انصدمت من شفتها كبل رجفت ردت اوكع.
يامان: شبيج تاليا ليش ترجفين.
تاليا: أشرت على صورة و ردت احجي.............

ترقبوا بارت قادم😁
حسابي الانستا