خاطفي هو منقذي

p14

هلو قلبوشاتي🦋🥹

دعني أتغلغل في أعماق حياتك، وأعيش على صوتك ودفء نغماتك، وأدرس سحر نظراتك، يا من أذَبتني بروعة جمالك، فأنا عشقت لحظة صمتك ورِقّة حوارك، يا من كان تاريخ ميلادي يوم لقائك.
.........................
جواد: حضرت اغراضي و قبل لا ارجع رحت على يامان جان اكو خبر بخصوص خالد.
يامان: ها جواد شنو اخبار؟
جواد: خالد و اخو يردون اجتماع وياك كأن شاكين بل موضوع.
يامان: اممم شوف جواد انت راجع لبغداد اجتمع وياهم و كول استاذ يامان مسافر من يرجع نجتمع واي معلومات يردوهه لا تنطيهم.
جواد:خالد خسر ٩٠ مليون خلال أسبوع.
يامان: بعد بعد جان ثار واحد هي بس اختي هسه صار ثنين.
جواد: تاليا صح؟
يامان: هاي صارت روحي اخذ حقهه و الا اشوفهم نجوم ليل بعز النهار مو يامان يسكت عن حق محبوبتة.
جواد: دير بالك على نفسك اني اسبوع و ارجع رايح اقنع عشيرة تجي على سمري.
يامان: اني هم وياك يخوي ان شاء الله هل مرة يقتنعون.
جواد: غصبن عليهم وين لاكين احلى مني اخبول اخبول.
يامان: امشي لكك هههه.
جواد: مع سلامة خوية دير بالك على نفسك و على هاي ام صماخ.
يامان: ان شاء الله الله وياك يخوي دير بالك على نفسك.
جواد:طول طريق تفكيري بسمر شلون راح يقتنعون اهلهه ينطونياهه ورا ٤ ساعات دخلت لبغداد قبل رجعت لبيتنا من باب اصيح...
-دعيووووة لججج دعيوووة ماحس غير اجاني نعال طاير.
دعاء: لك اني صاحبتك تصيحلي بأسمي لك أمك اني امك احترمني.
جواد: ههههه لج تعاي مشتاقلج حضنتها.
دعاء: طولت هل مرة شنو هل غيبة كلة من ورة سميرة.
جواد: عاااااا ولج يمةةةة.
دعاء: كرص شبيك شصاير.
جواد:صاير عندج خدود شنو مسوية بوتوكس.
دعاء: سودة بوجهي شني هاي يمة بوتكس.
جواد:هاي ينفخون خدودهم بي.
دعاء: استغفرالله لا يمة اني خدودي من الله منفوخات.
جواد:لا مو من ربج من اكل زين عينني على منو هل كلاوات.
دعاء: اشوو دولي مو صوجك صوجي اني مشتاقتلك.
جواد: ههههه اشاقة ممح مشتاقلج يمة.
دعاء: يا بعد امك اني هم مشتاقتلك امشي اسبح و غير ملابسك بين ما احضر غدا.
جواد: صار يمة بسام موجود.
دعاء: راح على صاحبة هسه يرجع.
جواد: دخلت سبحت و غيرت ملابسي شفت رسالة من سمري فتحتة كاتبة وصلت بنفس لحضة جاوبتهه اي وصلت حبيبي.
سمر:الحمدالله على السلامه سلملي على خالة دعاء.
جواد: يوصل بنيتي ان شاء الله بليل اتصل عليج هسه تعبان.
سمر: ماشي حبيبي باي.
جواد: بايات يروحي.
نزلت جوة شفت بسام راجع سلمت علي و كعدنا نتغدا فتحت موضوع زواجي وية امي احم احم يمة.
دعاء: ها يمة.
جواد: اريد تجمعين اخوانج و عشيرتكم واني احجي وية عشيرت ابوي ان شاء الله بعد اسبوع اريد امشي على سمر.
دعاء: يمة هاي ٣ مرة راح تمشي عليهه ما بزعت مو كافي ترة اهلهه قافلين عوفهه واني ازوجك غيرهه.
جواد: غير سمر ماتصيرلي مرة سمعتو لو سمر لو ماتزوج.
دعاء: زين يمة ان شاء الله ورة غدا اتصل على خوالك.
بسام: ان شاء الله من نصيبك.
جواد: ان شاء الله يخوي.
...........................
تاليا: مشينا شوية جنا نصعد بل جبل حسيت دنيا بدت تبرد كل ما نصعد تبرد أكثر.
يامان: تاليا.
تاليا: انداريت علي كلتلة ها.
يامان: انطيني ايدج بوية.
تاليا: مديت ايدي لبسني كفوف ايدة و لبسني لفاف الي لافهه على ركبتة، يامان ما يحتاج انت راح تبرد.
يامان: اني اتحمل بوية بس انتي ادفي لا تتمرضين.
تاليا: شكرا.
يامان: العفو يلا امشي راح اخذج للثلج.
تاليا: بعد باقي ثلج و دنيا ربيع؟
يامان: اي يبقى لحد بدايات صيف.
تاليا: ماعرف شلون لزمت ايدة كلت يلا نروح للثلج.
يامان: شفتها شلون فرحانة مثل طفلة لازمة ايد ابوهه و تطلب نروح نلعب يلا خلي نروح.
تاليا: صعدنا للجبل جان مبين ثلج ركضت بسرعة ياااامان ثلج ياااامان هييي هييي.
يامان: اباوعلهه شلون تلعب و تكمز اخخ يا نور جنتي جنت صافن بيهه و ضربتني بل ثلج
-لججج تاليا اني اعلمج.
-هههههه تعال الزمني اذا كدرت.
-اي الزمج ليش لا اشوو تعاي.
-ياااا اسفة والله اسفة.
يامان: اليوم اشبعج ثلج.
تاليا: حسيت نفسي ضاق كعدت بل كاع اريد احجي صوتي ماكو.
يامان: شفتها كعدت ركضت عليهه تاليا بوية شبيج تاليااا اتنفسي.
تاليا: اباوع علي خايف واني ماكدر اجاوبة أشرت على مي.
يامان: هسه اجيب ثواني اتنفسي ركض جبت مي من جنطة و رجعت انطيتهه.
تاليا: شربني مي بيدة ضل يمسد على ضهري و يكول اخذي نفس بوية اخذي نفس طلع صوتي بتعب
-يااماني.
-ياروح يامانج اسف بوية اني سبب خليتج تركضين.
-لا مو انت بس ضاق نفسي.
يامان: من خوفي عليهه خليتها بحضني حضنتها كل قوتي اخخ لو يصير بيج شي يمكن اموت.
تاليا: ليش انت مو تكرهني.
يامان:منو يكرهج؟
تاليا: انت تكرهني لأن عمي ردت اكمل كلامي اخذ شفايفي فتحت عيوني مصدومة بس جان يبوسني بكل هداوة بعدها فصل بوسة كال.
يامان: انتي مالج ذنب بأي شي اني ما اكرهج.
تاليا: بس انت خطفتني علمود تنتقم بية من عمي.
يامان: هسه مو وقت هذا كلام.
تاليا: راد يكوم جريتة من ايدة فدوة احجيلي ليش خطفتني.
يامان: جانت عيونها مدمعات و تحجي ما تحملت مسحت دموعها تاليا بوية انتي كومي مو وقت هذا كلام صحتج مو تمام خل نرجع.
تاليا: ياماني باوعتلة بزعل.
يامان: لا تباوعيلي هيج لأن ما سيطر على كلبي.
تاليا: احجيلي كلشي صار حباب.
يامان: نرجع للبيت تاليا يلا بوية انتي مريضة.
تاليا: ان شاء الله اموت اني كلت هيج لو هو صار نار.
يامان: تالياااا شهل حجي.
تاليا: وعدتني ما تصيح.
يامان: اذا انتي تخليني اتخبل و اصيح شسوييي هو هذا حجي تحجينا تدعين على نفسج ادعي علية ولا على نفسج.
تاليا: تحبني؟
يامان: رخت اعصابي من هذا سوال شلتها على كتوفي ضلت تضرب بية.
تاليا: نزلنييي ماروح وياك ليش ماتجاوب على اسألتي ليشششش.
يامان:لج سكتي بوية سكتي.
تاليا: زين والله لا أسأل ولا شي بس اريد تاخذني على قمة جبل.
يامان: نزلتهه كلت ليش؟
تاليا: معليك اريد اصعد.
يامان: بس صحتج.
تاليا: انت تشيلني على ضهرك حلو.
يامان: هههه لج انتي شنو من بشر تفورين دمي و تخليني ابرد بثواني.
تاليا: والله ما ناسية شي بس نرجع للبيت أسألك كل شي و اكل راسك اكل.
يامان: امشي بوية امشي.
تاليا: يلا شيلني على ضهرك مثل أطفال.
يامان: اخخ أمري لله صعدي بوية.
تاليا: شالني على ضهرة و حضنت ركبتة و لفيت رجلي على خصرة الله يامان شكد حلو.
يامان: اكيد حلو وين لاكيتهه.
تاليا: قوي قوي ياماني اضرب على كتفة و احجي.
يامان: ليش تكوليلي ياماني.
تاليا: احم انت ما تجاوب على اسألتي اني هم ما اجاوب.
يامان: ليش ما اعترضتي من بستج.
تاليا: تتحاسب عليهه بس اصبرلي.
يامان: بس جانت طيبة.
تاليا: ضربتة على كتفة اني اعلمكككك خبيث.
يامان: هههههه.
تاليا: وصلنا على قمت جبل و نزلني طلع اكل من جنطة لفات جبن و جان جايب ترمز مال جاي كعدنا نتريك أطيب ريوك بحياتي.
يامان: شفتها شلون تاكل و تباوع على منظر كلتلهه تريدين تشوفين احلى بيت بكل عمرج؟
تاليا: ماكو احلى من بيتك الي عايش بي هسه.
يامان: تريدين اشوفج احلى؟
تاليا: اي اريد.
يامان: كملنا ريوك و لميت كل غراض يلا تاليا خلي نروح.
تاليا: تكدر انت تسبقني هسه اجي والله.
يامان: شفت عيونها مدمعات كلتلهه ماشي اني راح اروح قبلج.
تاليا: جنت محتاجة اصرخ صرخة طفولتي الي جان عمي يمنعني اصرخة جنت محتاجة اصرخ بسبب امي الي سكتتني لو ابوية الي راد يزوجني ابن صديقة بدون ما يسأل اذا الولد رايدني لو مغصوب صرخت بعلو صوتي
-ااااااااااااااااااااااه اااااااااااااااه ااااااااااااااه ولك طفلة جنت طفلللللللة بنت اخوك انيييي شلون قبلتهه على نفسكككك شلووووون اااااااااااه يمةةةةة بنتج اني بنتجججججججج شلون ما تاخذين حقييييي اكرهججججج اكرهجججججج حسيت احبالي صوتية انكطعت بعد ماكدر استمر حسيت خلص هاي نهايتي جنت على حافة جبل ردت اشمر روحي لزمني يامان من ورة و حضني كلتلة عوفنيييي اريد اموتتتتت عوفووووونييييييي.
يامان: كلتلهه راح امشي بس انتضرتهه سمعتها تصرخ و كل صرخة تلجم بكلبي سمعتها شلون تعاتب اهلهه رحت اريد اكوللهه كافي شفتها تريد تشمر نفسها حضنتها كل قوتي لااا ما خليج تعوفينننني شلون تعوفينيييييي واني روحي بيجججج لج احبججججج.
تاليا: باوعت بعيونة مدمعات يامان.
يامان: يا لجمة كلبة.
تاليا: تعبانة خلي نرجع.
يامان: صار بوية شلتها بين ايدي حضنت ركبتي و حطت راسهه على صدري.
تاليا: لا تعوفني وحدي.
يامان: اعوف كل دنيا و ما اعوفج نور جنتي.
تاليا: شفت يامان ما راح من نفس طريق كلتلة يامان هذا مو طريق بيت.
يامان: اعرف بنيتي راح اخذج لبيتج.
تاليا: بيتي اني؟
يامان: اي بيتج.
.................
سمر: الضهر راسلت جواد ردت اطمن اذا وصل لو لا كملت تحضير غدا صحتلهم يجون يتغدون همه اجوي كعدو و اني رحت للمطبخ لأن مايريدون أشارك وياهم بل اكل كعدت اتغدة سمعت ابوية يكول جاي ادري شبسرعة اكلت و بلعت لكمة كمت من اكل حضرت استكانات و صبيت جاي قدمتة لأبوية كال
-حضري نفسج اليوم بيت عمج جايين يطلبوج.
سمر: يابة اني ماريد اتزوج عوفوني.
-شوفي لج كلمتي وحدة و ماتصير ثنين افتهمتي امشي من وجهي لا بارك الله بيج.
سمر: عفت الاكل و صعدت لغرفتي فوك هو هذا جان مخزن و فرغت نصة حطيت جربايتي و انام بيهه اما غرفتي الي جنت انام بيهه اخذهه اخوية و مرت اخوي ضليت ابجي شلون اقبل واني كلبي وية جواد شلون راح افهمهم ماكدر اتصل على جواد اخاف يعرفون عندي جهاز راسلتة كلت رايدتك بموضوع مهم بليل بقيت فوك ساعتين بغرفتي بعدها حسيت بهدوء نزلت جوة شفت سفرة مثل ما هي و مواعين ما شايليهه ولا غاسليهه يعني جانو ينتظرون اني انزل و اغسلهن معتبريني خدامة شلت مواعين والسفرة و غسلتهن نضفت مطبخ و عطرتة طلعت من مطبخ شافتني امي.
-روحي سبحي وهاج هاي فستان مرت اخوج لبسي اليوم العصر من يجون بيت عمج لا يشوفوج هيج و يخترعون.
سمر: بس فهميني انتي شنو من ام لج كلبج ما يرف ما تكولين هاي بنتي شلتها ٩ أشهر بطني مو يكولون الأمهات عدهم احساس وينة احساسج فهميني.
-لا تحجين حجي زايد لا لسانج اكصة جان فكرتي قبل لا تطلكين.
سمر:لجج بنتج جانت تنهان جان يضربني جان يشرب كل هذا و ما كايلة لأبوية مو ادري بيج تخافون من كلام ناس أكثر من ما تخافون علية.
-اهوووو مالي خلكج شو دوخري.
سمر: عافتني وحدي ولا كأن اني بنتهه صعدت لغرفتي سبحت و لبست دشداشة مالبست فستان علمود يعرفون اني مو آلة يتحكمون بيهه وهذا حياتي اجة العصر و اجوي بيت عمي و دخل ابن عمي قاسم و نسوانة ثنينهن يخزرن بية عشتو على اساس اني كلش كاتلة نفسي على زوجهن.
قاسم: هلا بنت عمي شلونج.
سمر: بخير خوية تفضل.
قاسم: بطلي كلمة خوية لا اكسر راسج.
سمر: ما رديت علي دخلت للمطبخ احضر جاي و جنت مسوية كيك حضرتة ودخلت للصالة اضيفهم كعدت يم باب مطبخ بعيد عن كل سمعت عمي يحجي.
-خوية جيتنا مبينة و ان شاء الله خير احنا رايدين بنتك سمر لأبني قاسم على سنة الله ورسوله.
ابو سمر: جيتكم على عين و على راس البنية بنيتكم انتو شنو. تفصلون احنا نلبس.
سمر:فكرت كلت جواد هواي تعب علمودي لازم اسوي شي علمودة لازم اطلع من خوف الي اني بي هذا حياتي لازم اني اقررة رفعت راسي و كلت عمو اني مو موافقة ماريد اتزوج اني اشوف قاسم مثل اخوية اسفة ماكدر اتزوجة حجيت هذا كلام و ابوية و اخواني هجمو علية ضرب و راشديات و بوكسيات ماعرف منين يجيني اخر شي عمي وخرهم مني و كام يصيح عليهم.
ابو قاسم: شبيكم يمعودين ترة بنية من حقهه تكول رأيهه زواج بل غصب لا يجوز.
ابو سمر: انت بس اتركني اربيهه كح*** ام زل&* اعرف ليش ما تتزوجين تريدين هذاك كو*** لو تموتين ماخليج تتزوجينة.
سمر: الغلط و فشار صار بفلس باوعت على أمي تأشر ما احجي شي بس طفح كيل كمت و خشمي و حلكي ينزف كلت
-يابة لو تدري سبب الي خلاني اطلك من ابن خالتي جان هسه انت تطلك امي بس اني ماريد اسوي مشاكل كملت كلامي و صعدت فوك للغرفة قفلتها و لحد ليل بس اون من وجع ضرب الي ضربونيا.  
جواد: شفت رسالة سمر و كلبي حسسني راح يصير شي جنت مخنوك كولش بليل اتصلت عليهه و جاوبتني بس صوتها تعبان.
-هلو حبيبي شلونج.
-هلا عمري بخير الحمد لله انت شلونك.
-بنيتي شبي صوتج صاير شي.
-سمر شكد ردت الزم نفسي ما ابجي بس ماكدرت دموعي خانتني و بجيت.
-سمررر بنيتي شبيج احجيلي منو وياج.
-جواد اهلي يردون يزوجوني غصب.
-هو بكيفهم والله الا اشوفهم منو جواد بس صبري هل يومين و اجيب مشية تملي عين ابوج.
-تعبانة جواد كولش تعبانة.
-بية تعب بنيتي ولا بيج اخخ لو بس تصيرين من نصيبي الا ارد كلشي الهم اضعاف.
-اريد انام لا تروح و تعوفني.
-نامي حبيبي انتي اني يمج لصبح.
سمر: نمت بدون ما احس بشي لأن جسمي يوجعني من ضرب.
...................
تاليا: شفت بيت من بعيد يجنن هذا بيت أحلامي من صدك يامااان نزلني.
يامان: لا بوية صحتج موزينة اني اوصلج.
تاليا: وصلنا كدام باب بيت نزلني طلع مفتاح بيت من جنطة و فتح باب كلي سمي بسم الله و ادخلي برجلج يمنة.
تاليا: سويت مثل ما كلي دخلت شغل شموع لأن دنيا جانت غروب ضلمت انداريت باوعت صوري من اني زغيرة لحد هذا وقت حيطان كلهه صوري البيت كولش زغير بس غرفة وحدة و حمام و مطبخ زغير باوعت على يامان كلتلة منين جبت صوري.
يامان: احم تقدمت شوية و باوعت بعيونهه تالونة انتي تعبانة بوية ارتاحي و نحجي كولشي هسه لازم تنامين ماشي.
تاليا: ردت احجي ما خلاني شالني و اخذني للغرفة جان صافن على عيوني نيمني على جرباية و فتح كنتور طلع غطا و غطاني.
يامان: نامي و ارتاحي و من تكعدين اي شي تريدين سألي.
تاليا: لا تعوفني وحدي اخاف.
يامان: غمضي عيونج بوية اني يمج كاعد ماروح.
تاليا: غمضت عيوني من تعب نمت ما حسيت بنفسي.
يامان: كعدت اتأملها بست راسهه و طلعت احضر عشة لأن عدها علاج لازم تاخذة شكد اريد انسة صوت صريخهه و معاتبتهه لأهلها ماكدر، سويت مخلمة و حميت الخبز رحت للحمام سبحت و وطلعت بس لاف منشفة على نفسي رحت للغرفة اطلع ملابس من كنتور طلعت تراك و بدلت رحت عليهه اكعدهه.
يامان: تاليا بوية كعدي تعشي عندج علاج.
تاليا: حسيتة من يصيحلي بس مابية حيل افتح عيوني.
يامان: جان شعري بي مي كمت اكثة على وجهه.
تاليا:لااا ماريد اكعد.
يامان: هههه كومي بوية وراج علاج.
تاليا: فتحت عيوني و كعدت اطكطك بجسمي و هو يضحك على شكلي شبيك تضحك.
يامان: ماكو شي تريدين تسبحين.
تاليا: اي بس ما جايبة ملابس.
يامان: لبسي من ملابسي موجودات بل كنتور.
تاليا: تمام كمت من فراشي شوفني حمام طبيت سبحت ماكو بس منشفة لفيت نفسي بيهه و صحتلة يامان.
يامان: ها بوية.
تاليا:ماكو ملابس.
يامان: هسه اجيبلج ثواني.
تاليا: راح و رجع بيدة بلوز و بجامة لبستهن البجامة شديتهه شد لأن جبيرة علية و بلوز واصل لركبي لفيت شعري و طلعت.
يامان: تاليا اكل جاهز التفتت شفتها لابسة هدومي كوة لزمت ضحكتي.
تاليا: اضحك عادي مازعل.
يامان: هههههههه يمة طالعة تخبلين.
تاليا: لازمة بجامة لا توكع.
يامان: ضليت اضحك هههه.
تاليا: ياماني.
يامان: ياروحه.
تاليا: احم جوعانة.
يامان: يخسة جوع بوية تعاي كعدي سويتلج مخلمة طماطة و بيض اعرفج تحبيهه.
تاليا: رحت كعدت بل كاع و هو كعد مقابيلي كمت اكل و هو هم يوكلني حبيت اهتمامة بية.
يامان: هاج هذا علاج اخذي.
تاليا: شربت علاج و شلت مواعين ردت اغسلهن اجة وراية.
يامان: نغسلهن سوة.
تاليا: قليلات اغسلهن وحدي.
يامان: لا بوية نغسلهن سوة.
تاليا: غسلنا مواعين سوة و رتبناهن هو راح للغرفة اني هم نشفت شعري و مشطة البجامة جانت مضوجتني رحت علي كلت يامان عندك جواريب طوال.
يامان: بردانه اشغل صوبة.
تاليا: لا بس بجامة جبيرة ضوجتني اريد البس جواريب.
يامان: اي بوية فتحي كنتور تلكيهن.
تاليا: فتحت كنتور و شفت أكثر شي جنت احبها التفتت على يامان و عيوني مدمعة باوعلي بخوف.
يامان: ها بوية شبيج ليش هل دموع اتقربت شفت اللعابة بيدهه.
تاليا: هاي لعابتي ضيعتها من جان عمري ٥ سنوات شسوي يمك.
يامان:راح تكوللهه يامان راح تعترف اكيد ماراح ترفضك هي تحبك جنت احجي وية نفسي.
تاليا: احجيلي كافي تضم علية لعابتي شجابها هنا؟
يامان: كعدت على كرسي سندت نفسي بديت احجيلهه جنا زغار من رحنة سياحة لأربيل اني و امي و اختي رحنا وية بيت خالي هناك شفت بنية عمرها ٥ سنوات شعرها اصفر عيونها زرق مثل سما لابسة فستان سمائي مثل لون عيونها بيدها لعابة تركض و تلعب وية لعابتهه جانت توكل لعابه هههه فجاء صاحتلهه امهه راحت و عافت لعابة وحيدة و عافتني اني هم وية هاي ذكرة ١٧ سنة و اني محافظ على هاي ذكرة هاي بنية الي اخذت كلبي بنظرت عيونها حلوة بضحكاتهه بلعب شعرها كلت لو هاي بنية لة تحرم علية جنس حواء بس بنفس يوم..
تاليا: كل شي يحجي بي اسمعة و دموعي تنزل كلتلة بس شنو كمل.
يامان: بس بنفس يوم سمعت صوت امي تلطم و تصيح بل فندق اخذت لعابة و رحت للغرفة شفت اختي...
تاليا: كام يبجي و دموعة تنزل حباب كمل.
يامان: شفت اختي مغمى عليهه على فراش امي لافتهه بجرجف و تكول راحت بنية شرف بنية مو هين ضاع مستقبلهه اختي جانت زغيرة ضلت بحالة صدمة و من كبرت شوي شوي صارت تفهم و تكره نفسها أكثر كم مرة حاولت انتحار من شفت اختي بهل حالة وعد نفسي اصير بل استخبارات و اخذ حقهه صدك درست وشوي شوي بسبب معارفي كدرت اوصل لشخص الي اعتدى على اختي.
تاليا: الي هو عمي اني.
يامان: من كبرت بشرة اختي حسيت سيف صديقي يحبهه ماوكفت بطريقهم و صدك سيف رجال كدهه صارلهه اهل و عائلة ولا بعمرة حسسها بأن هي صار وياهه هل شي عايشين احلى حياة وية بنتهم زينة من أمنت على اختي جان لازم اخذ ثاري بس الي صدمني انتي طلعتي نفس بنية الي حبيتها نفس بنية الي عشكتها اي اعترف اني حبيتج و عشقتج وهايم بيج من انتي و زغيرة لحد الان مارحتي من بالي بيومها شفتج رحتي للحديقة جنت اراقبج خطوة بخطوة و جنت اشتعل نار من اشوفج تحضرين للخطوبة انتي و هذا آرون لج انتي مالتي شلون اقبلهه تروحين لغيري عرفت بقة يوم لخطوبتج قررت اخطفج صدكيني سبب خطفج ابد مو بسبب عمج اصلن ماجنت اعرف هو عمج لحد ما انتي اعترفتي بل معمل و كلتيلي هو عمي اني خطفتج لأن احبج و ماردت تروحين لغيري من عرفت هذا نذل خالد عمج اعترف حسيت بكره بس كلبي شنو يقنعة بعد مايحبج هواي حاولت ابتعد بكل مرة افشل.
تاليا:شفتة كام يبجي طلعت برة غرفة مصدومة من كولشي سمعتة معقولة عمي وصل لهل نذالة ضليت ابجي برة طلعت كولشي بكلبي من حسيت نفسي ارتاحيت
رجعت للغرفة شفتة على نفس كعدتة و يدخن مشيت بتعب و كعدت بحضنة حضنتة بكل مابية حيل و اشتم بركبتة ليش ما كلتلي احبج و ضليت كل هل فترة ضام علية.
يامان: خفت لا ترفضيني لأن انتي جنتي راح تنخطبين كلت يمكن تحب خطيبهه.
تاليا: قلب تاليا ماحب بس يامانهه.
يامان:باوعت بعيونهه بصدمة سألتها تاليا تحبيني؟
تاليا:بعيون مدمعة جاوبته احبك ياروح تاليا.
يامان: حضنتها كل قوتي مثل طفلة بحضن ابوهه ابوس براسهه و اشتم عطرهه لج اعشقج يا لجمة كلبي انتي.
تاليا:ضليت بحضنة ساعات و هو يلعب بأصابيعي و يدخن ياماني.
يامان: روحة.
تاليا: نعست.
يامان:كومي بوية نامي مكانج اني انام بل صالة.
تاليا:حضنتة و كلت اخاف وحدي.
يامان: شلتها و حطيتهه على جرباية نمت بصفهه خليت راسهه على صدري و غطيتها يلا نامي نور جنتي اني يمج.
تاليا: حضنتة و غمضت عيوني قبل لا انام كلتلة احبك ياماني حسيتة من باس راسي نمت بحضنة الي جان كلة حنية........

ترقبوا بارت قادم🥹🦋
تغشوشة لبارت قادم راح تصير عركة توقعوا منو يتعارك و ليش؟
حسابي الانستا