خاطفي هو منقذي

p26

هلو قلبوشاتي🦋

اخخ يا عطرچ من أَشتَمةَ چَن مشتم ريحَة جَنة.
..................
يامان: ماكدرت اسيطر على نفسي مشيت اضربة بس وكفت من شفت جواد اجة من بعيد.
جواد: تالووو تالونة.
تاليا: جوادد؟
جواد: سلام عليكم شلونج تاليا.
تاليا: بخير الحمد لله جوجي.
اسد: وعليكم السلام.
جواد: انت منو سلم عليك.
تاليا: جواد الأخ ساعدني لأن جنت دايخة وصلني للبيت.
جواد: ليش انتي ماعندج تلفون تتصلين بية شكو تطلبين من غريب.
اسد: ماكو فرق خوية اني وصلتها عادي.
جواد: لا مو عادي هل مرة سويتها مرة ثانية لا تسويهه.
تاليا: جواد شبيك مهم شكرا اخوية تعبتك وياية اليوم.
اسد: بل خدمة اي وقت احتاجيتيني.
جواد: ما تحتاجك تفضل امشي.
اسد: مع سلامة.
تاليا: الله وياك.
جواد: روحة بلا ردة.
تاليا: جواد عيب يمعود تعال فوت للبيت فضحتنا.
جواد: امشي فوتي ام صماخ صايرة تتصرف بكيفهه ادري نسيتيني مو اني موجود.
تاليا:ماريد اتعبك.
جواد: انجبي حوبي مهم بعد لا تطلعين تحتاجين شي اتصلي بية.
تاليا:ان شاء الله شلونها سمر.
جواد: بخير انتي شلونج.
تاليا:عايشة.
جواد: تالونة ماريد تنقهرين خيتي صدكيني ربج كريم.
تاليا: جواد دجاجاتي لكيتهن ميتات ممكن تجيب غيرهن.
جواد:تدللين باجر يكونن عندج.
تاليا: شكرا راح اروح اطبخ.
جواد: عوفي اكل انتي زعلانة منة.
تاليا: تؤ مو زعلانة بس مستحية اباوع بوجوهكم لأن سبب موت يامان اني اكره نفسي و اكره عائلتي من افكر شلون مات كمت ابجي و كعدت بل كاع.
جواد: لا يا خيتي والله مو انتي كومي غسلي وجهج اليوم اخذج للدكتور اريد افحصلج اشوف شنو سبب دوخة.
تاليا: ماكو شي لا يضل بالك.
جواد: ماريد اعتراض غسلي وجهج و بدلي راح انتظرج راحت تبدل مادري شلون راح الزم لساني و ما اكوللهه يامان بعدة عايش طلعت برة اشوف يامان راح لولا.
سارة: يامان جنت راح تخرب كل شي بثواني سيطر على نفسك.
يامان: ماكدر ماااا أكدر ولج طخ ايدهه بقصد اني اعرفففف.
جواد: صوتك يمعود لا أحد يحس.
يامان: جواد ما تعوفهه وحدة مفهوم جيب سمر و اكعدو هنا لو اخذهه وياك.
سارة: بس خطر عليهه.
جواد: لا مو خطر لأن اسد مبين يحب تاليا ما راح يخليهم يأذوهه.
يامان: جواااااد ابن الخرااااا شكاعد تحجييي منو يحب منو.
جواد: هذا الي استنتجتة من تصرفات هذا حقير اني راح اخذ تاليا للمستشفى وضعهه مو تمام.
يامان: شبيهه احجي يوجعهه شي خوما هذاك حقير سوالهه شي؟
جواد: اهدة خوية يمكن بسبب سهر و قلة اكل راح اروح اني انطيك خبر و بليل اجيب سمر و نبات يمهه هل اسبوع بين ما يخلص شغلكم.
سارة:هو بس هذا اسبوع ادعو تنجح خطة.
يامان: جواد فدوة دير بالك عليهه أمانة هاي امنتك.
جواد: لا توصيني على اختي يلا اودعناكم.
سارة و يامان: الله وياك.
جواد: رجعت للبيت شفت تاليا تدور علية كلتلهه اني هنا طلعت برة اتمشى اذا جاهزة نمشي.
تاليا: اي جاهزة قفلت بيبان و طلعنا للمستشفى اخذت فحوصات رادو مني دم اتذكرت من اخر مرة اخذو دم مني يامان حضن راسي على صدرة لأن اخاف اتجمعت دموع بعيوني.
جواد:رادو ياخذون منهه دم شفتها تريد تبجي كلت يمكن تخاف من ابرة تاليا خوية لزمي ايدي اذا تخافين رفعت عيونها و نزلت دمعه لزمت ايدي قوي سحبو دم منها كالولنة انتضرو تطلع نتائج بعد ساعة رحنا كعدنا ننتظر حسيتها ماتكدر تفتح عيونها رحت اشتريت كيك و عصير علمود تاكل تاليا خوية كومي اكلي هذني.
تاليا: احس عيوني بي حرارة و ماكدر افتحهن راسي يوجعني شفت جواد جايبلي كيك و عصير استحيت ما أخذ منة اخذتهن و فتحت عصير شربت شوية و اكلت قطعة كيك عفتة.
جواد: شفتها ما اكلت شي صاحولي بعد مرور ساعة رحت استلمت فحوصات و دخلنا للدكتور
-مرحبا دكتور ممكن ادخل.
-تفضل ابني.
-دكتور هاي فحوصات ممكن تكوللنة نتائج.
-هاي فحوصات منو؟
جواد: هاي فحوصات اختي هياتهه.
-بنتي انتي شلون عايشة ما بيج قطرة دم.
تاليا: ما حجيت شي اصلن ماكدر اركز عيوني توجعني.
جواد: دكتور شنو مطلوب نسوي.
-ابني اختك عدها فقر دم كولش حاد يحتاج تشكلولهه بطل دم فيتاميناتهه صفر راح اكتبلكم إحالة للطوارئ اتبرع بطل دم و شكلولهه لازم تبقة الليلة بل مستشفى.
جواد: ماشي دكتور مشكور.
تاليا: طلعنا من يم دكتور ماكدر امشي ماشوف كدامي كلت جواد اوكف ماشوف سواد كدامي.
جواد: خوية لزمي ايدي و امشي شلون راح تشوفين وانتي دم ماعندج ليش هيج تسوين بنفسج ليش هاملة صحتج.
تاليا: ماعرف شنو اجاوب بس نزلت دموعي على ضعفي لزمت ايدة و كام يمشيني لحد طوارئ نمت على جرباية هناك اول شي شكلولي مغذي سمعت جواد يحجي وياي.
جواد: خوية انتي غمضي عيونج و ارتاحي اني اروح يسحبون مني دم ما اتأخر عليج.
تاليا: ماشي اعذرني تعبتك وياي.
جواد: لو ما مريضة جنت اضربج على هل صماخ بس مريضة انسي.
تاليا: راح جواد اني هم غفيت ما حسيت بشي.
جواد: طلعت من طوارئ مشيت علمود يسحبون دم شفت واحد ملثم دخل قبلي رحت للغرفة اندار علية و نزع لثامة.
يامان: هذا اني لا تخاف وينهه تاليا شنو صار وياهه دكتور شنو كال.
جواد: انت مخبل لك شلون تجي لهنا و تعرف كل مراقبني اني و تاليا.
يامان: ما خليت احد يحس دخلت عندي ممرض صديقي دخلني من باب ورا هسه كولي كلبييي ناررر يمعود.
جواد: احم عدها فقر دم حاد لازم اتبرع بطل دم هسه فيتاميناتهه صفر نقلوها قسم طوارئ.
يامان: كلة بسببي اني.
جواد: خوية ان شاء الله ماكو شي لا تهتم اني موجود راح اروح اتبرع انت هم روح منا لا أحد يشوفك.
يامان: لا اني اتبرع بل دم.
جواد: خوية شلون وياكك يمعود امشي مناااا.
يامان: اتصلت على ممرض صديقي و كلتلة تعال اسحب دم اول شي سحب دم علمود يشوف دمي مطابق وياهه لو لا بعد ربع ساعة رجع.
-ابو طبر دمك مطابق خوية.
يامان: شوف شغلك بعد اخوك اسحب بطلين.
جواد: اي مو عندك تانكي امشي ولي منا لا انفجر.
يامان: جواد اسكت راسي يوجعني.
-بطلين ما يصير راح اسحب بس بطل.
يامان: تمام خوية بس اذا احتاجت دم بعد تسحب و انت ساكت.
جواد: متخبل هل ولد متخبل.
-ههههه ابو طبر عاشك مو متخبل.
يامان: سحبو دم مني و جواد راح يشكللهه انتضرت لحد ليل ما طلعت كلت لصديقي دبرلي ملابس دكتور لو ممرضين اريد افوت اشوفهه.
-خوية اكو دكتور شاغر راح اجيبلك ملابسة بس دير بالك.
يامان: ولا يهمك.
جواد: جنت كاعد يمهه اتصلت على سيف و خبرتهم اني بل مستشفى راد يجون بس كلت أوضاع مو تمام اسد هنا و جماعتة يراقبونة جنت جوعان اشتريت لفة و ببسي كعدت اكل دخل ممرض اشو هذا راح على تاليا و يمسد على راسهه كمت من مكاني اريد اضربة نزع كمامة انصدمت
-ولك يامان انت بعدك هنا؟
يامان: اي اجيت اشوفهه و اروح.
جواد: لا اني اتأكدت انت مخبل شوف شلون متنكر.
يامان: هههه اطلع اريد اضل وحدي وياهه.
جواد: صير عاقل يول لا تسوي وكاحة.
يامان: هههه شكد كو*** امشي لك.
جواد: ههههه طالع طالع.
يامان: طلع جواد تقربت باوعت عليهه وجهه اصفر جوة عيونها سواد ايدهه بيضة لزمتها ثلج
بوية ليش هيج تسوين بنفسج ياريت لو أكدر اكولج اني عايش ياروح يامان بس صعبة اخلي حياتج بخطر اتقربت اكثر شفت مبين صدرها شوية غطيتة بل شال و بست ركبتهه و شميتها رفعت نفسي و بست شفتها
اووف شلون عايفج مادري ردت اوخر حسيتهه راح تكعد رفعت كمامة و سويت نفسي اعدل بل مغذي.
تاليا: حسيت بوجود يامان شميت عطرة كعدت من نوم شفت ممرض يمي كلت يامان وينك ادري ما تعوفني.
يامان: هي تحجي اني كوة لازم نفسي لا اروح احضنها دخل جواد من سمع تاليا كعدت.
جواد: احم خوية تسلم هسه يخلص مغذي تعبناك.
تاليا: جواد يامان جان هنا شميت عطرة والله فدوة شوفة احجي و ابجي.
جواد: خوية ماكو احد هنا اني هسه طلعت و دخل ممرض يشوف مغذي.
يامان: ماكدرت اتحمل بسرعة طلعت.
تاليا: متأكدة ما يعوفني.
جواد: نامي خوية يمكن تحلمين الله يصبرج.
تاليا: انداريت انطيتة ضهري غطيت نفسي ضليت ابجي حسيتة من طلع.
جواد: طلعت ما شفت يامان عرفتة راح.
..............
سمر: جنا كاعدين المغرب اتصل جواد كاللنة على حالة تاليا ردنا نروح اني و بشرة بس كال خطر تجون هنا مراقبين.
بشرة: سيف فدوة خلي نكوللهه يامان عايش خطية والله.
سيف: ما بيدي شي حبيبي والله بس هذا اسبوع اصبرو.
سمر: الله يصبر كلبهه هسه شصاير بيهه.
بشرة: سمر خابري جواد خلي نعرف شنو صار وياهم.
سمر: اتصلت على جواد ساعة ب١٢ بليل جاوبني.
جواد: ها بنيتي.
سمر: شلونك حبيبي.
جواد: على الله بوية.
سمر: شلون صارت تاليا؟
جواد: ادعولهه حبيبي ادعولهه ان شاء الله باجر اطلعها من مستشفى و اجي عليج اخذج ضلي يمهه.
سمر: ان شاء الله دير بالك عليهه اذا صار شي لو احتاجيت شي اتصل علينة.
جواد:ماشي حبي.
سمر: مع سلامة ياروحي.
جواد: الله وياج بوية.
بشرة: ها خية بشري.
سمر: كال باجر اطلعها من مستشفى و اجي اخذج تبقين يمهه.
بشرة: ياريت لو أكدر اجي وياج.
سيف: باجر ورة ضهر احنا رايحين لبغداد بواجب ان شاء الله تعدي على خير هاي جماعة كلش خطرين.
بشرة: اني هم ارجع وياك.
سيف: اي بوية ماخليج وحدج هنا مادام سمر تروح على تاليا.
بشرة: ان شاء الله
.............
سارة: هلا يامان همزين اجيت باجر لازم نرجع لبغداد لأن راح تبلش مهمه و المكافحة طلبتنا حضر نفسك.
يامان: تمام انطيتي خبر لجواد و سيف.
سارة: اي كلتلهم باجر راح نطلع من خمسة.
يامان: ماشي.
جواد: طول ليل بقيت يم تاليا تهذي بأسم يامان صارت ب ٤ اجت سمر وية سيف.
سمر: سلام عليكم شلونك حبيبي.
جواد: هلا ياروحي بخير وانتي شلونج.
سمر: بخير بعدها نايمة.
جواد: طول ليل بس تهذي بأسم يامان لو تبجي.
سمر: سودة علية.
سيف: جواد استعجل راح نتأخر.
جواد: منو راح يوصلهن للبيت؟
سمر: اتصلت على بابا راح يجي علية ياخذني نروح بيت اهلي هل اسبوع.
جواد: ماشي بس دير بالج بيتكم هم مراقب.
سمر: لا تخاف بعيوني اخليهه.
جواد: بست راسهه و طلعت وية سيف احنا رحنا بسيارتنة و سارة و يامان سيارة طلعنا ب ٥ وصلنا ب ١٠ لبغداد.
سيف: سهلة علينا ندخل بس يامان انت لازم تدخل من باب سري اخاف مراقبين مكافحة.
سارة: اني هم لازم ادخل من باب ورا.
جواد: ماشي هسه اني اروح افتح باب لأن ما أمن بأحد.
يامان: راح جواد بعد دقايق فتح باب سري و دخلنا رحت لغرفة اجتماع ملثم ماريد احد يشوفني من وصلنا شفت الكل منتضرنة سلمت عليهم
-سلام عليكم.
الكل: وعليكم السلام هلا بيك يا بطل.
يامان: تسلمون يلا نبلش نشرح الخطة سارة.
سارة: تمام فتحت لابتوب و اشرت على مكان الي راح يستلمون بي مخدرات و بنات
من بعد اذنك نقيب يامان عادي اشرح.
يامان: تفضلي.
سارة: احم اكو وجبة مخدرات تعبر ٩٩ كيلو راح يوصل لبغداد و ١٠٠ بنية من جميع دول راح يقسموهن على محافظات عراق قسم منهن يوزعوهن على محافضات بغداد و اربيل و سليمانية و قسم ثاني راح يخلوهن بتاوين يشتغلون بل بيوت يركصن و يبيعن نفسهن.
اما حسب اخبارات الي استنتجتها المخدرات راح يخلوهن بكبسولة علمود محد يعرف بشغلهم الي مسؤلين على هاي قذارة حجي سليمان الي هو أكبر تاجر مخدرات و ابنة اسد وياهم شخص جديد خالد بس الي راح يوصللهم هاي كمية جبيرة هو شخص اسمة عزرائيل اصلة عراقي بس ساكن المانيا يعتبر واحد كن تجار مخدرات هناك و قاتل بنفس وقت شخص خطر لازم ناخذ حضرنا منة لأن غدار.
جواد: ماشي بس احنا شلون راح ننقسم على هل محافظات؟
سارة: ظابط علي و عمر انتو مسؤلين على محافظة اربيل لأن خليت تعاون وية مكافحتهم.
ظابط جعفر و باسم راح تكونون مسؤلين على محافظة سليمانية.
رائد سيف و جواد راح تكونون مسؤلين على محافظة بغداد.
اني راح اتنكر مثل بنات الي يجيبوهن و يامان هو راح يكون مسؤل على إلقاء قبض خالد و حجي سليمان.
جواد: فشرتيييي اني اكون وية يامان.
يامان: رائدددد جواد.
جواد: مو قصدي بس تأثرت باب حارة مهم انسة سارة اني اكون وية يامان و سيف يكون وية تميم.
سارة: متفقين ان شاء الله.
يامان: الي اتوزعتو على محافظات تنتظرون إشارة مني و من مسؤلين عود تهجمون كل واحد بجهه لأن الملاهي بيهه بابين حسب خريطة باب امامي و باب سري ورة انتبهو افتهمتو كلكم.
-نعم سيدي.
يامان: جاهزين لأخر مهمه و أهم مهمه.
-جاهزين سيدي.
يامان: الله ينصرنة ان شاء الله تكدرون تروحون بعد كم يوم نتوكل ان شاء الله.
سارة: ماشي اني لازم ارجع علمود لا يشكون بيت حجي.
جواد: اي روحي جاسوسة.
سارة: ماراح احجي وياك بس الله يصبرني شلون راح اكمل مهمه وياك.
جواد: هنيالهم الي يشتغلون وياي.
سارة: مع سلامة اخوان.
-الله وياج.
.................
سمر: الصبح ساعة ب ٩ كعدت تاليا من شافتني يمهه فتحت ايديهه احضنهه حضنتها و كعدنا نبجي سوة شفتها روح ما بيهه ليش يا خيتي ليش هيج تسوين بنفسج.
تاليا: مشتاقتلة سمر احسة دوم يمي والله ماصدك يعوفني شكد حاول انسا و اتقبل موتة ماكدر.
سمر: هي تحجي و اني كلبي يتكطع عليهه طبطبت على ضهرها كلت ادعيلة خية يلا ياروحي كومي ابوية هسه على جية يجي ياخذنة هل اسبوع ضلي يمي.
تاليا: لا حبيبتي ماريد ازحم عليكم ارجع للبيت.
سمر: انجبي حبيبي يلا كومي لا انتف شعرج.
تاليا: بعد محاولات هواي منهه و من عمو ابو سمر رحت وياهم يوم بعد يوم حالتي تسوء ماكدر احرك نفسي اكل ماشتهي و اذا اكلت استفرغة بيوم جنا كاعدين اني و سمر اتصلت عليهه بشرة.
سمر: هلا بشيرة شلونج.
بشرة: هلا حبيبتي بخير انتي شلونج تالونة شلون صارت.
سمر: بخير كاعد تسمعج فاتحة سبيكر.
بشرة: تالونتي مشتاقتلج شلون صرتي.
تاليا: بخير ياروحي تسلمين تشتاقلج عافية.
بشرة: الله يعافيج حبيت اجي ازورج بس سيف عندة شغل.
تاليا: لا يروحي ولا يهمج.
سمر: سديت سبيكر علمود اروح احجي وياهه على موضوع يامان و سيف و جواد طلعت من غرفة.
تاليا: حسيت اكو شي لأن هاي تصرفات سمر ما تسويهه كلت يمكن ماتحب اسمعهم لفيت راسي و نمت.
سمر: احم بشرة شصار خبريني اكو شي جديد.
بشرة: باجر راح ينفذون مهمه ادعيلهم فدوة يكولون كولش خطرة.
سمر: ان شاء الله ينتصرون بيهه ولدنا سباع.
بشرة: امين ياروحي امين دير بالج على تاليا و على نفسج اني راح اروح احضر غدا.
سمر: ان شاء الله سلميلنا مع سلامة.
بشرة: الله وياج.
...................
اسد: حجي باجر ان شاءالله توصل أمانة من عزرائيل المخدرات استلمها اني و خالد بس قسم من البنات راح يوصلوهن هنا انت و عمي استلموهن و قسم ثاني يوزعوهن على محافظات جماعتي هناك يستلموهن.
حجي سليمان: ان شاء الله ولدي ماكو خبر على نمر.
اسد: لا ماكو بس وينهه سارة؟
حجي سليمان: راحت تدور علي كالت ادور على اخر مكان تواجد بي.
اسد: بوية خوما تعرف بشغلة باجر؟
حجي سليمان: لا ما كلتلهه هل مرة لأن انت شاكك بيهه.
اسد: ولو هي تساعدنة بس الحضر واجب.
حجي سليمان: صح كلامك مهم روح نام باجر ورانا شغل.
اسد: تمام تصبح على خير.
حجي سليمان: انت من اهل خير.
اسد: رحت لغرفتي و فتحت كنتور طلعت صورتها اخخخ تاليا لج اني تونست بل كل هل بنات ولا وحدة خلتني احس بل احساس الي خليتيني احسه وعد بس اكمل هاي مهمه اجي اطلبج من ابوج اعيشج ملكة سرحت بخيالي تذكرت اليوم الي اجت تشتري من دكان شلون رجليهه مبينات لو ركبتها غصب تخلي واحد يشتهيهه صرت اتخيل هيه يمي و بين احضاني نايمة طلعت كم حبابة بلعتها تخيلت تركصلي لو اخلي مخدرات بين صدرها و اشمة و هي تضحك اوووف يمتة تصيرين بين احضاني حضنت صورتها صرت مثل مخابيل ابوس كأن هيه يمي جنت مو بوعيي حضنت صورة و غفيت.
.............
جواد: اخواني يا اخواني.
سيف: شكو يمعود خلينا ننام باجر عدنا شغل.
جواد: هسه اصبر حبيبي اكول باجر ماعرف اموت لو اعيش مشتهي دولمة حامضة هسه كون هيج اعصر عليهه ليمون ممكن واحد منكم يطلبلنا من مطعم.
يامان: ساعة ب ٢ يمعود وين اكو مطعم يسوي دولمة لحلكك.
سيف: نام باجر ان شاءالله اطلبلك شفتة تمدد بعدها كام مرة ثانية كال.
جواد: اخوان اخوان.
يامان: سممم.
جواد: مشتاق لأمي اريد اشوفهه قبل موتي.
سيف: جواد شايف هاي نعال البسة رقم ٤٣ عدل و كبل يدخل بحلكك اذا ما تنجب و تنام.
جواد: ماشي عيني ست محاسن.
يامان: سكت ورة خمس دقايق هم كعد.
جواد: اخوان مشتاق لسمر ونبي.
يامان: ما حس غير سيف كام يكتل بي بل نعال و هو يضحك كأن ماكو شي.
جواد: اي عفية شوية فوك فوك جلدي يحكني.
سيف: طاح حضك اي والله نوووم اريد انااام انطمر.
جواد: ماحجي بعد خلص زاعلتكم.
يامان: الحمدالله ماعرف شلون نمنا بسبب جواد كعدتنا صبح سارة كالت يلا تجهزو.
جواد: سارة جاموسة عوفيني اكمل نومتي.
سارة: مرتك جاموسة اني جاسوسة.
جواد:ياااااااااا كولشي ولا مرتي جبتها بتعب.
سارة: لعد كوم بدون حجي زايد.
جواد: سارة ام صماخ.
سارة: صح صماخي اكبر من صماخك لأن عقلي اكبر من عقلك.
جواد: ولكم هدوني عليهه اعلمهه منو عقلة زغير هدوني.
يامان و سيف: محد لازمك كوم اذا انت سبع مد ايدك عليهه.
جواد: لا اني ماضرب جهال عوفوهه سماح هل مرة.
سارة: سيدي اليوم ساعة ب ١٢ بليل توصل مخدرات و بنات اني راح اتنكر بنقاب انتظر بنات من يجون ادخل وياهم.
يامان: تمام اني هم اكون منتظر فوك سطح بس اشوف حركة اخابرج جواد انت راح تدخل من انطيك إشارة ادخل من باب ورا سارة راح تفتحلكيا.
جواد: تمام.
سيف: يلا اني اتوكل تميم منتظرني.
سارة: ان شاء الله نصر النا قبل مهمه ابرولي ذمة اذا صار شي.
جواد:ما ابريلج ذمة جهنم و بئس مصير.
يامان: خوية لا تسمعين منة يشاقة مبرية ذمة وان شاء الله ما يصير شي.
سارة: مع سلامة اخوان.
يامان و سيف و جواد: الله وياج.
يامان: جواد و سيف ان شاء الله ماكو شي بس اذا صار شي اختي و تاليا أمانة عدكم.
جواد: انجب حوبي.
سيف: لا تحجي هيج ان شاء الله ننتصر.
يامان: ان شاء الله حضنتهم و سيف طلع و اني و جواد ضلينا نراقب منطقة لحد ساعة ١١ و نص بليل شفت جواد جايب حب و كعد يكرز.
جواد: تريد انطيك شوية.
يامان: مو صاحي انت ابد.
جواد: ياخوية اني ماعرف اعيش لو اموت على أقل ماخلي شي بنفسي حبيت اكرز و هاي اني كاعد اكرز.
يامان: الله يهديك بوية.
جواد: امييين كون يهديني جي كلاس عفت عقل الكم.
يامان: عفتة انتظر هاي نص ساعة تمشي طلعت محفظتي و شفت صورتها.
جواد: مو بس انت تحبها هي ميتة عليك آخر مرة طول ليل بل مستشفى تهذي بأسمك.
يامان: صافن على صورتها الي بل محفظة و كلت بوية تاليا مشتاقلج اني مشتاق اضمج و اشتم عطرج اخخ يا لجمة كلبي بحسرة كلت:
☆أضمَن صُورتْج وَسط المَحافْظ
وَجهْج أَفرَضْ مِن هَويْتيِ.....
جواد: يامان وصلو وصلو.
يامان: رجعت محفظة بجيبي و كلت يلا جواد انطي إشارة لسارة تفتحلك باب.
جواد: ماشي خوية حضنتة و كلت اريدك سالم بفضل الله.
يامان: ان شاء الله دير بالك على نفسك.
جواد: ان شاء الله نزلت من سطح و رحت على باب وراني اراقب اذا شخص موجود أو لا رحت على باب و شفت سارة فتحتلي مرحبا خيتي ابوج بل بيت.
سارة: مو وقتك ابد امشي لا نتأخر.
جواد: ما تعرفون تضيفون انتو عابت.
سارة: اللهم صبرني اخلص هل مهمة.
جواد: امشي لج خل اشوف شغلي وية سلومي.
سارة: لبست نقاب و طلعت انتظرهم يجون بنات شفت خالد و عزرائيل دخلو و وراهم كومة بنات لزمت وحدة بيهن ضربتهه ابرة مخدر و نامت لبست ملابسها وكف مكانهه جانو ينتظرون امر من حجي علمود يدخلون خليت نقاب و دخلت جوة وية بنات من سمعت اخو حجي يكول فوتوهن وكفونة بل سرة كاملة سمعت اقرف صوت بل دنيا هو ابوية خالد.
خالد: حجي احنا اولة بل كل خلي نجرب وحدة ثنين.
حجي سليمان: هههه شوف ياهيه تناسبك اخذهه.
خالد: ههه ما تقصر.
سارة: ضل يشيل بل نقاب و يباوع خفت لا يشوفوني وصل يمي و شال نقاب شوية محد كدر يشوفني ابتسم ابتسامة وصخة ما عرفني اني بنتة كال حجي اني اختاريت هاي فرغولي غرفة.
حجي سليمان: ههههه مشتعل شعل انت كولش مستعجل.
خالد: اي والله حجي.
حجي سليمان: يا ولد امشي دلي على غرفة ضيوف.
سارة: لزم ايدي ردت اجرهه بس ماريد اخرب خطة مشيت ويا و هو كل ساع يلزمني من خصري نزلت دمعتي ابوية هذا و هيج وصخ انطيت إشارة ليامان علمود يدخلون هو و جنود شفت خالد دخل و قفل باب.
خالد: اي يا حلوة شلون تريدينة نبلش.
سارة: اذا تتقرب ادفنك هنا لا تكول ما حضرتك.
خالد: احب مشاكسات تعاي.
سارة: جر ايدي و دفعني على جرباية صار فوكي و هو سمين كلت لااا تندم والله تندم.
خالد: صرت انزعهه حجابهه.
سارة: فتح حجابي و راد يبوسني صرخت انيييي بنتكككك ياااا عااار انيييي سارررررة بنتككك ما جان يستوعب لأن بالع حبوب دفعته كل قوتي و طلعت سجينة زغيرة جنت ضامتهه بل حذاء و كلتلة ياااا حساااافة بس ياااا حسافة اني بنتك راد يتقرب خليت سجينة بركبتة و طفر دم بوجهي ضليت مصدومة و ارد اني الي كتلت ابوية اني بعدين اكول لا لا هو جان غلطان ماحس غير يامان كسر باب و وكف كدامي.
يامان: من استلمت إشارة من سارة كلت يلا هجوم دخلو الجنود و جواد دخل وياهم شفتة خلة سلاح على راس حجي سليمان و شباب لزمو اخو اني هم لزمت عزرائيل.
حجي سليمان: منووووو انتوووو؟
جواد: صوتك يا حمار ما تعرف اني كيوت ما تحمل.
يامان: اي عزرائيل شلونك واخيرا التقينا.
عزرائيل: منو انت شلون عرفت بهاي مهمه؟
يامان: بل مكافحة نضيفك و تعرف.
جواد: ياابو طبر ياابو طبر..
لك عاش ايدك يا هكر..
حجي سليمان: انت نفسك يامان بعدك عايش؟
جواد: لا بعدة بل طريق شوية و يموت صدك تضحك سلو.
يامان: اخذوهم وينة النكس خالد؟
وحدة من بنات: اخذ بنية و راح جوة بل غرفة.
يامان: لاااا بس لا سارة ركضت ادور بل غرف لحد ما شفتها كاعدة بل كاع و وجهه دم كلت سارة يلا نروح.
سارة: كتلت ابوية يامان راح يعتدي علية موتة بيدي اني كتالت ابوي.
يامان: سارة اتذكري انتي صح كومي مو وكتهه ورانة بنات ننقذهن.
سارة: كمت و اني اباوع وراية ابوية شلون فايض بل دم مسحت ايدي و طلعت.
جواد: اخذو هل جلاب للمكافحه اليوم اتعشى بيهم.
يامان: اتصل على شباب شوفهم كملو شغلهم.
جواد: ثواني.
سيف: من شفنا طبو عصابة وية اسد بيدهم عربانة فوكاهه كواني فتحوها كدامنة مخدرات.
اسد: خوش بضاعة كفو اريدكم اليوم توزعوهن.
سيف: استلمت إشارة اتركنا اني و تميم و جنود و هجمنا عليهم لزمناهم كلهم الا اسد فلت من ايدنا جنا نطلع من مكان اتصل جواد.
-ها جواد بشر.
جواد: كل خير لزمناهم وانت بشر.
سيف: احنة هم أخذنا بضاعة بس اسد فلت.
جواد: لا يل كعبة.
سيف: راح اروح للمكافحه هناك نلتقي.
جواد: طلعنا برة جانو يصعدوهم بل سيارة اخر واحد عزرائيل جانو مكلبجينة بس ايدة ليكدام كبل جر سلاح من خصر جندي و ضرب يامان اتخبلتت يااااااامااااااننن...
يامان: حسيت شي حار نزل من صدري ما شفت وجه غيرهه كدامي تاليا سامحيني بوية ضلمت دنيا و وكعت.
سارة: سيدددي يامااان لااا لاا بسرعة اسعااااف.
جواد: رحت على عزرائيل و ضربتة كلة و صعدتة بل سيارة اتصلت على إسعاف و على سيف.
سيف: شكو جواد.
جواد: ولككك يامان تصاوب.
سيف: لااا تكولللهه وينكم انتو اني جايكم.
جواد: طلبت إسعاف ماكو راح انقلة بسيارتي لمستشفى مكافحة.