هل للوداع مكان ام أنه سفينه بلا شراع يا ليت الزمان يعود واللقاء يبقى للأبد ولكن مهما مضينا من سنين سيبقى الموت هو الأنين وستبقى الذكريات قاموس تتردد عليه لمسات الوداع والفراق.. والموت هو البقاء.
.................. يامان:اجت سيارة بوجهي لفيت سيارة على جهه تراب و انضربت براسي حسيت غوشت عيوني بس فتحت باب سيارة و نزلت شفت رجال جبير بسيارة كلت عمو خوما تأذيت بيك شي؟ -لا عمو مابية شي حتى سيارتي مابيهه شي بس انت راسك كاعد ينزف امشي اوديك للمستشفى. يامان: لا عمو ما يحتاج مهم انت بخير اذا تريد اي شي اني حاضر اسف ماجنت منتبه للطريق. -لا يا بعد عمك رايد سلامتك بس ديربالك من طريق روح حبيبي توكل على الله ما محتاج شي. يامان: بعد روحي عمو بست راسة و رجعت للسيارة اشتريت الأغراض و بل رجعة صفيت صيارة يم مضمد ضمدت جرح راسي و رجعت. جواد: وين جنت يمعود راسك شبي شصاير؟ يامان: ماكو شي حادث بسيط لا تهتم وينها البنية؟ جواد: بغرفتها ماحجيت وياهه بس اسمع صوت شهكاتهه. يامان: ما اكلت شي؟ جواد: لا والله صارلهه يومين بدون اكل. يامان: اخذت الاكل جان على ميز و اخذت شاش و معقم رحت للغرفة دخلت شفتها نايمة و ماخذه وضعية جنين مادة ايدها الي جرحتة لزمت ايدها شفت شوية دم جامد علي عقمتة على كيفي و لفيتة بل شاش جان شعرها نازل على وجهه تحمحمت و صحتها تاليا... تاليا اكعدي اكلي شوية موزين هيج. تاليا: بعد صلاة انهاريت بل بجي ماعرف ليش عايشة منو يهمه اذا عشت او لا بس اريد اعرف يا ذنب مرتكبتة و ربي كاعد يعاقبني علي نمت بل كاع تعبانة راسي يوجعني سمعت احد يصيحلي فتحت عيوني شفت هذا ابو عيون دكم كاعد يمي كمت على كيفي بس ما باوع علي كلي كومي اكلي شي كلت عاشت ايدك بس ماشتهي. يامان: شوفي اني ماعيد كلامي كاعد احجي وياج بهدوء كومي اكلي. تاليا:كلتلك ما اشتهي ماريد اكل. يامان:استغفرالله بلشت اعصب ترة كومي اكلي. تاليا: يا اخي ما أكل هي كوة. يامان: بصياح كلتلهه طبج مرض هواي طولت بالي وياج بس نسيت انتي من يا عائلة اكيد مثل طبعهم فرشت على جهه ردت انام سمعت صوتها تبجي كلت اذا اسمع بس نفس منج اموتج. تاليا: هواي انقهرت من شبهني بأهلي كمت ابجي صيح علية سكتت انداريت على حايط و غمضت أريد انام علمود ما افكر. يامان: ماردت هيج اتصرف بس هي ما تمشي غير هيج شفتها انطت ضهرها الي و اني هم عفتها و نمت. جواد:ما نمت للصبح احرس مكان انتظرت يامان يجي بس ما اجة الصبح رحت عليهم شفتهم نايمين كل واحد بجهه. جواد: اييييي عيننننييي ايييييي انتو نامو و جواد جلب يحرسكم يا ما تستحون شلون انطاكم كلبكم تعوفوني وحدي. يامان: كعدت على صياح جواد يببوو بدت رحمة الله شبيك يول ليش تصيح. جواد: انجب حبيبي خليت عيوني تسهر هسه يصير هالات سود جوة عيوني اني رقيق ماتحمل. يامان: تمشي من يمي لا اعيد تربيتك و اضبط الأعدادات عندك. تاليا: كعدت صبح على صياح واحد فتحت عيوني شفته هذا جواد كلت و اني عيوني بيها نعاس. تاليا:صباح الخير. جواد: صباح صخام بوجهج كومي يلا ورانة طريق. تاليا: وين رايحين؟ يامان: معليج كومي غسلي و حضري نفسج تلكين ملابس على ميز. تاليا: تمام شكرا ماردت اتجادل ويا رحت اغسل شفت بل حمام شامبو و صابون يمكن هذا ابو عيون دكم جايبهن سديت باب و سبحت اخذت ملابس وياي جان بنطرون و بلوز طويل للركبة وياهن عباية و شال لبست و طلعت شعري بي مي رجعت للغرفة شفتة كاعد يتريك وية جواد و يحجون من وصلت يمهم سكتو. جواد:يامان طلعت مو بنت خالد شنو نسوي نرجعها لأهلها لو لا لأن ما نستفاد شي من وجودها. يامان: ما ارجعها لحد ما اخذ ثاري و الزم خالد بعدين هي هم من نفس عائلة يعني ما تفرق عن وصاختهم. جواد:انت صاحي شكاعد تحجي ترة بنية مالها ذنب من يمتة صرت ضالم و تحكم على شخص مالة ذنب. يامان:جنا نحجي و دخلت تاليا و شعرها اصفر طويل بي مي و ينكط لو عيونها زرق اتحمحمت و كلت تعاي تريكي ورانة طريق. تاليا:شكرا مو جوعانة. جواد: أم صماخ انتي شلون عايشة. تاليا: مافتهمت. جواد: حلو هم ام صماخ هم ثولة ربحنا. يامان:كمت الم الأغراض الي نحتاجة و اخذت سلاحي هم كلت يلا جاهزين؟ تاليا و جواد: اي. يامان: تاليا وين حجابج؟ تاليا: احم هو هو اني ماعرف البس حجاب حسيت بكمية احراج ماكو مثلها. يامان:استغفرالله شلون ورطة هاي جواد ساعدهه. جواد:لا عيني اني رايح احضر سيارة جاوو. يامان: اتقربت منهه و تحمحمت كلت لمي شعرج كباية رفعت شعرها و طلع ركبتهه جنة مرمر ابيض ثلج نزلت نضري و استغفر بكلبي. تاليا: لميت شعري كباية و مثل ما كال كلتلة كملت. يامان: قربت منهه و لفيتلهه شال و عدلتة طببت كل شعراية من كذلتهه طالعة بل حجاب طلعت جنها ملاك بدون وعي كلت سبحان الله من خلق هل عيون. تاليا:شنو؟ يامان: وعيت على نفسي رجعت لعصبيتي ماكو شي لبسي عباية فوك ملابسج تأخرنا يلاا. تاليا: كل كلامة بصياح و عصبية لبست عباية امشي و اعثر ما متعودة طلعنا بسيارة مو شاحنة رحنا و طول طريق كضيتهه نوم من وصلنا حسيت واحد يكعدني. يامان:طريق كلة جواد نايم و هي نايمة لحد ما وصلنا رحت كعدتهه كعدي وصلنا تاليااا. تاليا: كعدت على صوت هذا غثيث ونزلت من سيارة صوت الناس و الهوسة المكان الي واكفة مقابيلة يجنن اني ما زايرة ابد لأن اهلي ما يحبون بس هسه حاسة بفرح اول مره ادخل هيج مكان وصلنا لتفتيش صافنه على الناس وعلى المكان فززني صوت جواد يحجي وياي جواد:خويه دخلي هناك لتفتيش واحنا ننتضرج ورة البرده هزيت راسي بمعنى اي ودخلت وتفتيش بعد تفتيش وصلت للحضره وقبل لاندخل دلوني على مكان نلتقي بي من نخلص زياره لان الزلم وحد والنسوان وحد اخذوني وجان اول مره ازور المكان عطره عالم مختلف البروده بي تشرح القلب والمنضر يدمع العين شكد جان بنفسي ازورهم بس بعمري مارحت الهم شفت مرقد اخو زينب العباس(عليه السلام) نزلت دموعي وضلت تتسابق بس شفته خليت عيوني على القبله وبداخلي حجيت قهر روحي نفسي ازورك واشكي عندك ضلمي مولاي تعبي من اهلي من ماضيي من طفولتي الي ادمرت لو حاضر و مستقبلي مجهول تعبانة و اجيت ساعدني مولاي كمت ابجي من كل كلبي و نسوان يباوعلي ماحسيت غير عيوني غوشت و استسلمت للضلام. يامان: دزيت جواد يدليهه و يأمن عليهه بعد دقايق طلع جواد كال. جواد: يلا خوية خلي نزور احنا هم بين ما تكمل هي. يامان: روح انت اني اضل هنا اخاف تضيع لو تيهنا تعرفهه فاهية. جواد: تمام شوي و اجي. يامان: جنت ملتهي بل تلفون ماحس غير تفتيش نسوان صاير هوسة رحت اشوف شكو نسوان يصيحن اغمى عليهه ويا منو هاي بنية باوعلت بين هوسة تاليا واكعة بل كاع و كاعد يرشون على وجهه مي ركضت بعدتهم كلت هاي زوجتي وخرو اضرب على وجهه ما تكوم رشيت مي على وجهه تفتح عيونها و تغمض نزل لثامي ما اهتميت شلتها و ركضت للسيارة فتحت حجابها و علمود تتنفس ليش هيج ليش شنو هل عناد كلتلج اكلي شي شفت عيونها صايرات حمر يمكن باجية. تاليا: راسي جان يأذيني اسمعهم واسمع هذا ابو عيون دكم يصيحلي بس عيوني توجعني ماكدر افتحهن جنت افتح و اغمض شفت نازل لثامة بس شكلة مغوش ماشوفة زين شالني و اخذني للسيارة جنت اسمع كلامة بس راسي ثكيل غمضت عيوني ماريد اجاوبة. يامان:شفتها كولش تعبانة غمضت عيونها اتصلت على جواد علمود يجي و نروح. جواد:ها خوية شبيك كلتلي تعال بسرعة شبيهه تاليا؟ يامان:اغمى عليهه و نسوان طلعوهه جواد اريد تجيب صديقك الصيدلاني يشوف حالتها لأن ماكدر اخذهه للمستشفى. جواد: تمام هسه اتصل علي يجي للمعمل. يامان:تمام يلا انت سوق اني اضل يمهه. جواد: تنام بس مو تخوني. يامان: بشرفك هسه وقت هل حجي ما تشوفها فاقدة. جواد: ماشي ماشي يول. يامان: خليت راسهه على رجلي و ممدت رجليهه نايمة مثل طفلة بريئة اووف من عنادج شلون بلوة ابتليت. جواد: يامان هذا هو واصل قبلنا نزلها بين ما احجي ويا. يامان: فتحت باب و حضنت خصرها و شلتها وديتها على فراشها عدلت حجابهه و دخل ولد شاف وضعهه و كال - عدها فقر دم حاد و ضغطها هابط لازم اشكللهه مغذي بين ما تكعد. يامان: تمام خوية شوف شغلك و الي تحتاجة كول، شكللهه مغذي و كتبلهه على علاج كمل شغلة و طلع وية جواد. جواد: تعاي خلي اوصلك للباب مشكورين خوة ماعرف شلون اجازيك. -بل خدمة بعد اخوك بس اهم شي خلوها تاكل خضراوات. يامان: ضليت ليل كله يمهه بس تهذي بأسم ماما أمنة، بوقت متأخر من ليل فزت من نوم كمت وية فزتها كامت تبجي كلت ماكو شي اني هنا شفتها ترجف و تشهك جان وضعهه ابد مو طبيعي لا إرادي جريتها لحضني امسح على راسهه واهمسلها اششش بوية ماكو شي اني يمج رجعي نامي اني كاعد يمج يلا بوية غمضي عيونج. تاليا:جنت احلم بنفس شي الي كل مرة احلم بي فزيت من نوم خايفة لا ينعاد هذا شي ماريد ينعاد..........
ترقبوا بارت قادم🥺 اسفه على التأخير
لاتنسون التصويت والتعليق بين الفقرات
حسابي الانستا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
