خاطفي هو منقذي

p18

هلو قلبوشاتي🦋🫂
حين أحببتك لم أسمع إلاّ قلبي، في حبّك ما أردت من الدّنيا شيئاً غيرك، لأنني حين أحببتك شعرت بأنّي قد مَلكت الدّنيا كلّها بين يديّ.
.........................
سمر: بلشنا نحضر للخطوبة اتصلت على خواتي علمود يجن يساعدني مثل كل مرة جاوبوني ببرود ماعدنة مجال اعذرينة ماعرفت شنو اسوي منو يروح وياي و وية ام جواد علمود نحضر ضليت افتر بل غرفة تاليا جانت نايمة خطية هي هم مصخنة و مريضة اتصلت على جواد مستحية اكولة بس لازم يعرف.
-الو هلا حبيبي.
-هلا بنيتي شلونج.
-بخير وانت حبيبي.
-الحمدالله ليش صوتج هيج مبينة متوترة صاير شي؟
-جواد خجلانة احجي.
-احجي بنيتي انتي مني لا تخجلين محتاجة شي.
-احم هو خابرت خواتي علمود نروح للسوك وية امك نحضر للخطوبة بس ولا وحدة تكدر تجي امي و مرت اخواني اتأكد ماراح يجن وية منو اروح.
-سمرت كلبي لا تهتمين هسه يرجع يامان احجي ويا علمود تاليا تجي وياج ها اخت يامان هم اكوللهه تجي قبل بوقت روحي وياهن.
-بس تاليا مريضة.
-ههه لج احلف بس تشوف يامان تصحى ام صماخ.
-هههه خطية مبين تحبة هواي.
-الله يجمعهم مثل ما جمعنا.
-امين يارب حبيبي لازم اروح كاعد يصيحولي باي.
-باي يروحي دير بالج على نفسج.
...........
يامان: كملت من اجتماع طلعت بوجهي على سليمانية مشتاقلهه كأن مفاركهه سنتين مو يومين اسوق و فرحان لأن خالد راح يدمر عن قريب اتصلت على جواد.
جواد: لك هلااا بضلعي كفو منك سمعت من سيف اخبار تجنن.
يامان: هههه كفو منك حبيبي شخبارك.
جواد: لكك فرحان راح اتزوج.
يامان: ههههه الف مبروك الله يتمم لك على خير.
جواد: يوم الك و لتاليا.
يامان: امين وينهه هاي الي شالعة باب كلبي.
جواد: ههههه يم سمر كالت مارجع راح تتزوج قاسم.
يامان: جوووادد انجب.
جواد: هههه والله سمعت من سمر قسومي حاط عينة عليهه بس بسبب لسانها يكرهه.
يامان: كول لسمر خلي تاليا ترجع للبيت اني راجع.
جواد: ولك اني كلتلهه ماترجع يمكن هي هم عاجبها قسومي.
يامان: انت تلعب بأعصابي لو شنو شو سد اتصال ساعة و اني يمكم.
جواد: سد اتصال بوجهي ابن عسل ههههه الله شكد حلوة الخباثة خلي اروح اتفق وية تاليا و اعلمة درس.
تاليا: جنت متمددة بغرفة سمر احس جسمي نحلان ماكدر اشيل ايدي دخلت سمر.
سمر: شلون صرتي حبيبتي.
تاليا: الحمدالله بخير.
سمر: عندي طلب لا ترفضيني.
تاليا: عيوني الج حبيبي.
سمر: اريدج تكونين وياي بتحضيرات خطوبة و زواج خواتي مارضن يجن و امي و مرت اخواني هم ما يجن ماعندي غيرج فدوة كوني وياي.
تاليا: شفتها رادت تبجي حضنتها كلت لج شهل حجي بدون ما تطلبين اني اكون وياج راح نحضر سوية اني اختج لا تنسين.
سمر: ياروحي انتي كلت لجواد يحجي وية يامان علمود يقبل نروح سوة.
تاليا:ماشي ان شاء الله.
سمر: جنا نحجي و اتصل جواد.
جواد: هلااااو مرتيييي.
سمر: هههه هلا حبيبي.
جواد: سمري اريدج تعوفين كولشي و روحي على هاي ام صماخ.
سمر: فتحت سبيكر و كلت ترة اني كاعدة يم تاليا.
جواد: لججج ام صماخ شلونج.
تاليا: هلا جوجو بخير انت شلونك.
جواد: بخير عندي الج فكرة الا تخلي يامان يتخبل.
تاليا: فكرة شنو؟
جواد: احم هو اسف خبثت بس تعرفين ماعيش بدون خباثة.
سمر: هسه غير تحجيييي.
جواد: على كيفج ست محاسن على كيفج.
تاليا: احجي جواد شمسوي؟
جواد: كلت ليامان قسومي عاجبج و انتي عاجبتي لهذا ما تريدين ترجعين للبيت اني كلت هيج لو يامان تخبل هسه هو بل طريق اذا رجع اريدج تكملين بل جذبة.
سمر: يااا والله جواد راح اتأرمل قبل لا ننخطب.
جواد: ليش ولج.
سمر: لأن يامان لو يعرف انت ورة هل جذبة اكيد يموتك.
جواد: لا تاليا تقنعة.
تاليا: جوجي تعرف انت ونعم اخو هاي خوش طريقة انتقم بيهه من هذا بارد و هادء الا اخلي يحترك غيرة.
جواد: هاي اخت الي جنت اتمناهه اني أخبث و هي تكمل وياي.
سمر: انتو ثنينكم مخابيل.
تاليا: انتي انجبي يلا جوجو اذا رجع بس اتصل علمود اتصرف.
جواد: بل خدمة.
سمر: سديت اتصال و كلت شنو راح تسوين لج هذا جواد مسودن.
تاليا: خل اغسل وجهي اول بعدين اتفاهم وياج.
تاليا: غسلت وجهي و مشطت شعري خليت شوية كحل و حمرة خفيفة خليت شال على راسي نزلت اشتغل وية سمر بس بعدني احس دايخه.
سمر: ليش نزلتي مو مريضة.
تاليا:من بارحه تشتغلين وحدج ماكو وحدة عدها احساس تساعدج جانن مرت اخوانها كاعدات عل تلفون سمعن.
-انتي منو علمود تحجين هيج.
تاليا: هو منو حاجي وياج لو لأن صح اخذتي كلام على نفسج.
-لج انتي على منو طالعة لسانج هل طولة.
تاليا: عليج حبي.
سمر: تاليا عوفيهن حبيبتي.
-ليش اذا ما تعوفنا شنو يعني هااا شنو يعني.
تاليا: امسح كاع بيج بس محترمة اني خطار بهل بيت.
قاسم: شنووو هل أصوات منا ديوان متروس زلم.
-ما تسمع هاي بكد جف ايدي تتطاول علينا.
قاسم: باوعت عليهه هاي نفسها ام لسان.
تاليا: خير شكو تباوع.
قاسم: انتي ماتروحين لبيتكم شعندج هنا.
تاليا: ليش هذا بيتك واني ماعرف بعدين اني بأستضافة عمو ابو سمر.
قاسم: هو منو يلحك لسانج الله ماخذ من طولج و مخلي بلسانج.
تاليا:الحمدالله ربي خلقني لساني طويل بس مو بدون عقل.
سمر: راد قاسم يتقدم و سمعنا دكت باب ردت اروح افتح.
قاسم: ها خير ياطير اني رايح افتح نسوان اخر وكت تريد تفتح باب.
تاليا:صلوات على محمد لقد استيقظت رجولة داخل شخص.
قاسم:اني اعلمج ام لسان طويل.
تاليا: راح يفتح باب و اني رجعت اكمل شغلي وية سمر اجه قاسم كال.
قاسم:امشي رجلج بل باب يريدج الحمدالله راح نخلص من لسانج.
تاليا: سمرر ان شاء الله باجر ننزل للسوك علمود نحضر خطوبتج انتي و حبيب روحج جواد مو تنسين حجيت هيج بصوت علمود كل يسمع.
سمر: تاليا تحجي و متقصدة تسمع قاسم و مرت اخواني اشوف قاسم كوة لازم نفسه عنهه فاير من عصبية كلتلهه ماشي حبيبتي بوستهه و راحت.
قاسم: انتي و وياهه حسابكم عسير.
تاليا:سمعت يهدد رجعت عسير برتقال لو عسير رمان.
قاسم: سمممم سمممم.
تاليا: بكلبك ان شاء الله.
قاسم: اللهم طولج ياروح.
تاليا: باي باي.
قاسم: روحة بلا ردة.
سمر: ضليت اضحك على سوالف تاليا شلون تحرك بأعصابة كوة لازمة ضحكتي.
يامان: دخلت لسليمانية اخذت كم غرض و رجعت للبيت ما دخلت للبيت كبل رحت على بيت أبو سمر اجيب هاي طركاعة دكيت باب و فتحلي هذا حقير قاسم.
قاسم: هلا تفضل.
يامان: احم هلا بيك جاي اخذ تاليا زوجتي.
قاسم: هسه اصيحلهه.
يامان: فاررر دمييي كلت تمام منتظرك.
تاليا: طلعت من مطبخ للحوش شفت يامان بل باب مشيت بكل هداوة ما باوعلة.
يامان: شفتها طلعت من بيت تتمشى ما تباوعلي ولا كأن اني موجود لا نوب شامرة حجاب شلون ما جان عيونها مكحلة شفايف كرز حمر فارررر دمييي واني اتخيل قاسم شافهه بهل منظر لزمت ايدها و مشيتها بسرعة للبيت.
تاليا: على كيفكككك ايديي يامان.
يامان: امشيييي توبة اخليج تروحين على سمر بعد.
تاليا: مو بكيفك هاي صديقتي.
يامان: ما تمشي علية عدهم شباب بل بيت ماقبل تروحين افتهمتي.
تاليا: لا ما افتهمت عوف ايدي يلا اني ماحجي وياك عفتة و دخلت للبيت شفت جواد كاعد وحدة.
جواد: هلاا بتالونة هلا.
تاليا: هلا بيك.
جواد: اشو معصبين شكو.
تاليا: ماعرف جنا كاعدين بيت سمر اني و سمر و قسومي و مرت اخوانها نسولف اجه هذا خربها علينا.
يامان: لجججج شنوووو قسوووومي اسمة قااااااسمممم.
تاليا: اني احب ادلع كل شخص.
يامان: جواد اطلع اريد احجي وياهه.
تاليا: جواد اذا طلعت ماحجي وياك وانت مو اخوي.
يامان: جواد اطلع.
تاليا: جواد لاااا.
جواد: انجبو و ثنينكم طلعو يلا ولو اتفاهمو برة.
تاليا: طردنة جواد و يامان لزم ايدي كلي.
يامان: اصعدي بل سيارة.
تاليا: ماصعد.
يامان: اصعدي تاليا.
تاليا: مااا مااا.
يامان: ماشي شلتها و صعدتهه بل سيارة قفلت باب و مشيت بسرعة.
تاليا: صعدني كوة بس ماخفت غير من سرعتة جان معصب و يسوق كمت ابجي و اكول خفف سرعة راح اموت نفسي شوي شوي كاعد يضيق خفف سرعة يامان.
يامان: شفتها وضعهه تخربط وكفت سيارة ببستان و فتحت باب الها تتنفس.
تاليا: مي اريد مي.
يامان: بسرعة جبت مي شربتها و غسلت وجهه بوية تاليا شلون صرتي وين بخاختج.
تاليا:حسيت نفسي احسن بس خوفة بعدها بية كلت اني زينة اخاف من سرعة.
يامان: اسف بوية انتي والله ما تنعاد.
تاليا: رجعني للبيت.
يامان:لا لازم نحجي.
تاليا: سد باب سيارة و رجع يسوق بس خفف سرعة من وصلنا لبيت جبل نزلت من سيارة سلمت على عمو ابو ابراهيم و صعدنا للبيت دخل و سد باب بدون اي مقدمات اجة حضني فتح حجابي و خلى راسة بركبتي يجر انفاسة و يستنشق عطري لزمت نفسي ماريد احضنة حسيتة يبجي.
يامان: اخخ يا عطرچ  من أَشتَمةَ چَن مشتم ريحَة جَنة.
تاليا:ماكدرت ما احضنة و اضل زعلانة حضنتة كل قوتي ليش عفتني هااا ليش ماكعدتني تعرف شكد مشتاقتلك.
يامان:ماكدرت اشوف عيونج مدمعات ولج اضعف كدام دموعج.
تاليا:لا تعيدها مرة ثانية.
يامان:انتي هم لا تعيديها.
تاليا:شنو؟
يامان:لا دلعين احد غيري بس اني كوليلي ياماني و خلي (ي) تملك بل اخير.
تاليا:صار يامانيييييي.
يامان:ياروح يامانج.
تاليا: احم شنو جان شغلك كملتة؟
يامان: اي حبيبي كملتة ورة خطوبة جواد اخطبج من اخوج.
تاليا: من سمعت كلامة نزلت دموعي من فرح حضنتة،يامان احبك.
يامان: اني مستقتل عليج بوية.
تاليا: كلمة بوية حلوة منك.
يامان: تدللين بنيتي كل يوم تسمعيهه ابشري.
تاليا: يلا نرجع لأن باجر لازم اروح للسوك وية سمر.
يامان: ماكو روحة.
تاليا: رحت كعدت بحضنا و لزمت وجهه، يامان ترة سمر ماعدها احد تروح ويا اخواتهه ما يجن و امها و مرت اخوانها قافلات ماعدها غيري طلبت مني.
يامان: تاليا ماخليج تروحين افتهمتي خطر عليج تروحين للسوك حتى لو غير مدينة بس اهلج عدهم معارف و يلكونج.
تاليا: زين البس عباية و اغطي وجهي محد يعرفني.
يامان: افكر بل موضوع.
تاليا: كام يدخن و يلعب بأصابعي
يامانيي.
يامان: هممم كولي حبيبي.
تاليا: ليش تحب دوم تلعب بأصابيعي و ايدي؟
يامان: امي الله يرحمها تكول من طفل يجي على هل دنيا يلزم ايد أمة بكل قوة و يعرفها من بين كل لأن يحس بالأمان اني هم من الزم ايديج احس بالأمان مثل طفل.
تاليا: ابد ماترك ايدك كلت هيج و بست خدة.
يامان: تاليا.
تاليا: جنت اباوع شلون يلعب بأيدي ها حبيبي.
يامان: ماكو شي يلا نرجع للبيت هسه جواد ياكل راسنة.
تاليا: هههه طلعنا من بيت و قفل باب نزلت قبلة رحت على سيارة فتح قفل سيارة و صعدت شفتة يحجي وية عمو ابراهيم ضليت العب بل سيارة لو افتح شباك لو اعدل مراية اخر شي فتحت جكمجة شفت شالي الي جنت لابستة بيوم الي راح هو شيسوي هنا.
يامان: كملت كلامي وية عمو ابراهيم رحت على سيارة و صعدت شفت شال بيدهه و تباوعلي.
تاليا: يامان هذا شالي شيسوي هنا؟
يامان:اخذتة من جنتي نايمة.
تاليا: ليش.
يامان: جنت مصبر نفسي بعطر شالج.
تاليا: احم ماشي خجلت رجعت شال مكانة.
يامان: لا ترجعينة ما احتاجه بعد انتي بحضني.
تاليا: ياماااان امشششيي.
يامان: فديت خجول اني.
تاليا: رجعنا للبيت شفنا جواد فاتح اغنية ساجدة يغني وياهه و يركص.
جواد: نشكر من كال اخذوها نشكر من عمها و ابوها.
تاليا: نزعت شال و شديتة على خصري كملت ويا الليلة حنتة باجر يزفونا الليلة حنتة.
جواد: باجر يزفوناااا.
تاليا: جنا نركص سوة و يامان طفة الأغنية.
يامان: شبيكم يمعودين منا جيران جواد شهل استهتار.
جواد: خوية اشتريت دي جي كلت خلي اجربة اخذني واهس بعدين شبيك خطوبتي بعد اسبوع خلي افرح يا اخييييي.
تاليا: اييي صح عوفنا فرحانين.
يامان: اشو انتي حلا الج الجو تتمركصين.
تاليا: ياماااني فدوة عوفنا نركص شوية و نفرح جنا نحجي و سمر دكت على جواد فتح سبيكر.
جواد: لجج هلا بمرتيييي.
سمر: اكول ليش طفيت دي جي كاعد اركص فوك.
تاليا: ههههههه لج سمر حتى احنا جاي نركص.
سمر: يبووو فاتح سبيكر اطشر عرضك جوجي.
جواد: اخوانج ذولة ولا يهمج هسه اشغل و ركصي.
تاليا: اخذت تلفون من ايد يامان كلتلة اسفين بس ما تكدر توكفنا من ساجدة تغني.
جواد: شغلي شغلي خوية.
يامان: الله يكمل عقلكم طايح بوسط مخابيل.
تاليا: شغلت خالة و ياخالة. 
جواد: خالة شلون بية مادريتي.
تاليا: مالومج يا خالة شما حجيتي.
جواد: اييي اييي هز هز شيصبر العاشك يا خالة.
تاليا: شيصبر العاشك يا سمررر.
يامان: اضحك عليهم مخابيل والله كافي جواد طفي دنيا مغرب تلم شياطين علينا.
تاليا: اي صح صح استغفرالله اللهم مو اني هذا جواد.
يامان: ابوية جان شاد شال على خصرة و يهز.
تاليا: منوو اني ماسوي هيج متوهمين.
يامان: صح صح.
جواد: اوف بوية تعبت اروح اجيب اكل من برة اليوم اني عازمكم.
تاليا: راح جواد اني هم كلت يامان راح اروح اسبح.
يامان: روحي بوية اني موجود هنا.
تاليا: رحت للحمام سبحت و كملت حسيت بنعاس لأن اني كل ما اسبح انعس بدلت و لفيت شعري تمددت ردت انام اجة يامان.
يامان: تاليا كومي بوية جواد جايب عشة.
تاليا: نعسانة انام من اكعد اتعشى.
يامان: لا ماكو وراج علاج يلا بوية كومي اكلي و نامي.
تاليا: كعدت بل كوة اريد اكل مطفية صار يسوي لفات و يوكلني اشو هذا وكف باوعت علي صافن و يضحك علية لأن مغمضة و اكل.
يامان: هيج نعسانه.
تاليا: اي والله.
يامان: هاج اخذي علاجج و كومي نامي.
جواد: باججججججررر تكعدين من صبحححححح سمعتيني لو مطفية.
تاليا: اذنييي اذني اي اسمعك ان شاء الله باجر كعدني.
جواد: اي عفية.
تاليا: تصبحون على خير رحت على فراشي و نمت.