မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

137: အနာဂတ်ကမှောင်မိုက်သွားပြီ

Unicode

ထိုညတွင်တော့ ဟဲကျင့် သည် သူ့အဖေနှင့်အတူ အမြန်ရထားဘူတာရုံသို့ သွားခဲ့သည်။ စက်တင်ဘာလတွင်တော့ အေးနေပြီပင်။ သူမှတ်မိသလောက်ဆို အိမ်မှာလဲစရာအကျ်ီ ရှိသေးတာကြောင့် သူချင်ယွီနဲ့ နေတဲ့တိုက်ခန်းသို့မပြန်တော့ပဲနဲ့ ချင်ယွီဆီဖုန်းပဲခေါ်လိုက်တော့သည်။

ချင်ယွီသည် ဖျော်ဖြေရေးကုမ္ပဏီနှင့် စာချုပ်ချုပ်ဆိုပြီးနောက် ကြော်ငြာ အလုပ်များစွာရခဲ့သည်။ အဲဒီနေ့တွေမှာ သူကရိုက်ကူးရေးတွေနဲ့အလုပ်ရှုပ်နေခဲ့ပြီးကျောင်းကနေ ရက်အနည်းငယ် ခွင့်ယူခဲ့ရလေသည်။ သူအခုထိအိမ်ပြန်မရောက်သေးချေ။ဟဲကျင့်က Q မြို့ကိုပြန်ရမယ်ဆိုတာကိုသိလိုက်ရတော့ သူစိုးရိမ်သွားကာမေးလာတော့သည်?

"မင်းဘာလို့ပြန်သွားဖို့လိုတာလဲ?ဘာဖြစ်လို့လဲ?"

"အမေ နေမကောင်းဘူးတဲ့ ငါ့အဖေလာရှာတယ်"

ဟဲကျင့်ကချင်ယွီကို စိတ်မပူစေချင်တဲ့အတွက်ကြောင့်ဒီအကြောင်းအရာကိုပဲပြောခဲ့လေသည်၊၊သူချင်ယွီကိုဖုန်းဆက်ချိန်မှာတော့ အမြန်ရထားဘူတာကိုရောက်နေပြီပင်။သူ့အဖေကအနီးအနား မှာဆေးလိပ်သောက်နေခဲ့ပြီး သူ့အဖေကြားမှာစိုးလို့ တိုးတိုးတိတ်တိတ်သာပြောခဲ့သည်။

ချင်ယွီသည် ဟဲကျင့်၏ဉီးထုပ်ကို ပစ်ပေါက်ခဲ့ပြီး ဟဲကျင့်အား ဒဏ်ရာအနာတရများစွာ ချန်ထားခဲ့သော "ယောက္ခမ" အားအမြင်မကြည်ချေ။ သူသည်ဟဲကျင့် နှင့် သူ၏ဆက်ဆံရေးကိုထိခိုက်စေမည့် ဤ BOSS ကြီးကြောင့် စိုးရိမ်သွားကာပြောလာတော့သည်။

"နေမကောင်းဘူးလား? သူမလိမ်နေတာလား?"

ဟဲကျင့်က အနည်းငယ် ဒေါသထွက်သွားပြီး "ချင်ယွီ ဒီလိုကိစ္စမျိုးကို လက်လွတ်စပယ်မပြောနဲ့!"

သူအရမ်းစိတ်ရှုပ်နေတာကိုချင်ယွီကဒီလိုတွေပြောလာတယ်?

ဟဲကျင့် ၏လေသံကိုကြားတော့ ချင်ယွီသည် တစ်ခုခုမှားနေပြီဟု သဘောပေါက်လိုက်ကာဖြင့် သူအလျင်အမြန်တောင်းပန်လိုက်တော့သည်။

"တောင်းပန်ပါတယ် ငါကမင်းထပ်နာကျင်မှာစိုးရုံပါပဲ"

ဟဲကျင့် သက်ပြင်းချလိုက်သည်။ အခြေအနေမှန်ကို မသိခင်မှာ သူချင်ယွီကို ရှင်းပြချင်စိတ်မရှိသေးချေ။