မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

143:ငါပြန်လာတဲ့အထိစောင့်နေလိုက်

Unicode

ည 8 နာရီနောက်ပိုင်းတွင်တော့ ဘားထဲတွင် လူပိုများလာပြီး ထိုအချိန်တွင် ထောင့်စွန်းတွင်ထိုင်ကာ အရမ်းမူးနေပြီဖြစ်သောဟဲကျင့်ကို အဖျော်ဆရာကကြည့်လိုက်သည်။သူကစားပွဲထိုးကိုအကြည့်တစ်ချက်ပေးလိုက်ရာ ဘာလုပ်ရမလဲဆိုတာသိတဲ့စားပွဲထိုးကခေါင်းငြိမ့်ပြလာသည်။ ပုံမှန်အားဖြင့်ဆို ဒီလိုအရမ်းမူးနေတဲ့ဖောက်သည်များကို သူတို့ရဲ့လက်ပတ် ကိုကြည့်၍နောက်ဆုံးခေါ်ဆိုထားသည့် သူငယ်ချင်းဒါမှမဟုတ်မိသားစုဝင်ကိုဖုန်းဆက်ကာလာခေါ် ခိုင်းရလေသည်။

စားပွဲထိုးသည် ဟဲကျင့်အနီးသို့ချည်းကပ်ဖို့ပြင်နေတုန်းမှာပဲ တံခါးဝမှ လေတိုက်သံကို ကြားလိုက်ရသည်။ အနက်ရောင်ဂျာကင်အင်္ကျီဝတ်ထားသည့် အမျိုးသားတစ်ဦးသည် တံခါးကိုတွန်းပြီး ဆောင်းဦးလေနှင့်အတူ ဝင်လာခဲ့သည်။

သူသည် အလွန်အရပ်ရှည်သော လူငယ်တစ်
ယောက်ဖြစ်ပြီး ညဘက်တွင်ပင် နေကာမျက်မှန်ကိုတပ်ထားခဲ့သည်။ သူ၏ ထူထဲသော မာဖလာသည် သူ၏ မေးစေ့နှင့် နှုတ်ခမ်းများကို ဖုံးအုပ်ထားကာ လူများက သူ၏ ဖြောင့်စင်းသော နှာတံကိုသာ မြင် နိုင်ကြသည်။

စားပွဲထိုးက သူ့ကို အာရုံစိုက်မှုအပြည့်နဲ့ စိုက်မကြည့်ပဲမနေနိုင်ခဲ့ချေ - ဒီလူငယ်လေးဟာခန္ဓာကိုယ်တစ်ကိုယ်လုံးနီးပါးဖုံးကွယ်လုနီးနီးဝတ်စားထားပေ
မယ့် အဝတ်အစားတွေက သူ့ရဲ့ ချောမောတဲ့ ခပ်
မိုက်မိုက်ပုံစံကို ဖုံးကွယ်ထားလို့မရပါချေ။ သူ့မျက်နှာကို မကြည့်ဘဲနဲ့ သူ့ခန္ဓာကိုယ်ကိုကြည့်ရုံနဲ့တောင် ဆွဲဆောင်မှုရှိတဲ့ ယောက်ျားတစ်ယောက်ဆိုတာ ထင်ရှားနေတာပဲလေ။ စားပွဲထိုးက သူ့အနားမကပ်ခင်မှာခဏလောက်တော့ တုံ့ဆိုင်းသွားသေးသည်။

သို့သော် ထိုလူငယ်ဝင်လာပြီးနောက်တွင်ထိုနေရာ၌ ရပ်ကာ ပတ်ပတ်လည်ကို ကြည့်လာလေသည်။ သူသည် သောက်ရန်လာသည့်ပုံမပေါ်ပဲ တစ်စုံတစ် ယောက်ကို ရှာဖွေလိုသည့်ပုံပင် ။

ထောင့်စွန်းကို ဖြည်းညှင်းစွာ အကြည့်ရောက်သွားချိန်တွင်တော့ သိသိသာသာပင် ရပ်တန့်သွားသည်။ ထို့နောက်တွင်တော့ အဲ့ဒီဘက်ဆီသို့ လျှောက်သွားတော့သည်။