قيود الحب

"الـبارت الـثاني"

﷽

-قـيـود الحـب

📌 لا تنـسون المـتـابعـة والـتصويت والـتعليـق بيـن الفقـرات+ متـابعة الـحساب we___sam

•••••••••••••••••••••••••••••

انه عصفور شارد.
من رصاص الناس.
خليني بقفص صدرك.
صوتي وجنحي.
تعبانات ما اضرك.

••••••••••••••••••••

(ايات)

ايات : گاعدين بالصاله كلنا اني لازمه الكتاب ومحمد فارش اوراقه بالگاع ومدري شيسوي يقره مدري يلعب ومريم تلعب بالتلفون ومرة عمي تباوع للتلفزيون شويه واندك الباب ودخلت عمتي مروه سلمنه وسوالف وره حوالي نص ساعه گالت

مروه : هسه عوفو السوالف اني جايتكم بموضوع

هناء : خير ام علاوي كولي

مروه : والله اجيت حته اسكت كلام الناس علينا

هناء : يايمه خير شنو هذا الكلام

مروه : محمد كبر وصار رجال وايات بنيه شابه وثينهم ببيت وكلام الناس مايرحم

ايات : من الاخير شنو الموضوع

مروه : من الاخير انتي ومحمد لازم تعقدون

ايات: شنووووووو لوووو اعرف اموت

هناء : ياا وچا شبي ابني

محمد : يمه احنه مانعجب اكو من غيرنه يعجب

ايات: شنوووو قصدك

محمد : قصدي واضح اربعه وعشرين ساعه بالغرفه بحجه القرايه والباب مقفول

ايات : انصدمت من كلامه كتله ... انته منتبه لكلامك انت شلووون تحجي هيج وتطعن بشرفي وانته كاعد ابيتي ومحرومه من الحريه ابيتي وحابسه نفسي بالغرفه

محمد: شنووو قصدج ولج تطرديني

ايات: الي فهمتتته هوه البيت بيتي والي يطعن بشرفي داخل بيتي ماله مكان يمي ... تقدم يريد يضربني وصارت عمتي مروه بيناتنه

مروه: يا يا صلو ع النبي شجاكم يا ايات هوه هيج ميصير هيج ماما

ايات: والله من جايتني وتردين تزوجيني لواحد اشوف دم سنوني ومااشوفه واعوف دراستي ع شنوووو هااا والله كلام الناس واني علمود الناس اشمر روحي للتهلكه موووو والله اني ميهمني كلام الناس وانتو اذا يهمكم طلعو حسين من بيتي وانتهت القصه

مروه : يمه ولج بعدج زعطوطه وتتشرطين وانتي شنووو وتطردين حسين من بيت اخوي

ايات: والله بيت اخووج هوه ابوي وهالبيت بيتي تماااام يلا حلو مشاكلكم بعيد عني عندي دراسه عفتهم
واخذت كتابي وصعدت قفلت الباب
وبجيت هيج اني انهان وينطعن شرفي ببيتي ااااخ بويه وينك تعال شوف شلون نذليت من بعدك اندكت باب الغرفه فتحته طلعت مريم دخلت