قيود الحب

..بارت السادس والاربعون ..

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

‏وأحلى دقايق حب ياحبيبي وياك
‏وأغلا عهد في الحب والله ماخونك

*****************************
^^^^^^^^^^^^^^^^
‏ألا يامن سكنتَ القلب كيفَ تهجرهُ
كأنك يومًا لم تكن وسط وجداني
ألا يامن قطعت الوعد كيفَ تخلفهُ
وتمضي لا مبالٍ بحجم أحزاني
سألتك بالذي بالحقِ أوجدكَ
هل أنت حقًا كما قلت تهواني؟

______________________
(زهراء)

واكفه ع السنگ واغسل اجاني صوته المرتبك .. انداريت عليه وشفته يحك خشمه بتوتر وكال ..

فؤاد .. ااا زهراء عادي احجي وياج ..

- تفضل فؤاد كول .. محتاج شي ..
- لا مو محتاج بس جاي احجي وياج بموضوع ..

رديت .. اي تفضل اسمعك .. وغسلت ايدي وعدلت حجابي هوه اجتي عينه ع ايدي .. ونصدم ..

استغربت وضعه .. هاا فؤاد اشو سكتت ..
- دقيقه هاي حلقه الي بأيدج ..

باوعت ع ايدي ورجعت باوعتله .. لا محبس .. اي طبعاً حلقه وحيصير سنه ع خطوبتي ..

رد بصدمه .. خطووووبتج ..
- اي ليش فؤاد انته متدري .. حته عزمناكم وجان شيخ عشيره ..... متوفي وماكدرتوا تجون ..

- يمعوده كولي غيرها اني جنت بالبصره ادرس هناك .. وقبل 3 اشهر اجيت

- حيصير فوك ال6 اشهر من انخطبت ..
رد بنبره حزن .. منو الي خطبج ..

- صديق حسين
رد بحسره .. شلون صارت القسمه علاقه لو عن طريق حسين ..

- ماردت اكوله علاقه .. وخالاتي يحجن ودوخه راس كلتله .. عن طريق حسين ..

- هاا الف مبروك انشالله وشوكت العرس كليلي حته اجي لا هم اطلع مسافر واجي احاجيج وتطلعين حامل انوب ..

- هههههههههههه انشالله العرس بعد شهرين
رد بسرعه .. بهلسرعه ... اا قصدي غير دوام ..

- لا حيصير بعطله نصف السنه ..
- هاا الله يتمم الكم ع خير .. يلا اروح يم اخوج الي ممصدك عرسه اليوم ..

- ههههه فرحان .. اا ماكتلي شنو ردت ..

- هاا ولا شي يلا رايح ..

طلع فؤاد واني كملت غسل مواعين .. وعرفته جاي لحته يكلي اخطبج بس انصدم مخطوبه .. وعجبني موقفه من عرف مخطوبه سحب نفسه عكس ازهر ...

خلصنه الغده ونضفنه البيت صارت ب١ ونص الظهر ..

دخلت امي كالت بنيات يلا بدلن الزفه ب3 ..

صعدن لبنات لغرفتي .. واني بدلت لبست الستره ..

ومكيجت ولفيت شالي .. يكون قماشه (جرجيت) .. وكلش حلو طلع ..