قيود الحب

"البارت" التاسع"+"البارت" العاشر"

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

ليس الحب في الكلام فقط ، احيانا تجد احدهم صامت ويحبك اكثر من المنافقين حولك

*****************************

^^^^^^^^^^^^^
ع لسان زهراء ....

بعدني بـ كُل گلُب صافي أشتعِل حسره ..
أجهل نِعمه الـ نِسيان !
آنه إنسان أعيش بـ نِعمه الـ ذِكرىٰ .. ...

______________________
(زهراء) 

- اخذ القلم بدون ميحجي ووقع ...

غالب: وهسه تكدرون تاخذو وتطلعون
فرحان : يلا ابني كوم اني اعرف شلون اتصرف وياهم ....

غالب:استاااذ فرحان اي شي يبدر منك ينسجن ابنك كونك خالفت التعهد ...

زهراء : طلع عمي واخذو وياهم ازهر ورجعنه اني وحسين للبيت ..

بدلت ونمت كعدت بليل ساعه 8 صارت بوجهي صوره ازهر ووجهه الي صاير خريطه ...

اخذت التلفون ودكيت ع غالب ...

غالب: الو
- هلو شلونك غالب
- الحمدلله زين انتي شلونج
- بعد شوفتي لوجه ازهر فوووك الزينه
- ههههه
- هاي شمسوي بي
- ضيافه معدله
- ضيافه لو تطلع حركه كلبك بي
- عفييه تلكفيها وهيه طايره
- احم اي خابرتك حته اتشكرك ع كل شي سويتلي ايا
-  لا ولو ادللي
-  يلا اخذ راحتك مع السلامه ...

غالب: باي... بكلبي كلت اببقي راحتي يمج اووف اووف ....

زهراء : سديته وظليت افكر بكلامه وبحبه اليه هوه كلش حلو وعنده كاريزما حلوه ينحب بسرعه بس اني بعد سوايه ازهر بيه خفت احب خفت لا انغدر ويصير بيه نفس الي سوا ازهر ...

نزلت جوه كعدت ويه اهلي سوالف وضحك بعدها رحت نمت ....

ثاني يوم مثل كل يوم عادي بس المختلف تخلصت من ازهر امشي بحريه واخيرا ....

مشت الايام بين الجامعه والبيت واهلي علاقتي بغالب تحسنت نوعا ما صرت اتقبله صديق نبقه نسولف بالساعه يحجيلي ع حياته واني اشاركه الحديث وهكذا ...

بيوم الخميس رحت للجامعه فرح ماجايه اخذت إجازة حته تخلص التحضيرات لان ثاني يوم خطوبتها بقينه اني وايات

سولفتلي سالفه خالتها ... كتلها صراحه ايات  سالفتج تحير عبالك فلم والله ..

- ههههه يي بالله ناقصني البطل الي يجي وينقذني ونعيش بسلام ويخلص الفلم ...

- ليش وامير مو بطل .. غمزتلها

- لالا مو بطل اصلا تتطلكنه شنو بطل ...

- يلا اني اكوم حسين حركني بالاتصال لان اليوم نخطبله حبيبته ...

- ياعيني انشالله اتمم ع خير ..