قيود الحب

...بارت الثالث والثلاثون ...

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

"من لديها أب حنون تعرف جيدًا
‏معنى الحُب وتُعلمه أيضًا"💞.

*****************************
^^^^^^^^^^^^^^^^
"تَروقني الكِتابة إليك، حتى لو كُنت تجلس إلى جانبي،
يروقني أن تُراقب أصابعيّ،
حين أكتُب الألف..
ثم الحاء..
ثم الباء..
ثم أتلكّأ قليلاً قبل الكاف
فـ تبتسم وتُبعثرني".

__________________________
(زهراء )

لمى ....

ازهر .. عمه ماكدر حبيتها والله مو بيدي مااكدر اطلكها ...... احس نفسي السبب بكلشي صار بيها مااريد اطلكها اريدها مره اليه ام لجهالي ....

.. من سمعت كلامه دخلت .. انتبهوا لوجودي وباوعولي بقلق وهمه منتضرين ردي ..

باوعت لازهر بحقد لان هوه السبب بكلللشي صار بيه ..

- مااريد شفقتك عليه .. لاتصير خير وتحسب الاخرتك وتحصل اجر بسببي روح صلي .. وربك يسامحك اما اني اعتتتقني مااريد ابقى بعد وباجر ترجعني لبيت عمي صرت زينه ...

عفته وطلعت ماانتضرت رده وماسمعت شنو حجو .. دخلت للغرفه .. وقفلتها فتحت جنطتي وصار موبايلي كبالي .. اخذته ودكيت ع يمامه صار يومين محاجيه وياها ... اول دكه جاوبت ..

- ووووووينج ولج شنو ميته عدله صار يومين ماكو كلت اليوم اخر يوم اذا متتصل اخابر بيت عمي يشوفوها عبالي حمواتج الخوثات كتلنج ..

- وهوه هيج ..
- شنو الهوه هيج ..
- كتلني ...

- ياااااااااا هاي عود صدك تحجين .. لج ابقى اعلم بيج وووولج الفاهيه شلوون كتلنج .. فووورتي دمي نعلعلا يومج ..

- من يوم الي خابرتج رحت للدكتوره وطمنتني ع الطفل ورجعنه وزوجي المصون ابو البلاوي عافني وراح واول مادخلت البيت اشتغل العياط والضرب عليه وماعرف ليش بس بكل مكان انضرب .. وخلصتني زوجه علي منهن وصار عندي نزف ووكع الطفل ..

- فلللللللك فلكهنننن ووولج وكع الطفل ..

خنكتني العبره بجيت وكلت ... ايي مااات يمامه مات

- وهسه وين انتي يمعزايه
- ببيت عم ازهر ابو زهراء .. 

- شصار فهميني كلشي ....

.. بديت احجيلها من اول مادخلت للبيت وعمتي تغلط عليه .. لحد الي سمعته من ازهر بالمطبخ ...

يمامه:  لمىى كليلي لشوكت تبقين فاهيه وعوبه ..
- يمامه فدوه بدون غلط والله كلبي مو حمل هم ثاني ..

- للج الولد يحبج وشاريج وتعارك ويه امه واخته وطلع من البيت بس لحتى تبقين ويا وتكولين شفقه ... لو صدك مثل ماتكولين جان ماخلاج بيت مدري شقه الوحدج جان بقاج يم امه حته لو تضربج يكلج اشكريها ميخالف وتحملي ... والظاهر هوه متحمل ع امه واخته ومسويات غير شي بحيث مطفشاته من حياته ..