قيود الحب

.... بارت الثامن عشر ....

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

الحُب الذي يأتي بعد الصداقه عميق جداً وابدي"❤️

*****************************

^^^^^^^^^^^^^^^^
يل بمتاناك .چن خلص عمري
هم تشتاگ و تبوس الصور مثلي؟!
لايگ عليك تفارگني؟ بله گلي

______________________
(زهراء)

طلعنه اني وغالب بسيارتنه وحسين وهيفاء بسيارتهم ... اتفقنه نلتقي بالامام الكاظم انزور ونطلع نفتر ....

... مشينه والطريق كله نتسابق احنه وحسين بالسياره ومن نصير سوه نلوح بأيدنه الهم ....

.. وصلنه للكراج صفينه السياره ونزلنه انتضرنه حسين .. شوي ودخل صف السياره واجانه هوه وهيفاء ... تمشينه سوه ودخلنه الطريق الي يوصل للامام الكاظم (ع) ... حسين كال ناكل وندخل وغالب وافقه الرأي ..

لكن رفضنه اني وهيفاء .. كنالهم نزور ونطلع ناكل ونشتري براحتنه ...

كملنه المشي وصلنه للتفتيش لبسنه العبايه ودخلنه واتفقنه نلتقي بمكان وتفرقنه غالب وحسين راحو سوا واني وهيفاء رحنه سوه .... دخلنه وزرنا ... وصلينه ودعيت ربي ...

(( ياارب بجاه الامام موسى الكاظم والجواد تحمي اهلي وزوجي من كل شر وترد كيد ازهر واهله ولكل شخص يتمنه الشر النه ... يارب))

بقينه كاعدين اني وهيفاء نسولف وكعدت يمنه مره جبير استغربت نضراتها علينه ...

- اكلج هيفاء هاي المره ليش هيج تباوعلنه شكو
- اي عفيه اني هم انتبهتلها ليش تباوع
- امشي نطلع زرنا الحمدلله خلي نطلع للولد ينتضرونه ....

عدلنه نفسنا ووكفنه حته نمشي ... تقدمت نفس المره علينه ...

- السلام عليكم شلونجن خاله
- اهلا وسهلا خاله تفصلي

- والله اني بقيت اباوع عليجن كلش حليوات امجن وين بيتكم وين اريد اجي اخطبجن لولدي ...

... اباوع ع هيفاء ابتسمت ودنكت راسها .. ضحكت .. رفعت ايدي الي بيها الحلقه وكتلها ...

خاله مخطوبه اني وهاي خطيبه اخوي .. وجايين ويه ازواجنه

- يااا حبيباتي الله يهنيجن يارب والله مانتبهت شفتجن ناعمات ماعبالي مخطوبات الله يتمم الجن ع خير بنياتي ....

سلمنه عليها ومشينه واحنه نضحك طلعنه شفنه الولد ينتضرونه رحت يمهم باوعت ع حسين كتله ...

- بعد اخووك اني نخطبت مره ثانيه شتكول ابقه ع غالب لو ابدله
- رد بضحك بدلي بدلي ميفيدج
- ياااا غير الروح والريه هوه بعدين اذا ابدله يعني هيفاء هم تبدل لان هم خطبوها ...