قيود الحب

..بارت السابع والاربعون ..

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

‏الحب سعاده داخل القلب و أحساس
‏و الحب ما هو حب من دون الأخلاق

*****************************

^^^^^^^^^^^^^^^

ك الطفل من داخلي رقيق..
لكن يفصل بين الرقه والقساوه..
غشاء وانتَ مزقت ذلك الغشاء ..

حال فرح .. بقلمي .. ❤️

__________________________
(زهراء)

صارت ساعه 12 دك تلفوني باوعت ع الشاشه شفته حسين ...

.. خفت عبالي صاير شي .. كمت بسرعه قبل لانور تنتبه للرقم وتكوللهم .. مشيت سريع بأتجاه الدرج .. حجت خالتي ..

- عيني غلووبي هذا حته كلمه اترخص ماكالت كامت ماتندل دربها ..

مارديت وصعدت كبل وصلت نص الدرج فتحت خط ع حسين ورديت بصوت خافت ..

- هاا حسين اكو شي ..
رد بحده .. انتي وين ..

- كاعده يم البنات وخالاتي جوه ..  بس هسه كمت من يمهم اكو شي .
- صعدي بسرعه ..

- ليي ... بعدني ممكمله كلامي فصل الخط .. دخيلك ياربي شصاير ..

صعدت بسرعه ورحت لغرفته دكيت الباب ع كيف حته لايسمعوني .. فتحه حسين والحواجب معكوده .. يشرب بجكارته وقميصه مفتوح كال ..

- ادخلي يم هيفاء ..

ووخرني من طريقه وطلع من الغرفه .. واتجه للدرج الي يصعد للسطح ..

دخلت الغرفه وشفت هيفاء كاعده بالزاويه ولافه نفسها بالشرشف .. وتبجي والكحل سايل .. سديت الباب بسرعه ورحت يمها ..

- يااا هاي شكووو هيفاء شصاير .. لاتكليلي مشتاقه لاهلي ..

هزت راسها بنفي ..
- لعد شنو احجي .. شكو ليش هيج حالتج ..

بقت بس تبجي .. كمت جبتلها مي .. شربتها

- اهدئي بس اهدئي واحجيلي شصار اني كلت هسه نايمين من التعب والهوسه ... شجاكم ..

ردت وهيه تبجي .. زهراء اني مو بنيه ..

فتحت عيوني ع وسعهن ولطمت ع صدري .... عزاااا العززززاج ولج شنو مو بنيه ..

ردت برجاء .. فدوووه اروحلج لاتأخذين عليه نضره مو زينه .. والله العظيم محد لامسني غير اخوج ..

- لعد شلووون مو بنيه ولج ..
- ماعرف ماعرف تقربلي مرتين ومابين شي ..

صفنت عليها وتذكرت اني ماخذه درس ع علاج للشهريه والدكتوره اخذها الواهس وشرحتلنه ... وكالت ...