قيود الحب

.. بارت السابع والعشرين ..

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

الذي يُحب ، لا يتغيّر مهما كانت الظروف ."❤️

*****************************

^^^^^^^^^^^^^
غداً سَأكتب قصيدة، قصيدة طويلة كـ شعركِ
وقصيرة كـ لحظاتي معكِ وحلوة كـ عينيكِ
ودافئة ك قبلات وداع ..

______________________
(زهراء) 

دك ازهر رفضته ظل يدك وارفض غلقت الجهاز وانطويت ع نفسي ودخلت دوامه من التفكير والبجي ... صعدت يمامه ..

يمامه:  كاعده ... ازهر جوه يريدج ...

- شيسووووي جااي حته يفضحني لو يكتلني لو شيريد ...

نزلت واني يائسه من حياتي وشيريد يصير خلي يصير مايهمني كلشي بعد ... تلكتني عمتي ع الدرج ..

رجاء:  شبيج ولج شمسويه ويه خطيبج ..
يمامه:  ممسويه شي يمه بس تعبانه من السوك ولان رجعنه مشترينه اليوم وهيه مبقه شي لعرسها

رجاء:  انتي شنوو المحامي مالتها وتدافعيلها هيه عدها لسان وتحجي وبعدين شنو والله ضايجه لان بنتي متعاركه هاي فوك ماتوكف وياج ع الي متعاركه وياهن تطنكر فوكاها امشي ولي يلا ..

عفتها ودخلت للاستقبال صار كبالي ازهر وبصفه كاعد ابن عمي كرار وعمي .. عدلت شالي ودخلت ..

- السلام عليكم
الكل:  وعليكم السلام ..

.. رحت كعدت بصف عمي واني ماطايقتهم كللللهم

عمي:  كوومي لمى كعدي يم خطيبج شكو يمي

-كمت واني بس الجسد يتحرك متدمره نفسيتي من كلشي ... كعدت ع القنفه الي كاعد عليها بس بعدت روحي منه ....

ازهر : عمي من رخصتكم رايد احجيي ويه لمى بموضوع اذا مابيها احراج

عمي:  لايبوي مابيها احراج كووم كرير ساعدني خلني اوكف

... كام كرار وساعد عمي وطلعو اول مانسد الباب كمت وكعدت ع القنفه المقابيله بعيد عننه ..

ازهر:  شنو ريحتي مطيبه وشردتي ..

- كلشي بيك كووه طايقته ومتحملته وكلشي بالدنيا كوه متحملته وكل بشر اله طاقه تحمل واني نفذت طاقتي وسلمت كل الامور بيد الله تعبت لو يصير شي يريحني لو امووت كافي خسرت اهلي وكافي ماعندي اخوه يوكفون بظهري من اخاف احس بالامان يمهم من اوكع بمشكله يساعدوني كافي ماعندي اخت من اضوج من شي اشكيلها من اتعرض للضرب والاهانه من قبل خووواتك اليوم توكف بوجههن الله ماانطاني خوات بس انطاني بنت عم احسن من كلشي بهاي الدنيا .. كافي اخذت شرفي وزرعت رووح بالحرام بداخلي وهسه شنوو جاي لحته شنو تسوي تضرب وترجع حق اخواتك تفضحني يم عمي سووي الي يعجبك مايهمني كلللللشي وياريت لو تموتني وتريحني من هم الدنيا ....