قيود الحب

...بارت الواحد والابعون ..

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

لحب هو العلم الوحيد ، الذي كلما أبحرت فيه ازددتَ جهلاً

*****************************

^^^^^^^^^^^^^^^^
طحنه بگاع ما تعرف حزنه
و طحنه بناس فرحانة بوجعنه
طحنه وضعنه نشبه طيحة الماي
ما گمنه ولا چف اليلمنه

__________________________
(زهراء) 

غالب ..

لفت نضري رساله من رقم غريب قريتها وانصدمت وفرحت ابتسمت ابتسامه خبث .. واني اقرها ..  الرساله كانت ..

(( غالب اني هديل اني بعدني احبك واتعذب من اشوفك انته وزهراء .. وادري بيك طلعت من وراي وانته اصلا بعدك تحبني مثل مااني احبك .. خلي نرجع مثل قبل اني وياك واطلك من صفاء وانته افسخ خطوبتك من زهراء لان مو ناجحه ردت تنساني بيها ومانسيتني خلي نزوج ونعيش بسعاده .. ))

نصدمت من كميه الانحطاط الي موجوده عدها يعني ع ذمه اخوي وعندها بنيه وكل هاي وبعدهي تفكر بيه شكد خاينه ..

قررت اودي الرساله لاخوي بس صارت عيون بنتهم نرجس كدامي هاي شنو يصير بيها لو ابوها تهور وقتل امها او طلكها راح تتبهذل ..

تعوذت من الشيطان .. ودزيتلها رساله ..

(( اكبر منحطه وخاينه وعديمه تربيه مثلج ماشفت .. حرامات زوجه اخوي انتي .. اني لااحبج ولامعترف بيج بيوم الي عرفت انتي موافقه ع اخوي لمجرد هوه عنده محل اللبسه واني لا ساعتها كل حب الج بداخلي مات .. وهاي الرساله راح احتفظ بيها لو شفت اي تصرف منج يضرني او يضر زهراء حبيبتي ساعتها انطي لصفاء .. ))

هددتها .. واخذت سكرين للرساله ورقمها .. وحظرتها ..

شفت رساله من زهراء دخلت عليها .. وقريت الي كاتبته اخذت نفس .. وخابرتها ..

زهراء ..

كعدتني امي ب12 بليل ..

- يمه زهراء هذا غالب يتصل ..

.. اخذت منها التلفون ورديت ملهوفه ..
- غاالب ..

طلعت امي وعافتني .. واني اسمع صوت انفاسه ..

- غااالب رد لليش ماتحجي .. وينك انته ليش عفتني ورحت هوه هذا حبك الي ..

رد بصوت تعبان .. مااستاهلج زهراء ..
- شنو الي متستاهلني .. انته متحبني ضحكت عليه علقتني بيك وعفتتتني مووو ..
- لاتتعصبين موزين عليج اني مو هيج بس مالي عين اشوفج واني السبب بالحادث مالتج ..

- لا مو انته السبب اني الي ماانتبهت بس انته عفتني ولاسئلت عني 3 ايام بالمستشفى بالصدك بالجذب خابرتني تعرف اخباري ..