قيود الحب

..بارت الثامن والعشرين ..

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

في القلب حبٌ كبير لك
‏وفي بعدك شوقٌ كبير إليك
‏وما بينهما تفاصيلٌ مُرهِقة ..
‏تعجز النفس عن شرحها

*****************************

^^^^^^^^^^^^^^
#سمر ..

من گد التعب تستغربني المرايه
وجهي شحب تخطف لونه الحجايه
صرت اتبعثر وي الموت چن تراب
صوت الراعي من يتفرق ب ناية
وماميز صرت بالزين والشينات
عيوني تساوي بين الكافر وآية
وادم موش اوادم ميته الگلوب
واذا يحبونك يماشونك بغايه
ناس كلش ميت بيها الأحساس
يحبونك بنوا من مصلحتهم ساس
وحزنك عاگدينة عگادة الراية

بقلم الشاعره .. نور السراي

__________________________
(زهراء) 

لو جانت فاتحه جان هم اكو صوت بالبيت وناس تصيح ملا تلطم .. بس عرسي جان اسكن من الهدووء نفسه لدرجه تخيلته الهدوء ماقبل العاصفه ... وفعلاً جان الهدوء قبل العاصفه ..

صار صوت بالباب ودخلو اهل ازهر وكلهم لابسين اسود .. دخل ازهر لابس قاط اسود

اختنكت حيل لدرجه حسيت هاهيه اليوم اعدامي ..

كوموني ... وصعدت بالسياره مجان اكو اي صوت زفه او هلهوله او اي شي وقدرت وضعهم مفاركين ابوهم وصعبه عليهم يركصون ..

بس ندبت حظي الي ماكعد وياي ابددد حته بعرسي صار عزه عليه ..

وصلنه للبيت مره عمي ويمامه كعدن قريب مني وكرايب ازهر كلها تخزرني بس مره جانت كل شوي تجي تطمني وتروح .. خلص العشه .. وصعدوني لغرفتي ..

شوي وصعد ازهر ونقفل علينه الباب ..

ارتعد جسمي وتذكرت يوم اعتدائه عليه بقيت واكفه بمكاني .. باوعلي بنضره معرفت افسرها .. ومشه نزع الستره وفتح اول ازرار قميصه ..

وتمدد ع السرير ..

ارتاحييت شوي .. وتمشيت للكنتور طلعت ملابس مستوره ودخلت للحمام نزعت بدلتي بعد معاناه ...

بدلت ومسحت مكياج وجهي الي احسه خنكني وتسريحتي فتحتها ... ولميت غراضي نضفت الحمام والهوسه السويتها وطلعت..

شفت ازهر مبدل وشامر قاطه باهمال ع القنفه ونايم .. رحت اخذت قاطه رتبته وضميته  ورتبت البدله بمكانها وردت فراش افرشه بالكاع ماكعدرت الوحه جان الكنتور عالي .. كعدت ع القنفه كرفصت ع نفسي ودفنت راسي بين رجلي ..

غفيت ماعرف شكد مر وقت فزيت ع ايد نحطت ع ظهري وجوه رجلي وشالتني ...

فزيت شفته ازهر نزلني ع السرير .. باوعتله بخوف كال .. نامي هنا بس اليوم بس يرحون الخطار اروح انام بالغرفه الثانيه ...