قيود الحب

.... بارت سادس عشر ....

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************
لا يتوقف الإنسان عن الحب عندما ينكسر ،
‏انه فقط يتوقف عن إظهار مشاعره  ...

*****************************

^^^^^^^^^^^^
تعبني ليل اليمر
ضلت وشاله من العمر
تايه و بداخلي
صرخه و ونين و جمر
خذتني سكته ليالي الفجر
تايه ياهو يلفيني..؟!
ماضلي غير الصور
روحي خلصها الصبر
ونشطبت مكاتيبي
انه بداخلي أمل
هلبت عني واحد سال
يخايبين حنوا علي
حنيت تره مو بيدي

__________________________
(زهراء)

غالب:  ازهر بالعنايه المركزه وحالته خطره لانو مضروب قوي ....

- عزاااا غالب بس لا حسين يتأذه
- انشالله لا بس بحاله اذا توفى لا سامح الله يجوز
- يجوز شنو غالب
- ينسجن
- يممممه اخوووي ينسحن من وره هلعار اللله لاينطي الله لايوفقه
- بدل الدعاوي عليه ادعيله يعيش حته اخوج ميتأذه وبعدها ادعي بميت سياره تدعمه وتخلصنه منه ..

- اميييين ....

- نزلت بلغت اهلي وبقينه بقلق بس حسين ضارب الوضعيه كلها ولاهامه يكول ....

حسين: اصلا ماشفيت غليلي منه خلي يرجعوا اذا ماادفنه وهوه عدل مااطلع حسين والله ..

صبح الصبح واحنه كلنه نايمين بالصاله ونغفه ونفز مرعوبين خاف صار شي ....

كعدتني امي للجامعه مقبلت اروح ضلينه نتجادل بالكلام هيه تكلي روحي واني اكلها نعسانه وتعبانه ... ع صوتنه كعد ابوي وحسين ...

حمدون:  روحي بويه انشالله ماكو شي واني ابلغج بالاخبار روحي سجلي حظور وارجعي ..

حسين:  اي يلا كومي اني اوصلج واروح للدوام
رسل:  وين رايح يمصخم بله مات الولد وراحولك للدوام ماكوووو متطلع تبقه يمي

- هووووه شنو يمج يوووم اني رجال بعد عليمن عندي نجمه ع جتفي خلي يشيلوها والبس شيلتج واكعد يمج ...

حمدون:  بووويه هيه مو لعبه ومو وكت شجاعه اكعد واستر علينه

حسين:  والله مااكعد مو اني الي اخاف من حثاله المجتمع العار ازهر

رسل:  يممممه استر عليه وابقه يمي منو الي بعدك اختك متفكر بيها .. اكص لسانه الي يكول عليك مو رجال بس لخاطري بس اليوم ابقه بالبيت احلفك بعزيز كلبك ابقه انته مو تحب خطيبتك ابقه لخاطرها مو لخاطري بس لا تروح ...

تقدمت باس راسها وايدها وكال ... يمه والله مايهون عليه توسلاتج بيه بس اذا ابقه بالبيت تثبت التهمه عليه وانو اني الي كاتله لثأر قديم وهوه محاجي اي شي وكتها خلي اروح بس ساعتين اشوف الوضع واقره الشكوه واجي وعد مني اجيج والله ... يلا زهراء كومي