قيود الحب

... بارت الثامن والثلاثون ...

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

يموت الحب و إن شاخ الجسد ؛ فالحب يبقينا صغار إلى الأبد

*****************************

^^^^^^^^^^^^^^^^
تنكسر مثل الحزن
مثل المحطات البعيدة
تنّسي دمعة بجريدة
مالك أحد ..
موتوك وعاشوا بروحك قصيدة
كل اغاني الناس ما يَبّسَت حنتَك
الكوب والگهوة غفت وأنت بصفنتك
عايش المن ؟
رايحين وما ترجعهم دمعتك
لشوكت حزنك غربتك ؟
لشوكت تعلگ شمعهم ؟
لشوكت تبـﭼـي دمعهم !
لشوكت حدر المخدة يبات حلمك ؟

__________________________
(زهراء )

غالب ...

جنت عصبي حيييل ردت احجي قاطعتني وحجت ..

- هسه عرفت الغلط من وين عرفت الغلط من يمك مو من يمي لان لثاني مره انته تنخذل من حبك ..
- شدتمضرطين انتي وووولي منا ...

سديت الباب بوجهه ورجعت فتحته ..

- بعدين انتي شلون عرفتي اني وزهراء بينه اشكال ..

- هههه تره سهله مثل ما ازووجت اخوك وكلبت خلقتك هسه هم مكلوبه

- هديللللللل وحق علي اذا ماتمشين من وجهي هسه لاكلبها عليج مناحه ... ووووووووولللللي منا .....

سديت الباب واني معصب وطالعه روحي .. بدون تفكير اصلا اني شعندي باقي هنا .. لميت هدومي بالجنط ونزلت وامي من شافتني بقت تبجي .. وتصيح ..

- يممممه احلفك بداعه زهراء لاترروووح لاتعوووفني والله كلبي مايتحمل .. يمه فاركتك مره وماكدرت لاتروح ..

ماحجيت ولا كلمه اخذت جنطتي خليتها بسيارتي وانطلقت راايح لمكان مااريد اشوف بي اي احد .. خابرت ع عصام ..

عصام:  هلا بالضلع بشر شلونها زهراء ..
- زينه كعدت بشرني لزمت هذا الي دعمها ..
- حددنه موقعه وانشالله نكدر نلزمه ..

- اكلك عصام
- كوول ..
- حسين مو عنده واجب بالرمادي ..
- ااي ليش ..
- سجل اسمي مكانه ..
- للليش ولك شكوو

- ماكو شي بس اني اريد ابعد شويه ..

- شتبعد وووولك وزهراء ..
- سوي الي كتلك عليه عصام بداعه الخوه ولاتسئل ...

- للك مخبل انتتته تريد تروح للموت برجليك هوه حسين ودااسعى حته اخلي واحد ثاني مكانه مو انوب انته تروح ..

- هاهيه لعد اخذلي اجازه مرضيه اسبوع اسبوعين .. يلا مع السلامه .. سديته وغيرت وجهتي ورحت لاربيل ............

قبل 4 سنين ..

كان عمري 24 سنه .. امشي بسيارتي وشفت بنيه حلو سمره بس معانيها كلش حلوه .. واكفه فكلت اوصلها بطريقي وكفت واجتي كالت اريد تذبني فلان مكان ...