قيود الحب

...بارت التاسع والاربعون ...

﷽

-قيود الحب

📌لا تنسون المتابعة والتصويت
والتعليق بين الفقرات+متابعه
الحساب we___sam

*****************************

صحيح الحب يأتي فجأة ولكن لا مانع من البحث عنه"

*****************************

^^^^^^^^^^^^^^^^^
و بعتب وغيره عراقيه ؛

وين تريد ،؟
تمشي وياها إيد بـ إيد !
خلصت الـ عُمُر رمضان وإنتَ تبوگ مني العيد ،؟

______________________
(زهراء)

زهراء ..

بديت اجهز لعرسي .. وامتحاناتي .. وغالب صورلي الشقه بس غوشها كال ..

- مفاجأتج بالعرس .. تره كلش حلوه الشقه ..

مشت الايام .. وبيوم دكـ تلفوني بوقت متأخر حيل .. باوعت لشاشه التلفون واني النعاس بعيني ..

شفتها لمى راح گلبي كلت صاير بيها شي خصوصا بعد الي سوا ازهر ..

رديت بسرعه .. وعرفت هيه دتجيب .. نزلت اركض لامي وابوي .. كتلهم وامي بدلت بسرعه وابوي يخابر ع ازهر ويلكا مغلق .. صعد حاجه حسين وكاله يروح يكله .. واحنه طلعنه لشقه لمى ..

اخذناها ورحنه للمستشفى دخلت لصاله الولاده ..

واحنه بقينه ننتضر وامي تقره قرآن لحته تسهل ولادتها ..

شفنه ازهر اجه وابوي راح بسرعه وبعصبيه .. كاله ..

- هاااا ارتااحيت انوووب جاي لابس قاط من تعرف مرتك شتكوووول بله هاا شتكول ..
- عمي فدوه اروحلك لاتحجي بهذا الموضوع .. كلي لمى شلونها طلعت لو لا ..

ابوي مارد عليه عافه ومشى اجه سئلني .. كلتله بعدهي بصاله الولاده ..

هيه جانت ولادتها سهله لان هواي طلكت نص ساعه وطلعت ..

امي استلمت الطفله وازهر مشى ويه لمى ..

باوعت ع الطفله .. سبحان الخالق لعابه ونايمه شكلها مو مبين كلشي لان بعدهي عمرها دقايق هههه بس مبينه تشبه لمى كلش حلوه تشوقت اشوف لون عيونها ههه ..

مشينه اني وامي وره ازهر ولمى .. والممرضه طلبت من ازهر يروح لان الردهه بس بنات ..

بس هوه كاللها تحولها للجناح الخاص ..

ودخلوها لغرفه وحدها .. جانت هيه نايمه او شبه فاقده الوعي ..

تقربت امي خلت الطفله بين ايدين ازهر .. وكلتها ..

- فدووه دشوف الجمال شوف شكد حلوه شجاك وسويت هيج شي وراح تخرب بيتك بيدك ..

اخذ نفس وهوه يباوع ع الطفله ..

كال .. نجبرت عمه ..
- يمه انته مو بنيه حته تنجبر انته رجال والك كلمتك وفوكاها عندك مره وهاي جابت بنيه قمر مثلها ..