سلامه : شوفي انا هنا عشان شيخه فخلينا مانتجاهل كلامها مبدئيا
رنا : اعرف وموضوع الهروب والانسحاب والجرعات اللي تتهرب كل هذا اعرفه تخيلي ؟ بس انا بعتبر نفسي ماسمعت شيء وشو ماتبين انتي قولي لكن!
سلامه : لكن شو؟
رنا : العلاج بكيفي انا لا جدال لا هواش لا اعتراض
سلامه : انا ماحب اوعد احد بأشياء ما اضمن اسويها
رنا : ما تضمنين تسوينها ولا ماتقدرين عليها واقوى منك؟
سلامه : ماله دخل ترا انا يوم اكون تحت تأثيره ما اضمن شيء
رنا : وماعمره زعجك هالشعور انه يعني تكونين تحت سيطرة شيء ؟ ماتعرفين شو تسوين وقتها؟ مافكرتي مثلا ممكن يطلع الموضوع ع اختك شيخه؟
سلامه تضحك : هه اللي يسمع يقول ما صار؟ شيخه ما اصرت ترا الا لانها شافت الويل
رنا : امرك غريب ترا يعني عارفه وضعك ونتايجه ولا تبين تتعالجين؟ وتهربين من النص؟ شو الموضوع؟
سلامه : الحين مب المفروض تعطيني خطة علاج وتسحبين اجهزتي ومدري شو وانحبس اسبوعين ونخلص؟ ليش هالمعامله كأنه ام وتحليل نفسي وبطيخ
رنا تتنهد : والله حسب معلوماتي امورك مع هالنظام م تمشي ولا عمرك كملتيه اصلا ف ليش نكرر نفس الغلطه
سلامه : انزين شو تبين تسوين؟ خلصيني ؟
رنا : لا بعده بدري على اني اقولك شو بنسوي بالضبط كل اللي اقدر اقوله الحين انه لا بتنحبسين اسبوعين ولا اجهزتك بتنسحب ولا شيء
سلامه : كيف يعني ؟
رنا : يعني ولا شيء ! سيري كملي امورك وحياتك الفكره بس انه لاتاخذين جرعات كثر م تقدرين اسحبي نفسك ايام عديده لين تحسين خلاص بتنفجرين وبتاخذين جرعه تعالي هنا وبعطيك اياها انا بيديني
سلامه مستغربه : شو تقولين انتي ؟
رنا : شفيك؟ تبين اعيد كلامي ؟
سلامه : كيف يعني بتعطينها لي انتي ؟
رنا : مافي احد قوي على الهرمونات اللي قضى سنين عمره يلعب فيها رفعتي الدوبامين لاعلى درجه واعرف زين انه ما بيهدا بإرادتك والكلام الفاضي اللي يقولونه ف اذا بنقطع شيء بنقطعه بالتدريج ولاتحاتين الموضوع ترا قانوني واعالج فيه كثار
سلامه : طيب فكل الاحوال مايهم قلتلك انا هنا عشان شيخه لا اكثر
رنا : اللي تشوفينه ماعندي مشكله
——————-
طلعت من دكتوره رنا مستغربه ماعرف شو هالكلام ولا خطة العلاج هذي اللي مامرت علي وكوني شخص مر على كل الدكاتره ماقد شفت احد يعالج بهالكلام وكوني مدمنة اقدر اقولكم ان هذي اخطر طريقه ممكن الواحد يروح عليها ! تعرفون شو يعني اوقف اخذ ابر لين انفجر ؟ وقتها ممكن اضرب اوفر دوز واروح فيها بدون لا احس حتى !
اما دكتوره رنا مجنونه او اني انا اهلوس ولا سمعت اللي سمعته
في هالوقت اللي كنت اركب فيه سيارتي دقت علي شيخه وقالت : ها شصار معك؟
سلامه : تراها ربيعتك يعني تقنعيني ما قالتلك ؟
شيخه : عن العبط ماتقدر تقولي دام انتي مريضتها الحين حتى ولو اختي في شيء اسمه امانة عممل
سلامه : صح صح العبيها على غيري المهم ربيعتك هذي اشك بوضعها
شيخه : تعالي البيت ونتفاهم يلا طولتي وانتي برا
سلامه : شيخه عندي مشاوير اخلصها والله مب فاضيه تراني
شيخه : تعالي البيت بنتكلم وعقب خلصي مشاويرك براحتك
سلامه تتنهد : انزين يلا
