بعدها بلحظات انمدت لي ايد ما كنت اعرفها ايد مين بالضبط لكن مسكت فيها وقمت وعلى طول على العياده هناك النيرس كانت تضمد جروحي وتعالج اللي تقدر عليه لكن قالتلي : لازم تشوفين مستشفى في جروح تحتاج خياطه وما رحت وهذا كان سبب العلامه اللي رافقتني عند عيني
بعدها رفعت راسي احاول اشوف مين ساعدني الا مزنه اللي قبل سنه بالضبط تهاوشنا انا وياها على اسايمنت اختلفنا فيه وقالت : كيف تحسين ؟
جاوبت : تمام .. شكرا مزنه
مزنه تتجاهل : قومي الادارة تبغاك وانتي داخل المرشدة قالتلي ناديها لي
سلامه : شو تبا ؟
مزنه تلف علي : اكيد عشان المسرحيه اللي صارت
سلامه : استغفرالله ما قلتلها شيء والله
مزنه : ليش انفجرت طيب؟ انتي تعرفينها اصلا ؟
سلامه : ليتني ما كنت اعرفها فشلتني قدام الكل
مزنه : شصار طيب فهميني ؟
سلامه تحكيلها : وبس الا اشوفها تصرخ ولمت علي هذيل الزبايل اللي ضربوا بدون لا يفهمون السالفه حتى
مزنه : اوفر سلامات المهم احكي للمرشده لأن احس الوضع ضدك
-------
تنهدت وانا ماعرف كيف ابتليت بهالسالفه اللي مالها اول ولا تالي الحين كيف ابرر صراخ مها ؟ وكيف بيقتنعون اني اتطمن عليها ؟ وكيف اقول انه كان احد متحرش فيها ؟ انزين يمكن هي ماهي حابه تقول ؟
سكتت عقلي ودخلت عند المرشدة اللي كانت مستقبلتني بصراخ نفسهم وهي تعاتب وتقول : انتي وين تحسبين نفسك ؟ من متى الشذوذ مقبول فمجتمعنا ؟ وليش تتعرضين لبنت وسلامتها
سلامه : ها ؟؟ لحظه لحظه البنت انا ساعدتها من اول ماجات الكليه وانقطعت فتره كانت تعبانه فيها عشان كذا كنت اتطمن عليها
المرشده : الله ع السيناريو الله ويومك مساعدتنها ليش بتصرخ البنت واضح انك مأذتنها
سلامه : ع فكره انا عندي المحادثات وكل شيء قلته مافيه غلط وانا ما كلمتها الا مرتين او ثلاث وكنت اتوقع هي محتاجه حد جنبها ما ع بالي انها ما تبا حد يكلمها ولا ماتكلمت
المرشده : البنت قالت انها صدتك اكثر من مره وتختصر معك الكلام ولا انتي ما تفهمين
سلامه : يا استاذه حطي نفسك مكاني بنت تساعدينها وتعرفينها تعبت واختفت اكيد بتسألين اكثر من مره بس نيتك شينه ؟ لا انتي تبين تتطمنين عليها
