خلصت اسوء يوم فحياتي وسلمت العهده اللي هي مكانس وكم فوطه للعامل وختم لي ع الورقه وبعدها خذتها للمرشده اللي تمنيت انها توقف كلام لكنها كملت ظلم وقالت: یلا عسى يفلح فيك هالمعروف
كان ودي الف وافضح كل شيء بس وين دليلي؟ م عندي ومادري ليش جزء كبير مني متعاطف مع مها اللي حتى ما ندمت على اللي سوته معاي ووقت الوقفه كانت معاي مزنه اللي انا هاوشتها ف يوم من الأيام
ما التفت للمرشده وطلعت من المكتب عشان احصل مزنه مكمله شتايم ف مها والشله والزفته اللي تعرضت لي ف قلتلها: خليهم الحين فيك حيل تطلعين ؟
مزنه : وين ؟
سلامه : نطلع نتغدا وبعدين كافيه نروق هناك وبس
مزنه: يلا
سلامه : مزنه ترا مب لازم تسايريني عشانك زعلانه ع اللي صارلي ها شيء وطلعاتنا شيء ثاني
مزنه : كلي تبن سلامه انا ماعندي شيء الصدق بس مفلسه - تحك راسها
سلامه تضحك : عندي الموضوع امشي بس
---------
طلعنا ومزنه طول الطريق تسبسب وتدعي لدرجة نشف حلقي وانا ماتكلمت لكني ما كنت حولها كل اللي ف بالي ابيات الشعر اللي تقول: ..
اخلاء اذا استغنيت عنهم
واعداء اذا نزل البلاء
يديمون المودة ما رأوني
ويبقى الود ما بقي اللقاء
وان غنيت عن احد قلاني
وعاقبني بما فيه اكتفاء
لحد ما وصلنا للمطعم ونزلنا وخذنا طاوله ع النافذه اللي خلها منظر الشاطئ واخترتها عن عمد عشان الهي نفسي بالمنظر واحاول شوي اوقف افكاري لكن مزنه طبعا ما خلتني وقالت : انتي هي؟ من اول ما طلعنا وانتي تفكرين وين وصلتي ؟
سلامه : والله مب قادره اتخطى اللي صارلي
مزنه : قلتلك خ نلاقيهم برا والله نرنهم رن انا وانتي لين يعضون الارض
سلامه : ويشتكونا صح؟
مزنه : انزين شو تبين تسوين ؟
سلامه : ماعرف يعني ابا اخذ حقي لاه
مزنه : انزين ليش ما تشتكين عليهم ؟ صدق سويلك تقرير طبي دام للحين الجروح والكدمات وقوليلهم تعرضت للضرب
