الطريق كان طويل متعب ومليان هواجيس لكن الاغنيه كانت رفيقتي فهالدرب الطويل :
حبيبتي ما بيدي حيلة لا صرتي الصورة وعيوني البرواز
وشلون أبنسى اتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
اول ما وصلت الدوام دخلت وكنت بين الطائرات اللي تعتبر مكان الاستشفاء الخاص فيني وخلص مهامي وكل شغلي من كثر ماكنت احاول انشغل خلصت كل شغلي ف ٣ ساعات وتميت باقي الوقت احاول الاهي نفسي بالاغاني وشغل غيري حتى !
كنت اطالع فوني ف انتظار كول واحد من شيخه لكنها ولأول مره من يوم عرفتها ماتدق تطمن علي او تشوف انا ويني ؟ الشيء هذا كان صعب خصوص ان شيخه معودتني ع روتين معين لكن للاسف شيخه مادقت!
وانا اقلب فالفون الا يوصلني اشعار من رنا وهي تقول : استأذني من الدوام عندنا شغل نسويه .. استغربت منها شوي يعني معقول وصلت فيها تبا تطلعني من الدوام ؟ شفيها هذي انجنت ؟ لكن استأذنت بما انه ماعندي مهام ثانيه اسويها وطلعت عشان الاقيها تنتظرني
سلامه تقرب من دريشة السياره : شو تبين؟
رنا : السلام عليكم ؟ هاي ؟ كيفك؟ اي شيء ثاني ع طول شو تبين ؟
سلامه : سلام رنا كيفك؟ امريني شو بغيتي ؟
رنا : اركبي طالعين ع مكان
سلامه : وين هالمكان ؟ انا ترا فساعات دوامي رنا ؟
رنا : انتي مخلصه مهامك اصلا ف الاستئذان ما يضرك اركبي
سلامه : انتي كيف تعرفين كل هذا ؟ ممكن تفهميني ؟ باقي تقوليلي كم مره رحت الحمامم اليوم
رنا : ما رحتي
سلامه تستغرب : انتي شعرفك ؟ شو هالغموض كله ؟ خير ان شاءالله ؟
رنا : كم مره لازم اقولك عشان تقتنعين اني اعرف عن الحالات اللي اخذها كل شيء ؟
سلامه : حتى الحممممامم؟؟؟ انتي سايكو يا امي مب دكتوره
رنا : ع فكره ما كنت اعرف بس توقعت يعني - تضحك
سلامه تتنهد : اخلصي علي رنا شو تبين ؟
رنا : ترا قلتيها كم مره وعديتها قلتلك انا دكتوره رنا ما العب معك انا وبعدين لا تنسي فارق السن
سلامه : انزين دكتوره رنا لو سمحتي ممكن تقوليلي شو تبين ؟
رنا : اليوم بنتدرب مع بعض يلا
سلامه : بس انا مابا اتمرن معك ؟ وانا ماروح النادي الوقت هذا عندي جدول
رنا : لحظه من قال ابي رايك؟
