دخلت البيت واذكر الدنيا كلها ع راسي بعد انتظار ساعات فالطريق المقطوع عشان الاقي شيخه تنتظرني فالصاله واذكر انفجرت فوجهها وقلت : هذي الدكتوره اللي تمدحينها لك شهور ؟ وتقنعيني لك كم عشان وحده تخليني فنص الدرب وتروح ؟
شيخه ببرود : شصار عليك متي ؟
سلامه : نعمممممم ؟؟؟ شصار علي؟ انتي بعقلك انتي ؟ اقولك خلتني فنص الدرب وفالليل ؟ وانا توني طايحه ؟ تستهبلين؟
شيخه : لا ما استهبل شو قلتي انتي ؟ عشان تسوي فيك كذا ؟
سلامه : بتستغبين علي شيخه ؟ هالنظام ما ينفع ترا معاي لو تتحسبين بهالطريقه بتلوين ذراعي مع رنا هذي ف انسي والله
شيخه : استهبل واستغبى ليش؟ اكلمك بالمنطق شو سويتي عشان البنت تنزلك من سيارتها !!؟
سلامه : روحي والله كلمي ربيعتك ولعلمك انا والله بعد هاليوم ما بجلس معها ثانيه بعد زياده ولا بقرب ناحيتها
-------
هنا كانت صدمتي اللي ماحسبت حسابها لما طلعت رنا من المطبخ ؟ هذي كيف وصلت هنا ؟ كيف يعني دخلت بيتنا ؟ ووين سيارتها ؟وليش اذا بتجي بيتنا تخليني انا امشي فالشارع وانتظر ساعات كان فيه مليون سؤال ببالي ولا لقيت لهم جواب ... تميت مصدومه دقايق طويله لحد ما قالت رنا : شفيك ؟ انقص لسانك ؟
سلامه تنفجر : لا طبعا ما انقص لساني بس اكدلي مرضكم انتي وربيعتك هذي اللي المفروض اختي
رنا : ع فكره مب احنا اللي غلطانين انتي اللي مسويه من الحبه اوبه قررتي تنزلين ونزلتك شو مزعلك الحين ؟
سلامه : اسلوبك والخرا الحركات اللي تسوينها معي لها داعي ؟ يعني ما تعرفين تعالجين بإحترافيه ؟ ماتعرفين تعالجين نفس العالم ؟
رنا : لا ماعرف وقلتلك ما اشبه ولا دكتور تعالجتي معه
سلامه : الكلام وصلك دامك متخبيه ورا البيبان والمطابخ انا ما بكمل معك ولا بحضر ولا جلسه زياده
شيخه : زين سلامه ع راحتك لكن انا طلع من ايدي ورنا هنا بتبلغ عنك
سلامه : والله بتبيعين اختك ؟ عشان ربيعتك ؟ لا لحظه شو سر هالعلاقه اخاف تطلع حبيبتك !!!!! نهاية المطاف
شيخه تعصب : انا ابيعك ؟؟؟ هذا اللي تجازيني فيه بعد اللي صصار ؟ وبعد كل شيء مريت فيه معك ابيعك؟ الكلام عندك بلا حسبه سلامه ولا تهتمين لمشاعر حد لكن لما يلف الموضوع عليك واحد يهزبك لو شوي تنهارين وتقلبين الدنيا ع راسه لكن كلامي وصلك ما بتكملين علاج الباب يتعذرك ويتعدااااك
