طالعتني رنا بنظرة اللي " ماقلتلك ؟ " وكنت مستغربه ليش كل هالحوارات ؟ واللف والدوران اللي يسونه هي وشيخه ع الفاضي ؟
سكتت وانتظرت الأكل وبديت اكل لكن للحين ماقدرت اشيل عيوني منها رغم كل اساليب النرفزة اللي تطبقها علي هذاا غير نظراتها الجامده اللي ما تبادل حتى شفقه
----
رنا : ماخلصتي خز؟
سلامه : خز شو ؟
رنا : من اول ما جيتي وانتي تسرقين نظرات وخز خلاص ابا اكل ع راحتي لو سمحتي
سلامه : اوي هدي محور الكون تراك مقابلي يعني كيف م اشوفك
رنا : شوفه من شوفه تفرق
سلامه : الله يعين ويصبر بس والله
رنا تضحك : المهم اللي فبالك ما بيصير - تاكل
سلامه تضحك : ياويلي مدركه اللي فبالي بعد ؟ وشو هو اللي ما بيصير
رنا : اني اكون لك نفس ما تفكرين
----
هنا انصدمت من انه كيف واضح علي اني متخرفنه مع اني ما بينت وعلى وضحت بنظراتي اني ذايبه فاللوك اللي هي طالعه فيه وفيها هي بنفسها
لكن تماسكت وضحكت بسخف عشان ما تشوف نفسها ويطيب لها الموضوع فقلت : والله ما تفشلين انك تضحكيني المفروض مهرج مب دكتوره
رنا : يا حياتي الصيحه فالحلق ها ؟ معليه مب اول حد ولا اخر حد بيحس بهالشعور وانك تبيني لكن الشكوى لله عاد
سلامه : والله لو انك مين عشان اكون ميته عليك
رنا تسكت وتاكل : قصدك لو اني مها؟
هنا تجمدت اطرافي هي كيف تعرف عن مها ؟ ومن متى ؟ وايش تعرف بالضبط ؟ اذا شيخه نفسها ما تعرف اسمها فكيف بتعرف رنا ؟
سكتت وقفت الملعقه اللي كنت اكل فيها متجمده ورفعت راسي وانا مستنكره معرفتها فمها ؟ وكيف اصلا تجرأت تجيب طاريها
رنا : شفيك ؟ بلع القطو لسانك ؟
سلامه : كيف تعرفين عن مها ؟
رنا : قلتلك اعرف كل شيء
سلامه : تعديتي حدودك والله وفوق هذا شايفه اني ممكن اباك ف يوم والله لو تموتين
رنا : شدعوه اهدى يا باشا ما قلنا شيء ما تستحملين المزح ؟
سلامه : مزحك هذا تعدا كل الحدود والله وانا للحين محترمه انك دكتورتي ومتحمله لكن تدخلين ف خصوصياتي انسي
