نزلت من دون لا احس ودخلت الغرفة بدون لا اتكلم مع شيخه اللي قدرت اعرف من وجهها ان عندها علم باللي صار لكنها تمثل انها ما تعرف شيء فسويت نفسي ماعرف شيء بعد ولكن اول ما وصلت الغرفة ماعرف وش صار وكأني وصلت اماني
هناك بكيت وبكيت وتميت ابكي ع حالي وعلى اهلي وعلى شيخه لين الصبح لحد مانمت بدون لا احس ولا حتى استوعب الا هو يوم جديد
وشيخه على راسي تصحيني للدوام
شيخه تسحب اللحاف : خيبه خيبه كل هذا نوم ؟ قومي ياعمي وراك دوام
سلامه : باخذ اجازه
شيخه : لا مافي اجازات قومي لان وراك بعدين جلسه مع رنا
سلامه : هذي دكتوره ولا حبيبتي كل شوي وكل ساعه تبا تشوفني
شيخه : اقول بلا اعذار وعياره يلا
سلامه تنش : اوكي يلا تقدميني انتي
شيخه : لا مافيه تقدميني ومدري شو يلا قدامي
-----------
مع اصرار شيخه اللي اعرف انه العن من المنبه مستحيل ترضى ولا توقف الا لما اقوم ف اختصرت على نفسي نبرتها الحاده من الصبح وقمت خذت شور سريع ولبست اليونفورم ونزلت تحت عشان الاقي نفس الفعل متكرر
شيخه ما تسوي الفطور ولا القهوه ولكن بدون حلطمه سويت فطوري وقهوتي وطالعتها وقلت : هذي تعاليم دكتورتك بعد انه ماعاد فيه فطور ؟
شيخه : شدخل رنا المسكينه فالسالفه ؟ انا بس مالي حيل هالكم يوم
سلامه : ليش شو فيك ؟
شيخه : مافهمت لازم فيني شيء؟ مافيني حيل ولا انا اشتغل عندك اطبخلك ؟
سلامه : ول ول تصعيد ؟ ع فكره ماكان قصدي كذا بس استنكرت التغيير اللي صاير وهي عادتنا من يوم صغار
شيخه : تعودي ع السستم الجديد لأن وايد اشياء بتتغير من اليوم ورايح
سلامه : بتعاليم من دكتورتك صح ؟
شيخه : لا بقرار مني انا لأن الدلع اللي تدلعتيه ما جاب لك الا الخراب
سلامه تضحك : وتقيسين الدلع بالفطور ؟
شيخه : هيه ولا ليش م يكون العكس؟ ليش ما انتي اللي تسوين الفطور
سلامه : اقولك اياها ثاني الموضوع مب منو يسوي لكن عاده تعودناها واستغربت انك وقفتي لكن لو كذا ف انا حاضر من بكره انا اسوي الفطور
