معك يا غيم غيثي لو يفنى العمر

البـَارت الرابـِع

.

.

.
<اللهم انك عفوًا فـ اعفوا عنـّا>

مشت غيم متجاهلة غيث وراحت لـ مجلس بيت جدها محمد دقـّت الباب

فتحت الجود الباب:تعالي تعالي فاتس

خلف ابتسم يوم شافها:تراها تسذوب ما فاتس شيء يا عين خالتس

تقدمت تضمهم بقوة هم ريحة امها وهي تحب خوالها حبـّا جمـّا ولا مثل خلف اللي حنون عليها وعمره ما قسى مو معنى ان عقاب قاسي بس تستحي منه

غيم وهي كابحه دموعها:فيكم ريحة الغالية يا خوالي
خلف وهو مكسور حاله عليها ضمـّها لصدره بقوة:الله يرحمها حنـّا فينا ريحتها وانتي فيتس الملامح يا غيـّومه
منال وهي تخفف الجو: يسعد حظش يوم انش تشبهينها
غيم مسحت دموعها وابتسمت:ايه والله يا سعد حظي

عقاب بحنية:شلونتس يا بنتي شلون الدراسة معتس؟
غيم:الحمدالله كل شيء كويس وعلى ما اتمنى
عقاب :ذييبه بنت اختي ايه خليتس تسذا دايم ابي اشوفتس من قمه لـ قمة -ضحك بخفة-تعرفين مامعي بنات وانتي بنتي
الجود تخصـّرت:لا والله؟ وانا
عقاب ضحك بصخب وسحبهم الثنتين:كلكم بناتي
منال ناظرت ابوها:شفت يبه شفت اخوك وهذا وانت موجود عاد كيف لو منت فيه
خلف ضحك :شفت شفت هالله يالدنيا -فتح ذراعه-تعالي تعالي لحضن ابوتس عاد من زين عمتس
عقاب :يالدلوعة تعالي
منال سحبت على ابوها وتوسّطت حضن عمها:كيووت زعلتني وراضيتني بنفس الثانية
خلف بسخرية:سحبتي على ابوتس
منال ضحك:سوري بابا
غيم ناظرتهم:خالو خلف
خلف:يعيون خالتس
غيم:ودي اطلب منك شيء
خلف:ابد تدللي
غيم:حنـّا بنمشي اليوم وابي منال ترجع معي من زمان ما اجتمعنا
خلف:تم
غيم ضمّته:حي عينك يا خال

كملوا سواليفهم وضحكهم على هذا النهج الين ارتفع صوت أذان زايد للفجر

عقاب ناظر البنات: اذن الفجر وعادنا ما انخمدنا
الجود: فدا راسنا ياخال
عقاب ضحك: فدا راسكم يا خاله

قاموا البنات يصلون والعيال اتجهوا لـ مسجد الحلـّة

رجعت غيم لـ بيت الجد عبدالله ودخلت المطبخ شافت جدتها وعمتها:صباح الخير يا عسوليني

ميثاء:صباح النور يحبيبتي
مزنة صغرت عيونها:ما ظنيت انتس نمتي
غيم ضحكت بورطة:لا والله كنت مع خوالي واساسًا منتظرة علم من يوسف
مزنه باستغراب:تلقينه منخمد بالمجلس
غيم بنفي:لا يمه سافر بالليل لنجران عنده مهمة وهو راح مع الطاقم الطبي
ميثاء: الله يحفظهم جميع ويرده لنا سالم غانم
غيم:اللهم امين تبون مساعدة؟
ميثاء:تعرفين تسوين شكشوكة؟
غيم ضحكت:افا عليتس لعبتيي
مزنه:ها غسلي يدينتس وسوّيها جدتس طالب شكشوكة

ضحكت غيم وهي تشوف تصرفات جدتها ما تغيرت وطبعها انها تتقرف من طبخ اي احد ولازم يغسل يده مليون مره راحت غسلت يدها وبدت تتفنن في الشكشوكة وكيف وهي متعلمتها على يد سلوى اللي كان اكلها في قممة اللذاذة