معك يا غيم غيثي لو يفنى العمر

البـَارت الثاني والعشرين

.

.

.

< وآذكر ربك ان نسيت >

< بعد مرور اسبوع >

مافيه احداث تذكر غير انه كل واحد رجع لبيته وحياته القديمه مع تغيرات بسيطه

</>

< بيت سلطان >

دخل عسّاف وشاف ابوه نطق بهدوء بعد ما حب راس ابوه: السلام عليكم يبه
سلطان :حبيت الكعبه يابوك وعليكم السلام هاه بشرني كيف اخر اختبار؟
عساف ضحك: ابد جلدته وجلدني
سلطان ضحك: زين زين
عساف تنحنح: يبه فكّرت باللي قلت لي عليه
سلطان ابتسم: وش ردك يبوي؟
عسّاف بخجل: ابد شورك وهداية اللـ..
سلطان ضحك ونطق بمزح: يابوك كنك بنيّه قل ابيها ولا لا
عسّاف : يبهه شدعووى -ضحك- هاه اجل ايه ابيها متى نحرّك لنجران؟

دخل يوسف ومعه وسن: متى بنحرّك لـ نجران ليه فيه علوم صايرةٍ من وراي؟
وسن رفعت حاجبها: ابد ياخوي كل شوي وهم مساسر *يتكلمون لوحدهم*

سلطان تنحنح: عسّاف يبي يعرس ودبّرت له وحده
يوسف عقد حواجبه: بس يبه من معنا بـ نجران؟
سلطان بحدة: اخت خويك جمال
يوسف بصدمة :جـُمان؟
سلطان: ايه اختك تقول انها بنيه زينه وتناسب عسّاف
يوسف بعصبية: هذا اللي ناقص يختلط الدم مع ذا الخسيس اللي ما ينتخى

قام يشيل مفاتيحه وطلع

عسّاف باستغراب: وش السالفه
سلطان:معليك منه انا بحاكي ابوي وبعدها نشوف متى نروح
عساف: زين
وسن جلست بحماس: الله بيصير عرس مره ثانيه-ضاقت ملامحها- بس
عساف لف عليها: بس وش؟
وسن بضيقه قامت: ولا شيء خلاص بروح انام

سلطان لاحظ زعلها: يبه يا وسن قومي المغرب عشان بنروح لـَم اختس
وسن: ابشر يا دنيتي انت- باست راسه وخده- تمسى عالخير

عساف رفع حاجبه:خير و انا ولد الجيران؟
وسن ضحكت: اوفّر لك بعدين

طلعت الغرفه وفتحت الباب تنهّدت بضيق وانسدحت تناظر السقف ونطقت بهواجيس: شفتي يماما غيم تزوجت وراحت عسّاف بعد بيتزوج وبيروح وانا لوحدي -مسحت دمعتها اللي تمردت- بابا يحياتي مشغول فينا وفي الدوام ويوسف اشوفه يوم ولا يومين وباقي الايام بالدوام

-

<غرفة غيم>

غيم: غيّوث شوي وادق عليك
غيث وهو مشغول بالمكتب: افا وراتس بتسكرين؟
غيم: اول شيء انت معي اربع وعشرين ساعه بالبيت -ضحكت ونطقت بمزح- طفشت منك
غيث يمثّل الزعل: اجل معسلامه-سكّر-

ناظرت الجوال بصدمة :زعّوول بعدين اراضيه-ردّت على اتصال يوسف- ارحبب يا عضيدي
يوسف :ارحبي غيّومه اليوم فاضيه؟
غيم باستغراب: ايوه فاضيه امرني؟
يوسف :ابد بجي اتقهوى عندتس
غيم: طيب حياك ترى ابوي و وسن بيجون اليوم
يوسف: بجيتس الحين تغديتي؟
غيم: لا باقي منتظره غيث