معك يا غيم غيثي لو يفنى العمر

البـَارت السابع والثلاثين

البارت السابع والثلاثين

.

.

.
-

دخلت غيم بعد ما عدّلت نفسها وتحاول تضبط رجفتها من بعد غيث تعطرت ودخلت بطلتها الطاغيه والمـُلفته ألقت السلام على الجميع والتفتت على خواتها وبنات عمتها وخالاتها كلهم واستقبلوا بعض بالاحضان

منال بفرح: افف ما صدقتت خبر انش ترجعيين قبل عرسي
ديم: والله اني صرت اصلي الوتر عشان ادعي لتس
غيم ضحكت: يحبيبي والله الحمدالله اللي انتهى كل شيء
الجـُود: وربي احلاا عرووس صددق الحين احس بطعم انتس زوجة اخوي
غيم ضمتها: يعيووني وقلبيي
هيام وهي صارت هاديه: تستاهلين غيمي كل شيء حلو
ميار: هيّومه ما تعودنا عليتس هاديه تكفين هونيها وتهون
هيام: الله كريم
غيم قامت بجنبها: صدقيني اذا كان خير ربي بيجيبه
هيام بغصه: ابيه بخيره ولا بشرّه

صرخوا البنات مع بعض بإعجاب لاعترافها الصريح
ديم:والله منتي بهينه يا طالبتي
ميار: عاد قبل كم يوم كان نايم في بيتي وسمعته يهوجس بأسمتس
هيام بحب: الله يجعلني عنه
منال ضحكت: اششك انش بنتنا
هيام تخصّرت: هاه حبيبي وبنت مين ان شاء الله؟
وسن صفقت: ايوه هذيي هييام اللي نعرفها
غيم وهي تشوف الشله ناقصه: باقي ثنتين؟
الجود: جمان ماقد نزلت
ديم: وعبير ماجت معنا لان قدها على وجه ولاده عندها ولادة مبكرة
ميار مسكت بطنها بخوف: يارب اتم التسع شهور كلها
غيم انتبهت لكرشتها: وهه حبيبيي وسسوو ياناس سعييله كأنتس بالخامس كذا
ميار: لا والله مير اني ببداية الثامن باقي اسبوع الا انتي شوفي بطنتس عاده مختفي
غيم شهقت وطلعت كرشه بـ الـ يالله توضّح: هذي مختفيه؟
منال ضحكت: حبيبتي عشانش مركزه لاحظتي
غيم: انقلعوا بس الا وسّونه جماني وين؟
وسن: جمان من وقت المضاربه وهي اخلاقها زيروو ولا اعتقد بتنزل
غيم عقدت حواجبها: اي مضاربه؟
وسن بحماس: اجتمعووا ماعلمتكممم
ديم: جووي ذا الحمااس اسلممي
وسن : الله يسلمتس السالفه ومافيها- علمتهم- وجمان من كثر شوقها لـ عسّاف لعنت والد والديها
الجود بضيق: والله عسّاف وليث لهم وحششه
ديم: اييه اقولتس حتى ماهر هاجد ولاهي عن الكل وبس يهوجس
منال: اساسًا استغربت انه مادخل معهم
ميار: قال لي صالح انه ناوي يدخل وكلمته الين اقتنع يختي درجاته عاليه وتدخله طب ولا هندسه

منال: خير سويتي والله -لفّت على ريهام- هيي انتي وين وصلتي
ريهام فزّت من شرودها: معتس معتس
هيام بحمااس: بناات اليوم زوجة هادي بتجي والله انها عسسووله وتنحط عالجرح يبرى
ريهام قامت بكره: امححق
ديم: شبلاها ذي
هيام: مدري عنها تكرهها
وسن: ايه تسولف لي عنها هناء ومره طيوبه كلمتها مره وصووتها حسيته مألوف
غيم: انا بقوم اشوف جمان

يوم قدها بتطلع صنمـَت ونطقت: جناان؟؟
لفّت عليها جنان بفضول وشهقت: غييم
غيم ضمتها بقوه وسحبتها: كيف حالتس وشخبارتس؟
جنان بأسى: بخير بخير ان شاء الله طلعتواا انتو اهل هادي تكفيين جماان وينها؟؟
غيم بوناسة: موجووده فووق تعالي تعالي خلينا نفاجئها