معك يا غيم غيثي لو يفنى العمر

البارت السابع والأربعون

.

.

.

< إحدى غـُرف آل زيد >

ابعدته بقرف: ياخي ابعد
وسّع عيونه بصدمة: ليه ابعد تراك زوجتي
ضحكت ببلاهة: يحبيبي كنت زوجي الحين اخوي
يوسف: يهبله انتي تصدقين العجوز ذي؟
ديم بصدق: اي بالله هذي ماشاء الله راضعه نص اهل الجبل في النماص وما استبعدها
يوسف بقهر: يعني لامنّي صرت زوجتس هالحين ولامنّي صرت اخوتس منزمان وفي كلتا الحالتين محروم منتس
ديم صدّت تمثَل انها تستفرغ: يع كل ما اذكر اني مسويتها مع اخوي يقشعر جسمي
يوسف ضرب راسها: ترى بذبحتس قومي بس خل نطلع
ديم ضحكت: ايه بس تكفى خل حركات الرومانسيـ-ناظرت نظرته الغاضبه واشرت على فمها- والله خلاص بسكت

طلع يوسف بغضب لـ الحلّه وشاف تـَيم يضرب سحـَاب صرخ: الحيين ليشش المطااقق؟؟

سحاب فزّت تركض له وتطيح: خالوو-ضمته تبكي- توف تيم يططني *شوف تـَيم يطقني*
يوسف: قم انقلع عند ابوك
شاهين وفي حضنه عمـّار: وش فيه ذا قالبٍ عالعرب
معاذ ضحك بطنازة: خلـّك منه تخيّل اكون متزوج من سنه وفالنهاية تطلع اختي
غيث ضحك بصوت اعلى وضرب فخذه: اخخخ الله لا يحطّني في مكانه

يوسف بعصبية: حلاات من مزّع العقال بين جنوبكم

دَخل الجـَد زايد بمساعدة من ماهر وهو اللي كبر بالسـّن وحيله انهد ناظر احفاد اخوانه كيف ملتمين حوله وشكر ربي على هالنعمة اللي مازالت
الجد زايد بكبر: الحين انتم وش بلاكم؟
تركي وهو ماسك الضحكة: لابس يوسف زعلان عشان هالمـَره اللي جاتهم وقالت انهم اخوان بالرضاعه
زايد ناظر في يوسف بنقد: وانت عساك صدّقت كلام هالعجيز عشان اعلمك الشغل صح
يوسف: تكفى ياجدي لاتضوقها علَي زياده يكفي الهبله اللي داخل
زايد: لا والله انجنن انت مهبوول انت صاحي؟
يوسف بقهر: جدي زايد ديموه الزفت
صالح: اقول ما الزفت غيرك هنيّا مصختها
يوسف التفت عليه: مثل ماهي لك تراها لي وبعدين ياجدي قايلتن انه راضعه نص اهل الجبل
زايد ضحك بسخرية عليه: كنت اقول اذكى احفاد عبيد الله يرحمه انت طلعت ادلخهم
غيث: ياجدي لحست مخنا كلنا
زايد: العجيز ذي تحسب اللي اعرسوا غيث وديم مير عشانهم اخوان ماتدري انه هالمطفوق
يوسف باستيعاب: يعني الدلخه اللي داخل زوجتي؟
زايد: والله كلكم دلوخ انت على زوجتك
صالح ضحك: عن الغلط ياجد
زايد: وانت اللي عميتهم

-

جالسة بالغرفة وفي حضنها صحن التوت وتاكل بشراهة ضحكت بخفّة: والحين وش بتسوون لكم اسبوع مع بعض
ديم بوهقة: تدرون ابوي نكبني وش قال لي؟
منال: وش قالش؟
ديم: قال دامتس نقلتي وظيفتس هنا قصده بالرياض عيشي معه اسم انه اخوتس ماتفرق افف انا من دريت وانا حايمة تسبدي حتى اني نقلت اغراضه لغرفة الثانية
وسن ضحكت: وليه مو انتي اللي نقلتي
ديم: ولله حبيبتي غرفة نومي ما اقدر افارقها
غيم: مسكين اخوي والله
وعد: يختي عطيني معش شوي
جمان: اذلفي بس
توق بطنازة: مصيبة لما يكونون ثنتين حوامل ويتوحمون على نفس الشيء
ميار صغّرت عيونها: انا مو عارفه شلون صويلح للحين ماسك نفسه ولا جاب عيال
توق ضربتها: اقول انقلعي بس مالنا تسع شهور من تزوجنا الله
الجود: والله اللي ماخذينها فلّه وعياره تالا وجنان
منال: شوفي تالا من يومها مطفوقه وهبله ويحيى العن منها ويوم سافروا مع راكان فـ كملت كنت اعتقد ان جنان عاقله بس بعد مقطع امس غسلت يدّي
غيم غصّت بالمويا وضحكت بصخب: الله يقلعهاا جلطتنني