معك يا غيم غيثي لو يفنى العمر

البارت الواحد والاربعين

.

.

.

<المجلس|بيت سلطان>

قام من النوم يناظر الجوال اللي بجنبه شغلّه يشوف الساعه كم تلفّت حواليه مالقى احد تسحّب بكسل يطلع يلاقيهم مجتمعين عالفطور

راكان بنعاس: صبحكّم الله بالخير
الجد عبدالله: صبّحك الله بالنور
سلطان: تعال وانا خالك افطر معنا
راكان: مالي نفس يبه هيام صاحيه؟
منيف هز راسه: ايه

دخل البيت وقَف عند الباب: ياا ولدد

طلعت له وسن: هلا راكان وشتبي؟
راكان: وسّونه تكفين نادي هيام
وسن: والله هيام بالحوش الخلفي رح ما قبلك احد
راكان: طيب شلونتس انتي؟
وسن بغيض: بخير بس انهم مصحيني بدري
راكان ضحك: يلا معليه تكبرين وتاكلين غيرها

طلع للحوش الخلفي وشافها جالسه ومتغطيه بالبطانيه تقدم وحاوطها يجلس خلفها وحط راسه على كتفها: هيّومي لا تزوجتي ببقى لوحدي يرضيتس؟

استكنت لثواني وبدت ترجف بقوّه وهي ثابته في مكانها
استغرب من سمع شهقاتها لفّها: وشفيـ..-وسّع عيونه بصدمه-جـ.. جنان؟
جنان بكت زياده ونطقت بفك راجف ترمي الجوال عليه: تكفى قوول كذب تكففى
راكان يحسبها تقصد اللي حصل بينهم ونطق يطمنها: اسف والله حقتس علَي اللي تبينه اطلبيه وابشـ..
جنان هزّت راسها بتكرار: لا لاا اميي -آشرت عالجوال-
راكان رفع الجوال وانصعق من اللي شافه وناظرها: من ذي؟
جنان :امـ.. امـي-تناظره بترجي- تكفى قول انها ما ماتت ارجووك
راكان ماعرف وش يسوي اللي شافه صاعقه بالنسبه له طلع ينادي هيام: بسرعه روحي لـ جنان ورا بالحوش
هيام بعبط: همم وش تسوي معهاا
راكان بعصبية: هياام محدٍ فاضي لتتس اذلفيي شوفيهاا

ما امداه يتوسّط جهة الرجال الا سمع صرخه وسن وطلع بسرعه لـ جهة الصرخه ولحقوه يوسف و سلطان
راكان بحكم انه وصل قبلهم صرخ: وسسسن وشش فيييه
وسن طلعت وهي تبكي بقوّه: راكـ.. راكـ... راكاااان
راكان تقدم يضمها: اهدي ووانا اخوك اهدي
وسن وهي تزيد: جمـااان يارااكان اخذووهاا اخذووها
يوسف وسلطان: منههو اخذهاا
وسن مو قادره توصف من الخوف راحت لابوها: بابا لاا يسوون فيها شييء بالله
راكان وكأنه فهم تقدم لـ وسن: وسن اسمعيني خليتس معي منهو اخذها
وسن ناظرت بعيون باكية ولانت ملامحها زياده: لا يسوون لها شيء
يوسف مسك ذراعينها: وسن حبيبي اهدأي وعلمينا
سلطان بتدقيق: اخوها!؟
وسن هزّت راسها ورجعت تحشره في حضن يوسف وتبكي: هم هددوهاا
راكان وضعت النقاط عالأحرف وفهم القضيه :ياخالي شيلوا اختها وتعالو المجلس عندي لكم شيء
يوسف: ماعد به مجلس خل نطلع ندوّر لـ جمان

رد بخوف وقلق: وشفيهاا جمااان وييين هيي؟؟؟

التفتوا بصدمة على جهة الصوت سلوى طلعت على اصوات صراخهم وبكاء وسن وعندهم تحت جنان منهاره والبنات يهدونها نطقت: احد يفهمني وش فيه؟ وشفيهم جنان وجمان وسن ليه تبكين