معك يا غيم غيثي لو يفنى العمر

البـَارت السـّادس

البارت السادس

.

.

.
< سبحان الله ،سبحان ربي العظيم >

< نجران | بيت خوي يوسف >

اخذت نفس ودخلت هذي اول مره تلبّي عزيمة عند ناس ما تعرفهم وبدون امها

ام جمال:ياهلا اسفرت وانورت
غيم :هلابتس -سلّمت عليها-
ام جمال وهي منبهرة من شكلها: حياك تفضلي

دخلتها المجلس وكان فيه مجموعة بسيطة من الحريم وكلهم اهل يعني عمّات وخالات جمال خوي يوسف
ام جمال:هذولي بناتي جنان و جـُمان
غيم ابتسم بهدوء: ماشاء الله الله يحفظهم لتس

عمة جمال:ماشاء الله انتي زوجة يوسف؟
غيم توسّعت عيونها:لا انا اخته
عمـّة جمال بنقد : وجيتي من عنده بذا المنظر

جـُمان بربكة: تعالي نجلس برا الجو حلو

قامت غيم وهي ما ارتاحت لـ عمته
جـُمان:اعتذر لك عمتي ذي ملسونه شوي امسحيها بوجهي
غيم : حصل خير وجهتس ابيض
جـُمان وهي عجبتها لهجتها: من وين انتي لهجتك حلوه
غيم ابتسمت: من نجد العذيه تحديدًا الرياض
جـُمان:ماشااء الله -ضحكت بخفه- اسولف معك ولا اعرف اسمك
غيم: غيـٓم اسمي غيـٓم
جـُمان:ماشاء الله اسم وجمال واخلاق
غيم بخجل:حياتي والله تدرسين؟؟
جـُمان بأسى: للأسف المفروض انّي اخر سنة ثانوي
غيم بفضول: ليه؟
جـُمان ابتسمت بهدوء:بقولك لاني احس ارتحت لك
غيم مسكت يدها:ما بتندمين
جـُمان: انا ابوي توفّى بداية السنة لكن قبل تبدا الدراسة وشفتي عمتي اللي تكلّمت عليك هي حاقدة علينا
غيم:بسبب؟
جـُمان:تقول ان حنـّا سبب وفاة ابوي وحرشـّت اعمامي -اخذت نفس- واعمامي طبعهم صعب وقاسي وسحبونا من دراستنا و جنـَان محد قدر عليها لأنها ملـّكت قبل وفاة ابوي على صديق جمال

غيم بكره:انا قلت وجهها مو وجه خير ذي-مسحت على يدها-عظّم الله اجركم حبيبتي والله يسكنه جناته
جـُمان ببرود:امين -ناظرتها-حكّيني عنك

غيم عشان تغير مودها: انا يا طويلة العمر والسلامة ادرس ديكور داخلي وعمري٢٣ امي توفّت قبل سنه ونص وباقي اتعايش مع الامر بصعووبة بس ييسرها الله باقي عندي اخ في عمرتس و اختي الصغيره اسمها وسن بـ ثالث متوسط

جـُمان:متحمسه اتعرف عليها ..عندك سناب؟
غيم حمدت ربها انها جت منها لان ما كان تبي تحرجها:ايوه عندي
جـُمان:بأعطيك سنابي -ضحكت بخفة- هو سناب جنان بس تعطيني جوالها وادخل سنابي-همست لها-محد يدري عنه ولا  والله ان يذبحوني
غيم ضحكت بنفس الهمس:ولا راح يدرون عنه -جاها اتصال من توق- بكلم صديقتي شوي
جـُمان: تعالي ادخلي المجلس عشان لو جاء احد ما يصدفك

-

< خـَط الشرقية >

لمح السماء اللي المتراكة من الغيوم لدرجة خلّت السماء فاتحه و قطرات المطر اللي بدت تشتد على زجاج السيارة
غيث ابتسم: بيننا اكثر من ألف كيلو لكن كيف للقـَلب ينساتس وانتي قدام عيني دايـِم؟