الحلقة ...12
وصلني مسج عماد إنه برا لبست عبايتي ووشاحي في الجنان وطلعت رجليا مش حامليني من الخوف...
وأول مافتحت بابا سيارة عماد حطيت شنطتي وكيف بنركب تلفتت لقيت سيارة فؤاد ورايّ وفؤاد مقعمز فيها قعد يشبحلي مصدوم 💔
فؤاد بأعلى صوته : مروووووووة
مروة :ركبت للسيارة بسرعه وقلت لعماد أطلع بسرعة وقعدت نرعش مع بعضي من الخوف 😭 وطلعناا بس الصدمه ان فؤاد مالحقناش بكل 💔 مع انه شافني وعرف سيارة عماد وماحاولش يمنعني إن نركب 💔
......
مروة : هيااااا عماد اجري ارفعني لمكاااااان بعيد 😭😭خايفه اكيد تو يقتلني ..
عماد : خلاص حبيبي اهديّ اهو بنرفعك للإستراحة مستحيل يلقانا فيها ..
.. ومن هنا بدت معاناتي وتغيرت حياتي كلياً💔
.....
عند فؤاد قعدت في السيارة مصدووم من اللي شفته هل انا نحلم والا واقع اللي صار كذبت عيوني💔 ..فتحت باب السيارة ونزلت رجليا مش حامليني خشيت للحوش وعندي أمل ان مروة تطلعلي ويكون اللي شفته خيال 💔
سارة : فؤاد خيرك شن جابك توا 😱 اطلع اطلع الحوش معبيّ
فؤاد : ناديلي مروة !!
سارة : مش كانت معاك توا ؟؟مصرع استاحشتها😂
فؤاد : وراااس امك خشيّ ناديها خلاص😔 ..(( قعمز على ركابه معاش قدر يوقف وطبس راسه ))
سارة : 😱😱😱شن في خيرك
فؤاد بصوت هادي : بررررررري ناااااديها سارة ...
سارة خشت تجري قعدت تلود في الحوش اتدور فيا
مني : خيرك سروو شن تبيها اختك
سارة : يبيها فؤاد ياماما مقعمزلي في الجنان 😟😟
مني : بكري شوية قالت بنطلع لفؤاد جايني ...وينها هادي تبي الناس يشوفوه ..
سارة : مش عارفة وين مشت انا اختفت فجأة ..
هند : اتدوري في مروة .. طلعت لفؤاد من بكري رااه
سارة : هوا فؤاد اللي يبيها أصلا ..
وقعدوا يدوروا مافيش ولاأثر لمروة 💔💔
.....
.....
عند فؤاد قعدت انراجي فيها تطلعلي ويكون اللي شفته وهم بس مافيش فائدة سارة خشت معاش طلعت ....قدمت وقعدت نطقطق على باب المطبخ وانادي مرووووة حسيت أبواب الدنيا كلها تسكرت في وجهي 💔
....
مني ترعش : خيرك ياوليدي عيب عليك عندنا ضيوف تو شوية وتجيك ..
...
فؤاد : عيونه تعبو دموع وبصوت هادي وينها ياااعمتي هيااااا وينها بالله عليك وينهااا 💔💔.
سمعهم بابا خش يجري ..
أحمد : خيركم صوتكم طالع ... شن في يافؤاد خيرك تبكي ؟؟؟
.....
فؤاد : نبي مروة ياخالي نبيها وينها 💔
أحمد : خيرك ياولدي اليوم بتقرا فاتحتك وغدوة بتروح معاك شن صارلك ..
فؤاد : مروة هررررربت ياخالي هررررربت هرررربت مع عماد ..
أحمد : .......😨😨
___________________________
مروة : مزال ماوصلناش 😟💔تعبت من الطريق
عماد : خلاص اهو نوقف نأخذ غدي ونمشو قريب نوصلو ..
مروة : لالالالا بالله عليك حبيبي حطني وبعدين اطلع 💔تعبت انا
عماد : حاضر ياكبيدتي انتي تؤمري وشدلي ايدي
مروة مزال قلبي يدقّ بطريقة غريبة وايديا قاعدين يرعشوا .. شن درت في روحي وكيف بنعيش توا من جهة فرحانه لأني مع حب حياتي عماد ومن جهة تانيه واجعني فؤاد وعيلتي كيف بيلغوا العرس توا💔💔شن بيصير فيهم 💔
وصلنا للإستراحة كانا بعيدة هلبا في مكان شبه خالي بين الحوايز فتح عماد الباب وخشش السيارة ..
الأستراحة حلوة وكبيرة هلباا وفيها هلبا تفاصيل 💔💔
عماد : نورتيني ياحبي...
مروة ابتسمتله : وأخيرا انا وياك في مكان واحد❤
عماد : انا لتوا قاعد مصدوم وخايف يطلع حلم ..
مروة قدمّت شديتله ايديه : .. انحبك
عماد : باسني من خديّ❤ ... مريوتي سكري بابا الإستراحة عليك وردي بالك تفتحي لحد انا نفتح بالمفتاح ..
مروة : باهي بنطلع نتفرج ع الاستراحة برا .. وماتعطلش عليا 💔
عماد : جايك طيران هوا نقدر نعطل على حبي ..المهم خليك في الدار مسكرة على روحك لين انجي انا ونطلعوا مع بعض ..
..
طلع عماد وانا قعمزت في الدار وشديت تليفوني ..
..
أول شي شفته لقيت مؤيد باعتلي من الصبح بكري فيديو ومسج كاتب فيه .. بيمين الا ما يقطعك تقطيع وتي روحك ياكبيدته 😂فتحت الفيديو ع طول ..
مصوّرين برومو لفؤاد وهوا يرقص مع الفرقة وفترة تجهيزات العرس كيف يوتي وفرحان يجري وينقز بشكل هستيري الضحكة في عيونه ..مركبين عليه أغنيه كان تكون نصيبي نعزم كل الشعب الليبي و كاتبين على الفيديو .((لما تتزوج البنت اللي تحبها )) 💔💔.
تفرجت تفرجت بعدين معاش قدرت نتحمل سكرت تليفوني ومسحت دموعي واتكيت في مكاني على طول خذاني النوم لإني تعبااانه 💔
_____________________________________
أحمد : شن اتقول يافؤاد 😨😨برّي يامني نادي بنتك 💔..
مني : مروة مش في الحوش💔
فؤاد : شفتها بعيوني كيف ركبت معاه ناديت عليها ماردتش عليّا 💔💔 كذّبت عيوني وجيت بنتأكد لاكن هذا الواقع مشت معاه 💔 "حاولت قدّ مانقدر إني مانبينش ضعفي لحد "
أحمد : لالالالالا مروة ماتدريهاش حوّلو بنتي أكيدة في الحوش وخش يصيح وينادي يا مرووووووة وماما تجري وراه تهدي فيه العيلة كلهم حاضرين ومش فاهمين شن صار 💔 طلع بابا ورجع جنب فؤاد لقاه مقعمز وحاط يديه على راسه منهار ويبكي 😢😢
أحمد : كيف شفتها ومامنعتهاش كيف خليتها تمشي معااه علاش مالحقتهمش علاااش ..
فؤاد : ولاكلمة ..دموع ينزلو بس " ماوعرها دمعت الراجل "
أحمد : نوض معاي والله الاما نجيبها نقتلها قدام عينك توا حشمتني دارتلي العاار 😡😡
...
فؤاد شد بابا من ايده : لو كان خاطفها والا غاصبها على المشي معاه كنت خذيتها منه بالقوة ولحقته وجبتها وحميتها منه وحطيتها في عيوني لاكن .. مروة مشت معاه بإرادتها ياخال بإرادتها شفتها بعيوني رافعة شناطيها ..
أحمد : والله الاما نقتلها وهوا توا بنمشي نشكي فيه .. فؤاد :وحتي لو دورتهم مستحيل تلقاهم أكيد باعدو ولو شكيت فيه بتزيد تفضح بنتك واتزيد الدوة عليك.
بابا تلفت لفؤاد وقعد يشبحلة 😔...
فؤاد : خليها ياخال مش تبيه خليها تعيش معاه مش حتربح صدقني 💔
بابا تغمر فؤاد بقوة وقعد يبكي بصوت عالي : سااامحني ياولدي سااااامحني 💔😭
.....
....
فاتت عليهم ساعات ماتوديها حتي لعدوك ..مني صاخت وبدو النساوين يعيطوا ووصل الخبر لعميمة جت تجري ..
..
خشت تصبر في ماما وبعدين طلعت لقت فؤاد وبابا بروحهم في الجنان مش قادرين يقابلو حد من العيلة💔
خديجة : وسّع بالك يااوخيي اللي صار صار توا رد بالك انت على روحك 😢
بابا :هدتلي حيلي ياوخيتي هدتلي حيلي حشمتني معاكم قعمز وشد راسه بيديه وقعد يبكي بصوت 💔
....
خديجة : ماتقولش هكي 😢مروة بنتي حتى اني ربيتها الله يسامحها توا وخلاص..
فؤاد : أنا طالع ..
خديجة : اقعد اهنا وين ماشي .. شن بيصير في الفاتحة ..
فؤاد : مش عارف!!
أحمد : خلاص الدوة تو تطلع واللي يجي نعتذروا منه وانقولو التغي وخلاص..
خديجة : لاكن الدوة بتزيد علينا ومعاش تقدر تقابل الناس خلينا نلمو الموضوع ونزوجو فؤاد وسارة ونكملو العرس من يندري من البرانيه العروسة سارة والا مروة 💔
....
أحمد : كان فؤاد موافق انا ماعنديش مشكلة..
..
فؤاد : 😱😱كيف كيف شن اتقولو انتم انا أخر شي يهمني كلااام الناس .. لالالا مستحيل نتزوج سارة ..
..
خديجة شدت فؤاد على جنب : ياوليدي مش على خاطرك على خاطر خالك !! الناس شن بيقولو عليه خوي مايتحملش لو سمع كلمة هكي والا هكي ينجلط والله سارة ماليهاش ذنب في اللي صار تلبس فيلو اختها وتروح معاك ونسكروا الموضوع !!
...
فؤاد : ولأن سارة ماليهاش ذنب هذا باش مانبيش نظلمها معاي 💔💔 خلاص ديروا اللي تبوه المهم ماتحلميش اني ندخل عليها 💔💔
....
مشت وقالت لبابا ان فؤاد وافق وتم الموضوع خشت عميمة للحوش وقالت لماما ..
عند سارة سمعتهم يتكلموا ويقولو سارة ماسارة ماصدقتش لين نادتني وقالتلي وتي روحك العشية بيقروا فاتحتك على فؤاد 💔💔 وقعدت انعيط بأعلى صوتي : أنا شن ذنبي 😭😭😭علاش انا علاااااش 😭لالالا مانبيش ياماما بالله عليك مانبيش نتزوج 😭😭😭..قعدوا ماما وعميمة يصبروا فيا ودخلوني للدار قعدنا بروحنا وقعدوا يحكوا معاي بهدوء ان لو ماصارش هكي سيرتي حتكون في كل مكان لان أختي هربت وحتى طلوع معاش نقدر نطلع ولا نقرا ولا شي الناس مش حيخلوني في حالي 💔وبابا مش حيتحمل الكلام هذا ومرات يصير فيه شي لاسمح الله 💔... هزيت راسي بالموافقه وانا نبكي ونشهق مش قادرة نستوعب اللي صار كل شي صار بسرعة غريبة .. خايفه من اللي جاي وخايفة من فؤاد ..كيف بيعاملني .. مستحيل ينسي اللي داراته مرووة الله قداش كان يحبها💔💔الله لايسامحك يامروة عاللي درتيه 💔
....
عماد : هي نوضي حبيبي وتيت الطاولة بنتغدو ❤
مروة : فتحت عيوني بشوية .. سامحني رقدت من غير مانحس بروحي💔
.....
....
........
... يتبع ...
...
